رواية يومياتي الفصل الثالث عشر 13 بقلم ألاء عاطف

رواية يومياتي الحزء الثالث عشر

رواية يومياتي البارت الثالث عشر

رواية يومياتي الحلقة الثالثة عشر

محستش بحاجة غير الدنيا اسودت ومعتش شايفة حاجة واغمى عليا…
بعد شوية فى قصر قاسم
اااه ااه يادماغى هو فى اي اي ده هو انا فين
قاسم : حمدالله على السلامه انسة سلمى
سلمى: اي ده انت مين وانا فين ؟؟
قاسم: اعرفك بنفسي انا قاسم انا صاحب منظمة ألفا (alfa) انا اللى أسستها يعنى انا اللى حضرتك بتدورى عليه
سلمى : ايييه !! طب وانا بعمل اي هنا انت عاوز منى اي ؟؟؟
قاسم: لا ولا حاجة بس عاوز مفتاح السر مفتاح الخزنة يا آنسة سلمى وانا عارف انه معاكى
سلمى: لا وواثق من نفسك واي اللى مخليك واثق انى هسمع كلامك
قاسم : ببساطة عشان روحك فى ايدى
سلمى ب استغراب: روحى ف ايدك ؟؟ روحى ف ايدك ازاي
قاسم مسك ريموت ووجهه عند الشاشة
بصي ناحية الشاشة وانتى هتعرفى يا سلمى
بصيت ناحية الشاشة وعندها اتصدمت اي ده….
شوفت ياسمين اختى مربوطة على السرير ب سلاسل حديد كنت شايفاها شايفاها بتصرخ قدامى وبتتألم ومكونتش عارفة اعملها حاجة نزلت دموعى وانفعلت
سلمى: كفاية كفاية بقا هى بتصرخ ليه
قاسم : لسة برده مصرة انك مش عاوزة تفتحيلى الخزنة
سلمى: خلاص خلاص هفتحها بس كفاية كفاية متعذبهاش اكتر من كده
قاسم: تمام… يا سليم يا يحيى وقفو الصدمات…..
خلاص خليتهم يوقفو الصدمات اهو
الحمدلله ان الصدمات دى وقفت مكونتش عارفة افرح ان ياسمين عايشة ولا ازعل انها بتتعذب وانا مش قادرة اعمل حاجة غير انى استسلم للأمر الواقع واوافق انى افتح الخزنة واخسر معركتى واخيب ظن ياسمين
قاسم : بالمناسبة انتى هتفتحى الخزنة بس مش دلوقتي هتفتحيها بالليل عشان تبقى الفرحة اتنين
سلمى :ليه بالليل يعنى
قاسم : عشان النهاردة فرحى والعروسة انتى تعرفيها كويس اوى
العروسةدى .. تبقى اختك ياسمين
سلمى ب اندهاش: نعم!! انت مجنون تتجوزها ازاي وهى متجوزة اصلا
قاسم: ل هو إنت متعرفيش مش احمد اصلا بيشتغل معانا طلقها من زمان اوى اول ما أمرتو انه يطلقها طلقها علطول وطبعا اخد التمن اللى طلبه وطبعا هو اللى طلع عليها الإشاعات وده اللى سهل شغلى ومخلاش حد يدور ورايا
سلمى: الحقير الندل انا اختى متتقدرش ب اي تمن
قاسم : دى حقيقة وهو ميستاهلش ياسمين …طبعا هو سافر وساب ولاده مع امه واتجوز دلوقتي واخر روقان حمار اوى اوى احمد ده
بصراحة انا عرفت ليه كارم كانت كل امنياتيه بس انه يتجوزها بس هي تستاهل فعلا انها تكون مراتى
سلمى: وانت شايف انك تستاهل تتجوزها وانت بتعذبها العذاب ده كله
قاسم : انا مش فاضي لكلامك ورايا تجهيزات منا النهاردة فرحى بقاا وهيحضر الحفلة دى شخصيات مهمة ولازم اكون بكامل اناقتى واه صح البسى الفستان اللى فى الدولاب واجهزى انتى برده اخت العروسة مش كده يلا باي ….. ومشى وقفل الباب وراه
انا كنت مستغربة من اللى بيحصل حواليا إيكسايل طلع جاسوس وياسمين عايشة واي كمان احمد طلع خاين و ياسلام قاسم ناوى يتجوز ياسمين النهاردة هو فى اي يا ترى لسة فى مفاجات النهاردة
بالليل…
اي جهزتى يا انسة سلمى
سلمى: اه خلصت اهو مهو كل حاجة النهاردة غصب عنى انا والله مش عاوزة احضر الفرح ده وعاوزة اوقفه بس مش ب ايدى خايفة يئذى ياسمين
المساعدة : يلا يا انسة سلمى هظبط لك الفستان والطرحة
سلمى: اوف ياربى
بعد شوية خلصنا ونزلت القاعة الرئيسية اللى كان فيها الفرح كان فعلا فرح كبير اوى والمعازيم ناس مهمين فى البلد وانا عارفاهم بحكم شغلى ف شركة بابا
نزلت ياسمين بصراحة لما شوفتها ب فستان الفرح كنت مبسوطة اوى وكنت فرحانة كان اول مرة اشوفها عينى دمعت كانت جميلة اوى كأنها اميرة روحت عشان اقف جنيها وانا مش عارفه ازعل عليها ولا افرح
سلمى: وحشتينى اوى اوى اي الغيبة الطويلة دى 💔💔
ياسمين: انا اسفة بس انتى مين ؟؟
نزلت الجملة دى عليا زى ما يكون حد خلع قلبى من مكانه بقيت من غير روح حرفيا 💔
سلمى:انتى مش فاكرانى معقول 💔
ياسمين: انتى تعرفينى ؟ انا مش فاكرة حاجة بس قاسم قالى كل حاجة وانه خطيبى وانا بحبه وتصرفاته معايا كانت كويسة جدا ف صدقت فى الاول بس حاسة بحاجة غريبة برده
قولت ف نفسي انتى لسة زي ما انتى ذكية ولماحة بس للاسف مش هعرف اقولك حاجة اقولك ان قاسم ده اللى بتقولى تصرفاته حلوة هو السبب ف كل اللى انتى فيه وانه كان بيعذبك لحد ما فقدتى الذاكرة
ياسمين: مالك سرحتى ف اي انتى تعرفينى
سلمى: معرفة من زمان اوى تقدرى تقولى انك اختى
ياسمين: بجد طب الحمدلله ان عندى اخت عسولة زيك
كانت واحشانى اوى اوى كنت عاوزة اخدها فحضنى بس مكونتش عارفة💔💔
ياسمين: حاساكى متضايقة مالك؟؟
سلمى: فى حاجة ف بالى لازم اعملها بس ف نفس الوقت انا مجبرة على انى اعمل حاجة تانية
ياسمين:عاوزة نصيحتى ؟
سلمى: يريت انا فعلا محتاجة نصيحتك اوى ومحتاجاكى جنبى💔
ياسمين: انا مش عارفة بس حاسة انك قريبة منى اوى نصيحتى ليكى امشي ورا قلبك ومتصدقيش كل اللى بيتقال
سلمى: انا ارتحت بعد ما سمعت الكلمتين دول
المساعدة: ياسمين هانم ياسمين هانم يلا بسرعة عشان التصوير
ياسمين: معلش انا مضطرة امشي دلوقتي نتقابل تانى بعد التصوير
ومشت ياسمين.. كنت بفكر هعمل اي لحد ما اجى واحد من اللى شغالين ف الحفلة او بالاصح جرسون يعنى
الجرسون : تشربى حاجة يا انسة
سلمى: لا شكرا مش عاوزة حاجة بس ثوانى انا حاسة انى شوفت الجرسون ده قبل كده لما دققت شوية ف ملامحه عرفته اي ده ياسين!! انت بتعمل اي هنا
ياسين: الله يخرب بيتك وطى صوتك هنتفضح
سلمى: انت عرفت منين انى هنا
ياسين: إيكسايل قالنا على كل حاجة قاسم كان بيهددو ب اخواته
سلمى: طب واحنا هنعمل اي دلوقتى ؟؟
ياسين : كل حاجة جاهزة وحسام هيبدا الهجوم ف الوقت المناسب
بس احنا عاوزينك تأمنى ياسمين
سلمى: اكيد بس امتى
ياسين بص فى ساعته : فاضل بالظبط كام دقيقة ويبدأ التنفيذ انا همشي عشان محدش يشك فينا خلى بالك من نفسك
انا روحت ووقفت جنب ياسمين وبعد شوية حصل حريق والناس كلها كانت عمالة تخبط فى بعض والنور قطع كل الناس اللى فى الحفلة هربو من منظر النار
سلمى: يلا يا ياسمين لازم نمشي من هنا
ياسمين: انا مش فاهمة حاجة اي اللى بيحصل
سلمى: اهدى اهدى يلا بس
اقفى عندك رايحة فين محدش هيمشي من هنا قبل ما اتجوز ياسمين
سلمى: مش كفاية بقا انت خلاص خسرت يا قاسم
قاسم : لا عمركو ما هتفوزو …وخرج مس.دسه
سلمى: انت هتعمل اي ؟
قاسم : انتى السبب ف كل ده ولازم تموتى وجهز المس.دس عشان يطلق النار ولسة هيطلق
ساعتها انا خبيت ياسمين وراء ضهرى عشان ميحصلهاش حاجة
سلمى : اض.رب مستنى اي انا مش خايفة منك
حسام و إيكسايل فى صوت واحد : اقف عندك يا قاسم
قاسم: لا دى كده كملت بقاا انت جيت يا حسام لا وكمان معاك إيكسايل
إيكسايل : مش قولتلك مش هتكسب مهما عملت طبعا انت مفكر انك كنت بتلعب بيا بس انا اللى لعبت بيك واللى متعرفوش ان حسام كان معايا لحظة بلحظة من يوم ما خطفت اخواتى وحاولت تستغلهم لصالحك وكنا بنمثل علطول اننا بنتخانق وبنكره بعض وجهزنا الخطة اللى بيها قدرنا نفوز باللعبة
حسام: احب اقولك انك غبي يا قاسم ومفكر نفسك احسن واحد ف الدنيا بس دلوقتي انت انتهيت انتهيت يا قاسم
قاسم: برافو قدرتو تلعبو عليا بس انا مش هضيع لوحدى انا برده معايا ةرق ضدك
إيكسايل ضحك ضحكة عالية: ودى تفوتنى انا استخدمت نظامى وهكرتلك كل أجهزة الكومبيوتر اللى عندك فى القصر والشركات وكله ده غير ان كل الورق اللى معاك فى القصر هيتفحم فى الحريق واللى برة القصر فريقنا قدر يوصله وكل الورق والمستندات خلاص بقو معانا
قاسم : يبقى خلاص معادش فارق معايا حاجة وراح ضارب طل.قات عشوائية من مس.دسه واحدة منها اصابت إيكسايل فى دراعه
حسام ضرب طل.قة ف رجل قاسم ىاح واقع على الأرض
حسام بصوت عالى : يا ياسين يا سمير تعالو خدو إيكسايل من هنا
يلا اما بالنسبة لك ف انت شغلتى النهاردة يا قاسم هعرفك قيمتك وبدأ يضرب فى قاسم لحد ما فقد وعييه
سلمى: كفاية بقا شكله مات
حسام: انا عارف انا بضرب ازاي محصلوش حاجة اغمى عليه بس
يلا نمشي من هنا بسرعة المكان بيتحرق
سلمى: طيب خد ياسمين الاول
حسام: طيب ورايا وتعالى بسرعة وشال ياسمين وطلع بيها وانا طلعت جبت الخزنة ولسة هطلع النار سدت الباب
سلمى: الحقونى الحقونى انا جوة حد يلحقني اااااااه وقع حاجة من السقف وبعدها…..