رواية يومياتي الفصل الرابع عشر 14 بقلم ألاء عاطف

رواية يومياتي الحزء الرابع عشر

رواية يومياتي البارت الرابع عشر

رواية يومياتي الحلقة الرابعة عشر

وقع جزء من السقف … اااه اااه الحقونى وبعدين اغمى عليا
فوقت وفتحت عينى لقيت نفسي ف المستشفى
سلمى بصوت متقطع: اي ده انا فين… بصيت ولقيت الكل بيبصولى
حمدالله على السلامه يا سلمى
سلمى: الله يسلمكو هو اي اللى حصل
حسام : مفيش انتى اتحبستى جو فى النار والبوابة كانت مقفولة بسبب النار ومعرفناش ندخلك
إيكسايل : بعدين سالنا قاسم عن الباب السرى بتاعه اللى هو بتاع الطوارئ ودخلنا منه وعرفنا نطلعك وكان مغمى عليكى بعد ما شوفتى النجفة الكبيرة اللى كانت فى السقف وقعت
ريهام: وطلعوكى واسعفتك انا وريم
ريم : وأسما فضلت تهوى عليكى لحد ما الأكسجين اجا من المستشفى لانك كنتى متعرضة لحالة اختناق
أسما: والحمدلله وصلت العربية بسرعة مع ياسين
ياسين: وكنت انا مسؤول عن تأمينكم طول الفترة دى ولما لقيت الموضوع محتاج إسعاف ركبت العربية بسرعة ومشيت لاقرب مكان فيه شبكة وخليت عربية الاسعاف تقابلنى فى الطريق وجبتها هنا بسرعة وسمير هو اللى كان بيراقب القصر من بعيد مع القوات بتاعتنا وقدر يسيطر على رجالة قاسم واتقبض عليهم كلهم
سمير: اه والفضل ده كله يرجع ل إيكسايل اللى قدر يخترق نظام قاسم ويهكر بياناته ويقولنا كل معلومات الدخول والخروج والحفلة والناس اللى شغالين فى القصر ودى كانت خطته وطبعا ياسمين
سلمى: بجد شكرا جدا ليكم واسفة على سوء الفهم ده يا إيكسايل
بس فين ياسمين
إيكسايل بضحك : ياسمين تحت فى الاستراحة مع كارم او اللورد كارم ووالله هو عامل زي العيال الصغيرة مش مخلى حد يقرب منها 😂
سلمى: الحمد لله انها عدت على خير احنا شوفنا كتير
ريهام بضحك: وانتى بالذات كل تلات دقائق تتخطفى ملحقناش نتعرف عليكى حتى 😂
حسام: طيب خلاص هتقوليلنا ازاي هتعرفى تفتحى الصندوق ؟
احنا محتاجينه
سلمى: هقولكم…. ياسمين كانت سايبة تلميحات فى شكل رسايل والرسايل دى كانت مترقمة هنبص للرسايل رقم ٢,٣,٤,٥ واللى كانت بتقول
الرسالة التانية كانت بتتكلم عن ظاهرة التقاء الليل والنهار واللى كانت ياسمين تقصد بيها الميكرسكوب اللى عليه رمز مالا نهاية وكان قصدها ان حل اللغز فى اوضتها اللى فيها الميكرسكوب….
الرسالة التالتة كانت بتتكلم عن دوران الماء وان واعتقد كان قصدها ان حل اللغز قدامى وانا مش شايفاه …..
الرسالة الرابعة كانت بتتكلم ان لازم اربط الخيوط ببعضها عشان توضح الصورة قدامى ومراقبة النجوم ممكن برده قصدها الميكرسكوب اللى ف اوضتها يمكن فيه الحل ….
الرسالة الخامسة كانت بتقول وعندها ستكون وصلت الى نهاية الطريق والمقصود بيها انى اكون وصلت لحل اللغز…..
وساعتها بس عرفت الحل الحل كان قدام عينى وف نفس الوقت ليه علاقة بالدوران الحل فى صندوق الموسيقى بتاع ياسمين اللى كان مظبوط ب مؤقت انه يغنى ف وقت معين وف نفس الوقت العروسة اللى فيه بتلف عدد لفات معين
حسام: طيب برده احنا مفهمناش
سلمى : هقولكم العروسة كانت بتلف تلات لفات وبعدين لفة واحدة وبعدين ست لفات يبقى الارقام 3,1,6.
إيكسايل: انا عن نفسي مش مصدق الموضوع ده بس تعالى نجرب
هات الخزنة يا سمير
سمير: الخزنة اهى
إيكسايل جرب يفتح الخزنة بالارقام الخزنة متفتحتش
إيكسايل: شوفتى تخمينك طلع غلط
سلمى: انا متاكدة ازاي ده ورينى كده
بصيت فى الخزنة وجربت تانى بس مفتحتش بس ازاي انا متاكدة ان كلامى صح بعد شوية حسيت ان الخزنة ناقصها حاجة كمان خصوصا ان كان فى فراغ فى طرفين الصندوق شبه الدايرة كده شوية اخدت بالى ان ممكن يكون ليهم علاقة برمز مالا نهاية اللى اتذكر فى الرسايل بس اي يا ترى اللى هيملى الفراغ ……
ااه اه صح السلسلة قولتها وانا بصوت
إيكسايل: اي فى اي سلسلة اي
سلمى : السلسلة اللى كانت ف رقبتى اللى عليها رمز مالا نهاية هى راحت فين
ريهام يضحك: اهى خديها هى جنبك متخافيش مسرقناهاش
مسكت السلسلة وقولت :احنا عاوزين حد يقطعها يقسمها نصين
حسام: ليه مش فاهم بس وريهانى كده
سلمى: اتفضل
حسام: السلسلة دى بمغناطيس يعنى بتتفصل عادى بعد ما تفكى القفل الصغير ده حتى بصى… وفعلا اتقسمت نصين
سلمى: اي ده طب هات السلسلة كده خدتها وحطيت نص فى الفراغ الاول ونص فى الفراغ التانى والمفاجأة ان الصندوق فعلا فتح كانو كل اللى حواليا مصدومين
حسام: لا شاطرة عرفتى تفتحيها
سلمى: اي ده فين الورق والمستندات مفيش فيها غير فلاشة صغيرة معقولة عشان دى اتبهدلت ده كله
حسام: بس بس براحة عليها انتى متعرفيش الصغيرة دى فيها اي ولا اي هاتى عنك كده واخد الفلاشة منى
إيكسايل: احنا كده خلصنا مهمتنا والحمد لله
سلمى والفريق كله فى صوت واحد: الحمد لله
بعد مده ….
كان فرح ريهام واسما على ياسين وسمير
طبعا عاوزين تعرفو اي اللى حصل…
اللى حصل ان ياسمين بدات تتعالج من اثار الصدمات وذاكرتها بترجع تدريجى وبتتحسن يوم عن يوم وطبعا كارم كان معاها علطول ومسابهاش وطلب ايديها وهى وافقت واتجوزو وهيعيشو سوا علطول وهيربو ولاد ياسمين وولادهم سوا ….
حسام اترقى ف شغله وبدال ما كان الرائد حسام بقا المقدم حسام واه صح خطب المشرفة ريم اللى كان بيحبها من زمان….
إيكسايل رجع اخواته ورجع قرب منهم تانى وبقو عيلة حلوة ده ونسو الخلافات بعد ما عرفو انهم كانو ظالمينه وانه مش مجرم ولا حاجة….
ياسين:رجع تانى ركز ف شغله بعد ما انتقم لاخوه القائد علي واخد حقه من اللى قتلوه وبقا هو مكانه يعنى بقا القائد ياسين ….
يوسف خطيبته رجعتله تانى واعتذرت عن سوء الفهم اللى حصل بعد ما صاحبتها وقعت بينهم وهو سامحها ورجعو تانى…
كريم انضم للفريق بعد ما كان كارهه وبقى بيتعلم شغل الهاكر ومعلومات عن الحواسيب ونجح جدا فى انه يكون ضمن الفريق ….
أما أنا فرجعت تانى شغلى وحياتى الحلوة وكل عيلتى جنبى وبابا كمان اما عرف الحقيقة وان ياسمين بريئة قدر يقف على رجليه تانى ورجعت الفرحة ودخلت بيتنا ….
إيكسايل : لسة بتكتبى برده
سلمى: اه اكيد دى حكايتنا ولازم اوريها لعيالنا اما يكبرو اصلا مش بعيد تبقا فيلم ،😂
إيكسايل: فيلم اه طب خلصي يلا والنبى الناس تحت بتستنى عاوزين نفرح ب اصحابنا بقا
سلمى: طيب خلاص ابتديتها اوامر من اولها دنتا حياالله خطيبى
إيكسايل: اه وامر زي منا عاوز كمان
سلمى بضحك : لا والله
إيكسايل بضحك : اه والله وهتشوفى ويلا بقا عشان اتاخرنا
تمام هكتب اخر حاجة وجاية
…. يومياتى ….انا حكيت عن مواضيعنا وضحكنا وحزننا وعن كل اللى مرينا بيه سوا ….ولسة هنمر بحاجات اكتر بس لازم كل ما تحصل حاجة افتكر اللى مرينا بيه واصبر واكيد دى مش هتكون اخر الحكاية ولا نهاية القصة لسة العمر قدامنا طويل و اكيد دى مش اخر صفحة هكتبها فى “يومياتى”….. انتهت …