رواية مذكرات حبيبة الفصل الرابع 4 بقلم عادل عبدالله

رواية مذكرات حبيبة الجزء الرابع

رواية مذكرات حبيبة البارت الرابع

رواية مذكرات حبيبة الحلقة الرابعة

: حصل اللي حصل بقي ، بس زي ما قولتلك كده لازم تقول لأمك تلم لسانها ومتجبش سيرة اهلي تاني .
اول ما سمعني قولت كده راح رمي طبق الاكل في وشي وقام يضربني بايديه ورجليه لكن المرة دي كان مفيش حد يمنعه عني !!
حتي أمه واخواته وشهد مرات اخوه كلهم كانوا بره الدار .
ومن كتر الضرب وقعت اغمي عليا ومش حسيت بنفسي الا في المستشفي !!
وفي المستشفي عرفنا اني كنت حامل في بداية الشهر التاني وحصلي اجهاض !!
و لما كانوا بيكتبوا محضر باللي حصل لي وسألوني ” وجوزي موجود ” : مين اللي ضربك ؟
: مفيش حد ضربني يا بيه ، دا انا اللي وقعت لوحدي .
: انتي متأكدة ؟ ولا عايزة تداري علي الشخص اللي ضربك ؟ ” ثم نظر الي زوجي ” !!!
: متأكدة يا فندم ، انا اللي وقعت وانا نازلة علي السلم .
جمال بص لي بتعجب لأنه كان فاكر اني هنتهزها فرصة و هقول للظابط أنه ضربني ، واندهش جدا لما داريت عليه وقولت أني وقعت من السلم !!!!!
لكن كانت صدمة فقدان الحمل شديدة علي جوزي وبمجرد ما بقينا وحدنا ولأول مرة كنت اشوفه بيبكي ولأول مرة كان يكلمني كويس وقالي : معلش حقك عليا انا اسف !!
اندهشت منه بشدة وفضلت ساكتة مش قادرة انطق ولا عارفة اقول اي !!
جمال حزن اوي علي الاجهاض التاني خصوصا انه هو كان السبب فيه !!
وفي نفس الوقت عرف أني بنت أصول لما داريت عليه و مش قولت انه ضربني وانقذته من السجن رغم ان كان في ايدي اقول انه ضربني واحبسه علي الأقل كنت انتقم لنفسي من افعاله معايا !!
حماتي لما عرفت بأجهاضي بمجرد أنها شافتني صرخت في وشي وقالتلي : منك لله ، حرام عليكي ده تاني عيل تنزليه ، بتسقطي نفسك ليه ؟! مادام مش عايزة عيال من جوزك عايشة معاه ليه ؟
رديت عليها : انا مش سقطت نفسي ، ده نصيب .” و بردو داريت عليها ومش قولتلها ان ابنها ضربني وأنه السبب ” .
قام جمال وقالها : كفاية يامه حرام عليكي كده !! انا اللي ضربتها وسقطت من ضربي فيها !!
بعد اليوم ده جمال معاملته معايا اتغيرت كتير وبدأ يعاملني بانسانية اكتر وعرف انه كان غلطان في حقي لما كان بيعاملني بقسوة .
ومع معاملته الحسنة ليا بدأت مشاعري من ناحيته تتغير كتير .
مش هقول اني حبيته علشان مش اكون كدابة لكن علي الاقل مشاعر الكره والاشمئزاز اللي كنت بحسها من ناحيته انتهت وبدأت اقبله كزوج وبعد شهرين تقريبا حصل حمل تاني .
ولأول مرة كنت احس بالسعادة لما عرفت أني حامل لأني كنت بدأت افكر أني اكمل حياتي معاه .
ولأول مرة جمال يمنعني من الشغل في الدار نهائيا حتي ميعاد الولادة ، لدرجة انه كان احيانا بيقوم بتنظيف الدار بنفسه !!
عدت الايام وحسيت ان الكابوس اللي كنت عايشة فيه بدأ ينتهي .
لكن يبدو أن الفرح مش له مكان في قلبي !!
وفي يوم لقيت أختي الصغيرة جاية تجري وبتبكي ولما سألتها : بتعيطي ليه يا بت حصل اي ؟
قالتلي : ابوكي مات يا حبيبة .
وكانت صدمة موت ابويا كبيرة اوي عليا !!
لكن اللي خفف من الصدمة هو موقف جمال معايا وحسيت أني ليا ضهر وسند تاني بعد ابويا الله يرحمه .
بعد موت ابويا اعمامي طلبوا بحقهم في ميراثهم منه لأنه كل خلفته بنات .
لكن كانت المفاجأة لما عرفنا ان ابويا كان كاتب الارض وكل ملكه باسمي انا واخواتي البنات .
اعمامي غضبوا لما عرفوا بكده وقاطعونا نهائي وقالوا من النهاردة انسوا ان لكم اعمام وخلي الارض والفلوس تنفعكم !!
وبعد ايام قليلة سلفتي شهد مرات دياب ولدت بنت وكانت المفاجأة لما عرفت ان دياب وشهد عايزين يسموا بنتهم حبيبة علي اسمي !! لأن شهد حبت الاسم بسبب حبها ليا لكن اللي رفض كانت حماتي !! واجبرتهم يسموا البنت داليا .
جمال كمان كان مندهش علشان اخوه ومراته عايزين يسموا بنتهم علي اسمي رغم الخلافات الكبيرة اللي موجودة بين الأخين !!
وبعد حوالي شهرين انا ولدت تؤام وجوزي سماهم عمر وعمار .
زادت المشاكل والغيرة بين جمال ودياب !!
من ناحية علشان جمال ربنا رزقه بولدين صبيان اما دياب ربنا رزقه ببنت !! ده غير أن جمال جوزي رزقه كان واسع وكتير بعد ما اشتري السيارة النقل واشتغل عليها وكان دخله كبير بالنسبة لأخوه دياب اللي كل شغله كان في فلاحة الارض !!
وقبل ده كله دياب كان بيغير من اخوه جمال لأنه كان عينه مني لأني كنت اجمل واحلي من مراته بكتير !!
وبسبب الغيرة والحسد العين صابت جوزي وحصلت له حادثة كبيرة بسيارته النقل وكان هيموت فيها !!
جمال حصلت له اصابات كتير ومنها كسور وجروح ده غير أن السيارة حدث فيها تلفيات كبيرة كانت نتيجتها انها احتاجت صيانة واصلاح أخدت كل الفلوس اللي معانا !!
اصدقاء جمال نصحوه يبيع السيارة بعد الحادث ويستبدلها بغيرها بسبب التلفيات والاصلاحات الكتير اللي اتعملت فيها .
لكن أحد اصدقاؤه المقربين أشار عليه ببيع السيارة واستبدالها بسيارتين اخرتين بنظام التقسيط !!
الفكرة سيطرت علي تفكير جمال وبدأ يحلم أنه لما يكون عنده سيارتين دخله ورزقه هيزيد كتير ويسدد اقساط السيارتين من ايرادهم !!
ظل جمال يحلم بأمتلاك السيارتين وتحقيق دخل كبير منهم وظل يرسم احلام بأنها هتكون خطوة في طريق أنه يكون معلم كبير عنده اسطول من السيارات و السائقين !!
بالفعل قام ببيع السيارة وعندما ذهب لدفع ثمن السيارة كمقدم لسيارتين احتاج لبيع شبكتي الذهبية لاستكمال مقدم ثمن السيارتين !!
اضطريت ابيع ذهبي واشتري جمال السيارتين واصبحت السيارتين تعمل في نقل الخضروات والفاكهة من الاراضي الي الاسواق .
زاد الدخل اليومي لجمال وزادت مصارفنا وظهر الخير علينا ، وبدأ يسدد اقساط السيارتين تباعا شهر بشهر ومرت اكثر سنة .
ثم حدثت مشكلات عديدة بين جمال والسائقين ومع حدوث تلك المشكلات وتعطل السيارتين احيانا عن العمل و بعض الحوادث الخفيفة اللي حصلت للسيارتين بدأ يتعثر جمال في سداد بعض الاقساط وبدأت تتراكم عليه !!
اضطر جمال ان يبيع احدي السيارتين لسداد الاقساط المتراكمة عليه !!
شعر جمال بأن حلمه يتلاشي شيئا فشئ !! بعد أن بدأنا نتعود علي المصاريف الكتير !!
اقترض جمال مبلغ كبير من المال لشراء سيارتين بنظام القسط واصبحت لديه ثلاثة سيارات ولكنه اصبح مدين بمبالغ كبيرة جدا سواء اقساط السيارات او القرض وفوائده !!
وشيئا فشئ تزايدت الديون علي جمال وزاد تعثره عن السداد حتي بدأت الدعاوي القضائية التي تطالبه بسداد ديونه تلاحقه ومع صدور احكام قضائية عديدة ضده بالحبس اصبح زوجي مطارد بالسجن !!!
حاول جمال ايجاد أي طريقة للسداد ولكنه فشل ، حتي وجد رجال الشرطة يطاردونه للقبض عليه وتنفيذ الاحكام ضده بالسجن !!!
اضطر جمال للهرب من الدار والقرية كلها !!!
بدأ رجال الشرطة في طرق أبوابنا كل عدة أيام بحثا عن جمال لتنفيذ الاحكام ضده بالسجن .
اصيبت أمه ب ” جلطة في المخ ” سقطت علي أثرها مصابة بشلل جزئي في يدها اليمني !!
” اللهم لا شماتة ” ولكني كنت أشعر بأن ما حدث لها هو جزء من عقاب الهي لها علي افعالها معي وقسوتها وافترائها عليا .
كان جمال علي اتصال هاتفي دائما بأخيه ووالدته ، و حزن حزن شديد عندما علم بمرضها .
ولأول مرة اشتريت موبايل حتي يستطيع جمال التواصل معي من خلاله .
فحتي هذا الوقت لم يكن لوجود موبايل معي أي داعي !!
وجد جمال ان السبيل الوحيد أمامه هو الهرب والسفر للخارج حتي يستطيع العمل بأجر عالي و يقوم بسداد تلك الديون .
استطاع جمال اخيرا السفر الي ايطاليا عن طريق البحر .
في اليوم الذي وصل فيه الي ايطاليا اتصل جمال بأخيه دياب وعرفه انه وصل بالسلامة ثم اتصل بي واعلمني بوصوله ووعدني بأنه سوف يكون علي اتصال دائم بي للاطمئنان عليا وعلي الولاد .
بمجرد علم دياب بوصول زوجي لايطاليا بدأت نظرات دياب لي تتغير وأصبحت أري في عيونه نظرات الغريزة والشهوة تطل من عينيه !!!