رواية محبوبة الفارس الفصل التاسع 9 بقلم أميمة عوض

رواية محبوبة الفارس الجزء التاسع

رواية محبوبة الفارس البارت التاسع

رواية محبوبة الفارس الحلقة التاسعة

أحببته ،أجل أعترف أننى أحببته ،أصبحت أغار عليه
أغار أن يكون لغيرى
**********. ********. ****
منى….منى
كان صوت فارس وهو ينادى عليها بغضب شديد
يجعل من يسمع صوته يركض هروباً من أمامه
نرمين بفزع : ايه يا فارس صوتك عالى ليه خضتنا ،
بتنادى عليها بالطريقه دى ليه
استغلت منى انشغال فارس بالرد على والدته ،لتحاول الصعود لاعلى بهدوء دون أن يراها ولكن لاحظ فارس هروبها
ليقول بصوت جهورى : استنى عندك رايحه فين
مش بنادى عليكٍ
منى بجهل مصطنع وقلبها يرتعش خوفا فهذه أول مره تراه هكذا : ايه يا أبيه انا عملت ايه
فارس بسخرية : أبيه ….كمان
دا انتٍ طلعتى بريئه اوى وأنا اللى ظلمتك
لتهرول منى للأعلى بسرعه وهى تقول : الحقينى يا ماما نرمين
تدخل منى الغرفه بخوف وتحاول غلق الباب بسرعه حتى لا يدخل ولكنه يعيق ذلك
فتجرى لآخر وهى تقول بمرح مصطنع حتى تحاول إخفاء خوفها: اهدى بس يا فروسه…وانا افهمك
عيب يا أبيه على صحتك
فارس بحده:وليكى عين تضحكى وتهزرى
ويكمل بأمر : ،بطلى جرى. وتعالى هنا
منى بخوف : لا انا خايفه منك
اهدى الأول بس
فارس بصرامة وأمر : تعالى يا منى ومش هعملك حاجه ،علشان انا لو مسكتك هزعلك
منى وهى تدبدب فى الارض بتذمر : اووف طيب جايه
فارس وهو يحاول الا يضحك على شكلها : يلا تعالى
منى بصوت منخفض: طيب جايه اهو ،هو انا رايحه اتفسح يعنى اوف
فارس بجديه : بطلى برطمه وقولى عملتى كده ليه
منى ببرائه مصطنعه /عملت ايه يا أبيه
فارس بصرامه وبنبره مخيفه : منى
منى بتوتر : خلاص….
خلاص هتكلم ، انا شوفتها اخر مره كنت عندك فى المكتب وكانت بتبصلى بطريقه مش حلوه فلما لقتها رنت عليك
اتفقت انا وسليم نعمل كده
فارس بنفاذ صبر: اخلصى واحكى عملتوا ايه وبعد كدا اشوف موضوع سليم دا
###فلاش باااك
كانت تجلس على الأريكة وهى تشاهد التلفاز
فتسمع صوت سليم المرح :صباحو يا قمر
منى بصوت منخفضة : صباحو يا سليم
سليم مقلدا انخفاض صوتها : بتتكلمى بصوت واطي ليه
منى وهى تشير له حتى يجلس : اقعد وانا اقولك عشان محدش يسمع
علشان فارس قالى اقولك أبيه سليم وفرق سن ومش عارفه ايه وحاجات معقده كده فلو سمعنى بقولك سليم هيعملنى شاورما
لم يستطيع سليم منع نفسه من الضحك اكتر من ذلك فيقهقه بصوت عال جدا
يقطع حديثهم صوت الهاتف وهو يرن
سليم بتساؤل : دا تليفون فارس امال هو فين
منى : طلع ياخد شاور ويغير هدومه
سليم : دا نانسى اللى هتعمل معاه شغل جديد
منى بغيره : مين نانسى دى ،اوعى تقول البت اللى شوفتها اخر مره دى عنده فى المكتب
سليم بضحك : اه هى ،استنى ،استنى ارد اعرفها ان فارس مش هنا ،البت جامده وشكلها معجبه بفارس
منى بغيره ؛ نعم معجبه بمين
وأكملت بخبث : هرد انا عليها
تجيب منى على الهاتف بصوت طفولى
نانسى بدلع : ا لووو…. فارس
منى بصوت طفولى: ايوه مين…. ابيه فارس مش موجود اقوله مين يا طنط
نانسى بغرور : انتٍ مين يا عسل وطنط ايه دى انا انسه
منى بدلع طفولى :ااوه بجد بحسبك مدام ،صوتك صوت واحده كبيره
نانسى بعصبية: كبيره ايه يا بنت انتٍ ،انا عايزه فارس قوليله نانسى عايزاك
منى وهى تحاول اغاظتها : ابيه فارس مشغول ومش فاضى للكلام دا
وأكملت بصوت منخفض :معاه ستات فى البيت
وأشارت إلى سليم حتى يقلد صوت انثى
سليم مقلدا صوت فتاه وهى تقول بدلع : عيب كده يا فروسه يا حبيبى ، انت قليل الادب خالص
وينتهي. حديثه بضحكه فتاه
فتغلق نانسى الهاتف بعصبية
ويضحك منى وسليم بصوت عال
سليم بضحك ؛ انتىٍ طلعتى كارثه بس لو فارس عرف هيخلص علينا
منى بغيظ منها : بنت مسهوكه وبتقلد صوت نانسى عايزه فارس
احسن تستاهل
#####باااااك
هو دا اللى حصل
واكملت بغيره واضحه : ما هى اللى مسهوكه وتستاهل
عايزه فارس ، هى مين هى علشان تتكلم كده
فارس بابتسامه لم تلمحها منى فقد أحس بغيرتها : كملى
منى بارتباك : أكمل ايه معملتش حاجه تانى
بدأ فارس بالاقتراب منها بهدوء شديد. وهى تبتعد بخوف
حتى ارتطمت فى الحائط
فارس ببرود : يعنى معملتش حاجه ,
طب حلو خالص ،مفيش خروج لحد ما تيجى بنفسك وتقوليلى عملتى ايه
حتى الاكل هيجيلك هنا فى الأوضه ومفيش نزول
منى باعتراض : هو انا هتحبس ولا ايه
فارس بصوت جهورى مخيف : لما اقول ل الهانم ،متطلعش بره من غير حراسه ومن غير ما اعرف ،علشان فاروق الزفت هرب من العماره قبل ما نمسكه وحياتها فى خطر وهى تطلع من ورايا تروح المستشفى
وتكدب عليا وتقول رايحه الجامعه وتيجى الشركه عشاان تشوف نانسى موجوده ولا لا ودا كله وتقولى معملتش حاجه والهانم مكتفتش بكدا ،لا دا كانت عايزه تمشى ورا نانسى وتروح منطقه مهجوره فيها كلاب سكك ياكلوها
افتراضا ان نانسى واحده مش كويسه ورايحه مكان كده ولا كده
انتٍ عارفه مين طلعك من الحته دى؟
رجالتى ،مش ناس ماشيه بالصدفه من الطريق
وجايه دلوقتى تهزرى وتقولى معملتش حاجه
انا من يوم ما دخلتك حياتى وماما اعتبرتك بنتها وانا قولتلك انا زى أخوكى الكبير وانتٍ المفروض فى حمايتى وتسمعى الكلام
افتراضا كان فاروق فى المستشفى وكان عمل فيكى حاجه ونانسى مين اللى حاطه عقلك بعقلها
نانسى اللى بينا شغل وبس
ياريت تفهمى دا شغل وبس مفهوم
منى وهى تبكى بخوف : مفهوم…. مفهوم
#روايات_أميمة_شوقى_عوض
_____________________________
لم يتحمل فارس شكل صغيرته وهى تبكى فهرب خارجا بسرعه
فتنهار منى من البكاء
نرمين بقلق عند رؤيتها هكذا فهى لم تتحمل تركها وهى تسمع صوت صراخه :مالك يا منى ،فارس زعلك ولا حصل ايه
لم تستطيع الرد عليها ولكنها ألقت نفسها فى أحضانها وهى تبكى بشده
نرمين محاولا تهدئتها : طب بس يا بيتى… بس. اهدى
_____________________________________
يذهب فارس إلى غرفه الرياضه ويبدأ فى اللعب بعصبية شديده
يشعر بالغضب الشديدة أنها عرضت نفسها للخطر
لا ينكر سعادته عندما شعر بغيرتها ولكن ما فعلته جعله يجن ويتذكر عندما اتصل به أحد رجاله
***********************************
الووو يا فارس باشا ،منى هانم طلعت من الجامعه بعد ما حضرتك سبتها علطول وراحت المستشفى وعرفنا انها كانت بتزور واحده اسمها صفاء بس حد كان عايز يخطفها واحنا لحقناه واخدناه على المخزن
فارس بتوعد : تمام حد يتابع هى هتروح فين
*”””””””””””””””””””””””””””””””””””””””””
بيفوق فارس على صوت والدته وهى بتقول بزعل : فيه ايه يا فارس مزعل منى ليه ،البت مش مبطله عياط
فارس وهو يتنفس بسرعه من كثره العصبيه : مفيش حاجه يا امى ،لو سمحتى مش عايز اتكلم دلوقتى
#أميمة_شوقى
_________________________________
تمضى نصف ساعه كأنها عام عليهم
فارس مازال يلعب بعصبية ومنى مازالت تبكى
فتعزم أمرها على الذهاب إليه
تجد فارس مازال يلعب وصدره يعلو ويهبط من فرط عصبيته
منى بصوت ضعيف من كتر البكاء /أسفه
شعر فارس بوجودها عندما دخلت ولكنه تجاهل ذلك
منى بحزن وبكاء : فارس انا بكلمك رد عليا ،اسفه انا مكنش قصدى اكذب عليك أنا…
#أميمة_شوقى
☘️☘️☘️☘️☘️☘️☘️☘️☘️
مازال يتجاهلها حتى تركها واتجه إلى الحمام
وتركها تنظر إليه وتبكى
بعد خروجه وجدها مازالت تنتظره لكنه تجاهلها
كان يقف أمام المرآة ينشف شعره وكأنها غير موجودة
تقف منى فى ووجهه وبتقول بحزن /بتتجاهلنى ليه ،انا اعتذرت على فكره
فارس بسخرية لاذعه /لا والله بجد ،كتر خيرك
منى بعصبيه وصوت عال /قول انك زعلان على الست نانسى بتاعتك وعلشان قولتلها أن معاك ستات و…
يقطع حديثها صوت فارس وهو يقول بسخرية
:غبيه وهنفضلى غبيه
ثم يتركها ويخرج من الغرفه بأكملها
✨✨✨✨✨✨✨✨✨✨✨✨✨✨
يالک من ساذجه يا صغيره فأنا أموت عشقا لك وقلبى كاد يقف من الخوف عليك وأنت بلهاء
✨✨✨✨✨✨✨✨✨✨✨✨✨
يمضى اسبوع وفارس يتجاهل منى وكل محاولاتها معه تنتهى بالفشل
وفى يوم تقتحم عليه غرفه المكتب وهو يعمل
وتقول بعصبية : هتفضل تتجاهل وجودى كتير يا فارس
فارس ببرود وهو يعمل /اطلعى بره
منى بعناد : مش طالعه غير لما نتكلم
فارس بصوت جهورى مرعب :انا قولت اطلعى بره