رواية مجنونه يونس الفصل الثاني 2 بقلم مروة أحمد

رواية مجنونه يونس الجزء الثاني

رواية مجنونه يونس البارت الثاني

رواية مجنونه يونس الحلقة الثانية

يونس اها كدا تمام جبتلك الشوكلت اللى أنتى عايزاه
هوصلك واروح الشغل النهارده ولا ناويه انك تتأخري وتطردينى من الشغل؟
حور : وانا اقدر بردو يا يويو
يونس : يوووو دى يويو دى بتدوبنى
حور : يلا بينا طب قبل ما تدوب ههههههه
يونس : يلا يا حور
وصل يونس الكليه عند حور
كانت ضحى واقفه وجنبها عمر
يونس بصي يا ستى قبل ما تنزلي هتسلمى قبل ما ايدك تتمد هكون كاس*رها فاهمه !!
حور : فاهمه فاهمه
نزل يونس وفى ايدو حور
ضحى : صباح الفل اى اتاخرتى يا حور يعنى
حور معلش يا ضحى الطريق صعبه
ضحى : بتمد ايدها ازيك يا يونس
يونس : سلم على ضحى انا بخير
حور : اهلا ياعمر عامل اى
عمر بيمد ايده لحور لكن قابلته ايد يونس اهلا يا استاذ عمر انا يونس اخو حور
حور بحرقه : على فكره انت مش اخويا
مسكها يونس من ايدها واتجه نحو السياره
يونس: افهم اللى انتى عملتيه دلوقت ؟
حور : انا عملت اى ؟
يونس : يعنى مش عارفه عملتى !
مش انا قولتلك متسلميش على الزفت ده وانتى برضو دماغك مش هنا اقولك على حاجه بتعملى عكسها تمام فى الاخر تطلعينى انا غلطان وتحرجينى انتى مش شيفاني راجل يا حور ؟
حور : والله يعنى انا اللى عملت كل ده وانت الملاك البريء اللى مش بتعمل حاجه خالص يعنى مسلمتش على ضحى ولا انت عندك ده حلال وعندى حرام وبعدين انا معملتش اى حاجه تقلل منك ولا تقول انك مش راجل
يونس : حلو اوى القطه طلعلها لسان ماشي يا حور ان مربيتك مبقاش انا يونس العمرى
يلا على الكليه ومتتحركيش غير لما اجيلك فاهمه ياختى
حور: على فكره انا مش اختك
وبعدين انا خلاص اتقفلت من اليوم وهروح
هاا هتروحى ولا اخد تكس ؟
يونس : منك لله سواق اهلك انا اركبى اما نشوف اخرتها معاكى
عمر : مين ده اللى مع حور يا ضحى ؟
ضحى : ده يونس العمرى اااا
عمر : مالك يا ضحى ده بيقول اخوها
ضحى : مفيش بس انا بحسدها عليه فى حد يكون معاه القمر ده ويتعامل بالاسلوب ده
وبعدين هو مش اخوها هم جيران وهو اللى مربى حور
عمر : ايوه
نور : هاى
ازيك يا ضحى
ازيك يا عمر
ضحى : هلا يانور
عمر : اهلا يا انسه نور
نور : ضحى هى حور مجتش ؟
ضحى : لا جات بس كانت تعبانه فروحت تانى
نور : تمام انا هكلمها اطمن عليها
ضحى : لا مينفعش انا هروح اطمن عليها تحبى تروحى معايا ؟؟
نور : هشوف واقولك
ضحى : تمام ماشي
يلا بينا قبل المحاضره ما تبداء
نور : يلا
مريم : اى اللى جابك بدرى كدا يا حور ؟
حور : مفيش يا ماما اتخانقت انا ويونس
مريم : يا لهوي لى كدا يا بنتى
حور : انا هقولك يا ماما وانتى تحكمى مين فينا اللى غلطان
وقصت حور ما حدث معها ومع يونس
مريم : انتى غلطانه يا حور وحطتيه فى موقف وحش
حور :انتى عارفه يا ماما انا مش بستحمل اسمع منو كلمه اختى دى فا ييجى مره وحده يقول اخوها !
ماما انتى عارفه يونس بالنسبالى اى
مريم : عارفه يا حببتى
بقولك صح عايزين نروح المستشفى نعمل التحليل اللى طلبها الدكتور
حور : تانى يا ماما بترجعي تانى لنفس الموضوع انا قولتك قبل كدا مش عايزه اروح مستشفى يا ماما انتى عارفه انى مش حمل صدمه لما اعرفه نتيجه التحليل
مريم : اتفاءلى خير يا حببتى
حور : خلاص يا ماما ابقا ارد عليكى وقت تأنى
هروح اشوف منوش
مريم : لسه هى كانت هنا ومشيت
حور : ماشي انا ريحالها اشكيلها من الوحش اللى مربياه ده
مع انى اشك انه شاف التربيه اصلا
ضحكت مريم على تلك العنيده صاحبت العيون العسليه وكما تقول لها دائما مجنونه يونس
منووووووووووش
يا منوووووووش
منه : خير يا عملتى الاسود فى الحياه
عايزه اى
حور : اشكى ال**
اللى انتى مربياه
منه : 😳😳