رواية مجنونه الليث الفصل الثاني 2 بقلم أسماء حبيب

رواية مجنونه الليث الفصل الثاني 2 بقلم أسماء حبيب

رواية مجنونه الليث الجزء الثاني

رواية مجنونه الليث البارت الثاني

رواية مجنونه الليث الحلقة الثانية

روح بخوف…. في اي يا ليث.
ليث خرج راسه من العربيه وبضرب نار.
نجمه بصدمه…… الله يرحمك يا ماما انا جيالك في السكه اهو.
نسمه نزلت في العربيه من تحت….. عايزه تخدي لفا يا اختي بالعربيه اديها هتلف بينا للأخره.
وصلو بالعربيه لمكان شبه مهجور…..
ليث بسرعه… انزلو يلا بسرعه.
نجمه….. الحمد الله لسه ممتش.
جت رصاصه جمب دراع نجمه بس في الحيط.
ليث شدها…. يلا ادخلووو.
نجمه ونسمه وروح جريو ورا ليث وكان في ناس مجرمين وراهم.
روح برعب….. ل ليث هو اي الي بيحصل.

ليث بتحذير…. لو واحده فيكم اتحركت من هنااا تقول علي نفسها يا رحمان يا رحيم.
ليث طلع ونسمه بصت لنجمه….. هنسكت صح واكيد هنسمع الكلام.
نجمه…. عيب عليكي ودا كلام برضو.
نجمه مسكت خشبه من علي الارض ونسمه هي كمان.
نسمه وبتدي روح عصايه….. ليكي في الكار دا ولا لاء.
روح…. يعني اي كار.
نجمه بزهق…. مش لسه هنعلم انتي لو حد قابلك اظروفيه بالعصايه علي ادماغي فاهمه.
روح…. ط طب طب يعني اي اظروفيه دي؟!
نسمه…. يعني اخبطيه.
روح…. ممكن يموت كدا.
نجمه…. يلهوااااااي نسمه اقتلي البت دي وحصليني.
اما ليث فكان بيضرب في المجرمين بطريقه احترافيه.
نجمه من بعيد….. لا الواد قايم بالواجب ندخل احنا بقي.
بس فجأه واحد مسكها وحط المسدس علي رسها.
نجمه وبصت لنسمه….. الهي تنستر سبنه واكسب فينا ثواب تحرير رقبه.
نسمه…. هتستفيد اي لما تموتنه… هتدخل النار في اتنيل هبل يعني… علي فكره احنا بنكلمك لمصلحتك اه .
بصلهم وشدهم هما الاتنين بسرعه ودخلهم عربيه كبيره .
نجمه بزعيق… متزقش طيب.
نسمه… تعرف انك معندكش زوق تخطف بنتين من غير راجل كدا!؟
اتخضو لما سمعو صوت شخص وراهم….. انتم مين واي علاقتكم بالراجل دا.
نجمه بصتله….. يا عم في حد يخض حد كدا… مش نعرفه.
_ بطلي استظراف ولطافه يا روح امك وجوبي لو عايزه تعيشي.
نجمه بغيظ….. نسمه هو غلط فيا.
نسمه… عادي مشيها مش غلط اوي يعني.
نجمه….. أذا كان كدا ماشي، شوف بقي يا استاذ مزرزر انت احنا منعرفش اصلا مين دا احنا ادبسنا فيه وياريت بقي تمشينا بسكات لصوت ولم عليك الناس.
موبيل الشخص دا رن….. الووو….. تمام.

نجمه بهمس…. تفتكري هيسلخونه قبل ما يدبحونا ولا اي.
نسمه….. او مثلا ممكن يسعلقونا من شعرنا ويجلدونا.
الشخص بصلهم….. انزلو يلا ولو نطقتم بحرف اتشاهدو علي رحكم يلاااا..
نجمه بنضره خبيثه…… يا راجل… بالسهولي دي.
الشخص بصلها بلا مبالاه….. اغمض عيني وفتحها مشفش خلقه وحده فيكم.
نسمه… متشكرين با زوق علي الخطفه السعيده دي عن اذنك.
نزلت نسمه ونجمه وجريو بعيد.
ليث شفهم جري عليهم…. كنتم فين!
نجمه… بنشم هوا عبال ما تخلص الي في ايدك.
ليث بغضب…. هو انا مش قولت ليكم متتحركوش من هنااا.
نجمه بصت يمين وشمال وبهمس…. بصراحه كنا مخطوفين.
روح…. بجد.
ليث….. نعم مخطوفين ازاي بت انتي هبل مش ناقص.
نسمه….. وهنكدب لي كان في عربيه هناك تعاله.
ليث بصلهم بحظر ومشي معاهم لحد مكان العربيه.
نجمه…… انا لو حلفت مش هتصدقني صح بس وربنا كانت العربيه هنا.
ليث بزهق….. تعالو ورايه خلينا نتحرك من هنا مفيش امان.
نسمه وروح مشيو وراه ونجمه كانت مشيه بس لفت انتبها حاتم علي الارضيه وكان في طرف هدوم باينه ورا شجره.
نجمه خدت الخاتم من علي الارض وراحت ناحيه الشجره بس سمعت صوت ليث….. تعالي لاجي اطربق الدنيا علي دماغك.
نجمه حطه الخاتم في جيبها….. جايه مش تتزرزر عليا بقولك اهو.
__ عدت ساعه وكان ليث دخل حي شعبي ـــــ
راجل بيشوي سمك وكان بيكلم الزباين…… بص بقولك اي لتجيب العشره جنيه الي عليك لأما مش هطول ديل السمكه حته انجز بقولك اهو.
الراجل العجوز….. مش كدا يا حج قاضي قولتلك هقبض المعاش وهجبلك الفلوس.
الحج قاضي….. اذا كان كدا ماشي ، يلا بقي بالف هنا.
ليث وقف بالعربيه قدام محل السمك ونجمه نزلت.
نجمه…… مسا مسا علي الناس الكويسه ازيك يا حج.
الحج قاضي والد نجمه….. مسا مسا مين دول؟!
نجمه….. ناس جعانه عايزين نأكلهم.
ليث تنح….. نعم يختي؟!

نجمه….. والله لتتغدو عندنا علي فكره الخطف بيجوع اوي.
الحج قاضي…. حيلك حيلك بس هتحسبي علي الاكل دا ولا اي.
نجمه بهمس…. قلبك ابيض همسحلك المحل لاسبوع دا كله بس متكسفنيش قدمهم.
الحج قاضي…. طيب اذا كان كدا ماشي…. تشرفو يا بهوات.
دخل ليث وروح ونسمه المحل ونجمه قدمت ليهم الاكل….. بالهتاااا بس ان شالله يطمع في سي ليث.
ليث…. تعرفي ان لسانك طويل.
نجمه….. عز المعرفه.
نسمه وبتاكل….. الله السمك جميل اوي… مالك يا روح مش بتكلي لي.
روح….. مش بعرف اقشر السمك.
نسمه….. ليث هي اختك دي جت من الحضانه علي الجامعه معدتش علي التعليم الاساسي.
ليث وبياكل ولا همه….. خليكي في حالك.
نسمه….. طيب ممكن اسئلك سؤال.
ليث….. لاء.
نسمه…. هو لي انت بدافع عن اختك علي طول ومش بتعلمها تعتمد علي نفسها؟!
ليث….. كولي وانتي ساكته.
نسمه….. ممكن سؤال تاني.
ليث….. لاء.
نسمه….. هو ليه انت مش بتجاوبني علي اسئلتي؟!
نجمه….. معلش ممكن تفصلي شويه.
ليث…. الحمد الله طلعت في وحده فيكم بتفهم.
نجمه…. إلي قولي هو اي الي حصل النهارده انا مش فهمه حاجه! ومين الناس دي؟! وانت مين اصلا؟!.
ليث مسح اديه بالمانديل….. الي حصل النهارده دا تنسيه دا اولا! ولمصلحتك…. اما ثانياً انا مبحبش الكلام الكتير… وثالثاً بقي انا ابقي الرائد ليث وكلمه تانيه ومش هيحصلك كويس.
نجمه ونسمه وقفو بصدمه وادو التحيه العسكريه….. تمااام يا فندم.
ــــــــــ في مكان كله ناس مجرمين ــــــــــــ
خضر وبدي الأكل لعاصي…… مش تشيل هم يا بيه احنا عرفنه كل حاجه.
عاصي كان ساكت خالص…..
خضر….. يا كبرنااا معايه.

عاصي بانتباه….. خضر شيل الاكل والعمليه الجايه انت الي هتقوم بيها.
خضر بصدمه…. انا بس يا عاصي ب…
عاصي قطع كلامه وبعدل القناع بتاعه…. كلامي يتنفز وزي ما اتفقنه هتتسلم المره دي جوي مش بحري.
خضر بتاعه…. امرك يا كبرنا.
عاصي قلع القناع بعد ما قفل الاوضه ولبس قناع غيره مش ظاهر من وشه حاجه خالص. وخرج….. ناصر جهزلي السلااح والعربيه.
خضر….. سلاحك بتنضف يا كبرنا تحت دقايق وهيكون جاهز.
عاصي….. هاته.
خضر… بس يا كبرنا لسه مش خ….
عاصي ولاول مره صوته يعلي….. قولت هاااااته.
خضر انصدم ونزل من سكان تحت جاب الخنجر بتاعه والبندقيه وطلع بسرعه….. اتفضل
عاصي اخد سلاحه ونزل.
خضر وراه….. اجي معاك يا كبرنا.
عاصي…. تمم علي البضاعه نص ساعه بس هغيب فيها مش عايز مشاكل.
خضر…. تمام يا كبرنا.
__ في بيت نجمه __
نجمه نايمه علي السرير وحطه الهاند فريه وماسكه الخاتم في اديها وبتكلم نسمه….. مش عرفه اعمل اي في الخاتم دا بس شكله كدا رجالي وغالي اوي يا ترا لو بعته يجيب كام؟!
نسمه….. بجد حلو طيب لما تبعيه نقبض بالنص، علي فكره احنا كنا في خطفه واحده
نجمه….. ههههه دا في المشمش.
نسمه… كدهون ماشي يا لئيمه.
نجمه…. معلش يا نسمه ابقي ابعتيلي ملخصات المحاضرات وتساب علشان الامتحان قرب وكفايه السنتين الي ضاعو.
نسمه…. بسم الله الرحمن الرحيم نجمه عايزه تذاكر.
نجمه….. شفتي بقي التعليم بخرج الواحد من كينونته وشخصيته هههه.
نسمه….. اه معاكي حق… علي فكره البنت روح دي طيبه قوي.
نجمه بغيظ….. مش تجبيلي سيرتها دي ملزقه اوي شبهك كدااا.
نسمه….. مش شبهي قوي يعني بس دي عايزه كلمتين منك وهتبقي فل الفل.
نجمه….. وانا فضيه انا جاريت الموضوع علشان اخوها دي كانت شوره مهببه يارتني ما ادخلت.
نسمه…… طول عمرك يتجيبي لنفسك المصايب.

نجمه بتنهيده….. ويارتني بحرم.
نسمه….. ادام انتي عرفه ان دا غلط بتكرريه لي يا بت.
نجمه…. هههه زياده توكيد.
نسمه….. طيب يا فلحه سلام بقي لحسن رصيدي هيخلص.
نجمه….. يوووه ما تخلينه شويه.
نسمه….. ايوه مهو مش انتي الي بتدفعي من جيبك سلام يا بت.
نجمه….. سلام يا صحبي.
نجمه شالت الهاند فري من ودانها….. نستحمه وننصف بقي.
اخدت دش وغيرت هدمها وكانت بتسرح شعرها وبتبص للخاتم…… امممم هو لسه في ناس بتحب الخواتم الكبيره دي!
نجمه لمت شعرها وبتلعب في الخاتم بس انصدمت لما اتحول لفلاشه فجئه….. هرسوح اي داااا الخاتم ملبوس ولا اي؟!
نجمه سمعت صوت من وراها وهنا كان عاصي قاعد علي السرير وبيلعب بالخنجر…… لاء بس انتي الي لعبتي في حاجه متخصكيش.
نجمه فقدت النطق من منظر عاصي الي كان ملثم قدمها مش باين منه ملامح….
عاصي فتح ايده وهو قاعد….. هاتيه بالذوق ولو سمعت صوت هخلص عليكي
نجمه….. م مين ا ان انت مين.
عاصي وقف وكان طويل….. بتقولي حاجه.
نجمه بحركه زكيه منها طفت النور بسرعه.
عاصي مكنش يتوقع منها حركه زي دي.
نجمه بصريخ….. يااااا باباااااااعاااه حرااميي الحقوناااااي.
الحج قاضي فتح باب الاوضه وولع النور….. نجمه في اييي.
نجمه من تحت السرير…. هرب صح هرب الحرامي.
الحج قاضي….. تاني بتحلمي يا نجمه.
نجمه…. والله ما بحلم كان هناااا.
الحج قاضي كان خارج نجمه مسكته…. استنا خدني معاك.
الحج قاضي….. انتي مش كبرتي علي الحركات دي.
نجمه…. وانا لو حلفت مش هتصدقني ان كان في واحد خير اللهم اجعله خير يارب لابس اسود في اسود وطلع في خلقتي كدا مره وحده.
الحج قاضي….. كنتي متغطيه كويس.
نجمه….. انا مش بهظر علي فكره.

الحج قاضي….. طيب هاتي الغطا وتعالي نامي علي الكرسي.
نجمه شالت الغطا بتعها وبصت للخاتم وشالته في جيب البجامه وجريت ورا والدها وقفلت اوضتها.
__ في صباح اليوم التاني في بيت نسمه __
نسمه بزعيق….. قوم يا احماااه احماااااه قوم بقي هات المصروف.
احمد قام من النوم….. في حد يصحي حد كدا؟!
نسمه….. اه انا وهات المصروف هتأخر علي الجامعه.
احمد…. بابا عندم اجري خدي منه مصروف.
نسمه…. احمممم مهو اصل يعني..
احمد…. بقولك اي المحفظا عندك خد منها الي انتي عايزه مش تتعبيني.
نسمه…. بالسهوله دي.
احمد قام وقف وشد اخته من هدمها….. قسماً بربي لو مش بعتي عني يا نسمه لكون مرتكب جتايه ومولع في البيت وفيااا علشان تعبت بقيييي دي مبقتش عيشه.
نسمه وبتحط اديها في جنبها….. وعايز تموت كافر دا كله علشان بطلب منك مصروف مش عايزه منك حاجه ومش تكلمني تاني.
نسمه خرجت واحمد قعد علي السرير بارهاق.
نسمه دخلت الاوضه تاني…. واه مش تبقي تقولي اعمليلي شاي… اي دا فين حساب كبايه الشاي الي عملتهالك امبارح هات خمسه جنيه.
احمد مد ايده وجاب المحفظه من جمبه وخرج فلوس…. خدي وياريت مش اشوف سحنتك الجميله دي لاخر اليوم.
نسمه…. توشكر يا زوق.
نسمه خرجت من اوضه اخوها ودخلت اوضتها لبست هدمها بسرعه وخرجه.
نجلاء والدتها….. راحه فين استني افتري.
نسمه….. متأخره هفتر بره سلاااااام.
نسمه اخدت تاكس بعد ما نزلت للجامعه وكانت بتكلم نجمه في الموبيل….. ايوه جايه اهو مال صوتك.
نجمه وكانت هي كمان في التاكس….. هموت من الرعب يا نسمه مش واحد امبارح لابس اسود في اسود وكان في اوضتي وكان عايز الخاتم.

نسمه…. هههه وبعدين.
نجمه…. اصل الخاتم كمان مش طلع خاتم دا فلاشه.
نسمه…. امممم انتي كنتي متغطيه كويس امبارح يا نجمه.
نجمه…. انا مش بهظر يا نسمه دا بجد وبعدين انا نزلت اهو من التاكس انتي فين انا مرعوبه ليظهرلي.
نسمه…. اه انا شفتك اهو ثواني بحاسب ونازله.
نسمه نزلت وبتبص علي نجمه لقتها اختفت وبتبص للموبيل لقت الخط قفل.
نسمه بصدمه….. نجمه.

يتبع…

لقراءة الفصل التالي : اضغط هنا

لقراءة الرواية كاملة اضغط على : (رواية مجنونه الليث)