رواية ليليان وزيد الفصل الخامس 5 بقلم مريم جبر

رواية ليليان وزيد الجزء الخامس

رواية ليليان وزيد البارت الخامس

رواية ليليان وزيد الحلقة الخامسة

بتفوق ليليان بتلاقي نفسها في سرير و بتبص حواليها مفيش حد بس فيه اجهزة كتير ..
بتقوم ليليان وترجع راسها لورا بس اخر حاجه بتفتكرها هو صورة جومانه وسالم وعمر ..
بتدخل غليها ممرضة
– الف حمد وشكر ليك يا رب فوقتي بالسلامة يبنتي
=..انا. فين
– انتي في المستشفى
=..جيت هنا ازاي
– لا يبنتي انا لما استلمت حالتك كنتي هنا مش قادرة اقولك بقالي قد اي مستنياكي ، قوليلي هو انتي اسمك اي
=…ليليان
– وانا محسوبتك صباح
=… يعني متعرفيش انا جيت هنا ازاي
– لا يبنتي معرفش بس هسألك الدكتورة ليلى
=.. يريت
بتخرج صباح و ليليان لسه قاعدة جوا الاوضة كل تفكيرها هي ازاي جت هنا مهو مستحيل سالم يجيبها هنا اصلا و جومانه فين وعمر !
..
– صباح النور
=..تبتسمت ليليان ، انتي الدكتورة ليلى
– ايوة انا الدكتورة ليلى
=..متعرفيش مين جبني هنا
– لا يبنتي مش عارفة بصراحة بس عايزة اسئلك شوية اسئلة ممكن
=…اه اكيد طبعا اتفضلي
تاخد الدكتورة ليلى كرسي و تقعد قدام ليليان وتبدأ تسأل ..
– اخر حاجه فاكراها كانت اي؟
=..ان انا كنت في البيت
– كنتي بتعملي اي احكي اللي حصل معاكي اخر حاجه شوفتيها .
=..كان جوز اختي بيهددني
– بيهددك !
=.. اه كان بيهددني انه لازم اجوزه
– تجوزيه ازاي وهو جوز اختك!
=..اختي الله يرحمها
– ربنا يرحمها ، فاكرة حاجه تانيه
=.. فاكرة جومانه صحبتي كانوا ماسكينها و كانت مخبوطة في دماغها وفاكرة عمر
– هما خبطوكي؟
=..لا ، تبدأ ليليان تعيط بهدوء وهي قاعده
– اهدي اهدي مالك
=..هما وروني صورة بابا بعد ما قتلوه
– تقعد الدكتورة ليلى جمبها وتاخدها في حضنها ، اهدي يا بنتي اهدي
..
– طب تحبي تروحي البحر ؟
=.. بحر ليه هو انا هسافر
– لا مش هتسافري احنا هنا في بور سعيد
=.. بس انا من للقاهرة
– قاهرة؟ وازاي جيتي هنا
=..منا مش عارفة
– ليليان انتي عندك كام سنه
=.. ٢٠ سنة
– لا انتي مستحيل يكون عندك عشرين تقدري تقوليلي الشهر والسنة اللي جه فيها جوز اختك عندك البيت
=… جه في السنة اللي احنا فيها ، ٢٠٢٢
– بس احنا في ٢٠٣٩ يا ليليان
___