رواية ليلة بكى فيها الحاضرون الفصل الأول 1 بقلم محمد طه

رواية ليلة بكى فيها الحاضرون البارت الأول

رواية ليلة بكى فيها الحاضرون الجزء الأول

رواية ليلة بكى فيها الحاضرون الحلقة الأولى

الكل في ذهول الجميع كل واحداً تحجر في مكانه
الحزن سيطر على القلوب
الدموع ملئت العيون
الألسنه فقدت النطق
الكل يتمنى أن يكون حلماً او كابوس وليس واقعياً
ما هذه الليله…. كانت ليله الفرح
أصبحت ليله المو،ت
*المشهد 1 *
*من داخل إحدى قاعات الأفراح *
سامر بفرح/ معقول حلم حياتي بيتحقق
أنا مش مصدق نفسي أنا شكلي كده بحلم
ما تجيبي حضن عشان أصدق
سهام بتهديد ونبره صوت شرانيه/ولاااااااااااا
متخلنيش اردحلك قصاد أهلك حضن إيه
انته اتجننت ولا شارب حاجه عالمسااااا
سامر/يخربيت ألفاظك وطريقتك البيئه دي
سهام/البيئه دي بقالك سنين بتجري وراها
البيئة دي…
سامر يهدئها/خلاص أبوس إيديكي خلاص
سهام بوجه غاضب/تتتتتت تبوس إيه..
ليلتك مش معديه انته شكلك كده عايزني افوقك
إحترم نفسك ياااااااااااض
سامر ببرود رومانسي/أنا هحترم نفسي دقايق
لحد المأذون ما ييجي
وهحترم نفسي ساعات لحد ما نروح شقتنا
بعد كده ما اوعدكيش
سهام بتهديد/بعد كده لو اتعديت حدودك
روحك هتطلع للي خالقها
*أصحاب العريس *
خالد/مش عارف ليه كده حاسس إن العروسه
بتشتمه.. بتهزئه.. بتهددو
كمال يؤكد/يا ريت تعيد الجمله دي تاني
وتشيل كلمه حاسس وتقول متأكد
أنا مش عارف إيه اللي عاجبو فيها
وليد يقارن/لا هيا شبهو ولا هوا شبهها
ولا هيا من مستواه ولا هوه من مستواها
صدقو اللي قالو مرايه الحب عميا
خالد/ياما نصحتو بس هوا اللي ف دماغه
بحبها بعشقها
كمال/البت دي شكلها سحرالو وعملالو عمل
وليد يؤكد/والله شكلها دجاله بنت دجالين
اللهم احفظنا
خالد/إحنا نصحناه وعملنا اللي علينا
وكل واحد بقى يشيل شيلته
كمال بتهور/أنا عايز اقوم واقوله قدام
الناس دي كلها انو بيرتكب أكبر غلطه
ف حياته
وليد يهدء/اهدىَ يا أبو كمال هوا زي
ما خالد قال كل واحد يشيل شيلته وهوا حر
بقلم /محمد طه عبد المجيد
*ام العريس وابوه واخته*
امه/هيا دي مرات ابني يا ريتني
ما عشت ولا حضرت اليوم ده
أبوه/هيا دي أم احفادي دا أنا هكره
احفادي قبل ما ييجو بسبب أمهم
أخته بتهور/أنا هاين عليا أقوم اجبها
من شعرها وامسح بيها بلاط القاعه
امه بعتاب/ليه بس كده يا ابني عملنا معاك
إيه عشان تعاقبنا بالمصيبه دي
ابوه بانفعال/أنا هقوم أمشي بدل
ما ارتكب جنايه الليله
امه/أنا مش عارفه إحنا إيه اللي جابنا اساسآ
أخته/بقىَ هوا دا أخويا اللي كنت براهن
على ذكائه وكنت بقول دا هيتجوز ملكه
برنسيسه مش جربوعه من الشارع
*خالته وعمته*
خالته بلوي بوز وتريقه/ما شاء الله العروسه تشَرف
عمته بوجه غاضب/عروسه!! قولي جربوعه
صرصاره دبانه أنا مش عارفه جابها
من أي خرابه دي
خالته/قصدك من أي صفيحه زباله
عمته بلوم وعتاب/أنا مش عارفه أخويا
إزاي يوافق على المهزله اللي إبنه بيعملها دي
خالته تخمن/أقطع دراعي إن ما كانت البت
دي ماسكه عليه ذله ولا كاسره عينه بحاجه
عمته/مالهم بناتنا معيوبين ولا ناقصهم
إيد ولا رجل
خالته تتنبأ/الليله دي هتبقى أسوأ ليله
ف تاريخ العيله دي
*العريس والعروسه*
سامر يسأل/قوليلي بقىَ تحبي نقضي شهر
العسل فين
سهام/نقضي!!! إنتا حر قضيه ف أي مكان
يعجبك لوحدك
سامر /لأ انتي مش فاهمه.. شهر العسل دا
بيقضوه العروسين مع بعض
سهام /والله انته اللي شكلك مش
فاهم انته داخل على إيه
سامر بابتسامه /داخل على الجنه ونعيمها
سهام /انته شكلك كده امك ما دعتلكش
دعوه حلوه من يوم ما اتولدت
سامر/مش هتبطلي بقى هزارك وكلامك ده
بقلم/محمد طه عبد المجيد
سهام/هزار وكلام انته لسه شوفت
هزار ولا سمعت كلام
هات الحديده يا ابني
عايزه أرحب بالضيوف….
سامر يهدئها/لأ أبوس ايديكي بلاش
أنا هرحب بيهم بالنيابه عنك
سهام برفع حاجب/تتتتتتتت تبوس تاني
خد بالك أنا بتقرف من الكلمه دي عالفكره
وترحب بيهم بالنيابه عني ليه
هوا أنا لساني مقطوع
سامر يقترح/طب أقولك شاوريلهم
ورحبي بيهم بإيديكي
سهام/هعملهم حركات بإيدي
وبصوابعي مش هتعجبهم
سامر بخوف شديد/لأ لأ….. أ أ أ أ أ أ
سهام تهدد/انطقها عشان التالته تابته
واقط،علك لسانك
سامر يقترح/ابتسميلهم يبقى كده
انتي رحبتي بيهم
سهام بجنون/هطلعلهم لساني
سامر برومانسيه/سهام حياتي وفري
جنونك دا ليا لما نبقى لوحدنا
اعملي وقولي اللي انتي عايزاه
سهام برد ناشف/ح ح ح ح حا إيه..حبيبتي
كمان شويه تقولي يا بيبي ويا روحي
إنشف يلااااااااا واسترجل ف كلامك
معايه….. هيا فين هيا فين هيا فين
سامر/هيا إيه بتدوري على إيه
الناس بدأت تاخد بالها
سهام بوجه شراني/بدور ع المطو،ه
أصلك مش هتعدي الليله دي على خير
سامر/مطو،ه!!!!!!..يا بنت المجانيين ..
الحمد لله المأذون وصل
هوا مفيش حد من أهلك جا ليه لحد دلوقتي
سهام بتكبر/ليه مش هعرف اجوز نفسي
لوحدي طب انته عيل وجايب أهلك
وأصحابك معاك أنا اعملك إيه
سامر/يا بنتي الله يهديكي
عدي الليله دي على خير
سهام بهبل ذياده عن اللزوم/بببببببببب بنتك
يعني انته اتجوزت امي وجاي الليله
تتجوز بنتها اللي هيا بنتك طلق أمي يلاااااااااااا
بدل ما أقوم اتجوز أمك
زي ما اتجوزت أمي
طلقني أنا وامي ياااااااااااااااض
سامر بضحكه من قلبه/يا بنت المجانين
لمي الدرو بقى عشان أنا بدأت أصدق
سهام تترجىَ/والنبي سيبني شويه كمان
أنا اندمجت ف الدور وعاحبني اوي
سامر بجديه/فركش يلا عشان كتب الكتاب
المأذون/بطايقكم يا عرسان
سامر/اتفضل يا مولانا
المأذون/بطاقتك يا عروسه
سهام تسأل/ليه
المأذون ينظر لها بإبتسامه/عشان ناخد
بياناتك منها
سهام بإستهبال/طب يعني انته سألتني
وأنا ما جاوبتش
المأذون يمسك أعصابه/مينفعش لازم البطاقه
سهام تحذر/تعرف يا اسمك إيه لو حد غيرك
سألني ع البطاقه كان زمان لسانه
بيزغرط ف حجرو دلوقتي
المأذون بإستغراب/نعم
سهام/احم احم بتعرف تلقف
هدورلك عليها ف الشنطه
+تفتح شنتطها وتدور ع البطاقه
وتتكلم بصوت يسمعه الجميع
_دي علبه السجاير……
ودي الولاعه جبهالي الواد شيشه……
ودا فرش حشيش…….
يااااااااه ودي صوره الواد زلطه
كنا خاربنها سوا………
وتعلي صوتها شويه
ودي المطو،ه…….
وتقريبآ هيا دي اللي انته عايزها…..
هاااااااا اللقف
*وبعد الإنتهاء من كتب الكتاب مباشرآ
يتشنج العريس بطريقه غريبه
ثم يفقد الوعي تمامآ
*ويقوم أحد الحاضرين بالكشف عليه
ويصدم الجميع/البقاء لله…………..