رواية لم تكن مجرد صدفة الفصل الأول 1 بقلم نور سعيد
رواية لم تكن مجرد صدفة الجزء الأول
رواية لم تكن مجرد صدفة البارت الأول
رواية لم تكن مجرد صدفة الحلقة الأولى
_معلش معلش بعد اذنك عاوزة اعرف فصلي فين ؟
قالتها فتاة في السابعة عشر ترتدي حجابا وعيناها بلون الزيتون وبشرتها بيضاء …
التفتت إليها الشاب ليقول في لطافة:
-انتي في سنة كام؟
ابتسمت هي وقالت :
-٢ث
قال لها وهو ينظر لها :
_ب…
قاطعته لتركض باتجاه صديقتها …لتعانق صديقتها وتقول :
_مريممم…وحشاني عامله اي ؟
قالت مريم بسعادة :
_انا بخير..وحشاني يزفتة ..انا مستنياكي من بدري وبرضوا جيتي متاخر يا زفتة….لو مشوفتكيش كنتي هتحتاسي عشان توصلي لفصلنا
قالت ندي:
_اعمل اي الطريق زحمة جدا وعقبال ما لبست وسويت وعملت عارفة انتي حاجات البنات دي يا مريومة
ثم اكملت وهي تنظر لذلك الشاب :
_هو مين دة؟هو مش المفروض مدرستنا بنات بس …هما غيروها في الاجازة ولا اي ؟
قالت مريم وهي تمعن النظر :
_لا يا بنتي مغيروهاش وبعدين الولا شكله كبير مش في مدرسة بس معرفش مين دة ..جايز يكون تربية …
ثم استطردت بخبث:
_بس عموما هو حلو وقمور الصراحة وكيوت
قالت ندي وهي تقلد صديقتها “
_حلو وقمور نينننني..بطلي محن يا زفتة عيب
ثم نظرت له وقالت :
_هو حلو بس مش للدرجة يعني .. عموما يلا نخش الفصل الجرس ضرب
دخلتا الفصل وهما تسيران بجانب بعضهما …جلستا في اخر المقاعد كعادتهما حتي يحلو لهما التحدث والاكل كما تريدان
قالت ندي وهي تبتسم “
_هالو بنانيت …وحشتوني والله احلي حاجه اننا مع بعض زي السنه اللي فاتت
قالت احداهن “ريم”
_وحشتينا يا ندود ووحشتنا خفة دمك ..فاكرة لما كنا بنقعد نتريق علي مستر هيثم وهو بيشرح عشان نطقه كان وحش في الانجليزي
قالت ندي وهي تخفي وجهها بين يديها تصنعا كأنها قد شعرت بالخجل:
_يجدعان بلاش تنمر بقي تاني احنا داخلين سنة جديدة عاوزينها كيوت زيي كدة
في تلك اللحظة دخلت فتاة ذات شعر اسود قصير وعينان بنيتان وبشرة بيضاء …تربط شعرها بمحبس قصير وقد تدلي جزء من شعرها ….كانت تضع مساحيق تجميل بكثرة وكأنها مهرج
قالت مريم وهي تبتسم
:_هما فتحوا هنا سيرك ولا اي يا ندي..البنت بقت مهرج خالص ….ازاي اصلا فلتت من ايد ميس شيماء
انفلتت ضحكة من ندي في نفس اللحظة التي كان يدخل هو الي الفصل…شاب في اواخر العشرينات ذو عينان بنيتان وبشرة بيضاء مصطبغة بالوردي وشعر اسود ناعم …كان هو ذات الشخص الذي تركته بلا ادب بالخارج
انتظر حتي هدات ضحكتها فهي لم تنتبه لوجوده فاقترب منها وهو مبتسم ثم قال
:_ضحكتك حلوة
نظرت له لتُصدم برؤيته امامها لتقول مريم في تمتمة :
_طلع مدرس يا فالحة
قالت ندي بإرتباك :
_ان…انا اسفه…مكنتش عارفة ان … حضرت…حضرتك داخل
ابتسم لها ولم يعقب ثم عاد الي الامام وهو يقول للكل :
_مبدايا صباح الخير ليكم كلكم وسنة سعيدة ان شاء الله ….ثانيا انا اسمي امير وهديكم لغة عربية واتمني ننسجم مع بعض ونكون كويسين
قالت احداهن”رميساء”
_بس مش حضرتك صغير شوية يا مستر علي التدريس؟
قال لها امير وهو يبتسم ابتسامة تذيب القلب:
_مبدأيا مفيش بينا كلمه مستر ..استاذ…حضرتك…الخ….
لاني اعتبر زي اخوكم الكبير وسني قريب منكم دة غير انها كلمة تقيلة علي قلبي بحسها بتعمل حاجز بين الطالب و المدرس بتاعه ….
ثم صمت برهة وهو يراقب ندي التي كانت علي وشك الانفجار من الخجل ثم قال :
_اما بالنسبة لسؤالك ..فأنا بحب المهنة دي اوي وبحب اللغة العربية اكتر وحاسس اني عاوز الكل يحبها زيي .. عاوز الكل يعشقها زيي ويهواها …انا عندي ٢٧ سنة خريج كلية اعلام قسم صحافة بس سيبتها وقررت ابقي مدرس …..قولت لازم اخلي الكل يحب لغتنا العظيمة دي
كان الجميع مندمج معه متاثرين بكلامه …. اما هو فقال وهو يشير لندي
:_انتي اسمك ايه؟
نظرت له بإرتباك وقد احمر وجهها خجلا واصبحت مثل حبة الطماطم
اجابت بتلعثم:
_ندي… اسمي ندي يا استاذ
_امير بس لو سمحتي….عموما اسمك حلو جدا ومميز بالنسبة لي
ابتسمت ندي بينما قالت مريم بتلهف
:_انا مريم وصاحبتها الانتيم من ايام ابتدائي
قال امير وهو يمزح:
_باين عشان كدة سابتني وراحت كلمتك
قالت ندي بخجل :
_انا اسفة اوي اوي بجد
قال امير وهو يضحك:
_هو انتي اسمك اسفه؟خلاص يا بنتي انا مسامح …
طوال الحصة لم يزيح امير عينيه من علي ندي التي كانت تشعر بخجل وارتباك شديدين ….بعد انتهاء الحصة خرج سريعا بعد ان رن هاتفه بينما خرجت ندي ومريم بعد قليل واثناء سيرهما شاهدا….
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية لم تكن مجرد صدفة)
جميل
روعه
واو
حلو
حلو اوي
فاتنتاستك