رواية للقدر رأي اخر الفصل الثاني 2 بقلم سندس محمد
رواية للقدر رأي اخر البارت الثاني
رواية للقدر رأي اخر الجزء الثاني
رواية للقدر رأي اخر الحلقة الثانية
مراد : انا موافق بس بشرط أنك توافق أن بنت من بناتك تتخطب لأسر ابني بس متكملش تعليم
اياد بأستغراب : ايه الي انت بتقوله ده يامراد انا بناتي لسه هتكمل تعليمها طبعا وبعدين لسه بدري
مراد بابتسامه : اظن الرد وصل…….انا كمان بنتي صغيره
ولسه هتكمل تعليمها
عمرو : بس يا عمي انا بحب اسيل من واحنا صغيرين
وانا موافق أنها تكمل تعلمها لما نتجوز
مراد بنبره لا تسمح بالنقاش: خلص الكلام يعمرو ربنا يرزقك ببنت الحلال الي تسعدك بس بنتي انا مبفكرش اجوزها دلوقتي
نظرت اسيل ببأتسامه لوالدها ثم نظرت لأسر الذي كان يكتم
ضحكاته بصعوبه
نجلاء بأرتباك : ا ااتفضلو يا جماعه الاكل جاهز
نظرت لها سميه بغيظ : شكرا الواحد نفسه اتسدت ثم نظرت لزوجها : يلا بينا
رحل الجميع ولاكن ظلت مريم
مريم بفرحه : والله يا مراد جدع اصلا الوليه دي انا مش بطيقها طول عمرها بتكرهنا
مراد : ممكن عشان احنا مش اخواتها من نفس الام
مريم : بس بابا الله يرحمه عمرو مفرق معامله بنا
مراد : سميه معاملتها كده ومش هتتغير
هنا نعرف أن مراد ومريم اخوه من الاب والام
وعلاء وسميه من ام أخري
تابع مراد قائلا: وانا عارف انهم عايزين اسيل من الاول بس عمري
م هسمح ب ده يوم م اجوز بنتي اجوزها صغيره لا وكمان
اديها لعمرو هما نسين انو بتاع بنات ومفكرني اهبل وهوافق
اسيل بضحك: بس يا مراد ده كان قصف ثلاثي الابعاد
اسر من الناحيه الأخري : والله يا مراد انا هاخد عندك كورسات في قصف الجبهه
نجلاء بضحك لمريم وزوجها : بقولكو اي تعالو احنا ناكل وفككو منهم
مراد مقاطعا : لا انا جاااي وسعو كده وقام من علي الكرسي وابعد اسيل وأسر متابعا ….الاكل اهم من اي حاجه
……………………..
في صباح اليوم التالي اجتمعت العائله علي الافطار
مراد وهو ينظر لأسيل: بصي يا حببتي انا اي رأيك اقدملك في جامعه اخوكي وتدخلي كليه تجاره
اسيل : بس انا مش عارفه هعمل فيها أي وبعدين انا مبفهم ف شغل التجاره اصلا
اسر : علي فكره بقي يا سوسو انا عندي صحابي فيها وبصراحه انا شايف أن مجالهم حلو اوي في مثلا اداره اعمال وشغلها حلو بصراحه
اسيل : يا اسر افهمني انا طول عمري وانا بحلم ادخل هندسه بس خلاص مش في أيدي حاجه اعملها
ف مش هقدر بصراحه احب التجاره
نجلاء : يا حببتي بالعكس في ايدك انك تحبيها يعني مثلا المجال الي اخوكي بيقولك عليه تقدري بعد التخرج تبقي مديره شركه شغال فيها مهندس اصلا
اسيل بأنتباه : لا ثواني مش فاهمه ازاي يعني
مراد : انتي بتدرسي اداره اعمال يعني تتعلمي ازاي تبقي قائد لفريق ازاي تفكري في حلول للمشاكل الي بتوجهها الشركه دي هتحتاجي انك تسفري واعتقد دي حاجه انتي كنتي عيزاها اصلا انك تسافري ولا اي
اسيل ببعض الحماس : طب هو انا ممكن ادخلها بس لو مقدرتش اكمل……اا
مراد بثقه : هتقدري وهتحبيها صدقيني
اسر : اخييييي بقي هتيجي تقعدي معايا د انتي بارده
معلومه (اسر يدرس بجامعه خاصه بالقاهره ومحل إقامتهم بالاسكندريه )
اسيل بغرور : انت تطول
نجلاء لا بقي متبدأوش من دلوقتي
اسر : علي فكره يا اختي يا حببتي انا عملك مفجأه وهنخرج طول اليوم بره
اسيل بصدمه : وحياه امك قول والله
مراد : امك !!!! يخصاره تربيتي فيكي
اسيل بضحك : سوري يا مراد بس الشحط ده عمرو م عملها ف لازم اتصدم
اسر بقرف : الشحط طب قومي البسي بدل م ارجع في كلامي
اسيل : خلاص وآلله انا قايمه اهو
جه اسر يقوم مراد شاورله بمعني يقعد تاني
مراد : هو انت سألتني انت هتخرج ولالا
اسر بأرتباك : احم احم يا مراد انا وانت عارفين أن بنتك حالتها العقليه مش احسن حاجه ف لازم نخفف عليها شويه ف لازم نراعي ده
مراد : انا بتي مجنونه يا بن الجزمه
نجلاء من المطبخ بصوت عالي : والجزمه عملت ايه يا سي مراد
مراد : احيه دي سمعت
اسر وهو ينسحب : البس
مراد يتوعد : ماشي والله لوريك
بعدها أخذ اسر أخته واتجهوا إلي الخارج
…………………..
بعض فتره كانت تواجه اسيل بعض الصراعات هل تذهب الي هذه الكليه ام لا ولاكن قررت أن تنفذ رأي أهلها وان تحاول
في صباح يوم جديد
نجلاء بدموع وهي تودع اسيل وأسر : خلي بالكو من نفسكو
عشان خاطري
اسر وهو يعانق والدته : ياماما متخافيش وبعدين احنا مش بره البلد د احنا في المحافظه الي جمبك خمسايه ونبقي عندك
اسيل : خمسايه اي يسطا انت مش في الشارع الي جمبك ده سفر عيطي يا ماما عيطي
وهنا بكت نجلاء مره اخري
اسيل بضحك : احيه والله بهزر يا نوجا بطلي عياط وانبي وعانقتها هي الأخري
مراد وهو يعطي لأسر مفتاح السياره التي نساها في المنزل
مراد بنظره شك : نفسي اعرف متسربعين ليه خد يا اخويا مفتاح العربيه كنت ناوي تروح جري
اسر : يا باشا ومالو ده حتي الجري رياضه
مراد بقله حيله : اعتبرني قد ابوك واحترمني شويه
اسيل : مفيش زيي بيحترمك يا مراد يا حبيبي
مراد : مهو باين يا اختي
ثم عانقو والدهم وبدأو الرحله
الان تدخل بطلتنا الي حياه جامعيه جديده تعيش اشياء جديده هي متجهه للمجهول ماذا ستفعل
وما الذي ينتظرها ؟!؛
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية للقدر رأي اخر)
تعليق واحد