رواية للعشق جنون الفصل الرابع 4 بقلم نورا فريد
رواية للعشق جنون الجزء الرابع
رواية للعشق جنون البارت الرابع
![للعشق جنون](https://camo3blog.com/wp-content/uploads/2024/07/للعشق-جنون-213x300.jpg)
رواية للعشق جنون الحلقة الرابعة
زياد و سيليا فضلوا يرقصوا تحت المطر بين الهزار و الضحك و اللعب بالماية سيليا اول مرة تعمل حاجة و هى مش خايفه من حد أما زياد ف اول مرة يكون فرحان من قلبو و بعد وقت طويل جدا اخيرا زياد و سيليا روحوا و برضو بيهزرو
سيليا بضحك:-انت مشكلة تنفع تقدم في ساتر اكاديمي
زياد بغرور مصتنع:-علشان تعرفي بس
ما بدري بهوات كل ده كنتو اتاخرتو شوية حتي الفجر على ادان يعني متاخرتوش خالص
زياد بهدوء ما قبل العاصفة:- ايه اللي مخليك صاحي لحد دلوقتي مش وراك جامعة الصبح روح نام
مروان اخد قطمة من التفاحة و قال ببرود:-قلقت عليك يا غالي بس طلامة مع الانسة سيليا تمام هو مش انتي انسة برضو ولا مدام على كل حال مش ها تفرق كتير اوه ده شكل المطر مبهدلكم على الاخر بس مش مهم المهم انكم مع بعض يعني انا كده انام و انا مطمن عليكم احلام سعيدة يا عصافير
و راح مروان غرفته و هو بيغني سيليا نظرت ليه زياد بغضب و راحت لى غرفتها الجديدة راحت لى التواليت خدت شور و نامت صحيت على صوت مريم
سيليا: مريم ايه اللي مصحيك لحد دلوقتي انتي كويسة
مريم: ممم مش عارفه انام في البيت العجيب ده انا مش مصدقه انى هبقا طول عمري ما الساذج اللى اسمو مروان كل شوية بيعصبني سيليا اتصرفي ارجوكي
سيليا رجعت تنام تانى: ممم اتعودى بقا يا روحي لان مفيش مفر من الواقع
مريم بغيظ: صحيح عملتي ايه مع حبيب القلب اكيد اتحيلتي عليه علشان يقبل يكمل بعد اللى ماما عملتو
سيليا بتعب: يا مريم بقا ابوس ايدك اقفلي على الموضوع بلا مصطفى بلا زفت عليه و على مامتو يا تنامي يا تمشي انا مش فايقة لى الكلام تمام
مريم خرجت من الغرفة بغضب من سيليا و جنانها و بعد مرور اسبوع تم زواج منير و ماجدة تحت فرحت زياد و غضب الباقي و في الجنينه
عشق اتجهت لى جاسر شافته مسك بن.دقية و عمل يضرب بيها بغضب عشق شافت كده و خافت كانت ها تجري على جوه لكن وقفها صوت جاسر
جاسر و هو مراكز في اللى بيعملوا: نعم يا عشق سامعك قولي اللى عندك و بلاش جبان
عشق بتوتر: جبان ايه اه لا انا كنت بتمشي و اتخنقت ف هروح لى اوضي احسن
جاسر: عشققق و بعدين معاكي
عشق: اه احم انا بشكرك جدا على انك انتقذتني مع ان المفروض اقتلك أو ابلغ عنك على الحركة دى حد قالك انقذني بس حصل خير انا بشكرك جدا و بعتذر جدا على كلام مريم و تصرفها
جاسر نظر ليها: و بعدين
عشق بخجل و عفوية: انا عارفه انها تمدت اوى بس والله مفيش اطيب منها بس مروان اللى بدا و غلط فينا و في تربيتها و ببتعمل معاها اكنو محقق ف غلطت فيكم بالغلط والله ما كان قصدها احنا مش بنغلط في حد لان ل اخلاقنا ولا تربيتنا يسمحوا اننا نقل ادبنا على حد ف ارجوك متزعلش ولا اقولك ازعل حقك بس متحطنيش في الحسبة لاني متكلمتش ولا سيليا و انتوا شاهدين انا ببرر لى مين ما تزعلو ولا تتفلقو انا مالي يييه سوري متزعلش بس حقيقي اخوك مش متربي مفيش غير زياد ( ضربت ايديها على جبينها) يختييي باين عكيت انا عارفه لساني مش بيعمل حاجه غير انو بيعك عن اذنك بقا يا ابيه
جاسر بدهشة: ابيه.. اذنك معاكي يختي امشي من قدامي يا عشق ده لو ناوية اكون هادي معاكي
عشق راحت لى غرفتها و سبت جاسر ه يتشل منها
جاسر: والله البت دى عندها انفصام شخصية ابيه خلينا اشوف اخرتها معاكم ي اطفشكم يا تطفشوني
أما في غرفة مروان مروان دخل غرفته و مريم خرجت من التواليت و الماسك على وشها و شكلها مخيف شوية
مروان صرخ: اانتي مين و ايه اللي جابك اوضي
مريم: يخرب بيتك وقعت قلبي مين ايه يا عم انا مريم و جيت هنا لان التواليت عندي خربان ف قولت اجي هنا و بصراحة اوضك عجبتني و عيني منها
مروان بجنون: نعم يا روح امك عينك من مين اوضي لا فوقي مش معني انى ساكت انى خايف منك ولا من اخواتك لا يا ماما فوقي
مريم بنفس الأسلوب: احترم نفسك يا بتاع انت انا مش ها سمحلك تتكلم معايا بالطريقة دى احترم نفسك و اطلع برره يالا و بالنسبة الاوضة ثانيه واحدة ( مريم طالعت شنط مروان من غرفة الملابس بعد ما حطت الهدوم فيهم) خد حاجاتك و اتكل على الله و طراني لاني مش طيقة اتكلم معاك ولا طيقة اشوفك يا حيوان اطلع بره اوضي اتكل على الله يا جدعة المقبلة انتهت ( قالت كده و قعدت على السرير ببرود)
مروان نظر ليها بتوعد و خرج و رزع الباب وراه مريم طالعت على السرير و قعدت تتنطط بفرح و انتصار مروان راح غرفة مريم لان مريم طرديته من غرفته راح التواليت و لانه مركزش داس على الصابون اللى مريم حطيته قبل ما تسيب الغرفة داس على الصابون اتزحلق و وقع على الأرض
أما عند سيليا و زياد في الشركة
سيليا حطة ايديها على خدها: و ايه كمان يا رايق
زياد: تريقه ها
سيليا: والله ابدا كمل بقا شوقتني حصل ايه سيبتو بعض ليه
زياد: مكنتش شبهي صحيح نفس المستوى بس مش شبهي ف قررت ان ابعد عنها بس كنتي مستنية اقولك انها سبتني و راحت لى غيري و كرهتني في الحب مش كده
سيليا بضحك: اعمل ايه ما ده اللي بيحصل في الروايات يا سيدي بس من رايي كنت عطيتو لبعض فرصة
زياد: فرصة ايه بقولك من الاول مفيش اي تفاهم و اللى فى طبع مش بيتغير بس برافو عليكي طالعتي شاطرة أوى لا و عاقلة كمان
سيليا بغرور: اومال علشان تعرف انى في الجد معنديش يا مامي ارحميني
زياد بابتسامة: هو ده الكلام بس لازم تفوقي لى نفسك لانكي اوفر جدا شيلي المسؤلية بس مش لدرجة ان تنسي حياتك
سيليا نظرت ليه بغضب و خرجت و زياد وراها
أما في القصر عشق واقفة في الصالون بخوف
عشق بدموع: طب اقول ايه لى اهلي اهلي لو عرفوا حاجة زى كده ممكن يموتوني اعمل ايه طب اقولهم ايه اقول لى امي ايه اقولها ولا اعمل ايه ( و تقول و هي بتلتفت وراها) حامل
جاسر بصدمة
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية للعشق جنون)