رواية رحمة ومحمد الفصل الخامس عشر 15 بقلم ندى عبدالعزيز
رواية رحمة ومحمد الجزء الخامس عشر
رواية رحمة ومحمد البارت الخامس عشر
رواية رحمة ومحمد الفصل الحلقة الخامسة عشر
وقفنا البارت اللي فات لحد ما مريم ومحمد كانوا قاعدين ولقوا الباب بيخبط
محمد بصدمه: اي ده
مريم : مين بيخبط ي محمد
الشله كلها ب اجوازهم احمد ومنه واسيل ومالك والأم وكمان علي ( لكل اللي اتوقعوا ان اللي بيخبط سالي احب اقولكوا ان انا بختلف عن الأخرون وسوري لمخالفت توقعاتكوا بس لازم يبقى في كريتيڤ في الموضوع )
مريم : اي ده اتفضلوا اتفضلوا
علي بضحك ل محمد : انت مصدوم كده ليه يسطاا
محمد بضحك : يعم اتخضيت فتحت لقيتكوا كلكوا ف وشي
علي : قصدك اننا نمشي يعني انت بتطردنا يعم
محمد : لا ي حبيبي مبطردكوش انا اقدر انتوا تنوروا
الأم : تسلم ي حبيبي
احمد : حاسك مش مبسوط ب وجودنا
محمد بتمثيل الغيظ : ليه بس ي حبيبي متقولش كده البيت بيتكوا
مالك : مش حاسك بتقولها وانت مبسوط
محمد : انت عايز مني اي يابني وربناا مبسووط بيكو اوي
مالك : خلاص يعم انت بتتعصب ليه
علي : بمناسبة ان كلنا متجمعين انا عايزكوا تعملوا ماتشينج يوم كتب كتابي
الشله كلها: دي فكره حلوة جداً
مريم : ايوه يعم أخيراً هشوفك عريس
علي بضحك : اي يابنتي هو انا كنت معنس للدرجادي
مريم بضحك : مش الفكره بس احساس ان اخوك هيتجوز ده جامد لا ومن مين من صاحبتي بس للأسف كده مش هعرف ابقى حربايه لأنها هتكون صاحبتي بس ممكن نبقى نتفق عليك
علي : خلاص كده من الأول وهتبيعيني انت مش صاحبي ي صاحبي
مريم : ايوه اصل الحنية مبتتشحتش
علي: ايوه صح
اسيل : جماعه ما تيجوا نلعب
الباقي : نلعب اي
اسيل بتفكير : ممكن صراحه
منه: احنا كل مره بنلعب صراحه بنتخانق
اسيل : لا لا المرادي هتبقى اسأله عاديه مش هنتخانق فيها
الكل : ماشي يلا اسألي
اسيل : اي اكتر اغنيه بتحبوها
مريم : حزين ولا عادي
اسيل : الأتنين
علي واحمد ومالك : مخاصماك
البنات : على فكره الأغنيه دي معموله عشان ننكد عليكوا مش عشان تحبوها
الشباب: نعمل اي طيب ما هي اللي حلوه
منه : انا م حاسه اللعبه دي تعالوا نلعب لعبه تانيه
اسيل : خلاص تعالوا نلعب ان واحد يغني واخر حرف من اخر كلمه يبدأ بيه التاني اغنيه
الكل : تمام
مريم : انا هبدأ
وقعدوا يلعبوا لحد ما الوقت اتأخر وكلهم روحوا ومريم ومحمد ناموا
عدا الأسبوع على خير وجه يوم كتب كتاب علي وياسمين
البنات والشباب عملوا ماتشينج مع بعض البنات لبسوا فساتين بيبي بلو وطرح بيضه والشباب لبسوا بدل لونها بيبي بلو والقميص ابيض
علي كان لابس بدله سوده وياسمين فستان ستان ابيض
والمأذون جه وقال جملته الشهيرة
بارك الله لكما وبارك عليكما وجمع بينكم في خير
البنات : لولولولولولولولولي
علي قام يحضن ياسمين وقفه عبدالله
عبدالله : انت رايح فين ينجم
علي برفعة حاجب: يعني اي رايح فين يابني رايح ل مراتي خلاث انت ملكش حجه
عبدالله : انت عارف لو زعلتها ف يوم انا هعمل فيك اي
علي بنفاذ صبر : يادي النيله هو انا اللي عملته في محمد هيطلع عليا ، اه يا حبيبي عارف هتعمل اي ممكن اروح ل مراتي بقا ومتقلقش مش هزعلها هشيلها في عيوني
عبدالله : طيب يلا روح
علي : أخيراً
عبدالله بضحك: هغير رأي على فكره
علي : خلاص يعم مكنتش كلمه قولتها
علي راح ل ياسمين وشالها ولف بيها والبنات زغرطت
تاني يوم كتب الكتاب علي اخد ياسمين وسافروا يعملوا عمره
بعد ٧ شهور من الأحداث دي
كانت منه واسيل ولدوا منه جابت ادم واسيل جابت ايسل
مريم : اعاااااااااااااا الحقني يا محمددد بولددد اعاااا
محمد بنوم : نامي يا حبيبتي انتِ بقالك ٤ شهور بتقولي هتولدي
مريم بصراخ : بقولك بولدد بجد الحقنييي
محمد وهو بيلف حوالين نفسه : اعمل اي طيب اعمل اي
مريم : انت لسه هتقول اعمل اي خدني على المستشفى بسرعهه
محمد : ايوه صح يلا
محمد خد مريم المستشفى واتصل ب علي والشله
محمد : يارب طلعها بالسلامه يارب
علي : هما اتأخروا اوي جوا كده ليه
الشله : اهدوا يا جماعه إن شاء الله خير هما مش بقالهم كتير اوي جوا يعني
الممرضة ل محمد : مُبارك ي استاذ محمد جالك بنتين
محمد بفرحه : الحمدلله يارب الحمدلله
اخد محمد البنتين منها واذن في ودنهم
محمد : بصوا مشاء الله حلوين ازاي
علي : هاتهم اشيلهم يا محمد
محمد : سمي الله وخد
محمد ل الممرضة : احنا ينفع ندخل ل مريم امتى
الممرضة : هي هتتنقل غرفة عاديه دلوقتي وبعد كده ابقوا ادخلوا عادي
محمد : تمام
بعد شويه مريم اتنقلت اوضه عاديه
محمد : مُبارك ي حبيبتي بنتين زي القمر
مريم : الله يبارك فيك ي حبيبي ، ربنا كرمه واسع اوي بس لازم نرضا بقضاءه
محمد : ونعم بالله ، ها هتسميهم اي
مريم: انا هسمي واحده وانت واحده ، هسميها دارين
محمد : وانا هسمي التانيه لارين
كده الروايه خلصت يارب تكون عجبتكوا
لقراءة الرواية كاملة اضغط على : (رواية رحمة ومحمد)
