رواية لعنة سيرين الفصل الأول 1 بقلم ملك محمد

رواية لعنة سيرين الجزء الأول

رواية لعنة سيرين البارت الأول

رواية لعنة سيرين الحلقة الأولى

كنت قاعدة لوحدي في البيت ..بابا وماما كانوا في مشوار واخويا كان سهران في الشغل …انا كدة كدة مش بخاف من القاعدة لوحدي فا دخلت الاوضة وقفلت الباب وقعدت .
قعدت شوية مش كتير في الاوضة وسمعت صوت حاجة وقعت علي الارض …واضح أن الصوت كان من المطبخ يعني.
دخلت المطبخ كنوع من أنواع الفضول.
دخلت لقيت في طبق وقع واتكسر قولت يمكن كان محطوط غلط.

لميت الازاز ودخلت الاوضة تاني..مكنتش خايفة نهائي يعني.
بعدها بشوية سمعت صوت الباب بيفتح .
قولت ماما وبابا وصلوا ..كسلت اخرج بصراحة .
بعت لبابا مسج علي موبايله قولت له ‘جيبت اللي اللبن زي ما قولتلك ‘
لقيته بعت بيقولي :”ما قولتلك يا سيرين لما اروح هديكي اللبن ‘
استغربت وقولت له:’يعني انت موصلتش !’
بعتلي وقالي :’بطلي هزار يا سيرين احنا لسة في المواصلات ‘.
خوفت المرة دي وقولت له:’بابا بطل هزار بقا يعني انت موصلتش ‘
قالي :’والله يا سيرين مروحتش ويلا بقا انا هقفل النت’
حسيت بخوف شوية بس جرائتي كانت أكبر من خوفي وقررت اني هخرج اشوف مين اللي برا أو ايه اللي برا !
خرجت لقيت بابا وكان لابس نفس اللبس اللي كان لابسه وهو خارج ..قولت له :ما انت وصلت اهو يا حاج امال بتحور عليا ليه ..
دخل المطبخ من غير ما يرد عليا وفجأة اختفي …مش من المطبخ بس لاا.
اختفي من البيت كله …اتصلت ببابا وقولت له :انت فين يا بابا .
بابا :يا سيرين قولت لك في المواصلات .