رواية جواز بالإجبار الفصل الأول 1 بقلم رودي

رواية جواز بالإجبار الجزء الأول

رواية جواز بالإجبار البارت الأول

رواية جواز بالإجبار الحلقة الأولى

انت اصلا لو مجوزتنهانيش بموافقتك هتجوزها غصب عنك فأنا قولتلك عشان ابقى عملت اللى عليا وخلاص ها قولت ايه
-انت اتجننت ولا ايه انت فاكرنى مش هعرف احمى بنتى يعنى اطلع بره لبلغ عنك
_تمام روح بلغ بس انت عارف كويس اوى انك لو بلغت مش هيعملوا حاجه وانى ممكن البسك قضيه اخليك متعرفش تطلع منها اصلا وكدا بتجنى على بنتك
الراجل بلع ريقه وسكت فكمل هو وقاله:ايه مالك مبلغتش ليه
الراجل بعجز:انت عايز من بنتى ايه ما قدامك بنات كتير اشمعنا بنتى
هو:ميخصكش بس قدام بنتك هتقول انك موافق والا انا ممكن اخدها ومتعرفش عنها اى حاجه اول ما تيجى تقولها تحضر نفسها ولسه هيكمل لقى اللى بتفتح الباب وداخله واول ما شافته اتصدمت واتعصبت وقالتله:انت بتعمل ايه هنا وازاى تدخل بيتنا اصلا اطلع بره
اعرفكوا بقا
دى”إيمى”بنوته قمر كدا سمراء اللون وعيونها عسلى جميله وجذابه عايشه مع والدها فقط عندها23سنه فى كليه تجاره انجلش
“ياسين” شاب وسيم ابيض اللون وعيونه بنى ومفتول العضلات عنده28سنه رجل اعمال بنى نفسه بنفسه
هنعرف عرف ايمى ازاى بعدين…..
هو اتعصب ولسه هيرد ابوها رد بسرعه وقالها:إيمى عيب كدا وروحى جهزى نفسك يلا عشان ياسين طلب ايدك منى وانا موافق
ايمى بصدمه:ايه اللى بتقوله ده يا بابا ايه اللى غير رأيك هو قالك حاجه عمل حاجه طيب قولى اوعى تخاف عليا انا بعرف احمى نفسى كويس منه
ابوها بجمود:مش عايز كلام كتير وادخلى غيرى عشان المأذون جاى دلوقتى
ايمى بصدمه اكبر:مأذون مأذون ايه بابا انت بتقول ايه انا مستحيل اتجوزه لو اخر واحد فى العالم كله مش هتجوزه
ياسين بجمود:اظن سمعتى والدك قال ايه
ايمى بعصبيه:انت ملكش دعوه بيا متتكلمش معايا اصلا
انا موجهتلكش كلام
ياسين ببرود:صوتك ميعلاش مره تاني والا هندمك على اليوم اللى اتولدتى فيه وكلمه تانيه زياده انا مش مسئول عن اللى هعمله
ابوها بزعيق:إيمى انا قولت ايه ادخلى غيرى بسرعه وبدون نقاش
ايمى بدموع:بس قاطعها والدها وقالها:يلااا
دخلت جرى على اوضتها ورزعت الباب وقعدت تعيط وتقول اكيد قال حاجه لبابا عشان كدا بابا زعقلى وعمل كدا وقعدت تعيط وتقول انا لازم اشوف حل مستحيل اتجوزه لا وبعدين حصل……