رواية لأنك نبضي الفصل الأول 1 بقلم جانا مبروك
رواية لأنك نبضي الجزء الأول
رواية لأنك نبضي البارت الأول
رواية لأنك نبضي الحلقة الأولى
انت مين؟!!
قالها تميم وهو مستغرب لما شافني وانا بحط الهدوم في الدولاب اللي في اوضته
انا الممرضه بتاعتك يا استاذ تميم
قولتها بهدوء وانا لسه بحط الهدوم في الدولاب
ممرضه ممرضه ايه وليه انا مش تعبان
قالها تميم باستغراب من وجودي
روحت قعدت علي الكرسي اللي جمب السرير وقولتله بتنهيده لا حضرتك تعبان بقالك فتره طويله وبيجبلك حاله عصبيه بتتعبك وبعدين بتدخل في حاله كده بتوصلك لانك بتنسي حاجات معينه كده فتره وبعدين بتبدأ تفتكر تاني
بصلي تميم بعدم تصديق وقالي يعني ايه اللي انتي بتقوليه ده انا مش فاهم حاجه ازاي يعني يبان في فتره صغيره وبرجع افتكر تاني الكلام اللي انت بتقوليه ده ما يدخلش العقل
رفعت عيني فيه وانا ببص له بابتسامه ومديت ايدي ليه بالعلاج وقلت له اول ما هتاخذ العلاج وانا هحكي لك اللي حصل هتبدا تفتكر واحده واحده
بصلي بشكل بس انا اتصلت له فمد ايده واخذ مني العلاج واخذه من نفسه ودي بتكون اول مره ياخذ مني العلاج من نفسه من غير ما يتعبني من غير ما اتحايل عليه بصيت له بابتسامه وقلت له كده تمام هقوم اعمل لك حاجه تاكلها انت بقى لك يومين نايم وما اكلتش حاجه يا دوب عايش على المحاليل
انت مش هتقومي من هنا غير لما تحكي لي كل حاجه
قالها تميم وهو بيشدني من ايدي قعدني على الكرسي تاني بصيت له وابتسمت وابتديت احكي
&فلاش باك&
من سنتين تقريبا كان تميم ومراته يارا وابنهم زين في العربيه راجعين من القاهره وكانوا مبسوطين وبيهزروا وبيضحكوا كان تميم بيكلم ابنه زين وهو باصص لوراء وفجاه صرخت يارا وقالت له حاسب يا تميم لكن كان فات الاوان وجات عربيه نقل كبيره ودخلت فيهم بسرعه واتنقلوا كلهم للمستشفى وتميم لانه كان هو اللي بيسوق وكان رابط حزام الامان فجراحوا كانت بسيطه كان كسر في ايده وفي رجله وكم غرزه في دماغه اول ما فاق بدا يسال عن مراته وابنه وعرف ان ابنه مات ومراته في حاله خطيره طلع غصبا عن كل الدكاتره وراحوا عند العنايه المركزه علشان يشوف مراته وفضل واقف يبكي ويقول لها ابننا راح يا يارا انا السبب انا اللي مكنتش شايف كويس وفجاه بيشوف جهاز القلب بيصفر وبيعلن عن موت يارا وبيسمع الممرضه وهي بتنادي للدكتور وتقول له الحق يا دكتور المريضه قلبها وقف بيبدا تميم يصرخ بهستريا لحد ما بيدخل في غيبوبه وبيفوق منها بعد ست شهور وبيرجع بيته ولكن بدا يظهر عليه اعراض التعب مره ثانيه وكل فتره بيتعب وتجيله حاله الهستريا تاني ويدخل في حاجه غيبوبه مؤقته بتقعد من ثلاث لخمسه ايام بس وبيفوق منها وهو فقد الذاكره ويبقى فقدان ذاكره لمده قصيره جدا واول ما بياخذ العلاج بيقعد من 12 ل 24 ساعه مش فاكر حاجه وبيبدا يفتكر كل حاجه تدريجيا بس فقدان الذاكرة مش بيزيد عن اليوم والحاله دي بتيجي له من سنتين كل شهرين او ثلاثه مره تقريبا لما بيقصر في العلاج وبيفتكر الحادثه وبيضغط على أعصابه
&بالك&
دلوقتي انت اخدت العلاج وشويه وهتبدأ تفتكر كل حاجه
ها حاجه تاني ولا اقوم اعملك اكل
قولتها بابتسامه وانا بقوم من قدامه
وبخرج من الاوضه
لكن وقفني صوته وهو بيسألني
انت اسمك ايه
التفت وابتسمتله بهدوء اسمي نوره
قالي طب ليه انت بتعملي الاكل انتي ممرضه ولا طباخه ابتسمت على طريقته اللي زي طريقه الاطفال وبرائتهم
وقولتله عشان انا مُكلفه اهتم بكل حاجه تخصك وبعدين مشيت
وبعد شويه قام تميم وراح البلكونه فعملتله كوبايه ليمون بالنعناع لانه بيحبها اوي وطلعتهاله أحدها مني وشكرني فابتسمت له ودخلت عشان اكمل الاكل وفجأه سمعت تكسير جامد بره فاتنهدت بحزن وبعدين طلعت عشان اشوف ايه اللي حصل المره دي بس اتفاجأت لما لقيت
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية لأنك نبضي)
تعليق واحد