رواية كيد النساء وقهر الرجال الفصل الرابع والعشرون 24 بقلم منى محمود

رواية كيد النساء وقهر الرجال الجزء الرابع والعشرون

رواية كيد النساء وقهر الرجال البارت الرابع والعشرون

رواية كيد النساء وقهر الرجال الحلقة الرابعة والعشرون

عاصم لسه هيرد لكنه سكت وابتسم وبص وراها وهي حركتة دي قلقتها لسه هتبص وراها اتفاجات ب محمد اخوها جاي عليهم والغضب ماليه ويادوب هيقرب لكن رانيا كانت اسرع منه وفجأة وقفت قدام عاصم وبعزم ما فيها ضربته بالقلم
رانيا بكره
بقا انا تخدعني يا حقير والله ما هسيبك انت لسه متعرفش رانيا ممكن تعمل ايه حتي لو محبوسه في اخر الدنيا وبيني وبينك بلاد
محمد بغضب
بقا يا بجحة انتي كمان اللي بتمدي ايديك عليه … ايه يا بت البجاحة دي هه
رانيا ساكتة
عاصم بغضب
انا احتراما ليك يا محمد مش هرد … واظن كدة انت اتاكدت من كل كلمة قلتهالك … وبالنسبة حقي في غلطك فيا لما قلتلك وحقي دلوقتي في اللي اختك عملته انا متنازل عنه مقابل ان الموضوع دا يتقفل نهائي كأنه لم يكن عن ازنك
عاصم مشي وهو مضايق أنه مخدش حقه بس كتم ضيقه دا جواه مقابل ان الموضوع يخلص بدون شوشره وبهدوء
محمد سحب رانيا علي العربيه وطلع علي البيت واول ما دخل حكي لابوة وأمه كل اللي حصل … وبعد علقه محترمة ل رانيا كان القرار أنها تسافر ل عمها في كندا وتفضل هناك عشان متأثرش علي شغلهم ولا سمعتهم هنا
( دا الواقع اللي حصل صعب التغير فيه )
❈-❈-❈
محمود وعيلته وياسين وصلو بيت نوال والكل استقبلهم بحب وفرحة للتجمع اللي بقالو سنين محصلش
نوال
اهلا اهلا نورتونا والله يا جماعه … اللمة دي كانت وحشانا من سنين والله
هناء ابتسمت
البيت منور بصحابه يا حبيبتي
جودي
انا سمعت أن بقا في ف العيلة شيف صغنن بينافسني الكلام دا صح ولا ايه
هند بحرج
يا خبر لا طبعا انافسك ايه انا يادوب لسه ببدء مش اكتر
جودي
والله انا ادوق واحكم بنفسي … ماما مخليالك انتي صنف مخصوص هتعمليه وبعد الغدا هقولك راي بس بكل صراحة اوك
هند ابتسمت
اوكي … صنف ايه بقا اللي هعمله ؟
نوال
البت جودي دي شريرة انا واحلام واسماء كنا هنسبلك صينيه رقاق ولا سمبوسه لكن جودي رفضت وقالت لازم صنف رئيسي مش مقبلات … اختارت ا أسمه يوه نسيت والله
اسماء ضحكت
اختارت انك تعملي بيكاتا بالمشروم يا هند
هند
ممممممم لا طلعتي شريرة فعلا يا جودي مش بيكدبو يعني
جودي ضحكت
أيوة انا شريرة ها هتعمليه ولا انسحبتي من اولها
هند بتحدي
لا طبعا انسحب ايه … انا جاهزة فين المطبخ بسرعه
نوال
تعالي حبيبتي معايا
احلام
استنو هاجي معاكم اتفرج بتتعمل ازاي انا وشريف بنحبها بس ديما كنا بنكلها من برة عمري ما جربت اعملها
هند
تعالي طيب هعلمك طريقه إنما ايه احلي من بتاعت المطاعم ميه مرة
جلال
يا خوفي في الاخر يا لينا تعمليلنا من اللي تحت الحوض
هند باستغراب
ايه اللي تحت الحوض ؟ مش فاهمه
امير ضحك علي براءتها بس معلقش
ياسين
سيبك منه دا بيتريق عليكي يا روحي ناس حقودة بعيد عنك
هند كشرت
انت بتتريق عليا فعلا يا جلال
جلال ضحك
دا افيه من مسرحيه وربنا انتي اللي ابيض خالص اعملك ايه
هند
ماشي يا خالو شكرا
قالت كدة واتحركت علي المطبخ مع نوال واحلام
جلال
دي قالتلي خالو تبقي زعلت بجد … بت يا هند خدي يا بت هنا انا بهزر وربنا
دخل جلال وراها المطبخ وفضل معاهم شويه يضحك ويهزر عشان هند تفك ومتحسش باي احراج خصوصا أن دي اول مرة تخرج فيها من البيت من وقت ما تعبت
❈-❈-❈
شريف ومحمود كانو بيلعبو طاوله وامير وياسين كانو جمبهم بيتناقشو في مواضيع مختلفه
علي الناحيه التانيه كانت اسماء وهناء وجودي قاعدين سوا وبيرغو في مواضيع الخلفه والرضاعه والتربية بوجه عام
هناء
بس فعلا يا اسماء انا معجبه جدا بيكي وبطريقتك مع الولاد … طريقه صحيه جدا وايجايبه جدا وان شاء هتشوفيهم في يوم احسن الناس كمان
اسماء ابتسمت
شكرا علي الكلام الجميل دا بجد تسلمي
جودي
فعلا انا لاحظت قد ايه انتي هاديه معاهم وبتطولي بالك جدا عليهم في ناس تانيه عصبيتها للاسف هي اللي بتتحكم فيها وديما ولادها اللي بيدفعو التمن في الاخر
اسماء
عشان انا بطبعي مش عصبيه … طول عمري انا الهاديه واحلام الشعنونة … ولما خلفت اياد وايلين وعرفت أن عندهم DAHD قريت عن المرض دا كتير جدا جدا مكنش عندي امكانيه أن اعمل كل الخطوات من دكتور ل علاج ل جلسات ل تمارين … اتعلمت الجلسات اون لاين وبقيت اطبقها عليهم و ودتهم تمارين سباحة وكورسات رسم بس حاليا موقفين للاسف
هناء
برافو عليكي بجد … بس غلط توقفي فترة كبيرة كدة ممكن يتراجعو لا قدر الله في اللي وصلو ليه
اسماء
والله يا هناء غصب عني لسه مستقرتش في مكان … بس كنت شفت فيديوهات ل دكاترة كتير كانو بياكدو أن اكتر حاجة تعملهم انتكاسه هي أنهم ميخطلتوش بأطفال طبيعيه ف انا عمري ما قطعت دا الحضانة بالنسبالي اهم حاجة وطبعا عمري ما قطعت التمارين والجلسات التخاطب هي الرياضة بس وان شاء الله فترة وهنرجع نكمل تاني
جودي بحب
أن شاء الله يا روحي … هما بصراحة كتاكيت خالص واندمجو جدا مع تيا جدا وهي كمان طول الوقت عايزاهم معاها
اسماء
دي تيا دي اللي كتكوته خالص ربنا يحميها يارب
هناء
فعلا صغننه خالص في نفسها وتحسيها سكر كدة عايزة تتاكل اكل والله هي فين صحيح مش شايفاها مع اياد وايلين
اسماء
قاعدة علي الرخامة بتاعت المطبخ جوة بتتفرج علي هند وهي بتطبخ
جلال خرج من المطبخ وقعد علي ايد الكرسي اللي جودي قاعدة عليه وهمسلها بصوت واطي
جلال
حبيبي ما تقومي تفردي ضهرك شويه علي السرير بقالك كتير قاعدة كدة
جودي بحب
انا كويسه يا جلال ومبسوطة بالتجمع دا جدا بقالنا كتير متجمعناش كدة سبني قاعدة معاهم والله وعد لو حسيت اني تعبانة هقولك علي طول
جلال
وعد يا جودي
جودي
وعد يا نن عين جودي
❈-❈-❈
بعد شويه كان الكل متجمع علي السفرة
جودي
ممممم لا طلعتي شيف يا بت يا هنودة
هند بفرحة
بجد عجبتك يا جودي ؟
جودي
اه والله عجبتني جدا مظبوطة اوي وفيها نكهه حلوة وجديدة كدة
هناء
اهي دلوقتي هتتمرع علينا اكتر ما هي ومحدش هيقدر يتكلم معاها
جودي ابتسمت
اومال لما استأذن منكم بقا أنها تبقي معايا في المشروع اللي هنعمله انا وشريف وامير لاني بسبب حملي والولادة أن شاء الله مش هعرف اتواجد بشكل مستمر .. يا تري هتوافقو ولا ايه
هناء ومحمود بصو ل بعض بحيرة حست بيها نوال
نوال
مش وقتة الكلام دا يا آخرة صبري … خلينا نتغدي ونشبع من بعض وابقي اتكلمي ف الشغل بعدين
هند بحماس
مشروع ايه دا يا جودي ؟ مطعم حلويات زي ما كان نفسك ديما
جودي بحماس مماثل
لا احنا كبرنا الفكرة بقا وبقا مطعم كبير
وبدأت تحكي ل هند عن المشروع والأفكار اللي هي واخواتها اتفقو عليها مع بعض محمود وهناء كانو مستمعين في هدوء معلقوش باي كلام … وبعد الغدا اتجمع الكل مرة تانيه وهما بيشربو الشاي بالنعناع اللي نوال أصرت تعمله بنفسها
ياسين
مممم تسلم ايديك يا طنط والله حبه شاي مظبوطين وجم في وقتهم
نوال كشرت
تسلم ايدي ايه وبتاع ايه ايه طنط دي يا ياسين
ياسين ضحك
اومال اقول ايه بس
جلال
قول زي ما بتقول ل هناء اختك هما الاتنين دلعهم واحد نونا
ياسين بصلها
حضرتك فعلا عايزاني اقولك كدة ؟
نوال
اه طبعا انا بحب اسم نونا … البت احلام واسماء تعبوني علي ما رضيو يقوله ولحد دلوقتي ساعات ينسو ويقولو يا طنط واول ما اكشر يتعدلو علي طول
ياسين
لا وانا مقدرش علي التكشيرة دي ابدا تسلم ايديك يا احلي نونا
نوال بحب
تسلم من كل شر يا رب
اياد كان بيلعب مع ايلين وتيا استغمايه والدور كان علي تيا ايلين استخبت ورا الكنبه واياد راح عند ياسين
اياد
انا سخبه وراك ماشي ؟
ياسين ضحك
ماشي يلا بسرعه
تيا عدت لحد تلاته ولفت تدور عليهم والكل متابعهم باهتمام
تيا زهقت و وقفت تعيط ف وسط الصاله انها مش لاقياهم راحت ايلين طالعه جري علي تيا وحضنتها وفضلت تطبطب عليها لكن اياد فضل مستخبي
ايلين
اطلع يا ياد بقا تيا عيط حرام
اياد طلع وهو مكشر ولسه هيمشي مسكة ياسين
ياسين بحب
مكشر كدة ليه ؟
اياد
عايز العب وهما بيعيطو ويحضنو بعض وبس كدة
ياسين
طب ممكن العب انا معاك
اياد بفرحة
بجد !!
ياسين بحب
بجد ها قولي تحب تلعب ايه وانا معاك
اياد بص ل شريف
وانت كمان يا عمو ممكن
شريف ضحك
وانا كمان يا سلام وانا اطول العب مع اياد باشا بنفسه
جلال
وانا والراجل الغلبان دا ( شاور علي امير ) يا سي اياد ملناش نفس يعني ولا ايه ؟
اياد
عايزين تعالو يلا نعمل كيلو بامية عشان نشوف مين عليه الدور
ضحكو كلهم وفعلا نفذولو طلباته ولعبو معاه استغمايه واياد كان مبسوط وفرحتة كانت باينه للكل
هناء كانت بتبص علي ياسين بحزن وعيون بتدمع ولما حست ان ممكن حد يشوفها عملت نفسها بتلعب في تلفونها عشان تنزل وشها ل تحت لكن مخدتش بالها من اللي راصد أي حركة ليها وبعتلها علي الواتس
محمود
عشان خاطري بلاش دموع صدقيني دموعك دي هتقتله كل ما هيحس أنه صعبان عليكم كل ما هيتعب اكتر والله … اضحكي يلا يا حبيبي
هناء قرت الرساله واتنهدت وبدأت ترفع راسها وتتفرج عليهم وهي مبتسمة
بصت ل محمود اللي غمزلها ف دا كسفها ابتسمت وبعدت عيونها عنه
الاء كانت مندمجة في الفرجة علي اللعب تلفونها رن بصوت رساله فكرتها من أميرة لكن اتصدمت لما لاقتيها من عاصم
عاصم
الاء انا محتاج اتكلم معاكي ضروري جدا برة البيت حدديلي الوقت والمكان اللي يناسبك وياريت يكون في اسرررررع وقت
الاء مسكت الفون وكتبت
في ايه يا عاصم ؟ عايز تقابلني ليه ؟
عاصم رد فورا
محتاج اتكلم معاكي في موضوع مهم مش هينفع في التلفون يا الاء
الاء
بس انا مش هقدر اقابلك … تعالي طيب عندنا البيت ووقتها نتكلم في الجنينه عادي زي كل مرة
عاصم
يعني ايه مش هتقدري !! مش فاهم معلش
الاء
يعني مش هقدر يا عاصم واحب احتفظ بالاسباب ل نفسي
عاصم
اوكي يا الاء براحتك اوي .. سلام
الاء قفلت الفون وفكرت تكلم اميرة لكنها تراجعت وقررت تكمل اليوم مع عيلتها بدون مع اي حاجة تعكنن عليها
❈-❈-❈
شريف تلفونه رن برقم الظابط اللي عمله المحضر انسحب من وسطهم بهدوء ورد
شريف
الو
الظابط ايمن
السلام عليكم يا بشمهندس شريف
شريف
وعليكم السلام اهلا وسهلا يا فندم
ايمن
احنا عندنا ليك اخبار حلوة يا تري تقدر تعدي علينا امتي عشان نقفل المحضر ؟
شريف بسعادة
نقفل المحضر … حضرتك قصدك انو
ايمن
بالظبط قدرنا نقبض علي مندوه بصراحة المعلومة بتاعت مدام اسماء أن المدعوة زيزي كانت حلقه الوصل بينهم مؤخرا دا اللي خلانا نقدر نقبض عليه بسهوله لأنها كانت علي علاقه بيه وبيتقابلو ديما في شقه مجهورة قرب المنطقه الصناعيه
شريف براحة
الحمد لله الحمد لله اخيرا هم وانزاح
ايمن
الحمد لله … هتقدر تشرفني امتي ؟
شريف
أن شاء الله بكرة الصبح هكون عند حضرتك ومتشكر جدا جدا لتعب حضرتك معانا الكام يوم اللي فاتو
ايمن
العفو يا بشمهندس انا معملتش غير واجبي … أن شاء الله الصبح هكون في انتظارك وياريت مدام احلام ومدام اسماء يكونو معاك
شريف
أن شاء الله اكيد مع السلامة
ايمن
مع السلامة
شريف رجع وقعد وسطهم تاني ولما نوال سألته كان فين قالها أنه كان معاه تلفون من الشغل بيسالو علي حاجة
❈-❈-❈
في مكان تاني وليد كان قاعد في اوضته مضايق من تجاهل الاء ليه الفترة الأخيرة مبقاش فاهم هي عايزاه يبعد ولا يقرب احساس أنه مش عارف رأسه من رجليه كان مضايقه جدا مسك تلفونه وبعد ما كان هيتصل ب الاء تراجع واتصل ب اميرة وبعد تالت جرس اميرة ردت
اميرة
الو
وليد
هاي اميرة اخبارك ايه ؟
اميرة
تمام يا وليد انت اخبارك ايه ؟
وليد
تمام كله كويس … اميرة ينفع اشوفك دلوقتي ؟ محتاج اتكلم معاكي شويه
اميرة باستغراب
تتكلم معايا بخصوص ايه ؟
وليد
مش هينفع في التلفون لما نتقابل هتعرفي ها ينفع تنزلي دلوقتي ولا ايه ؟
اميرة سكتت شويه وبعدين ردت
اوك يا وليد شوف تحب نتقابل فين وانا موافقه
وليد ابتسم
اوك يا ميرو هبعتلك لوكيشن الكافيه وساعه بالظبط هكون هناك
اميرة
اوك باي
وليد
باي
قفلت اميرة معاه وهي مش عارفه اللي بيحصل دا صح ولا غلط قررت تأجل تفكير لحد ما تقابله وتعرف هو عايز ايه … وبدأت تجهز عشان تقابله
❈-❈-❈
ياسين وامير كانو بيشربو سجائر في البلكونه وبيتكلمو سوا
ياسين
تعرف يا أمير انا وانت تقربيا حظنا في الحب والجواز واحد
امير ابتسم
نحس بعيد عنك
ياسين فجأة بسؤاله
قدرت ازاي تتخطي الازي دا ؟ قدرت ازاي تعديه ؟
امير اتفاجا بالسؤال بس بعدين ابتسم وجاوب
قدرت بحب واهتمام الناس اللي حواليا باهميتي في حياتهم اللي شوفتها ولمستها …. قدرت لما رجعت تاني ل شغلي واهتميت بيه ورميت كلام الناس كله ورا ضهري … الناس كدة كدة بتتكلم
ياسين بوجع
تعرف انك كنت اقوي مني في انك قدرت ترمي كلام الناس ورا ضهرك … انا بقا مقدرتش اخد حقي من الحيوانه اللي اذتني ودمرتني بسبب خوفي من كلام الناس ونظرتهم ليا كنت فاكر ان كدة اريح واسهل لكن طلعت غلطان اوي وتعبان اوي اني مش قادر اخد منها حقي
امير بتفهم
مين قال اني اقوي منك ؟ مين قال اني لو كنت مكانك وبايدي اخبي حقيقه اللي حصلي مكنتش عملت كدة ؟ انت دكتور جامعي … سمعتك مهمه جدا لشغلك … ليه تخسر كل حاجة مرة واحدة … صدقني انت فكرت صح … بلاش تندم علي اي قرار خدتة وكمل في طريقك اللي رسمتة لنفسك واتحاوط بالناس اللي بتحبك هتلاقي نفسك عديت من التجربه دي ونسيتها تماما وبدأت من اول وجديد
ياسين ابتسم
كلامك جميل يا أمير … مريح جدا وفرق معايا لما فضفضت بلي جوايا ليك
امير بحزن
تعرف ان انا كمان ارتحت لما فضفضت معاك جدا … انا ديما هنا كاتم اي مشاعر سلبيه جوايا عشان ميزعلوش عليا
ياسين
خلاص هات رقمك ونبقي نتقابل انا وانت كل مدة ونقعد نفضفض ونشتكي لبعض بدل ما نقلق اللي حوالينا علينا ايه رايك ؟
امير ابتسم
دا شرف ليا طبعا ( طلع تلفونه ) قول رقمك يلا عشان اسجله
سجلوا ارقام بعض واتفقوا أنهم هيتقابلو تاني في اقرب وقت …
❈-❈-❈
اميرة وصلت الكافيه كان وليد ف انتظرها سلمت عليه وقعدت
اميرة
خير يا وليد موضوع ايه دا اللي عايز تكلمني فيه ؟
وليد
طيب تشربي ايه الاول ؟ وقبل ما تعترضي مش هنتكلم ف اي حاجة الا لما تقولي تشربي ايه
اميرة
طيب يا وليد اشرب اي عصير فريش
وليد نده الجرسون وطلب ل اميرة عصير برتقال وطلب ليه قهوة وبعدها بصلها وبدء يتكلم
وليد
بصراحة يا اميرة مش عارف ابدء الكلام ازاي ولا اقول ايه
اميرة
ياه هو موضوع صعب اوي كدة
وليد اتنهد
اصعب موضوع مر عليا في حياتي كلها … الاء يا اميرة … الاء
اميرة كشرت
مالها الاء يا وليد ؟
وليد
مش فاهم حاجة بصراحة … شويه تكون كويسه جدا معايا واحس انها بتبادلني كمان نفس الاعجاب وشويه احس انها بعيدة اوي عني واني بس اللي حاسس بإعجاب من ناحيتها وهي لا ف بصراحة تعبت من الإحساس دا وقلت انتم أنتيم واكيد هتكوني عارفه شعورها ايه من ناحيتي واكيد عندك اجابه ل سؤالي عشان ارتاح
اميرة بتوتر
طب احم طب ما تسألها هي مباشرة يا وليد ليه اللفه دي كلها ؟
وليد ابتسم
بيتهيالي لو انا حد عادي بالنسبالها هيكون اهون عليا اعرف منك عن ما اعرف منها
اميرة
ازاي مش فاهمه
وليد
بصي يا اميرة انا هكلمك بصراحة اكتر … لو أنا شخص عادي بالنسبة ل الاء محبش اعرف دا مباشرة منها … اعتبريه غرور أو كبرياء ايا كان لكن لو عرفته منك وبدأت انا اتعامل مع الاء علي اساس انها هي كمان عاديه زي ما انا عادي ليها دا حفظ لماء الوجه بالنسبالي زي ما بيقولوا فهمتي ؟
اميرة ابتسمت
فهمت … بس انا مش الاء يا وليد اه احنا قريبين جدا من بعض بس انا معرفش هي مقررة ايه من ناحيتك وهل انت حاليا عادي فعلا بالنسبالها ولا لا انا مقدرش اتكلم علي لسانها
وليد بدهشه
غريبه جدا
اميرة
ايه اللي غريب ؟
وليد
كلامك بصراحة غريب جدا … الاء في كل تحركاتها مش بتقول غير اميرة قالت نروح … اميرة قالت نعمل … حتي لو في مشكلة في الشله وهي قالت رأيها وكلنا قلنا أن دا اكتر راي صح تقول دا كان رأي اميرة في حوار مشابه عشان كدة استغربت دلوقتي من كلامك
اميرة ابتسمت
مش هقدر اوضحلك للاسف بس اقدر اقولك إن مش بالصورة اللي الاء موصلاها ليه بقا مش هقدر اعفيني
وليد بإعجاب لاخلاصها
يا بخت الاء بيكي
اميرة بحرج
يا بختي انا بيها الاء دي اختي مش مجرد صديقه وبس …نرجع ل موضوعك انا عندي ليك حل حلو
وليد
الحقيني بيه
اميرة
اتكلم مباشرة مع الاء وانت بتتكلم معاها عرفها أن شعورك مجرد يادوب اعجاب كان متبادل هتسمح ل نفسك أنه يزيد عن كدة مكنش متبادل الاء هتكون مجرد زميلة وصديقه مش اكتر هي هتتفهم كلامك وهترد عليك
وليد بتفكير
مممم مش عارف حاسس أنه حل منطقي جدا بس بعيد عن شخصيتي
اميرة
عموما انت مش مستعجل يعني فكر في كلامي مرة واتنين وتلاته وخد قرارك
وليد
اوعدك هفكر
اميرة بصت في ساعتها
طيب انا يادوب امشي بقا .. أنا نزلت و وعدت ماما اني مش هتاخر
وليد ببتسامة
اوكي يا اميرة مش هعطلك … وشكرا بجد انك نزلتي وسمعتيني
اميرة وهي بتسلم عليه
مفيش شكر بينا يا وليد … يلا باي
وليد
باي
❈-❈-❈
العزومة خلصت علي خير والكل كان مروح مبسوط …
هند بتفكر في كلام جودي عن المشروع والشغل وشايفه أنها فرصه كويسه ليها عشان تساعد نفسها انها تكون احسن
والاء كان عندها فضول تعرف عاصم كان عايزاها في ايه … وفي نفس الوقت كانت مش قادرة تشوف الدبلة اللي في أيديه الموضوع كان لسه وجعها تخيلت أنها هتتخطاة بسرعه لكنها كانت غلطانة
ياسين كان مبسوط باللعب مع تيا وايلين وخصوصا اياد اللي دخل قلبه من اول ما شافه ومبسوط ب كلامة مع امير وحاسس أنهم هيكونو أصحاب جدا في فترة صغيره
احلام عرفت أن مندوه وزيزي اتقبض عليهم حست بالراحة والخوف في نفس الوقت … راحة أن خلاص كوابيسها كلها هتنتهي وخوف من أن شريف لما يطمن عليها يسيبها مرة تانيه
❈-❈-❈
في اوضه امير اللي بقت اوضه اسماء مؤقتا نيمت ولادها ويادوب هي كمان هتنام سمعت صوت رساله علي موبايلها فتحتها وطلعت من مصطفي ومجرد ما قريتها حست ان الدم هرب من عروقها وروحها اتسحبت منها ….