رواية كنت لي نصيبا الفصل الأول 1 بقلم مريم فهمي
رواية كنت لي نصيبا الجزء الأول
رواية كنت لي نصيبا البارت الأول
رواية كنت لي نصيبا الحلقة الأولى
– عاوز عصير مانجه..!
-عاوزة فيروز يا طنط…!
– انتِ ليه ديما بتحبي تقولي عكسي ديما؟؟.
-انت الي بتقول عكسي ديما!!
– انتِ رخمه اووي يا جوري..!
– انت ارخم علي فكرة يا سيف..!
– يبنتي انتِ لازم تحترميني انا اكبر منك وتميت ٩ سنين وانتِ لسه عندك ٨ شفتي اني اكبر منك ازاي..؟
– علفكرة بقي انا مش هلعب معاك تاني وهقول لطنط سلمي تبعدك عني ها..
– طب سيبك من الهبل ده عشان هنرجع نلعب مع بعض تاني عادي…
– لاء اوعي كده انا زعلانه منك ،تعالي صالحني بقي وهاتلي فيروز وتعلالي عند طنط سلمي يا سيف..
– يا جوري استني انتِ كده هتخليني اطلع الفلوس الي محوشها في الحصاله ، الاااه استني يا جوري يا جوووري
– يرضيكي يا طنط سلمي ابنك سيف يقلي اني ديما بعانده وبقول حاجات مش عاوزها فيها اي يعني يا طنط سلمي لما اقول اني عايزة فيروز وهو عاوز عصير مانجا
مامت سيف (طنط سلمي) : جويريه انتُ بجد ليه بتموتوا في العند روحوا اتصالحوا يلا وبعدين سيف اخوكي ومتزعليش منه صح ولا اي؟
– بس هو مش اخويا هو قلي كده لما قلتله احنا اخوات يا سيف ؟ قلي لاء مش اخوات وقلي كمان اني احنا صحاب ، احنا بقي نبقي اي يا طنط سلمي؟
– انتوا اخوات واصحاب وجيران يا جويريه يلا بقي عشان فضلكوا نص ساعه وتقعدوا عشان تعملوا الواجب
– طب سلام بقي اروح اشوف جابلي فيروز ولا لاء؟
ذهبت فيروز
مامت سيف : نفسي افهم يا ليلي لما يكبروا شويه هيعملوا فينا اي
ليلي ( مامت جويريه) : مش عارفه بجد يا سلمي دول ناقر ونقير يا بنتي
سلمي :تفتكري هييجي عليهم يوم ويعرفوا اني هم مش اخوات ومينفعش يلعبوا سوا وانهم كبروا
ليلي : المشكله انهم مقتنعين انهم هيكملوا كده وانهم هيفضلوا يعملوا الواجب سوا ويروحوا المدرسه سوا وكمان يلعبوا سوا ..
سلمي : ده ربنا يستر علي عنادهم ده بعدين
ليلي : يارب يا سلمي انا مش متخيلاهم كده وهم كبار وبيتعاملوا بعقل
سلمي : تفتكري ممكن يحبوا بعض بعدين ؟
ليلي : مش عارفه بس لما يكبروا هيعرفوا انهم متشابهين انتِ عارفه اني فيهم كتير من بعض؟!
سلمي : جدا بس مختلفين في الطريقه واحده عاوزة تفهمنا اني شخصيتها قويه والتاني شخصيته اقوي بس بحبهم لما واحد فيهم يتنازل للتاني عشان يراضيه…!
*~~~~~*
– غمضي عنيكِ
– ليه ؟!
– هتعرفي غمضي بقي
-غمضت اهو في اي بقي؟
– فتحي بقي..
– فيرووووز بجد انت احلي سيف في الكون ده كله وانا بحبك اووي عشان انت بتجيبلي فيروز وده عشان بحبها اووي
– افتكري اني طلعت الفلوس الي في الحصاله هااا
– شكرا يا سيف..
– انتِ عملت واجب مس ياسمين؟
– اه عملته
– ممكن انقله مِنك؟
– بس لو حد عرف هنروح في داهيه!!
– هاتي انقله وانا اوعدك اني مش هقول لحد..!
– توعدني؟
– اوعدك وانتِ عارفه اني لما بوعد بوعد
– ماشي يا سيف اتفضل اهو..!
*———-*
بعد ٤ سنين
– جوري
– نعم يا ماما!
– عاوزاك يا حبيبتي تعالي..!
– نعم يا ماما
– بصي يا حبيبتي انا عاوزه اكلمك بخصوص سيف ..
– ماله سيف ؟
– بصي دلوقتي مينفعش تتكلموا وتلعبوا مع بعض تاني مينفعش تقعدوا وتتكلموا لوحدكوا لازم يكون في حد معاكم ، مينفعش تعملوا الواجب سوا ، انتوا دلوقتي كبرتوا سيف دلوقتي مش اخوكي ،سيف يبقي واحد غريب عنك عشان كده لازم تعرفي اني في حاجه اسمها حدود ولازم تتحط بينكوا
– ماما بس ازاي ؟ سيف صاحبي الوحيد وانا معنديش صحاب غيره !!
– مينفعش يا جوري يكون ليكِ صاحب ولد مفيش حاجه اسمها صداقه بين بنت وولد لازم يكون في حدود وبعدين في مدرستك الجديده هتلاقي بنات كتير وهيبقوا صحابك..
– طب يعني مينفعش اتكلم معاه خاالص خالص
– ينفع تتكلمي معاه بس بحدود ،بمعني يكون كلام عام يعني انتوا كده كده دروسكوا هتكون سوا فا ممكن تتكلموا في حدود الدراسه ممكن لما نبقي عندهم تتكلموا معانا انا وطنط سلمي كده يعني
– حاضر يا ماما هعمل كده
– انتِ بتحبي ربنا صح ؟
– طبعا بحبه..
– يبقي لازم نعمل كل حاجه ترضيه يا جوري صح ولا غلط؟
– طبعا صح يا ماما ..
– توعديني انك تنفذي كلامي وكلام ربنا الي قلنا عليه ووجهنا ليه؟
– اوعدك يا ماما ..!
– طب يلا نروح عند طنط سلمي لحد ما بابا يجي من الشغل ؟
– يلا
ذهبت جوري مع والدتها لمنزل جارتها سلمي وهي في الشقه المجاورة لشقة جوري ، وفي نفس اللحظه التي علمت فيها جوري انها لا ينبغي ان تتحدث مع سيف مرة اخري هو ايضا علم بذلك …
– السلام عليكم اذيك يا سلمي.
– وعليكم السلام اذيك يا ليلي ،اذيك يا جوري خشوا اتفضلوا..
ليلي: اهلا يا استاذ سيف عامل اي؟
سيف بحزن : الحمدلله
ثم نظر الي جويريه فوجدها شارده في ذهنها ولم تنظر اليه فوجد ان الحديث الذي اخبرته به امه صحيح وانه لن يحدث كما بالسابق وانها ستكون امامه ولن يتكلم معها ثانيه
جويريه : الدراسه هتبدأ بكرة انا فرحانه جدا عشان هقابل ناس جديده ويبقي عندي صحاب جديده
نظر اليها سيف بحزن ليجد انها ستنساه وستنسي انها كانت صديقته المفضله وانها كانت تعلمه انه صديقها المفضل فهل من الحق ان تنساه وتصادق غيره؟
*~~~~*
ظلت المسافات بينهم ولم يجرؤ اي منهم ان يتخطي ذلك الحد كانوا يذهبون الي دروسهم سويا ولكن كل واحد منهم في طريق غير طريق الآخر حتي ادرك كل واحد منهم ان بعد هذه المسافات غلاوة كل واحد منهم عند الاخر وبعد ذلك تحول هذا الشعور الي اكثر من صداقه بالرغم من انهم بعاد ولكن اكتشفوا بعدئذ انهم مغرمون ببعض ولكن لم يجرؤ احد منهم علي مصارحة الآخر فعندما كبروا علموا ان الحلال هو من يدوم، فأراد سيف ان يجمع بجوري في الحلال وانه عندما يكبروا تصبح مِلك له وتصبح زوجه له، وكل واحد منهم كان يراقب الاخر ولكن ون عِلم الاخر، وها هم اصبحوا في سنة تحديد المصير ٣ث)
– جوري !
– نعم يا ماما ؟
– طنط سلمي عاوزة صفح الواجب بتاع الفيزيا لان سيف كان غايب
– اتفضلي الواجب والحفظ اهو وقوليلها اني المس سالت عليه وانا قلتلها تعبان فا قالتلي اني اقله انه هيسمع الدرسين القديم والجديد..
– ماشي يا جوري يلا خشي ذاكري بقي ..
– اه نسيت اقلك اني ياسمين جيه بكرة تتغدي معانا وهنذاكر سوا..
– طيب يا جوري ،اصلا هي واحشاني اووي..
(ياسمين اصبحت صديقة جويريه وتعتبرها جويريه اخت لها ، وتعلم كل شيء عن جوري حتي موضوع سيف )
“———-“
مامت سيف : سيف يا سيف اتفضل واجب الفيزيا اهي
سيف : خدتيها من جوري؟
– اه خدتها من جوري
– طيب
– ماشي يا حبيبي ذاكر بقي يلا ولو عاوز حاجه انا برة
– ماشي يا ماما
خرجت مامت سيف وظل هو يفكر لماذا كل هذا حدث
سيف في نفسه
– ليه يا جوري كل ده حصل بينا ليه بقيتي كده بقيت بشوفك في الدروس وانتِ ولا كانك شايفاني اصلا بحاول اعمل كل حاجه علشانك بس صدقيني هييجي يوم وهتعرفي انك ملكيش غيري واكيد هنكون لبعض في الاخر …
*——–*
اليوم الثاني
جوري – ماما ياسمين جت
وعندما كانت جوري تفتح الباب لتستقبل ياسمين وجدت سيف فدق قلبها سريعا
سيف – اذيك يا جوري اققصد جويريه
جوري – الحمدلله يا سيف كويسه
سيف : الحمدلله ..عن اذنك
ذهب سيف ثم وجدت ياسمين
– اي يا بنتي كل ده طالعه
– انتوا الي سلمكوا عالي اللاااه
– انتي هتنصبي احنا في الدور الثاني
– يا ستي ، اومال طنط لولو فين
– جوة يا اختي مستنياكـِ
– اذيك يا لولو
– حبيبتي عامله اي وحشاني مبتجيش ليه؟
– انتِ عارفه بقي الدروس وكده
– ربنا معاكم يارب يلا خشوا جوة اقعدوا شويه علي ما الغدا يجهز
– ماشي يلا يا ياسمين
– اسكتي مش وانا طالعه لقيت سيف نازل
– اه منا شفته وهو نازل
– مقلش حاجه
– لاء مجرد اذيك وخلاص
– بصي انا مش عارفه اجبلك الموضوع ازاي بس البت نور الي بتغير منك دي راحت وكلمته
زاد قلق جوري – ها وبعدين ، وبتقول انها ار..تبطت بيه!!!
– نعم !! انا عارفه سيف كويس واستحاله يسمحلها بده
– معرفش انا بقول الي قالتهولي
– صدقيني لاء بتكدب
-جوري انا من رايي تنسيه احسلك وبلاش تعب قلب ولف ودوران وبإذن الله لو من نصيبك هيجيلك وبعدين احنا لازم نشغل نفسنا في المذاكرة وبس..
– صح يا ياسمين ونجيب طب بقي يا بت..
– ياااه انا عن نفسي هخش طب اسنان
– انا طب نفسي يااارب
– انا حسه اني هناخد الم كبير اووي
– لاء متقلقيش باذن الله ربنا مش هيضيع تعبنا
– انا عندي ظن ويقين بالله وبعدين حُسن الظن بالله ده الامل الي عايشين بيه وبإذن الله نحقق احلامنا
*لو احلامك نجوم في السما حُسن الظن بالله هيوصلك لحلمك حتي ولو كانت نجوم في السما*
اليوم التالي
مامت جوري- جوري لبستي؟
– لاء يا ماما روحي انتِ وهبقي احسلك
– طيب ماشي متتاخريش عشان طنط سلمي عاوزة تشوفك
– وهي والله وحشاني اووي هخلص بس وهاجي وهجيب اللب والفشار ونقعد سوا
– ماشي يلا
عندما انهت جويريه ما كانت تفعله ذهبت الي منزل سيف الذي هو منزل سلمي
سلمي : افتح يا سيف
سيف : حاضر يا ماما هفتح
سيف : اذيك يا جوري احم اققصد جويريه
جوري وهي بتكتم ضحكتها : علي فكرة جوري احلي ،طنط سلمي جوة
– اه خشي
سلمي : مبتساليش يا بكاشه
جوري : ما انت عارفه يا سوسو الثانويه مش مخليالي وقت افكر في حاجه
سلمي : عارفه يا حبيبتي وربنا معاكوا انتي وسيف يارب..
سيف : ناويه تخشي اي يا جوري؟
– طب نفسي باذن الله
– الله وعلم نفس وشخصيات بقي وكده
سلمي : واشمعنا القسم ده يا جوري..
– عشان بإختصار الطب النفسي هو المحور الي قايمه عليه الدنيا كلها لو مزاجنا مش رايق ونفسيتنا مش تمم استحاله هننتج فأي حاجه مهما كنا بنحبها ،اما لو مزاجنا رايق هنطلع الحاجه اجمل ما يمكن فا النفسيه اهم شيء وبعدين النفسيه من حقها تتعب زي ما كل اعضاء الجسم بتتعب مش شرط اي حد مريض نفسيا يبقي مجنون بس هو تعبان وانا من وجهة نظري اني لو كل واحد سمع التاني وبدا يتناقش معاه في مشاكله مش هنبقي محتاجين لطبيب نفسي…
سيف : كلامك حلو اووي يا جوري وربنا يوفقك في مجالك
جوري : ويوفقك
مامت جوري : ربنا معاكوا يا ولاد يارب
– ياارب
*^^^^^^^^*
– يوم النتيجه
عند جوري
جوري: يارب طب يارب يارب طب
ياسمين : يارب طب معاها يارب
جوري : انتِ لازقه يا بنتي حتي في دعايا
ياسمين : انا وانتِ واحد يا بنتي
– يا ولا
ياسمين : جربي تاني يا بنتي كده
– الموقع فتح يا ياسمين فتح ……اللهم لك الحمد ٩٩٪ الحمدلله طب الحمدلله
ياسمين : الحمدلله يا جوري
جوري بفرحه : ياسمين مجموعك ٩٨ ونص
ياسمين : هنبقي في كليه واااااحد الله
مامت جوري : اللهم لك الحمد بناتي نجحوا استنوا امت اروح اطمن علي سيف
راحت لمامت سيف
سيف : جوري عملت اي يا طنط؟؟
مامت جوري : الحمدلله ٩٩٪
سيف بغرحه : بجد كده هتحقق حلمها الي نفسها فيه..
مامت جوري : وانت يا حبيبي عملت اي ؟؟
سيف : ٩٩٪
مامت سيف : هيخشوا كلهم كليه واحده زي ما كنا نتمني…
*اخر سنة في الكليه*
-ياسمين
– اي يا جوري
– تفتكري ممكن سيف يفي بوعده
– مش عارفه بس الي اعرفه انه ظهر كتير انه بيحبك
– اومال انا ليه مش حسه مش قادرو اقتنع
– بصي الي فيه الخير يقدمه ربنا
– عرفتي اني في رحله طالعه لاسكندريه الكليه مطلعاها
– بجد…!
– اه لازم نروح طبعا ومدتها اسبوع
– مش عارفه يا ياسمين امي هتوافق ولا اي
– انا هاجي اقنعها
– لا لا خلاص سبيها وانا هحاول معاها
*”””””””*
– ماما يا ست الكل
– نعم يا جوري خير
– في رحله طالعه اسكندريه اسبوع يا ماما وهكون فرحانه اووي لو طلعتها وياسمين طالعاها كمان..
– لاء
– ليه يا ماما ؟
– قلت لاء يعني لاء
– ممكن افهم ليه ؟
– تقدري تقوليلي هتباتوا فين؟
– في اوتيل يا ماما وهاخد اوضه انا وياسمين
– سبيني افكر
– يعني هتوافقي يا ماما
– سبيها للظروف
– احلي ام في الدنيا
جوري – ياااه انا فرحانه جدا اني هطلع الرحله دي وده لان سيف كمان هيطلعها الله بجد ياارب اكتبلي الي فيه الخير يارب.. ❤️
يتبع…
لقراءة الفصل التالي : اضغط هنا
الرواية كاملة اضغط على : (رواية كنت لي نصيبا)
تعليق واحد