رواية كانت كل الطرق تؤدي إليك الفصل الأول 1 بقلم نيرة السيد
رواية كانت كل الطرق تؤدي إليك الجزء الأول
رواية كانت كل الطرق تؤدي إليك البارت الأول
رواية كانت كل الطرق تؤدي إليك الحلقة الأولى
_اهلا وسهلا يفندم نورتي
=تسلم
_دا والله انتي اللي تسلمي خالص
=لا دا موقفينك تهزر بقا
_والله انا محدش موقفني المحل دا بتاعي
=يعم ربنا يزيدك ممكن بقا اتفرج ولا امشي ونفضها سيره
_انا مش فاهم مالك داخله حاميه كدا ليه
=طيب يبقا نفضها سيره
_خلاص ي انسه تعالي مش فاتح بوقي تاني
=بكام البلوزه دي ؟؟
_…
= انت ي اخ…
_……
=يعم انت ايييه مش سامع
_لا اله الا الله ..مش قولت مش فاتح بوقي
=لا والله كدا كتير عليا …انت عبيط ياااض
_عبييط!؟ طب بس ي ماما عشان مزعلكيش
=لا زعلني عاوزه اعرف هتزعلني ازاي بقاااا
_ياستي انتي بتقولي ي خناق انا مش فاهمك بجد والله ..بصي مش بايع حاجه
=وانا بقا مش هشتري غير من هنا وان كان عاجبك
_الصبر من عندك يارب عشان انا خلاص
=خلاص ايه بقا ان شاء الله
_ياستي مفيش شوفي عاوزه ايه وخلصينا
=والله براحتي
_كدا كتير انا خارج وسيبهالك ياض يمسعد شوف الانسه عاوزه ايه ..عن اذنك
والله انا مش فاهمه ايه الكائن الغريب دا انسان لزج بس قمر والله بس عاوز الولعه
شوفت انا عاوزه ايه واخدته وحاسبت وقولت كويس انه مشي عشان هيا مش نقصاه خالص والله
سمعت فوني رن خرجته من الشنطه :
الو
_ايوه ي ماما
=اتأخرتي لييه ينور
_صاحب المحل ي ماما اللي كنت بشتري منه كان انسان لزج اووي وبيتخانق مع دبان وشه
=والله ينور انتي بنتي وعارفه انك انتي اللي بتتخانقي مع دبان وشك
_والله ي ماما دا علي اساس ايه بقااا ..ولا عالفكره هوا اللي انسان مستفز ورخم وبارد وعاوز يتحرق بجاز انا لولا كنت ماسكه لساني كنت وريته والله
=والله ي انسه عندك سكين.ه جوا في المحل هاتيها وخلصي عالطول
قفلت مع ماما وببصله كان واقف ورايا:
_والله ياريت اقدر كنت خلصت البشريه منك عالطول
=اقسم بالله انا لو ابن مرات ابوكي لاكنتي عاملتيني احسن من كدا
_بقولك ايه انت كلت دماغ اهلي حل عني متبقاش مهزق وتزعل لما تتهزق علي رأي ياسر الخواجه
=ودا مين دا ان شاء الله
_ميخصكش انك تعرفه اصلا ما انت عشان جاهل اصلا
=جاهل !؟ انا جاهل !؟ طب والله منا ساكتلك خدي يابت مين دا اللي جاهل ياما انا مهندس يحجه فووووقي
_اهو بص دا انيل ياريتك كنت جاهل كان لازم اعرف من الاول انك مهندس
الصراحه من نظرته وملامح وشه حسيت انه هيتغابا وهنا صدقت مقوله ان الجري نص الجدعنه وفعلا جريت من قدامه
=اجري ياختي اجري والله لاجيبك واعرفك اصبري عليااا
لما روحت البيت حسيت اني اڤورت سيكا بس والله هوا يستاهل اصلا عيل مهزق حكيت لماما وطبعا هزقتي ومفكرتش تاني حقيقي في الموضوع كدا كدا ميفرقش معايا بس تعرفوا اللي مدايقني ان المفروض كنت قلعت اللي في رجلي نزلته علي دماغه المش محترم داااا
_يووووووه هوا كل شويه هعيييد انتي تاني !؟
= اقسم بالله انت لو بتراقبني مهنتقابل كدا نقصاك يجدع
_اراقب مين ي امي مبقاش الا الخنافس هنراقبها
=بقولك ايييه انا جايه اخد حاجه ف هاخدها وهمشي ب احترام ويدار مدخلك شر تمام
_ادخلي ياختي ادخلي
=بني ادم مهزق
_عيله خنفسه
=يابني ماتخلنيش اهزقك وانت شحط كدا والله عيب عليك
_هزقيني انا عاوز اشوف هتهزقيني ازاي
= تعرف انت الحاجه معرفتش تربي
_لا والله هيا مربتش خالص والله عشان ماتت من وانا صغير
تحسوا كدا ان حد خرسني جملته وجعتني واكيد ادايق وزعل من كلامي مابقتش عارفه اقوله ايه انا سكت وهوا سكت محدش بقا رد علي التاني اخدت اللي انا عوزاه وانا بحاسب قولت اني لازم اعتزر حرام انا برده جرحت مشاعره
_بص انا اسفه ماكنش قصدي واصلا معرفش يعني ان ولدتك متوفيه اكيد لو عارفه حاجه زي كدا مكنتش قولت كدا
=لا مفيش حاجه وعارف اكيد انك متقصديش ..وبعدين ما انت طلع عندك دم وبتحس اهو ي برعي
_تصدق انك عيل مهزق وانا غلطانه اني جيت اعتزر غور يااض
=خد يبرعي بس هقولك طب خدي حاجاتك
_مش عاوزه من محلك زفت حاجه هجبها من غيرك
=مش هتلاقيها اصلا غير عندنا
_يبقا مش عاوزهاا ولو هموت كدا فاااهم
……
_بتقولي عاوزه ايه مش سامع
=كنت عاوزه البلوزه والشنطه
_اتفضلي ياستي احسن تموتي ولا حاجه
=نقطنا بسكاتك لو سمحت
_يابنتي متصغريش نفسك مانتي لفيتي لفيتي وجيتي اخدتي الحاجه من عندي
=دا عشان ماما عوزاها ضروري بس لولا كدا مكنتش جيت هنا اصلا
_اكيد اكيد
=يوووه انا ماشيه
_مع الف سلامه،استني
=ينعم
_مقولتليش مين ياسر الخواجه دا
=ميخصكش
سبته وخرجت ووعد بيني وبين نفسي ان مش داخل المحل دا تاني الصراحه حاسه اني فرحانه سيكا بس الواحد زعلان بس ان الواد قمر كدا وفيييه رخامه الدنيا كلها مش كدا والله فعلا الحلو مبيكملش للاخر اهم حاجه ابعد عن محلاته انا جبت اللي انا عوزاه وخلصنا
_لا ي ماما مش هيحصل
=في ايه ي بت بنت خالتك عاوزه بلوزه زيها روحي هاتيلها
_لا ي ماما لا مش راحه عند البني ادم دا تاني هوا اييييه مفيش الا هوا
=الاه مش قولتي ملقتيش في السوق التفصيله دي غير عنده
_وخلصت مبقاش عنده
=كدابه
_يوووه بقا ماما هيا كلمه وقولتها مش راحه يعني مش راحه
_________
لسه في بلوزه زي اللي كنت وخداها
=ايه هتعملي حفله بيهم
_والله ميخصكش تعالي يماما
=الاه دي والدتك
_اه ليييه
=ازيك ي امي تعالي اتفضلي ارتاحي
/تسلم يابني ربنا يحميك يارب
=علي ايه ي امي
_ياحنين
بصلي ورفع حاجبه وراح باصص ل ماما
=معلش ي امي بس بنتك دي لسانه عاوز يتربي شويااا
\والله يابني معاك حق مغلباني في كل حته كداا
_ماما ايه اللي بتقوليه دا بس
=ايييه بتقولك الحقيقه ..معلش ي امي كتر خيرك والله
_ماترميني في دار ايتام ي ماما وريحي نفسك
/يابت بهزر مقدرش اعيش من غيرك اصلا ينور
=اسمك نور
_اه في مشكله
=مش ماشي معاكي خالص كان المفروض يسموكي بورعي والله
_بقولك ايه احترم نفسك كان اسمك ايه يعني ؟
=انا ..انا اسمي ادم
_كانوا المفروض يسموك حنفي
=مش هرد عليكي عشان خاطر والدتك بس اتفضلي البلوزه في الدور التاني نزل منها الوان كتير النهارده
_تمام طالعه اشوووف .وخف مع ماما شويا هااا خف
=يلا ي بت امشي بعيد
___
_بس الواد لطيف خالص والله ينور انتي اللي رخمه والله
=جرا ايه ي ماما انتي جيباني مش الشارع جاوبيني ب امانه والله مش هزعل
_بس يبت وقومي شوفي باباكي كان عاوزك
=مش خير
_علمي علمك والله
=طب مش قادره والله هنام ولما اقوم اكلمه هوا شكله نام اصلا
_خلاص تمام
__نور
=ايوه ي بابا في حاجه؟
_ ابن عمك اتقدملك وانا وافقت هيجي اخر الاسبوع اقعدوا سوا عشان نشوف هنجيب الشبكه امتي
=ايه؟؟
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية كانت كل الطرق تؤدي إليك)
