رواية قلبي ومفتاحه الفصل الثالث 3 بقلم روز أمين

رواية قلبي ومفتاحه الجزء الثالث

رواية قلبي ومفتاحه البارت الثالث

رواية قلبي ومفتاحه الحلقة الثالثة

أفاق أدهم من نومه علي جرس هاتفه الجوال فتح عيناه ،،ومسح علي شعره ووجهه
جلس علي السرير وأسند بظهره للوراء،،وأمسك هاتفه ونظر به ،،وجد إسم لوله ،،
وهذا إسم والدته الغاليه ليلي،، فهو يعشقها ويدللها كثيرآ
ولما لا ،،فهي القريبة لقلبه،، العزيزة علي عينه
إبتسم لإراديا وضغط علي زر الإجابه !!!!
أدهم بوجه بشوش وصوتٍ حنونْ٠٠٠٠يا صباح الفل يا قلبي،، ده أيه الصباح اللي كله أمل وتفاؤل ده،، معقوله أفتح عيوني علي صوتك يا لولتي
ليلي بحب وفرحه من دلال صغيرها لها٠٠٠٠يا صباح الفل والورد والياسمين علي عيونك يا جلب لولتك وعجلها ونور عيونها !!!
ليلي تقيم في الصعيد من أكثر من ثلاثون عامآ !!
فالبطبع تتحدث بلغه أهل الصعيد ،،وهي تعشق هذه اللغه
وتتحدثها بطريقه جميله وسلسه !!!!
أدهم يتحدث بلغة أهل القاهره بحكم دراسته وأقامته في القاهره منذ عمر ال 19 عشر
لكن حينما يذهب إلى سوهاج يتحدث بالصعيدي !!
ليلي بحنان٠٠٠٠ جوم يا جلبي وفوج إكده ،، وجبل ما تروح علي الجامعه،، ماتنساش تدي المفتاح للبواب علشان طلعت السواج جرب يوصل !!!
لجل ما يطلعلك الحاجات فوج ويرصهالك في التلاجه،،
وأكملت بتفاخر٠٠٠٠أما أني عملالك طاجن ورج عنب بالموزه،، هتاكل صوابعك وراه يا نور عيوني ♡
أدهم بدعابه٠٠لاء بقولك أيه يا لوله،، ما تغرنيش،، أنا أصلآ بتلكك،،هاتلاقيني قعدت ولا روحت جامعه ولا مكتب وقعدت أستني طاجن ورق العنب بتاعك
ياريت وآلله يا حبيبي♡ قالتها ليلي بكل صدق وحنين ٠
ليلي بتساؤل٠٠٠٠ ماجربتش تاجي يا أدهم ،،إتوحشتك جوي يا جلب أمك،، عاوزه أملي عيني بشوفتك يا غالي !!!
أدهم بوعد٠٠٠٠٠قريب أوي يا حبيبتي إن شاء الله،،
أه لو تعرفي وحشتيني أد ايه يا لوله،،
هاتسيبي الحاج سليم وتجيلي بسرعه تقعدي معايا هنا !!!!
ليلي بحنين٠٠٠٠٠طب وليه إنت ما تسيبش عندك وتاجي تجعد وسطينا يا نور عيوني !!!
وتحدثت بإقناع٠٠٠٠٠يا إبني سوهاج بلد مهياش صغيره ،،وفيها جامعه بردك،، ولو علي المكتب أبوك هايعملك أكبر وأحلا مكتب فيكي يا سوهاج !!!
أدهم بتفسير ٠٠٠٠مش إحنا إتكلمنا قبل كده يا حبيبتي في الموضوع ده وشرحتهولك !!!
بالعقل كده يعني،، أكون معيد في جامعة القاهره ولا في جامعة سوهاج ؟؟
وبالنسبه لشغل المكتب طبعآ تفرق جدا يا حبيبتي،، فرق السما من الأرض كمان،،
شغل القاهره غير شغل سوهاج خالص يا لوله !!!
مستقبلي كله هنا يا أمي ،،وهنا بس هاقدر أحقق حلمي بإن مكتبي يبقي من أكبر مكاتب المحاسبه في مصر كلها !!!
ليلي بتمني٠٠٠٠إن شاء الله يا جلبي هاتحجج كل أحلامك واللي نفسك فيه،، وتبجا أحسن واحد في الدني كلياتها !!!
أدهم بحب٠٠٠دعواتك ليا يا لوله !!!
ليلي بصدق ٠٠٠٠دعيالك يا عجلي،، جلبي وربي راضيين عنك ليوم الدين يا جلب أمك !!!
أدهم ٠٠٠٠حبيبة قلبي يا لوله،،،ربنا يخليكي ليا يا حبيبتي ،،
وأكمل ٠٠٠خلاص يا حبيبتي،،أنا هاقوم أفوق وأصلي وألبس علشان ما أتاخرش،، وهكلمك وأنا في الجامعه،، تمام يا حبيبتي
ليلي بحب ٠٠تمام يا جلب ليلي وعجلها،، بالسلامه يا حبيبي
أغلق هاتفه مع عزيزة عينه،،ودلف للحمام وتوضأ وصلي لربه،، وأرتدي ثيابه ووضع عطره،، وكالعاده كانت طلته تسحر القلوب ،،وأنطلق بسيارته إلي الجامعه
◇◇◇◇◇◇◇◇◇◇◇◇◇◇
أفاقت مها وثنائيها من نومهما،، توضأو وصلو لربهم وأرتدين ملابسهن ،،وكعادت السيده نور أرسلت لهم طعام الإفطار لغرفتهم،، هما دون الأخرين التي كانت تفعل معهم ذلك،،
لما؟؟ هذا ما سنتعرف عليه فيما بعد !!!
كانت مها تذهب مع ثنائيها بطريقهم إلي الجامعه ،،حيث كان هذا أول لقاء لها بدكتور أدهم بعد طرده لها من المحاضره الماضيه !!!
مها بتذمر٠٠٠٠متضايقه جدآ ومش حابه أحضر محاضرة دكتور أدهم ده كمان،، بجد مش طايقه أبص في وشه !!!!
أيه بضحك٠٠٠ما تنسي بقا يا بنتي،،وبعدين إنتي محسساني إنها أول مره تنطردي فيها ليه؟؟
وتحدثت بسخريه مفتعله٠٠٠٠دي تالت مره ليكي يا قلبي ،،والمفروض تبقي خدتي مناعه ،،وبقا عندك تناحه من الطرد !!!
أريج بضحك وسخريه٠٠٠٠طب تصدقي عندك حق يا أيه،،وبعدين يا ماهي هو مين ده يا روحي اللي مش طايقه تبصي في وشه،،
ده الواد قمر ويجنن،،
وأكملت بإستفزاز مفتعل ل مها ٠٠٠٠ وأه هو طردك وبهدلك المره اللي فاتت،،وكمان مسخرك قدام الدفعه كلها ،،، بس ده مايمنعش إن حتي في عصبيته يجنن إبن اللزينه ،،
طب والله أنا لولا بحب سيف وبعشقه كنت إكراشيت عليه !!!
أيه بضحك٠٠٠٠إرتاحي إنتي يا ريجا وسبيلي أنا الطلعه دي ،،وخليكي إنتي مع سيف !!!
مها بإستغراب ٠٠٠٠لا والله،،دانتو بتألشو عليا بقا،،وبعدين ليه ذوقكم إنحدر أوي كده،،ملقتوش غير أدهم؟؟
يا ساتر،، ده كفايه تقل دمه وسخافته،، دول لوحدهم يقفلو نفس بلد بحالها !!!
ضحكن سويآ ووصلن إلي جامعتهم ودلفن لقاعة المحاضرات وجلسن بأماكنهن ،، في إنتظار تلك المغرور !!!!
٠٠٠٠٠٠٠٠٠٠٠٠٠٠٠٠٠
دلف أدهم إلي القاعه بطلته المزهله،،تحت أنظار الفتيات ونظرات إعجابهن به،، عدا مها ،،التي لا تطيق الإستماع حتي لذكر إسمه !!!
بحث عنها تلقائيا بدون وعي منه
لا يدري لما فعل هذآ ؟؟ولكنه لم يعطي الأمر أهميه !!!
وضع حقيبته علي المكتب وتحدث بجديه٠٠٠٠ السلام عليكم ورحمة الله وبركاته !!!!
ردو عليه طلابه بإحترام٠٠٠٠ وعليكم السلام ورحمة الله وبركاته !!!!
ردت مها مغصوبتآ بوجه كاشر،، فهي ما زالت غاضبه من طرده لها ولا تريد حتي رؤية وجهه !!!
ولم تعطي أدني إهتمام لدخوله !!!
بدأ بالشرح مباشرتآ،، كانت تسجل كل كلمه تخرج من فمه دون النظر له إطلاقآ !!!
ألقي بنظره عليها ولاحظ تلاشيها للنظر له،،وعدم تقديرها لشخصه،، والنظر له بإحترام كما يفعل أصدقائها،،مما جعله يستشاط غضبآ !!!!
فاأدهم من النوع النرجسي،،ويريد أن يكون هو محور الكون،، وأن يدور الكون من حوله !!!
وهذا ما فعلاه به والده ووالدته وأخوته،، فهم دائمآ يشعرونه أنه محور كونهم،، مما جعله واثق بنفسه ثقه تصل حد الغرور !!!
تحدث أدهم بعصبيه ٠٠إنتي يا أنسه،، بتكتبي أيه ؟؟
لم تجب علي سؤاله،،، لأنها لم تعي أنه يقصدها هي بكلامه،، فهي لا تنظر إليه من الأساس !!!!
إنتي يا أنسه٠٠ ٠قالها بصوت عالي غاضب !!
مما جعل أريج تلكزها في يدها سريعآ !!!
أريج بتنبيه ٠٠٠٠إنطقي يا مصيبه ،،ردي علي الدكتور !!!
إنتفضت مها مستفهمه ٠٠٠٠نظرت له بخضه،، وجدت عيونه تخرج شرزآ من شدة غضبه وأنفعاله !!!!
مها بإرتباك٠٠٠٠٠هاااا،،خير يا دكتور حضرتك تقصدني أنا؟؟
أدهم بسخريه٠٠٠٠لاء طبعآ يا أستاذه،،بكلم كائن فضائي من المريخ حضرتك؟؟
مما جعل كل الدفعه تضحك عليها وتسخر منها،، وهو بالطبع لم يعلق علي ضحكاتهم !!!
لأنه ببساطة يعجبه سخرية الجميع منها !!!
إستشاطت غضبا من الداخل،،ولكن أظهرت برودها أمامه
وتحدثت بلا مبالاه وبرود٠٠٠أؤمر يا دكتور ؟
وجه حديثه إليها بغضب وتحدث بتساؤل ٠٠٠٠إنتي بتكتبي أيه؟؟
مها بلامبالاه٠٠٠٠ بكتب كلام حضرتك وملاحظاتك علي الدرس،، علشان مانساش حاجه !!!
قال أدهم بكل غرور ٠٠٠٠بس أنا بقا مابحبش حد يكتب حاجه وأنا بشرح،،
وأشار بأصبعيه السبابه والوسطي وتحدث٠٠٠٠لازم عيونك دول تكون عليا وأنا بشرح وتركزي معايا كويس،،
أومال يا أستاذه هايكون فيه بينا تواصل إزاي ؟؟
قالت مها بإستغراب وسخريه٠٠٠٠تواصل أيه حضرتك؟
هو حضرتك جاي علشان تخطبني؟؟
ضحك زملائها بصوت عالي علي ردها المستفز له٠
وبالتالي كسبت نقطه عليه
أدهم بغضب ٠٠٠٠بتضحكو علي أيه يا شوية تافهين٠
عجبتكم أوي إفيهات الهانم !!!
مها بجديه٠٠٠٠حضرتك أنا مبقولش إفيهات،،
حضرتك وجهتني أعمل أيه،، وأنا برد علي كلام حضرتك !!!
وفي الأول وفي الآخر حضرتك ليك عندي أكون فاهمه شرح حضرتك كويس،، ولما تسألني أجاوب حضرتك بكل مهنيه؟؟
أفحمه ردها المقنع الإيجابي ،،وأستشاط غضبه منها أكثر !!!
ولكن بلحظه أتته فكره شيطانيه ،،بما أنها لم تحضر المحاضره الماضيه فهي لم تفهمها بالتأكيد !!
فليسألها بها ويحرجها ويقصف جبهتها
أمام أصدقائها،، ويجعل منها مادة سخريه للجميع !!!
نظر لها بتحدي وعلي صغره إبتسامة شريره،، وعزم أمره علي تأديبها بطريقته،، طريقة الأدهم !!!!