رواية قرار حور الفصل الرابع 4 بقلم نور محمد

رواية قرار حور الجزء الرابع

رواية قرار حور البارت الرابع

رواية قرار حور الحلقة الرابعة

:الاكل حلو ياحور
:ايوه حلو اوي ياحسن
:ده علشان انتي بتحلي كل حاجه ياحوري
اتكسفت منه ومردتش عليه وفجأه سمعت صوت شخص من خلفها
:ايه ده انتي هنا وحشتيني اوي ياحور
بغضب:انت مين وتعرفها منين؟
ببرود:انا حبيبها انت تبقى مين بقى؟
بغضب وغيره:انا ابقى خطبيها….
بصدمه: وده امتى الكلام ده؟!
بغضب: من امبارح ياستاذ، حور انتي تعرفي الشخص ده؟
بصت عليه حور بخوف وقالت: لا والله مااعرفه، انا اول مره اشوفه في حياتي
: كذابه ياحور، انتي ليه بتعملي كده بعد كل الحب الي حبيته ليكي تقولي عليا كده
: انا عمري ماشوفتك قبل كده، انت بتتبلى عليا ليه؟
: باااس مش عاوز اسمع صوت حد فيكم، حور بصى في عنيا وقولي الحقيقه وانا هصدقك
بصت حور في عنيه بكل صدق وقالت بدموع: والله انا اول مره اشوفه في حياتي، مش عارفه هو بيقول عليا كده ليه ياحسن؟
: علفكره دي بتكذب عليك احنا نعرف بعض من زمان وبينا علاقه طويله كمان وو
بغضب: اخررس مش عاوز اسمع صوتك تاني، حور بتقول الحقيقه انا شوفت في عنيها الصدق، واللي زي حور دول عنيهم مستحيل تكذب
ابتسمت حور براحه من كلامه وقلبها دق بسعاده كبيره لانه وثق فيا وصدقها
: تمام بس افتكر انك هتندم بعدين، انا كونت زيك في الاول وانخدعت في برائتها، وقولت دي وحده نضيفه مش زي باقي البنات، بس بعدين عرف حقيقتها وانها طلعت بنت وسخـ
وقف بغضب ومسكه بعنف ونطق بشر وعينه بقت حمره: اخررس قطع لسانك حور انضف ميه مره منك ومن امثالك، وصدقني لو سمعت كلمه منك عليها تاني، انا هقطع لسانك خالص انت متعرفش انا مين وممكن اعمل في امثالك ايه؟
برعب منه:حـ حاضر انا كونت عاوز احظرك منها بس انا اسف
نطق من بين اسنانه بغضب:انا عمري ما هشك في اخلاق خطيبتي حور ابدا،لاني متأكد من اخلاقها وعمر نظرتي في الناس ماخابت قبل كده،وانت لو لمحت ظلك تاني قدامي حتي بصدفه انا هندمك صدقني،ياله غور من وشي عالم زباله بصحيح
فر من قدامه برعب حقيقي منه وهو بيحمد ربنا انه طلع من بين ايديه كويس وبعد ما اطمن انه بقى بعيد منهم مسك فونه ورن عليها
:انا اسف حاولت اوقع بينهم بس مقدرتش،ابنك كشفني وهددني كمان،علشان كده انا مش هقرب منهم تاني
بضيق:تمام انت عملت اللي عليك،بس الظاهر ان تأثيرها على حسن ابني كبير،بس انا وراها ولسه اللعبه هتبدأ
:تمام براحتك سلام
:سلام
:ها ياماما طمنيني عمل ايه حسن سابها مش كده
:لا حسن كشفه انا عارفه ابني اول ما يثق في شخص صعب يشك فيه بسهوله بس انا مش هسيبها لازم اخلص منها بأي طريقه ولسه الدنيا بدري وهتشوفي
:حور انتي كويسه
:بصراحه انا مش عارفه اقولك ايه،لان لو أي شخص كان مكانك كان شك فيا،بس انت معملتش كده شكرا اوي ياحسن على ثقتك فيا
:شكرا على ايه ياحور، اولا انا بحكم بقلبي لانه عمره ماكذب عليا، واول ما بصيت في عنيكي شوفت الصدق الحقيقي فيهم علشان كده بدون تردد وثقت فيكي،وانا متأكد انك مستحيل تخذلي الثقه دي ابدا
:اوعدك عمري ماهخذلك ابدا ياحسن
: تمام ياله نرجع الوقت اتأخر
:حاضر ياله بينا
وصلوا بعد وقت للبيت ونزلت حور ونزل معاها حسن
: انت هتطلع معايا
: ايوه عاوز اكلم عمي في موضوع مهم
: تمام
طلعوا سوى وحور كانت متوتره وحسن لاحظ ده فمسك ايدها قبل ما يوصلوا وقال
: حور عاوزك تطمني انا مستحيل اسيبك، ممكن تثقي فيا
: حاضر ياحسن
وبعد مادخلوا قعد حسن مع والد حور بتردد وقال
: عامل ايه ياعمي
: كويس يابني الحمد لله اتفضل
: بص ياعمي انا عارف اني كده بستعجلك، بس انا حابب يكون فرحي انا وحور الاسبوع الجاي وانا جاهر ومستعد لكل طلباتك
بصدمه: الاسبوع الجاي بس يابني بصراحه احنا مش جهزنا حاجه لسه و
قاطعه بسرعه: انا مش عاوز منكم حاجه ياعمي غير حور بس قولت ايه؟
: قولت نشوف العروسه رأيها ايه الاول موافقه ياحور
بكسوف: ايوه موافقه يابابا
: تمام على بركه الله وانا موافق كمان
بفرحه: الحمد لله وانا هجهز كل حاجه من النهاردا ماشي ياعمي
: اللي تشوفه انت يابني
: تمام انا همشي دلوقتي ومتشلش هم حاجه ياعمي انا موجود
: تمام يابني ربنا يبارك فيك
: امين يارب سلام عليكم
: وعليكم السلام
وبعد وقت في منزل حسن كانت سلمي مستنيه حسن على نار لانه اتأخر اوي
: السلام عليكم ياامي عامله ايه؟
: وعليكم السلام ياحبيبي امال اتأخرت كده ليه؟
: مفيش كونت بحجز القاعه وبظبط باقي الامور
: قاعه ايه حد من صحابك هيجوز وطلب منك المساعده
: لا ياامي دي قاعه فرحي انا
: فرحك ازاي لسه الدنيا بدي على الكلام ده ياحبيبي
: لا مانا روحت لعمي وطلبت منه يكون فرحي انا وحور الاسبوع الجاي وهو وافق الحمد لله
بصدمه كبيره:اييه،انت بتقول ايه؟!! بقلم الكاتبه نور محمد
:في ايه ياأمي بصراحه انا مش قادر استنا اكتر، وبعدين خير البر عاجله مش كده
بغيظ:عندك حق يابني اللي تشوفه انت طبعا
:تمام ممكن تحضري ليا العشاء علشان انا هموت من الجوع
:حاضر ياحبيبي خمس دقايق بس
:شكرا ياأمي ربنا يخليكي ليا
وبعد وقت في غرفه هند:يعني ايه فرحه على البنت دي الاسبوع الجاي ياماما
:اخوكي قال كده وانا هموت من الغيظ
:لا ياماما لازم نتصرف مستحيل البنت دي تدخل بيتنا ابدا
:متقلقيش حتي لو الفرح كمل انا هخلص منها هنا بطريقتي
:تمام ياماما لما نشوف
وبعد مرور اسبوع جاء يوم فرح حسن وحور وكانت الاجواء رائعه وحسن فرحان اوي وحور هتطير من الفرحه معاه
:شايفه ياماما مفيش حد من اهلنا حضر الفرح اهو كله بسببها الزباله دي
:اسكتي ياهند انا اللي فيا مكفيني انا حاولت معاهم بس رفضوا بسبب اللي عمله معاهم اخوكي في الخطوبه بس ماشي انا ياانتي في البيت ياحور
:فرحانه بالفرح ياحبيبتي
:ايوه فرحانه اوي اوي ياحسن،بس مفيش حد من اهلك حضر الفرح بتاعنا، اسفه اكيد ده بسببي انا
:حور اخر مره اسمع منك كلمه اسفه،انتي مش السبب،واصلا الناس دول مش فارقين معايا وجودك معايا بالعالم كله ياحوري
:انا بحبك اوي ياحسن
:وانا كمان بحبك اوي ياحور
وبعد ماخلص الفرح حسن اخد حور من اهلها بعد ما ودعتهم بحزن وذهبوا للمنزل بتاعهم
حملها حسن بحب ودخل بيها البيت وقال:الف مبروك علينا عش زواجنا ياقلبي
حور اتكسفت منه اوي:الله يبارك فيك
ودخل حسن لغرفته بيها وفي الخارج كانت سلمي وبنتها هند بيولعوا حرفيا من الغيظ
:انا مش هسيبها ياماما في البيت بكره هطردها زي الكلاب من هنا
:اهدي ياهند كله بوقته يابنتي، وانا اصلا ناويه اخلص منها بس الصبر حلو برضو
بغيظ شديد:حاضر ياماما لما نشوف اخرتها ايه
وفي اليوم التالي حسن حصل معاه مشكله كبيره في الشغل فكان لازم يروح بنفسه هناك وساب حور معاهم في البيت لوحدها فطلعت حور من غرفتها بخوف منهم وفجأه انصدمت
:تعالي ياحبيبتي افطري معانا،انا حضرت الفطار ده بأيدي لكي ياعروستنا
حور استغربه من كلامها الحلو معاها بس قعدت معاهم بتوتر:شكرا ياطنط كلك زوق
:طنط ايه بقى قوليلي ياماما، انتي زي هند عندي دلوقتي
: حاضر ياماما
: تمام اتفضلي كلي ياحبيبتي انا عملتلك الاكل ده مخصوص علشانك
حور بصت للاكل بشك بس محبتش تكسفها فمسك الشوكه وبدأ تاكل: شكرا ياماما الاكل جميل جدا
: العفو ياحبيبتي بالهنا والشفا على قلبك
وبعد وقت في غرفه حور كانت قاعده سارحه في طريقه سلمي الكويسه معاها وكانت مبسوطه اوي انها اتقبلتها اخيرا من معاملتها اللي اتغيرت معاها جدا وفجأه حست بألم كبير في بطنها فصرخت
:اااه ياماما الحقيني
:مالك ياحور انتي كويسه؟
:مش عارفه بطني بتتقطع اتصلي على حسن بسرعه ارجوكي
:احم حاضر طيب اهدي بقلم الكاتبه نور محمد
خرجت سلمي وسابت حور على نفس الحال والألم زاد عليها اكتر وفجأه سمعت صوت هند بتصرخ من الخارج فخرجت لقتها على الارض بتعيط وهي ماسكه رجلها بألم
:هند انتي كويسه هي مالها ياماما؟
:وقعه بقوه على رجلها وانا اتصلت على حسن وزمانه في الطريق
:تمام طيب شوفي رجلها لتكون اتكسرت ياماما
:احم ايوه عندك حق هشوفها حالا
وبعد دقايق وصل حسن بخوف وبص قدامه لقي هند في الارض بتعيط وحور ماسكه بطنها بألم كبير
بخوف:في ايه، حصل ايه هنا ياماما؟!
:مفيش يابني الحمد لله انك وصلت تعال شيل اختك بسرعه من بدري بتعيط كده خدها للمستشفي
حسن قرب من هند بتردد وفجأه سمع صوت حور وهي بتصرخ بألم كبير:حسن الحقني انا هموت من الألم
جرى عليها بخوف:مالك ياحور انتي كويسه؟
:لا ارجوك الحقني بطني بتتقطع متسبنيش ياحسن
:ياحسن الحق اختك الاول وسيبها ده مغص عادي انا هعمل لها حاجه سخنه وهتبقى زي الفل متقلقش
حسن بص على وجه حور برعب لما لقى لونه بقى شاحب واصفر وشفايفها بقت لونها ازرق
برعب:حور ليه بقى لونك كده، انتي حصلك ايه؟
:حسن الحقني بسرعه انا بموو…
وقبل ماتكمل جملتها فقدت الوعي وحسن حملها بسرعه ورعب وقال
:ماما انا لازم اخد حور حالا على المشفى وهتصل على دكتور ياجي يفحص هند هنا عن ازنك
خرج حسن بسرعه كبيره من البيت ونزل تحت حط حور في العربيه وقلبه بيدق بقوه ورعب حقيقي عليها وساق العربيه بسرعه البرق
وعند سلمي وهند وقفت تاني وبطلت تمثيل بعد ماخرج حسن بحور
:وبعدين ياماما خطتنا كده فشلت
:اخرسي شويه عاوزه افكر في طريقه بسرعه نطلع بيها من الورطه دي،لو حسن كشف عليها هتتكشف كل حاجه،وهنروح في داهيه
:طيب والعمل ياماما دلوقتي
:انا هتصرف بسرعه
وعند حسن وصل المشفى وحمل حور بخوف ودخل للدكتور بسرعه وقال
:الحقني يادكتور مراتي هتموت مني
:تمام حطها هنا بسرعه،واخرج بره علشان اكشف عليها
:حاضر يادكتور بس ارجوك انقذها
:ان شاء الله خير اتفضل انت بس
خرج حسن وقلبه خلاص هيقف عليها من الخوف،وبعد مرور ساعه خرج الدكتور بتعب
:ها طمني يادكتور مراتي بقت كويسه
:انا عملتها غسيل معده وبقت كويسه الحمد لله،بس لازم نبلغ الشرطه حضرتك لان دي حالة تسمم حاد، ولو اتأخرت شويه كمان كانت المريضه ماتت للاسف
حسن سمعه بصدمه وغضب وقال: اييه، حاله تسمم حاد!!..