رواية قتل بالعمد الفصل الثالث 3 بقلم علياء أسامة

رواية قتل بالعمد البارت الثالث

رواية قتل بالعمد الجزء الثالث

رواية قتل بالعمد الحلقة الثالثة

نادر كان فى طريقه لحازم لكنه اتفاجأ بحادثة سير ولما نزل اتفاجأ من اللى عامل الحادثه لانها كانت لانا “الناس اللى هتسأل هو عرفها ازاى كان فيه صداقه بتجمع ما بين حازم ونور ولانا ونادر زمان🌚” نادر قلق على حازم أكتر وكان الاسعاف انطلب واخدوا لانا فضل يرن على حازم لحد ما أخيرا رد عليه
نادر بلهفه:حازم الوو
حازم:الو يا نادر
نادر:ايه يا ابنى صوتك مالو رنيت عليك فوق ال50مره مبتردش ليه
حازم:معلش مشغول فى قضيه مهمه
نادر:طب أنا عايز أحكيلك على حاجه صدمتنى بس لازم نتقابل
حازم:مش هينفع النهارده خالص يا نادر اعذرنى
نادر:حازم لانا ماتت
حازم:ل لانا م مين
نادر:لانا لانا اياها يا حازم وأنت تايه عنها كنت جايلك ف….
“أما حازم فلم يستمع لأى كلمه من نادر وانما بدا على وجهه الصدمه فكيف! كيف تمت وأين حل لغز القضيه؟ كانت هى أمله الوحيد الذى فقده الان وهل يا ترى سوف يفقد نور الأخرى أم سيقف القدر معه! يا الهى انها معضله” ‘كان حازم غارق فى دوامه من التفكير عقله فى حل القضيه وقلبه مع تلك التى لم يعرف ان كانت ستعافر للعوده للحياه ام تستسلم وتفقدها’
نادر:الووو الوووو حازم رحت فيين يا ابنى الووو
‘هنا انتبه حازم’
حازم:معلش يا نادر هضطر أقفل دلوقتى ‘وأغلق دون أن يستمع إلى رده’
___________________
(عاد حازم إلى المستشفى مره أخرى)
*خرج الدكتور من غرفة العمليات منهك والتفت ليه حازم فى لهفه:اييه الأخبار يا دكتور*
الدكتور بعمليه:الحمد لله قدرنا نسيطر على النزيف اللى حصل لأن الطعنه مجتش فى القلب ودا من ستر ربنا هى اه كانت قريبه منه ودا صعب الحاله لكن مجتش فى القلب نفسه
حازم:يعنى هى هتفوق امتى
الدكتور:يعنى مش قبل 24ساعه
حازم:وهنقدر نستجوابهاا
الدكتور:مظنش لأنها هتفضل فى العنايه كذا يوم لحد ما نقدر نطمن عليها لأن حالتها كانت خطر زى ما قولت لحضرتك
حازم:تمام
“غادر حازم المستشفى ليجد حل لتلك القضيه المعقده تاركا عساكر تقف أمام غرفة نور”
( كان حازم يقود سيارته وشعر وكأن أحد يراقبه ولكنه تجاهل الأمر، وصل حازم إلى عمله واستدعى العسكرى الذى كان يصطحب نور إلى الحجز)
حازم:قولى بقااا نور انضربت ازاى بالسكينه
العسكرى بتوتر:أ.أنا كنت سحبها عالحجز عادى يا دوب حد نادنى ببصله وبعد كده التفتلها تانى لقيتها بتصوت وغرقانه فى دمها والله يا حازم بيه هو دا اللى حصل بالضبط
حازم بعصبيه:أنتم هتجننونى يعنى ايه الكلام دااا واحنا فى سوق دا احنا فى قسم .ومين اللى نادالك
العسكرى:واحده كده منتقبه بصتلها والمتهمه فى ايدى بلف لقتها بتصرخ وبعدين الست دى اختفت فى الزحمه
حازم بغضب:ازااى دا يحصل ازاااى
العسكرى:والله دا اللى حصل
حازم زفر نفس بضيق وقال:طب اتفضل أنت
“وبعد كده استأذن واحد للدخول وقال:تقرير الطب الشرعى وصل يا فندم”
حازم:تمام
“عرف حازم من تقرير الطب الشرعى ان نوال قد تم وضع السم لهاا قبل وفاتها ب5أيام أى ان هذا السم بطئ يبدأ مفعوله بعد فتره.وبهذا توجه كل الاتهامات لنور فبالتفسير يتضح ان نور وضعت السم لنوال قبل هروبها من البيت ولا يوجد اى دليل يثبت براءة نور بل كل شىء يقف ضدها لا معهاا”
حازم:اووف كده كتير كتير اوى أنا تعبت حاسس ان فيه حلقه مفقوده مبقتش فاهم حاجه “قطع تفكيره صوت هاتفه الذى لم يتوقف عن الرنين”
حازم:الوو
نادر:الله يخرب* بيتك يا حازم دا أنت لو ابنى مكنتش طلعت عين أمى كده كل شويه ارن وحضرت الباشا مش هاين عليه يطمنى يا ابنى هو أنا كنت ناقصاك قولى بصراحه هل أنا خلفتك ونسيتك حرام عليك يا أخى
حازم:باااس ايه بالع راديو اى كل ده دا مش لاحق أرد عليك
نادر :هستناك فى الكافيه اللى عالنيل علشان تحكيلى على تاعب قلبك “ثم أخشن صوته”:ووالله يا حازم لو مجتش لاعلقك من رموش عينك .يلاا تيك كاير يا بيبى
حازم:ايه ابن المجانين داا
“ومن ثم ارتدى حازم الجاكيت الخاص به وذهب إلى الكافيه لأنه كان بحاجة نادر كثيرا”
*فى الكافيه*
نادر:يا هلا يا هلا أخيرا وصلت
حازم:مش فايق لأى هزار
نادر:طب احكى
حازم:احكى ايه
نادر:احكى يا شهرذااد احكى لشهراير و..
حازم:بس اسكت فرجت علينا الناس
نادر بجديه:خلاص خلاص اتكلم بقاا ايه اللى شغلك
حازم بتنهيده:قضية نوال
نادر:اه صحيح كنت قريت انها اتقتلت فى الجرايد
حازم:نور كل الأدله ضدها
نادر:وأنت ايه اللى مزعلك دا أنت المفروض مش تزعل ولا يكنش أنت لسه بتحبهاا
حازم:أنت بتقول ايه بس يا أخى أنا بس صعبانه علياا نور صعبان عليا العشره والعشره متهونش غير على ولاد الحرام ولا ايه!
نادر:اماال
حازم:بس ماجد فيه ورا اختفاؤه سر أنا طلبت استدعاءه و.
نادر بتسرع:ماجد فى امريكا أصلا من قبل الحادثه ولسه هيوصل بكره بعد ما عرف اللى حصل فى مصر
حازم بنظرة شك:وأنت ايه اللى عرفك يا نادر
نادر بتوتر:هاا ع.عرفت م.من جيرانهم هناك أ.أصلى كنت فى المنطقه ف.قولت أسلم ع.عليه فالبواب قالى كدهه يعنى
حازم:تسلم.عليه امم يمكن
“حازم وهو بيرفع الكوبايه يشرب العصير لمح حد بيرقبه وبعد كده الشخص دا خرج من الكافيه بسرعه.حازم طلع ورا بسرعه”
نادر:استنى يا حازم رايح على فين
يا حازم أقف يا حازم مش تروح حاااازم
“حازم مردش وطلع جرى ركب عربيته وسط نداء نادر ليه وفضل يجرى حازم وراا العربيه لحد ما حازم فقد سيطرته على الفرامل و خبط و……”
~~~~~~~~~
“بعد فتره فاق حازم فى المستشفى”
حازم بتعب:أنا فين
نادر بابتسامه:حمد الله عالسلامه يا وحش مش تحاسب وأنت بتسوق
حازم بتذكر:القضيه ومين اللى كان بيراقبنى وايه ال.. *أضاف حازم باهتمام*:ثم انك وصلتلى ازاى يا نادر
نادر:رنوا عليا من موبايلك لان رقمى كان اخر رقم أنت تكلمه بس كده
حازم:تمام هخرج امتى
نادر:الدكتور هو اللى يحدد يا وحش
“ومن ثم أعلن هاتف نادر عن اتصال”
نادر:عن اذنك يا حازم هرد
حازم:تمام
“نادر اخد التيليفون وبعد شويه”
المتصل:………
نادر:حصل امتى داا
…….
نادر بصوت هادئ:ميغيبش عن عينيكوا لحظه تعرفولى كل تحركته.أنا مش مستعد أخسر ** بسبب كلب زى داا.مفهوم
“وأغلق الاتصال وعاد لحازم”
حازم:مين اللى كان متصل
نادر:مفيش متشغلش بالك
حازم: ok
~~~~~~~~~~~~
●فى مستشفى نور●
نور بتعب:اممم أنا فين وجيت هناا ازاى
الممرضه:حمدالله على سلامتك يا أستاذه نور
نور:أنا فين
الممرضه:أنت فى المستشفى
《نور اومأت رأسها بتفهم》
نور:هو ايه دا أنا متكتفه كده ليه ايه الكلبش دا
الممرضه:أنت ناسيه انك جايه فى قضيه ولا ايه
نور بتفكير:أنا لازم أخرج من هنا علشان أثبت براءتى ومش قدامى غيرك علشان تساعدينى
الممرضه بصدمه:مستحيل مش هقدر دى مسؤليه كبيره دا غير أن فى عساكر كتير جدا بره
نور:ارجوكى أنت لازم تساعدينى وتصدقينى علشان خاطرى وهديكى اللى أنت عايزاه
الممرضه بتفكير:وهنفكك ازاى
نور:قولى للعسكرى اني لازم أعمل أشعه فمحتاجين انكم تفكوني اتصرفى أرجوكى
الممرضه:خلاص خلاص هتصرف مش تقلقى بس مش تنسى حلاوتي
نور:من عيوني
_____________________
*عند حازم*
حازم:الوو ..اييه!! طيب طيب خلاص أنا جاى
نادر:فى ايه يا حازم قلقتنى
حازم:نور يا نادر نور
نادر:ايه اللى حصل يا ابنى قلقتنى
حازم:نور هربت يا نادر
نادر بصدمه:يا نهار أسود وأنت هتعمل ايه دلوقتى
حازم وهو بيخلع الابره من ايده:هروح أشوف هعمل ايه فى المصيبه دى
نادر:ايوه يا حازم بس أنت لسه تعبان
حازم:تعالى يا نادر وصلنى مفيش وقت
نادر بتوتر:ت تمام تمام
_________________
→فى شقة تابعه لوالد نور فى مكان بعيد قررت نور الذهاب إليه حتى تدبر أمورها فهذا المنزل لا يعرفه أحد←
“تدخل نور بوهن وبطء وخوف وتغلق الباب خلفهاا لتشعر بالأنوار تشتعل فجأه من حولها لتتفاجأ ب……