رواية في بيتنا سيبا الفصل الثاني 2 بقلم اسماعيل موسى
رواية في بيتنا سيبا الجزء الثاني
رواية في بيتنا سيبا البارت الثاني
رواية في بيتنا سيبا الحلقة الثانية
اتألم، لا استطيع النوم، جسدي يؤلمني، أشواك تنزرع كل لحظه في جراحي، قيح اسود
اتقلب على فراشي، كل الأطباء أكدو انها جراح عاديه لكنها ترفض الالتأم، تقاوم المضادات الحيويه.
جلست والدتي بقربي، قلتلك اتجوز يا اسماعيل
انا بغيظ، ايه علاقة الزواج بالمرمطه الي انا فيها، انتي مش شايفه جسمي عامل ازاي؟
انا بقالي يومين لحالهم سايبه الطيور من غير آكل يا سماعين
هو ده كل الي شاغلك يا أمي، الدجاجات؟ يارب ثعلب يخلصك منهم
متدعيش كده
انا اصلا غلطانه اني قاعده جنبك وسايبه مشاغلي
روحي يا أمي روحي لمزرعة الفراخ بتاعتك الا كل الي فيها ستة ديوك واربعة عشر دجاجه
انت عرفتهم ازاي؟
طلعت على السطح صدفه يا أمي، غريبه دي؟
لا مش غريبه بس هم بقي 18 دجاجه بعد ما حضرتك طلعت على السطح
امي ان تعبان من فضلك سيبني انام
حاضر
الباب اترزع، تنهدت، كنت متوجع فعلا، جراحي تؤلمني، لكن النوم لا يأتيني
علي باب غرفتي سمعت خربشة اظافر احاول فتح الباب، انزعجت، صرخت أبتعد
لكن الخربشه تواصلت حتي شعرت بها رأسي ثم سمعت افتح الباب
لو كان قط، او حتي كلب، كيف يصدر صوت اسمعه؟
نهضت من علي سريري، حملت قدمي المصابه وفتحت الباب
تلفت يمنه ويسري مشفتش حاجه
اخيرا لمحتها، قطه صغيره وجميله دخلت بين قدمي
انحنيت، حملت القطه في حضني، انتي بقا القطه الي والدتي
بتتكلم عليها؟
ادخل واقفل الباب
رميت القطه بعيد بعد ما سمعت صوتها
اقفل الباب بسرعه
اقفل ايه بس
بسم الله الرحمن الرحيم، ارحل من هنا
بقلك اقفل الباب بسرعه
لحظه واحده، دا صوت البنت الي اختفت في الأرض
انتي الي في بالي؟
ايوه اقفل الباب يلا
مش قافل الباب انتي شبح، عفريته
انا سيبا يلا بقا معنديش وقت اقفل الباب
أظهري طيب
ظهرت سيبا، بس مكنتش طفله، كانت فتاه شابه، جميله جدا
اقفل الباب مقفلش ليه
نام على السرير بسرعه
انام على السرير انتي مجنونه؟. مش ممكن دا يحصل، امي لو دخلت علينا هتدبحني
انت، انت مفكر ايه
نام على السرير عشان اعالجك
الجراح الي اتصبت بيها مش جراح عاديه الملعون كان عايز يخلص منك
تمدد يلا علي السرير
طلعت مرهم دهنت بيه كل جسمي، انت كده هتبقي فله
سلام بقا
سلام ايه استني، انتي ايه حكايتك؟
والدتك هتدخل دلوقتي لو شافتني هتبقي مصيبه
والدتي لسه خارجه مش هترجع غير بعد شويه
والدتك على الباب دلوقتي سلام يا سمعه
استني؟
البنت اختفت، والدتي دخلت تجري على غرفتي انت بتكلم نفسك؟
لا يا والدتي كنت بفكر بصوت عالي
والدتي صرخت، استني بس دقيقه، انت ازاي وقفت كده ومشيت عادي؟
بصيت لقيت نفسي ماشي ناحية باب الغرفه عادي جدا، كأن مفيش فيه حاجه
الحمد لله، قالت والدتي دي معجزه
ايه الي حصل؟
فكرت بسرعه ملقتش غير مبرر واحد
قلتلها القطه الي كانت هنا، لحست جراحي وانا نايم فجأه لقيت نفسي كده زي ما انتي شايفه
انت بتهزر يا ابني، اتجنت مثلا؟
لا والله يا امي زي ما بقلك كده
امي ضربت ايديها في بعضها، كنت تقول انك بتستعبط بقا ومش عايز تروح الشغل
او انك عايز تتجوز
يا ادي الجواز الي انتي ماسكه فيه ياأمي، مش عايز اتجوز
لو جبت ليه أجمل نساء المعموره مش هجوز
أجمل ايه؟ انت منمره علي علي هند بنت تحيه
دي معصصه جدا يا والدتي مش كيرفي
بعد الجواز هتبقي تلاته كيرفي في بعض
غيري الموضوع يا والدتي من فضلك
اطلعي على السطح، اختاري كده اقوي ديك وادبحيه احتفال اني قمت بالسلامه
انت كل همك بطنك؟
يا والدتي انا هفتان من المرض حرام عليكي
حاضر يا اسماعيل حاضر
بقلك يا أمي انتي مشفتيش القطه وانتي داخله عندي؟
شفتها، كانت بتجري لبعيد وكان فيه كلب اسود بيجري وراها
بتتكلمي بجد يا أمي؟
ايوه
انا لازم اخرج دلوقتي حالا
غيرت هدومي وجريت ناحية المقابر
يتبع…….
لقراءة الفصل التالي : اضغط هنا
لقراءة الرواية كاملة اضغط على : (رواية في بيتنا سيبا)
