رواية فريدة وكريم الفصل الثاني 2 بقلم ديدا سيد
رواية فريدة وكريم الجزء الثاني
رواية فريدة وكريم البارت الثاني
رواية فريدة وكريم الحلقة الثانية
فريدة : خديجه؟؟؟
كريم : اه خديجة
……….فريدة : يبنتل
كريم : أ أ استهدي بالله كدا يا ديدا هدي اعصابك
فريدة : اكلم عدل يا كريم هو انا صاحبتك؟
كريم في سره : اه دي شكلها هتتعبني
فريدة : بتقول حاجه ؟
كريم : لا يروحي ولا حاجه
فريدة : طلعت روحك مين دي الي روحك
كريم : ما خلاص بقي
فريدة :طيب دي مصيبه بالنسبة لك انا مالي بالموضوع
كريم : فريدة بالله عليكي ركزي معايا دلوقتي خديجة كانت معانا في المدرسة ومشيت في ثانوي تمام
فريدة : مظبوط
كريم : وبعدها معرفناش عنها حاجه ولا كانت بتكلمنا ولا اي حاجه جت هي من اربع شهور كلمتني وهاي وباي والجو ده وللأسف دخل عليا
فريدة : اه
كريم : وقدرت انها تخليني احبها واوعدها اني اخطبها
فريدة بغضب وغيره : وبعدين
كريم : بعدها قالتلي مش هقدر اكمل اسفه ربنا يعوضك وكدا
فريدة :يااه
كريم :مفيش اسبوع اتفأجات انها كاتبه علي فيسبوك بتعها انها اتخطبت لواحد كان معانا في الدفعه برضه
فريدة : يضحك كانت بتلف علي الدفعه يعني
كريم : اه
فريدة : والمطلوب مني اي يا استاذ كريم
كريم : خديجه فرحها الاسبوع الجاي وعزمتني
فريدة : عزمتك اه اعمل انا اي ؟
كريم : انا عاوزاك تمثلي انك خطبتي
فريدة : افندم؟؟
كريم : لو لسا بتحبيني اعملي كدا
فريدة بكسوف : كريم انا مبقتش احبك خلاص
كريم : هحاول اصدق يا فريدة على العموم فكري وقوليلي سلام
كريم : فريدة بقولك اي متيجي اوصلك؟
فريدة : لا شكرا انا هروح لوحدي
كريم : يستي تعالي كدا كدا في طريقي
فريدة : طيب
بعد ما وصلو
فريدة : شكرا يا كريم
كريم : العفو علي اي فكري بس في الموضوع الي قولتلك عليا
مشيت ومردتش
ام فريدة : اي يا ديدا كنتي فين طول النهار؟
فريدة : مفيش يا ماما كانت واحده صحبتي عاوزه تقابلني
ام فريدة : مالك يا بنتي؟
فريدة : مليش يا ماما تعبانه شويه
دخلت علي اوضتي وانا مش عارفه ده احساس اي
هل حزن او فرح او خيبت امل معرفش
بس انا كنت فاكره حاجه تانيه خالص
طلع عاوزني في مصلحه
هاااا شوفتي يا غبيه مسمعتيش كلامي قولتلك هو اكيد عاوز مصلحه منك
طيب طيب اشمعنا انا يبقي لسا بيحبني؟
انتي عبيطه هطله ولا اي بظبط؟
لا يستي طب اقبل ولا ارفض
ارفضي طبعا
ليه لا؟
..انتي بتفكري اصلا ارف
خلاص انا موافقه
وكالعادة افكار كتيره في دماغي وقررت اني هقبل في الاخر
جزء مني مكنش موافق علي الي بيحصل بس انا بضعف قدام اي حد بحبه وبذات كيمو الي مجننيني ده
يبنتي لاااااا
ونمت من التعب لتاني يوم
صحيت الصبح كالعاده عشان اروح الجامعه وفتحت الموبايل لقيت كريم باعتلي ماسدج
-ها فكرتي
شفتها ومردتش ولبست وخلاص نازله لقيت باب الشقه بيخبط
فتحت لقيته في وشي
فريدة : انت مجنون يا كريم ماما هنا امشي أمشي
ام فريدة : مين علي الباب يا فريدة ؟؟؟؟
فريدة : مفيش يا ماما دي الزباله هخرجها وانزل سلاام
كريم شدها من اديها وخرجها بره الشقه ونزله سوا
فريدة : سيب ايدي يا كريم انت مجنون؟
كريم : لا مش مجنون بس انتي مردتيش ليه؟
فريدة : يعني انت جاي تقولي كدا؟؟؟
كريم : هو انتي اول مره تعرفيني انا لما بكون عاوز حاجه بزن عليها لحد ما تتعمل
فريدة : انت كدا متأكد بقي اني هوافق
كريم : ايوه انتي بتحبيني وهتوافقي صح؟
فريدة : لا وسبني اروح الجامعه
كريم : هروح معاكي
فريدة : تروح معايا فين شكلك اجننت امشي يا كريم ربنا يهديك
كريم : ماشي يا ديدا مستني الرد برضه ولو مردتيش انتي عارفه انا هعمل اي
رحت الجامعه وانا مش عارفه انا حاسه بي اي كالعاده بس ساعتها كنت فرحانه اوي
رجعت البيت اليوم كان متعب اوي
مسكت الموبيل وغير العاده كريم مكلمنيش
اجننت طبعا وقولت والله منا قابله طلبه
استغفر الله العظيم هقبله هقبله
هو انا ليه بعمل كدا في نفسي بجد؟
وزي العادي مش بلاقي اجابه منطقيه لسؤالي
استنيت شويه ولسا هنام لقيت ماسدج من سي زفت
اه سي زفت عادي يعني
كريم :هاااااا
فريدة :تمام يا كريم موافقه
قفلت الموبيل ونمت…….
صحيت علي كالاكس عربيه من تحت البيت
بفتح الشباك ابص لقيته
كريم : يلا يستي كل ده نوم
فريدة : والله مجنون استني هنزل اهو
كريم : مستنيك يا جميل
بعد ساعه
فريدة : انا اهو اتأخرت
كريم كرييييم
كريم : اييي كل ده ليه كنتي رايحه تتخطبي
فريدة : ملكش فيه عاوز اي انت دلوقتي؟
كريم : لو قلتلك معرفش هتصدقيني؟
فريدة : لا
كريم : طب انا جاي اشوفك بس
فريدة : هو اشمعنا انا يا كريم
كريم : هو اي الي اشمعنا انتي
فريدة : يعني عندك مليون واحده تعمل الدور ده اشمعنا انا واي الي فكرك بيا مش كنت قولت مش عاوز تعرفني تاني؟
كريم : صراحه حسيت اني ظلمتك معايا وانتي الوحيده الي كنتي هتوافقي بقي
فريدة :ماشي يا كريم انا همشي بقي
كريم : استني طب
فريدة : في حاجه تانيه
كريم : بكره الساعه عشره بليل تنزليلي باحلي فستان عندك عشان الفرح بكره
فريدة : يا كريم انت مقولتش من قبلها ليه كنت عاوزه احضر ال
كريم : اسكتي بس ده فيلم عاملينه مكنش بجد
فريدة : ماشي
كريم : انتي زعلتي ولا اي
فريدة : لا سلام
وطلعت علي البيت بسرعه مو صلاح
كنت مضايقه اويي طول عمره دبش وانا الي لطيفه وحساسه وذو مشاعر مرهفه وكلامي عميق
لقيت حد بيرن الجرس
توقعت انه هو بس فتحت لقيت تحت الباب فستان زي القمر تشوفه تقول متكلف جامد
فا علطول عرفت ان هو فتحت الشباك وبصيت ملقتش حد؟
فريدة : هو راح فين دلوقتي؟
يتبع…
لقراءة الفصل التالي : اضغط هنا
الرواية كاملة اضغط على : (رواية فريدة وكريم)
2 تعليقات