رواية فتاة انحنت من أجل الحب الفصل الخامس عشر 15 بقلم دودو محمد

رواية فتاة انحنت من أجل الحب الجزء الخامس عشر

رواية فتاة انحنت من أجل الحب البارت الخامس عشر

رواية فتاة انحنت من أجل الحب الحلقة الخامسة عشر

فى شقة توفيق
فى اوضت ريم كانت قاعده وحزينه على بعاد محمود عنها وقامت من على سريرها فتحت الدولاب بتاعها مسكت الدبله اللى محمود كان جيبها ليها وقعدت تانى على سريره وقالت بدموع
ريم / كنت انت الحاجه الوحيده اللى مهونه عليا موت ابويه وبعد اختى عنى لسه اول يوم ليك هناك وواحشتنى اوى يا محمود مش عارفه هقدر استحمل اسبوع تانى وانت بعيد عنى ازاى يارب هونها عليا بقى قلبى واجعنى من الفراق
وفى الوقت ده تليفونها رن بتبص لاقته رقم محمود مسحت دموعها بفرحه وردت عليه بلهفه وقالت السلام عليكم
محمود / وعليكم السلام عامله ايه يا ريم
ريم / الحمدالله وانت عامل ايه
محمود / مش كويس خالص علشان انتى مش جنبى ومشوفتكيش على الاكل زى كل يوم كنتى انتى اللى بتفتحى نفسى على الاكل
ريم / ده لسه اول يوم ليك هناك
محمود / بس حاسس ان بقالى سنه وانتى بعيده عنى واحشتينى اوى يا ريم
ريم / سكتت ومردتش عليه
محمود / ايه مش واحشك
ريم / احم خالتى وساره وابيه امير عاملين ايه
محمود / كلهم كويسين بس بلاش تتوهى الموضوع مش واحشك يا ريم
ريم / محمود اقفل عايزه انام
محمود / ابوس ايدك انطقى انا مش قدامك خالص علشان تتكسفى قوليلى كلمه تبل ريقى اللهى يسترك
ريم / محمود
محمود / قلب محمود
ريم / تصبح على خير
محمود / يارب صبرنى وانتى من أهله يا اختى
ريم / كتمت ضحكتها
محمود / حتى الضحكه بتكتميها علشان مسمعهاش هقول ايه ربنا على المفترى اعمل ايه بحبك وانتى مدوخانى باى
ريم / باى وقفلت معاه وحضنت الدبله وغمضت عينيها ونامت
____________________________
فى الصعيد
فى اوضت ساره
كانت قاعده على السرير بتفكر فى زهراء وقالت
ساره / زعلانه منك اوى يا زهره نهون عليكى كل ده متسأليش علينا ده مكنش عشرة عمر ما بنا مشيتى وسبتينا قلقانين عليكى وانتى ولا هنا قد ايه بتصغرى فى نظرى طول ما انتى بتعملى كده وفى الوقت ده تليفونها رن برقم احمد
ردت عليه وقالت السلام عليكم
احمد / وعليكم السلام عامله ايه
ساره / الحمدالله وانت ايه اخبارك
احمد / تمام الحمدالله
ساره / واختك اسمها ايه
احمد / جهاد
ساره / ايوه جهاد عامله ايه
احمد / قرفانى كالعاده ههههههههه
ساره / هههههههه ربنا يخليكم لبعض
احمد / يارب عامله ايه فى الصعيد مرتاحه
ساره / انا مش برتاح غير فى بيتى واوضى
أحمد / بس عايز اقولك ان الدنيا وحشه اوى من غيرك
ساره / اتكسفت وقالت احم ميرسى
أحمد / ساره انا عايز اتكلم معاكى فى موضوع لما تيجى
ساره / خير يا احمد قلقتنى
أحمد / لا متقلقيش خير إن شاءالله
ساره / أن شاءالله هقفل انا بقى علشان انام
أحمد / ماشى تصبحى على خير
ساره / وانت من أهله باى وقفلت معاه وحضنت التليفون وضحكت وقالت عمرى فى حياتى ما كنت أتوقع أن أحب حد كده وغمضت عينيها ونامت
_____________________________
فى اوضت امير
كان نايم على السرير وماسك صورة زهراء وقال
امير / واحشتينى اوى اوى يا زهره الدنيا دى ملهاش طعم وانتى مش فيها نفسى اشوفك واضمك فى حضنى واشم ريحتك ياااااااه يا زهره عمرى ما كنت أتوقع أن يجى علينا يوم ونبعد كده عن بعض انا الموت اهون ليا بكتير من البعد عنك وحط الصوره تحت المخده ومسك تليفونه وطلب رقم شريف وانتظر الرد
شريف / السلام عليكم
امير / وعليكم السلام عامل ايه
شريف / الحمدالله انت عامل ايه
امير / هكون عامل ايه يعنى مكسور وحزين من بعد اختك عنى هموت عليها يا شريف
شريف / كلنا هنموت عليها يا امير بس معرفش راحت فين
امير / شريف بالله عليك متيأسش دور عليها كل يوم لحد ما تلاقيها
شريف / هو ده اللى بعمله يا امير مخلتش حته الا لما دورت عليها وهفضل ادور عليها لآخر نفس فيا
أمير /هحاول اخلص إجراءات الورث بسرعه واجى علشان ادور معاك ومع سامح عليها ربنا يريح قلوبنا ونلاقوها
شريف / يارب
امير / لميس عامله ايه
شريف / كويسه الحمدالله انا بحمد ربنا أن هو بعتها ليا بعد تعب السنين دى كلها
امير / مش قولتلك يا شريف سيب نفسك ومش هتندم لميس بتحبك بجد ومستعده تضحى بعمرها كله علشانك
شريف / بس خايف فى يوم من الايام تزهق منى وتبعد وتسبنى المراتى هموت بجد
امير / لميس اصيله وعمرها ما هتبعد عنك وانت والله بقيت كويس والدكتور بنفسه قالك كده لكن خوفك وتوترك هما اللى عاملين فيك كده
شريف / ربنا يستر هسيبك بقى تريح شويه من السفر
امير / ماشى ولو عرفت اى حاجه طمنى علطول
شريف / اكيد طبعآ سلام
امير / سلام وقفل مع شريف وغمض عينه ونام
____________________________
فى الاسكندريه
فى المستشفى عند زهراء
الدكتور كان بيكلم عاطف وبيطلب منه أن يجى يقابل زهراء حسب رغبتها قال
عاطف / انا مش فاضى يا دكتور انت عارف الأشغال اللى ورايا
الدكتور / والله هى اللى مصممه على كده عايزه تقابل حضرتك
عاطف / سكت شويه وبعدين قال ماشى انا جاى لما اشوف اخرتها ايه
الدكتور / فى انتظار حضرتك مع السلامه وقفل معاه وبص لزهراء وقال جاى ليكى دلوقتى
زهراء / شكرآ ليك يا دكتور
الدكتور / العفو يا انسه عن اذنك وخرج وسابها
وبعد وقت الباب بتاع اوضت زهراء اتفتح ودخل منه شاب طويل وعريض فى أوائل الثلاثينات وسيم جدآ لكن ملامحه يظهر عليها الشده والجديه دخل وقعد على الكرسى وقال بجديه
عاطف / خير يا انسه الدكتور قال انك عايزه تشوفينى
زهراء / ها ا.ا اه ك.ك.كنت عايزه اعرف من حضرتك ا.ا.انا ايه حكايتى ومين اللى كلمك عليا علشان تنقلنى من مستشفى القاهره على هنا
عاطف / اولا انا معرفش حكايتك ايه ولا انتى مين ولا أهلك مين كل الحكايه أن واحده اسمها سميحه ممرضه فى المستشفى اتصلت بيا وطلبت منى أن اساعدك لأنك عامله حادثه وفى غيبوبه ومدير المستشفى أمر يشيلك من على الاجهزه علشان محتاج السرير وانا ساعدك وجبتك هنا فى المستشفى تتعالجى على حسابى
زهراء / طيب سميحه دى مقالتش اذا كان معايه حد من اهلى اى اوراق تثبت انا مين اى حاجه يعنى
عاطف / لاء انتى لما جيتى من الحادثه مكنش معاكى اى حد ولا اى حاجه تثبت شخصيتك
زهراء / بدموع يعنى انا هفضل كده معرفش اى حاجه عن اهلى ولا عن نفسى
عاطف / والله دى مشكلتك انتى انا عملت اللى عليا وعلاجتك وهفضل معاكى لحد ما تقدرى تقفى على رجلك وبعد كده انتى حره بقى تروحى تدورى على أهلك فى القاهره زى ما انتى عايزه انا واحد مش فاضى ورايا مسؤوليات اهم منك بكتير
زهراء / بصت ليه بكسره وقالت انا اسفه لو كنت اخد من وقت حضرتك
عاطف / وقف وقال ياريت لو محتاجه حاجه اطلبيها من الدكتور وهو هيبلغنى
زهراء / شكرآ
عاطف / سابها وخرج من الاوضه وراح للدكتور وقال لو سمحت يا دكتور خلى بالك منها ولو احتاجة حاجه بلغنى بالتليفون علطول
الدكتور / حاضر يا باشا احنا فى المستشفى شايفين شغلنا معاها كويس اوى علشان من طرف حضرتك ومش مقصرين معاها فى اى حاجه
عاطف / شكرآ يا دكتور وسابه وخرج ركب عربيته ومشى
زهراء / اول ما خرج عاطف قعدت تعيط وتقول يارب انا هتجن م.م.مش قادره افتكر انا مين ولا اهلى مين هعيش وحيده فى الدنيا معرفش حد ولا حد يعرفنى طيب لو حد سأل على اسمى هقولو أسمى ايه طيب لما انزل القاهره هعرف اهلى ازاى يارررررررب انا تعبنا بجد يارب حلها من عندك وحطت راسها على المخده وغمضت عينيها ونامت
____________________________
اشرقت شمس صباح يوم جديد بنورها الساطع فى سماء الصعيد ليبدأ امير بفتح عيونه بصعوبه قام من على سريره دخل الحمام اخد شاور واتوضه وخرج لبس هدومه واده فرضه ونزل كان الكل قاعد على سفرة الاكل قال
امير / صباح الخير
الكل / صباح النور
حسين / تعال يا ولدى اقعد افطر
امير / لاء مليش نفس يا عمى
ام صلاح / اقعد يا حبيبى كل لقمه انت مكسوف ولا ايه
امير / لا والله يا مرات عمى هتكسف ليه بس فعلا مليش نفس انا بس محتاج فنجان قهوه احسن مصدع اوى
حسين / قومى يا سها اعملى قهوه لابن عمك
سها / حاضر يا بابا
امير / لالالا لما تفطر
سها / انا الحمدالله شبعت وسابتهم ودخلت المطبخ عملت القهوه لامير وجابتها ليه
امير / شكرآ تعبتك معايا
سها / العفو مفيش تعب ولا حاجه وادته حبايه وقالت دى هضيع الصداع من عندك
امير / بص لحبايه وبعدين بص لسها
سها / متقلقش انا دكتوره مش هضرك
امير / مد أيده واخدها منها وشرب وراها مايه وقال شكرآ
سها / العفو وسابته ومشيت
امير / شرب القهوه وشويه وحس بالراحه والصداع راح من عنده وفى الوقت ده الكل اتجمع
حسين / عامل ايه يا ولدى دلوقتى
امير / الحمدالله يا عمى البركه فى الدكتوره سها ادتنى حبايه ضيعت الصداع من عندى
سها / انا معملتش حاجه دى حاجه بسيطه
وفى الوقت ده جت روبين بنت صلاح وطلعت تجرى على ابوها
روبين / بابا بابا بابا
صلاح / ابلعى ريقك شويه
روبين /قوم هات ليا حاجه حلوه قوم يلا
صلاح / عيب يا روبى عندنا ضيوف
روبين / مليش دعوه انا عايزه حاجه حلوه
محمود / ماشاءالله يا صلاح بنتك بلوه سوده
صلاح / وانت كده شوفت حاجه دى مطلعه عينى
روبين / انتو هتتكلمو كتير انا عايزه حاجه حلوه
صلاح / روحى لعمك حسام
حسام / وانا مالى هو انت تخلف وترميها ليا روحى يا حبيبتى لبابا
روبين / راحت لساره وقالت طنط ممكن انتى تجيبى ليا حاجه حلوه
حسام / سبحان الله بنت اخويه طالعه فهيمه زى وراحه تطلب من الحلويات تجيب ليها حاجه حلوه
ساره / بصت ليه بقرف وبعدين قالت ياريت يا حبيبتى اعرف كنت اخدك وجبت ليكى
حسام / غالى والطلب رخيص تعالى اوريكى يا بنت عمى
محمود / بغيظ مش ملاحظ انك مزودها اوى
حسام / ليه بس يا ابن عمى
امير / من الأدب انك لما تكلم اختنا تتكلم معاها بأدب دى بنت عمك
حسام / وانا قولت ايه بس
حسين / حسام مسمعش نفسك فاهم وبص ليهم وقال هو ابنى بيحب يهزر مش اكتر
امير / علشان خاطرك بس يا عمى ساكتين
حسين / عشت يا ابن اخويه
روبين / يووووووه انا عايزه حاجه حلوه وراحت لامير وقالت طيب انت يا عمو
امير / شالها قعدها على رجله وقال بس انا مش من هنا ومعرفش الشوارع
روبين / عمتو تعرف تيجى معانا صح يا عمتو
سها / عيب يا روبى انا هاخدك واجبلك حاجه حلوه
روبين / يلا بينا بقى
سها / قامت وقفت وقالت عن اذنك يا بابا
حسين / ماشى يا بنتى بس متتأخريش
سها / حاضر يا بابا
امير / استنى هاجى معاكم هى طلبت منى انا
سها / مفيش لزوم انا هجبلها
حسين / خدى معاكى يا سها وبالمره يشوف البلد
سها / حاضر يا بابا
وخرج امير وسها ومعاهم روبين
امير / انا اسف لو كنت ضيقتك أن خرجت معاكم
سها / لاء مضيقتش ولا حاجه
امير / ممكن أسألك سؤال
سها / اه طبعآ اتفضل
امير / هى فين مامت روبين مشوفتهاش امبارح ولا النهارده هى مش بنت عمنا
سها / احم اه بنت عمك حسن هى اه هى مامتها تعبت وراحت ليها امبارح وهتقعد معاها يومين
امير / استغرب من توترها بس كبر دماغه وقال اه ماشى
روبين / انا عايزه اجيب من هنا
سها / ماشى تعالى
امير / ممكن تجبيها انا هشترى ليها
سها / بس انا اللى جيباها وانا اللى هشترى ليها
امير / وانا قولت اللى هشترى ليها وشد روبين من ايديها وراح اشترى ليها حاجات حلوه كتير وجه
سها / اتغاظت منه وقالت انت ازاى تشد البنت من ايدى كده
امير / انتى اللى خلتينى اعمل كده مينفعش يبقى معاكى راجل وتروحى انتى تشترى وتدفعى
سها / على فكره احنا بقى عندنا مفيش فرق مين اللى يدفع الراجل ولا الست الفكره المتخلفه دى انتهت من زمان
امير / يبقى عندكم الرجوله انتهت من زمان وسابها ومشى هو وروتين
سها / بصت ليه بغيظ ومشيت وراهم
ودخلو الدوار وقعدو وهما الاتنين متغاظين من بعض
_____________________________
فى القاهره
فى المدرسه عند سامح وروز
وصلت روز ودخلت المدرسه وكانت عماله تدور على سامح فى المدرسه بس اتفاجئت بعبير واقفه قصادها
روز / خير فى ايه
عبير / خير يا حبيبتى خير اوى
روز / هوف اخلصى قولى عايزه ايه
عبير / اممممم بصى يا حبيبتى من الاخر مستر سامح بتاعى انا ولو مبعديش عنه هيحصلك حاجات مش حلوه منى
روز / اولا مستر سامح مش اكتر من مدرسى وبس وبعدين انتى ولا تقدرى تعملى حاجه ليا
عبير / والله بس انا مش شايفه كده خالص شيفاكى عماله تتمحلسى ليه فى الريحه والجايه وهو مش هيعبرك اصلا علشان هو جو
وفى الوقت ده جت جهاد وقطعتها وقالت
جهاد / عبير ابعدى عن سكت روز وملكيش دعوه بيها
عبير / شيفاكى بقى ليكى لسان اهو يا جهاد
جهاد / انا لو كنت عامله ليكى حساب فانا عامله حساب الجيره اللى ما بنا بلاش تخلينى استعمل معاكى نفس اسلوبك
روز / يلا يا جهاد سيبك منها وبصت ليها بقرف ومشيت هى وجهاد
عبير / ماشى انتى وهى انا هوريكم وبعدين قالت كنت خلاص هقولها أن هو جوزى بس برضه مش هسكت غير لما اخليها تعرف وتبعد عنه وميبقاش قدامه غيرى وخرجت من المدرسه روحت على الفيلا بتاعتهم
عند روز وجهاد
جهاد / بقلق هى قالتلك ايه
روز / ولا حاجه بتقولى ابعدى عن مستر سامح علشان بتاعها هى وبس وكانت لسه هتكمل جيتى انتى وقطعتيها
جهاد / اخدت نفس وقالت اوك
روز / بس شكلها بتحب المستر صح
جهاد / يا بنتى ما انا قولتلك من الاول أن هى بتحبه وهو ولا هنا
روز / بقلق هو ممكن المستر يبصلها
جهاد / مستحيل
روز / ارتاحت وقالت الحمدالله
جهاد / الحمدالله على ايه
روز / ها ا.ا.الحمدالله على كل شئ
جهاد / ربنا يزيدنا من بركاتك يا حاجه وفى الوقت ده روز لمحت سامح طلعت تجرى عليه وقالت
روز/ مستر يا مستر
سامح / وقف وقال صباح الخير يا روز
روز / صباح النور عامل ايه
سامح/ الحمدالله
روز / مستر مش هتيجى بقى النهارده تدينى الدرس
سامح / ما انا قولتلك يا روز تخلص الظروف اللى عندى وهرجع اديكى الدرس
روز / بليز يا مستر انا مش قادره افهم حاجه من المستر اللى بيدخل بدالك بلييييييز يا مستر
سامح / بص ليها وهو بيكتم ضحكته على منظرها الطفولى وقال مش هين
روز / قطعته ومسكت أيده وقالت بليززززز يا مستر بليز
سامح / بص على ايديها اللى ماسكه أيده وبص فى عينيها وهى بتترجاه وبلع ريقه بصعوبه وقال م.م.ماشى هجيلك النهارده
روز / قعدت تنط قدامه بفرحه وتقول yes yes
سامح / بصلها وضحك وقال على فكره حركاتك كلها طفوله بحس أن انا بتعامل مع طفله
روز / بدلع طفله ايه يا مستر انا انسه كبيره اهو ولفت قدامه
سامح / احم روز اقفى
روز / احم اه سورى ووقفت وقالت هستناك يا مستر
سامح / أن شاءالله روحى بقى ادخلى قبل ما المدرس يدخل ليكم
روز / حاضر وطلعت تجرى من قدامه
سامح / بص عليها وهى بتجرى وضحك وهز دماغه يمين وشمال ومشى هو كمان
____________________________
فى الشركه عند لميس
وصل شريف الشركه ودخل المكتب عند لميس وقال
شريف / صباح الخير يا قلبى
لميس / صباح النور
شريف / عامله ايه
لميس / بتعب الحمدالله كويسه
شريف / مالك يا لميس
لميس / وهى بتحاول تكون طبيعيه مفيش يا حبيبى
شريف / انتى تعبانه
لميس / لاء
شريف / لميس متكذبيش انتى تعبانه
لميس / شوية إرهاق مش اكتر
شريف / علشان بتعملى مجهود على نفسك جامد بتشتغلى شغلى وشغلك انا غلطان اصلا علشان حملتك الشغل لواحدك
لميس / لالالا انت ملكش ذنب وبعدين كفايه عليك التعب اللى بتشوفه من اللف فى الشوارع على اختك مفهاش حاجه لما اساعدك
شريف / قومى يا لميس
لميس / ليه
شريف / ريحى شويه هنا على الكنبه وانا هقعد مكانك
لميس / لاء انت تعبان
شريف / كلمه واحده سمعتى قولتلك ايه
لميس / بس يا ش
شريف / قطعها وقال لمييييس
لميس / بصت ليه وقامت من على المكتب وراحت نامت على الكنبه
شريف / قعد على الكرسى مكانها وبدأ يشوف الشغل مكان لميس
لميس / قعدت تبص عليه بحب وضحكت وقالت عارف انا فرحانه اوى
شريف / بصلها وقال ليه
لميس / علشان هغمض عينى وانت اخر واحد شوفته وهفتح عينى عليك
شريف / قام من على الكرسى وقعد قصادها فى الارض ومش أيده على شعرها وبص فى عينيها وقال اوقات كتير بحس أن لسانى عاجز ومش عارف يرد قصاد كلامك وحبك ليا بس كل اللى بحس بى قلبى بيتحرك من مكانه وبينط من الفرحه
لميس / انا مهما اقول مش هقدر اوصفلك ذره واحده من حبى ليك انا حبى ليك فوق الوصف يا شريف فوق ما تتخيل
شريف / قرب منها وبسها من راسها وقال بعشقك يا كل عمرى
لميس / بأبتسامه وانا بموت فيك ومسكت أيده وبستها
شريف / مشى أيده على شعرها وقال نامى يا قلبى
لميس / حاضر وقعدت تبص ليه لحد ما عينيها راحت فى النوم
شريف / قلع الجاكت بتاعه وحطه عليها وراح قعد على الكرسى وبدأ يشوف شغله
_____________________________
فى القاهره
فى المستشفى
صحيت زهراء على نفس الكلمه ونفس الصوت اللى بتسمعه وكان الدكتور داخل يكشف عليها وشافها وهى مفزوعه
الدكتور / يا انسه انتى كويسه
زهراء / هبقى كويسه يا دكتور ازاى وانا مش قادره افتكر حاجه غير كلمه واحده بس بكرهك
الدكتور / يا انسه لازم تكونى هاديه علشان تقدرى تفتكرى حاجه لكن كده انتى بتوترى نفسك
زهراء / غصب عنى يا دكتور طيب انا مش عندى مكان اروحه ولا عارفه هقول للناس اسمى ايه اهلى مين انا ضايعه يا دكتور
الدكتور / صعبت عليه زهراء وقال بصى انا مقدر الحاله اللى انتى فيها وعارف المعاناة اللى انتى حاسه بيها بس اكيد ربنا ليه حكمه فى كده وخلاكى تفقدى الذاكره لشئ معين وربنا عمره ما بيجيب حاجه وحشه لحد أحمدى ربنا على اللى انتى فيه وخليكى متأكده من حكمت ربنا
زهراء / بدموع ونعمه بالله هو انا يا دكتور ممكن اكون كنت بنأدمه وحشه وربنا عمل كده بيعاقبنى
الدكتور / مش شرط ممكن لو كانت الذاكره عندك كانت حصلت ليكى حاجه وحشه
زهراء / اكتر من اللي انا فيها
الدكتور / انتى كويسه واللى عندك ده فتره مؤقته وهترجعى احسن من الاول
زهراء / يارب يا دكتور
الدكتور / يكفى أن ربنا بعت ليكى واحد زى عاطف باشا ده اكيد ربنا بيحبك
زهراء / بس ده شكله مغرور اوى وكلامه بيجرح اوى
الدكتور / لاء باللعكس عاطف باشا شخصيه متواضعه جدآ وبيحب يعمل الخير علطول ومفيش حد بيطلب منه المساعده وكسفه ابدآ بس الظروف اللى اتعرض ليها خلى طريقة كلامه شديده شويه مع الناس بس هو طيب جدآ
زهراء / انت تعرفه من زمان
الدكتور / من زمان اوى يمكن من وانا لسه متخرج من الكليه
زهراء / بس انا مشوفتش كده انا شوفت شخص متعجرف ومتكبر
الدكتور / طيب انتى تعرفى أن هو وصانى عليكى اوى وطلب منى اشوف طلباتك كلها
زهراء / بجد بس مكنش باين عليه كده خالص
الدكتور / علشان اول مره تشوفيه بس لما تتعاملى معاه كذا مره هتلاقيه واحد طيب اوى ومش هيسيبك الا لما يرجعك لاهلك
زهراء / بس امبارح قالى أن هو ملوش دعوه بيا لما اقوم اقف على رجلى
الدكتور / ده بيقولك كده بس بكره افكرك هيساعدك ومش هسيبك
زهراء / دكتور انا عايزه أخرج من هنا
الدكتور /………….
___________________________