رواية غزاله بفك الضبع الفصل السابع 7 بقلم زهرة الربيع

رواية غزاله بفك الضبع الجزء السابع

رواية غزاله بفك الضبع البارت السابع

رواية غزاله بفك الضبع الحلقة السابعة

قلعتي دبلتي واتجوزتي غيري بالسهوله دي ..قدرتي تسلمي نفسك لواحد تاني يا غزال…ليه..انا قصرت في ايه..ده انتو حتى مجاش في بالكم تتصلو تقولولي انك هتتجوزي ..اتجوزتيه ليه يا غزال اتكلمي
ينفع اجاوبك انا ولا لازم غزال…قالها شاهر بابتسامه مستفزه غاضبه بعد ما سمعهم
غزال بصتلو بخوف وارتباك ووليد قال بغضب .اكيد فيه اسأله محدش هيجاوب عليها غيرك يا شاهر بيه…حضرتك اتقدمت لغزل وطلبك اترفض ..اقدر اعرف اتجوزت غزال ازاي
شاهر ابتسم بسخريه وقال ببرود…المهم اني اتجوزتها..وحاليا غزال مراتي..وانت مش هتقدر تغير حاجه في الي حصل..ووجودك هنا مش هيفيدك ابدا..وكمل قاصد ينرفزه وقال..فانا علشان خاطر غزال حببتي هديك فرصه توقف المسخره الي بتعملها وتمشي ويادار مادخلك شر وده اخر عرض ليك
هنا وليد مسكو من قميصه بغضب وقال…انا مش همشي قبل ما ترد عليا..اتجوزت غزال ليه..وازاي ماتت اختها اتكلم يا شاهر
غزال كانت خايفه على وليد وواقفه مكانها برعب وهنا جات حور وقالت باستغراب فيه ايه يا جماعه..انتو بتتخانقو ولا ايه
شاهر نفض اديه بغضب وقال..لا طبعا يا حببتي…مش بنتخانق ولا حاجه..ده بس وليد فيه كام حاجه كده بيستفسر عليهم
وليد كان هيموت من الغضب وغزال مرتبكه جدا وحور مقتنعتش بكلام شاهر لانها سمعتهم بيزعقو بس مهتمتش و قالت..بابا عايزك يا وليد
وليد مشي معاها وهو بيبص لشاهر بغضب
وشاهر كان بيبادلو بنظرات مستفزه واول مامشي بص لغزال بغضب شديد وقال..كمان واقفه معاه هنا في نص القصر افرض حد تاني شافكم ..افرض حد سمع كان بيقولك ايه و
بس شاهر قطع كلامو بصدمه وزهول لما غزال داخت وكانت هتقع على الارض بس لحقها ووقعت على دراعو وهيه مش حاسه بالدنيا
بقلمي…زهرة الربيع
شاهر شالها بسرعه وطلع بيها اوضتهم وهو مش عارف مالها وحطها على السرير وجاب علبه برفان وبقى يفوقها بقلق شديد
وهو بيفوقها سرح في ملامحها وجمالها بشرتها الصافيه ورموشها الي مضلله على خدودها الورديه…وشفا،يفها الي زي الفراوله كلها كانت مغريه جدا بلع ريقه بارتباك شديد وقرب جامد وباسها برقه من شفا،يفها
تحت كانو اهل غزال ووليد ماشيين وسلمو على الكل وعليه قالت ..امال فين غزال
هناء حمحمت بخجل وقالت..فوق هيه وجوزها..تحبو نناديلهم
عليه قالت لا..لا مفيش داعي سلمي عليهم
منى قالت بضحك..اكيد ..معلش بقى عرسان جداد وكده
عليه ابتسمت بالعافيه ووليد ضم اديه بغضب وطلع وهو مش شايف قدامو
عند شاهر كان قاعد باستغراب وصدمه من نفسو وهو مش عارف ليه اتشد ليها بالشكل ده وبا،سها كده ….فضل وسط افكارو لحد ..ماغزال فتحت عنيها ببطأ وقالت بتوهان..انا..انا حصلي ايه
شاهر اتنهد براحه وقال..انتي كويسه..دوختي فجأه..قلقت عليكي و
شاهر قطع جملتو لما خد بالو من كلامو وغزال كانت بتبصلو باستغراب وقالت بسخريه…قلقت عليا..عليا انا..ههه..
شاهر بلع ريقه بتوتر من نظراتها ووقف وقال…كويس انك قومتي خفت تجبيلي بلوه
شاهر لسه هيمشي غزال قالت بسخريه…لا وانت الحقيقه بتخاف من البلاوي
شاهر اتنهد وقال…كده تمام..مدام اتريقتي يبقى اتحسنتي هنزل اشوف الجماعه واجيلك تاني
عند الجماعه تحت كانو قاعدين بيضحكو سوا كلهم في الصالون وشاهر قال .ايه ده هما الضيوف مشيو ولا ايه
سهام قالت بضحك …ايوه يا عم مشيو ما انت غاطس في العسل مع الغزال
الكل ضحك ومنزر قال…اخس عليك بقى تستغل جمعتنا علشان تستفرد بالمدام
وضحكو تاني ومنى قالت..بس بقى يا ولاد حرام عليكم يمكن طلعو يريحو
راشد قال..اكيد..ما كلو راحه برضو وفضلو يضحكو كلهم
شاهر ضحك وقال…انتو بتضحكو على ايه والله انتو ما فاهمين اي حاجه
هناء قالت..مش فاهمين ايه بس..ده انت حتي منزلتش البنت تسلم على اهلها وهما ماشيين
شاهر اتنهد وقال…بس بقى انتو هتحفلو عليا ولا ايه
راشد قال …ولا نحفل عليك ولا حاجه احنا عندنا خبر حلو ومش محتاجين نحفل عليك لاننا هنعمل احلى حفله..مش انا قولتلك هعمل خطوبه حور الاسبوع ده
شاهر قال ..ايوه قولت
راشد قال بفرحه…بس العريس مستعجل وقال..انو هيتجوز الاسبوع ده وحددنا الفرح ومش هتصدق كمان وافق يعيش هنا مؤقتا علشان حور تفضل معانا
شاهر اتفاجأ وقال بصدمه..انت بتقول ايه يا عمي بالسرعه دي..الاول يقول هيعمل خطبه وفجاه يبقى جواز..مش نسأل عليه حتى ده جواز مش لعبه..وبعدين مش لازم ياخدو وقتهم يمكن ميتفقوش و
منى قالت بسرعه..يا بني هما اصلا متفقين وبعدين احنا هنأجل ليه خلينا نفرح بيهم
راشد قال..ايوه انا عايز افرح بيهم وما صدقت اقنعتو يفضل معانا وبعدين احنا كده كده هنعمل فرح منزر فيبقو سوا في نفس اليوم
سهام اتفاجأت كانت فاكره ان مفيش فرح وقفت وقالت…هو..هو انتو هتعملو فرح يا منزر
منزر بلع ريقه بارتباك وقال..هو ..هو يا حببتي ده طلبها هيه و
بس مكملش جملتو وسهام قاطعتو وقالت ..ربنا يكملكو بخير وطلعت على اوضتها ودموعها على خدودها
الكل كانو بيبصو لمنزر بحزن وشاهر حط ايده على كتفه وقال..خليك معاه..متسبهاش لدماغها
منزر هز راسو بحزن وراح ورا سهام
في مكان تاني نور دخلت مبني قديم وبيت بسيط واول ما دخلت كانت فيه ست قاعده بتخرط ملوخيه وراجل بيلف سجاره وقال…ايه يا حلوه اتأخرتي يعني
نور قالت بغضب .انا مش نقصاك السعادي ..ومش عايزه اتكلم مع حد..مش كفايه انكم متلقحين في خلقتي ليل ونهار ..ده ايه البلاوي دي
الست قالت.ليه كده بس يا حلوه ده احنا بنخدمك برضو
نور قالت بغضب..انا مش عيزاكم تخدموني وركذو كويس ..بعد يومين هيعملو الفرح تلبسو البس الي جبتهولكو وتتصرفو كويس لان المرادي مش هتقابلو منزر وامه بس… لا ده انتو هتقابلو عيلتو كلها واهم حد شاهر الضبع ده بيفهمها وهيه طايره لو حس ان انتو مش امي وابويا هنروح فيها كلنا فهمتو
الراجل قال بضيق..يوووه فهمنا بقى قرفتينا
نور قالت بغضب..القرف ده بتاخد عليه فلوس قد كده على قلبك و
بس نور قطعت كلامها لما تليفونها رن.. ردت وقالت الو
جالها صوت مجهول بيقول..ها يا نور عملتي ايه
نور قالت …روحت امبارح القصر..وشفتو كان هناك
المجهول قال..ها وحس بحاجه
نور قالت بغرور…عيب عليك
المجهول قال…تمام ..بس اوعي يحسو بحاجه لازم الجوازه دي تتم
نور قالت بعضب رهيب…متقلقش انا عارفه بعمل ايه كويس الفرح كمان كام يوم وبعدها هنبتدي في خطتنا
في القصر منزر راح ورا سهام واستغرب انها مش بتعيط ابدا ..وقاعده بتتفرج على فيلم عادي جدا
منزر دخل وقال باستغراب…سهام انتي كويسه ..
سهام قالت بابتسامه..اه يا قلبي..انا تمام..عايز حاجه اعملهالك
منزر استغراب وقال..لا..لا ابدا اصلي افتكرتك زعلانه بس الحمد لله انك بخير يعني
سهام قالت …انا تمام..تعالى شوف الفيلم ده يجنن
منزر قعد جمبها وقال بحزن…متأكده
سهام كانت بتجاهد علشان دموعها متنزلش هزت راسها وقالت..امممم
منزر ابتسم بحزن لانو عارف انها بتكدب قال …طب تعالي في حضني
سهام قالت ودموعها بتلمع في عنيها…لا..مش عايزه
منزر قال ..مش عايزه تقعدي في حضني
سهام قالت …مش عايزه يا منزر..مش عايزه اعيط ..مش عايزه اضعف ولا انكد عليك بقى..خليك بعيد
منزر شدها عليه وحضنها جامد وقال…بس انا بموت في ضعفك معايا ..والله غيرتك دي زي العسل بتحسسني بوضعي كده …مش سهل انا ها
سهام ضحكت وسط دموعها وقالت..لا مش سهل ..مفيش منك..حلو وحنين..وشيك… ورجوله كده…ومغرور
بقلمي…زهرة الربيع
منزر قال بدهشه..مغرور
سهام قالت بضحك…اه بس يعني غرور حلو على خفيف كده
منزر ضحك وباس جبينها وقال..من حقي اتغر انا بشوف نفسي لانك معايا انتي غروري وثقتي بنفسي وكل حياتي
عند غزال كانت بتغير هدوم الحفله وقلعت فستانها ومسحت الميكب وقفت قدام المرايه وهيه بتفكر في حاجه بصت لنفسها بتقييم وكانت بقميص مغري وفردت شعرها وكانت رهييبه
اول ما سمعت خطوات شاهر على السلم جابت علبه كريم مرطب وقعدت على السرير بطريقه ملفته وبقت تدهن رجلها وحاطه السماعه في ودنها بتسمع ميوزك بلامبالاه مصتنعه
شاهر دخل واتجمد مكانو من منظرها قفل الباب وحمحم بصوت عالي قاصد يسمعها بس غزال فضلت مكمله ومهتمتش
شاهر دخل ياخد حمام واول ما قفل الباب ابتسم وقال..طريقه جديده ..بس صعبه…اوووووف..صاروخ بنت الايه…اثبت يا شاهر اكيد مش دي الي هتلعب بيك
واخد دش وطلع واتفاجأ بغزال بتتمايل على انغام الموسيقى وبتلف بخفه زي الفراشه
شاهر فضل باصص على منحنيات جسمها وبلع ريقه بتوتر شديد وقال..احم..ايه الرواق ده كلو انهارده
غزال كملت من غير اهتمام وقالت…دي دروس نفسيه لتعديل المزاج…بغير مودي
شاهر قال …اااااه…واتقدم عليها وعيونه على كل حته فيها
غزال وقفت وقالت..بتبصلي كده ليه
شاهر شدها عليه ومشى ايده عليها وقال برغبه…طب ما نعمل الدرس ده سوا ونعدل المزاج مع بعض اوعدك هعليلك مودك قد ما تحبي ووووووو