رواية غريب في مصر الفصل السابع 7 بقلم Sos khalil

رواية غريب في مصر الجزء السابع

رواية غريب في مصر البارت السابع

رواية غريب في مصر الحلقة السابعة

صحيت حنان من النوم خدت دش
وطلعت لقيت امها بتلبس ونزله
حنان بأبتسامه :صباح الخير يا ماما رايحه فين
امها :صباح النور يا حبيبتي نزله السوق اجيب طلبات للبيت
حنان :طب استنى البس العبايه وانزل معاكي
امها :لا يا حبيبتي ارتاحي دانتي النهارده اجازتك
حنان :لا يا حبيبتي عادي أنا أصلا كنت كده كده هنزل أجيب
حاجات ليه إستني هخش البس دخلت لبست وبعد شويه
خلصت ونزلوا
وهما ماشين عدو علي ورشه مصطفى وعدي
مصطفى شافهم راح ليهم :إيه ده رايحين فين
امه :هنروح السوق يا حبيبي نجيب طلبات البيت
مصطفي :طيب خلي بالكو من نفسكو حنان لقى حنان مش
بترد بصلها شافها باصه على عدي بتضحك عليه وهو ماسك
العجله الكبيرة وبيتكعبل بيها كل شويه مصطفي هز راسه
بياس منه وبعدين بص لحنان تآني بصوت عالي :يابت انتي
حنان بخضه :إيه يا مصطفي في إيه
مصطفى بسخريه :مفيش حاجه ياختي روحو متتأخروش
حنان بصتله بتذمر ومشيت هي وامها
مصطفي رجع لعدي إللي عمال بيوقع بالكوتش
بصله وقالو بسخريه :متنشف يا أخويا في إيه
عدي وهو بيمسح العرق بتاعه : تقيله آوى
مصطفي بسخريه :ماهو لازم انت بتشيلها غلط في حد
يشيل كوتش عربيه كده وبيشاور عليه كان شايله كأنو
شايل بطيخه شايل الكوتش على جمبه
عدي بص على الكوتش إللي في ايده بغباء وقال بأبتسامه
غبيه :اشيلها إزاي
مصطفى خد منه الكوتش وحاطه على كتفه من فوق :شيلها
كده سهله اهيه
عدي بصله وشاب كوتش تأنى زي ما شال مصطفي
وابتسم ليه بهبل زي دي كده😄
مصطفى بصله شويه وبعدين ضحك عليه وهز دماغه بمعني
مفيش فايده فيك
عند عمر ابن عم عدي في الشركه بتاعتهم
كان قاعد بيشتغل وجه في باله عدي فضل قاعد سرحان
بحزن دخلت عليه سمر السكرتاريه بتاعته وحبيبته
سمر :عمر سكتت لما لاقته سرحان :عمر يا عمر
عمر فاق :ها ايوه يا سمر في حاجه
سمر بقلق :مالك يا عمر سرحان في إيه
بصلها وسكت سمر بتنهيده :لسه موضوع إبن عمك ده
عمر بصله بدموع محبوسه :وحشنى اوى يا سمر بقالي
20 سنه مش بسمع عنه حاجه وحشني آوي
سمر بزعل علي حبيبها :معلش يا حبيبي إن شاء الله
هيرجع مش بعيد قريب تتقابلو
عمر :هقابلو فين ده عمي خدو وسافر برة مصر
سمر بأبتسامه حنينه: طب بكره تقول سمر قالت هتشوفو
إن شاء الله وقريب آوي كمان أنا قلبي حاسس
عمر بدعاء :يارب يا سمر يارب وبعدين بصلها وقال بغمزه:
في إيه بقى داخله ليه وحشتك صح اعترفي
سمر بضحك :يوه يا عمر نستني أنا عايزه إيه آه الاجتماع
بعد ربع ساعة
عمر قام وقرب منها بحب :طيب وصاحب الاجتماع مش
وحشك
سمر بدلع :وحشتني آوي آوي
عمر بضحك :آه يا بكاشه إحنا لسة كنا مع بعض إمبارح بليل
سمر :عادي بتوحشني في كل ثانيه هو إنت هتيجي تخطبني
أمته بقى أنا خللت
عمر بغمزه:قريب يا باشا قلبي أنا هكلم بابا أنهاردة وهقولك
سمر بتوتر : بس باباك هيرضي لما اا قاطعها عمر : انتي
عارفه إن مفيش حد من عائلتي ليه في حكايه الطبقات
دي وكلنا واحد وزي مانتي عارفه جدي كان شغال ايه
قبل ما يعمل الشركه دي يعني مفيهاش كسوف من حاجه.
وبعدين حتى لو انا هعمل ايه بالعيله انا ليا مزتي بس
سمر ضحكت بكسوف وقالت بحب :بحبك آوى يا عمر
عمر ابتسم ليها بحب : وعمر بيعشقك يا قلبو
سمر بصتله وبعدين قالت فجأه :احيييه الاجتماع
عمر اتخض :يا بنت المجنونه خضتيني
سمر ضحكت :احترم نفسك يلا الاجتماع دلوقتي
عمر :ماشي يا أخره صبري قدامي
سمر طلعت بضحك
جه الليل
ومصطفى قفل الورشه وطلع هو وعدي الشقه بتاعه مصطفي
دخلو عدي قعد على أول كرسي قابلو بتعب :اوه مش قادر
رجلي خلاص
مصطفي بصله :هو ده شقي الرجاله لازم تتعب على تجيب
قرشك لنفسك
عدي بصله بتعب :بس ده شغل متعب آوى
مصطفى :معلش بكرة تتعود يلا قوم استحمي علشان
نتطلع ناكل
عدي قام بسرعه لما سمع سيره الاكل دخل الحمام علي
طول
مصطفي بصله :طفس وبعدين ضحك :بس ليك حق إنت
تعبت معايا النهاردة وراح دخل الحمام التاني
بعد شويه طلعو لاقو حنان بتحط الاكل علي السفره
مصطفى بص للسفؤه :إيه ده كله إيه ده كله
السفره كان عليها فراخ ومكرونه بشاميل و سلطه و حمام
وملوخية وكذا صنف تآني
أمه طلعت بطبق رز :مش عندنا ضيف نعملو احلي حاجه ولا
يقول علينا بخله ولا إيه
عدي بأبتسامه : لا يا طنط آنت كمره اوي
حنان وهي قربت تتشل :كمره اسمه كرمه انا هديك كورس
عربي
مصطفي وإنه ضحكو وقاعدو ياكلو بعد شويه خلصو اكل
وقامو عدي قاعد معاهم بيضحك لقي رساله جت علي
تليفونه بص عليه وبعدين بص قدامه بشرود
حنان خدت بالها وقالت :مالك يا عدي
عدي بصلها :التليفون بتاع عمي أتفتح