رواية غريب في مصر الفصل الخامس 5 بقلم Sos khalil
رواية غريب في مصر الجزء الخامس
رواية غريب في مصر البارت الخامس
رواية غريب في مصر الحلقة الخامسة
لاقو عدي خارج من الحمام نصه إللي فوق عريان ولابس
شورت بس
مصطفى قام رحلو :إللي إنت عاملو ده
عدي :عامل ايه
مصطفي :خش استر نفسك بحاجه إيه ده دوري وشك يا بت
حنان لفت ضهرها وهي بتضحك
مصطفي :خش البس حاجه
عدي :البس إيه مانا لابس أهو
مصطفي :إنت كده لابس إنت بتضحك عليا ولا بتضحك علي
نفسك
عدي :اضحك على نفسي ليه ويعني اية اضحك علي نفسي
أصلا
مصطفي :إنت لسه هتسأل وبعدين زعق :خش البس
عدي اتخض :okay ودخل علي الاوضه علي طول
مصطفي :اية القرف ده
حنان لفت تآني وضحكت
مصطفي :جيباه من إني داهيه ده
حنان بضحك : خلاص بقى يا صاصا يلا خش دش علشان
ناكل
مصطفي :ماشى يا حنان ودخل الحمام
بعد شويه خرج مصطفي
امهم :يلا يا ولاد الاكل جاهز
عدي وشوش حنان : البندق لسه طابق عليا مش جعان
حنان ضحكت :معلش كل حاجة بس علشان ماما متزعلش
عدي :البندق وجع بطني
مصطفي خد باله من وشوشتهم :في إيه يا بت انتي وهو
حنان :مفيش حاجه يا حبيبي كل يا عدى كل
عدي بقي بيأكل بالعافيه بس طعم الاكل خلاه جعان وبقي
بيأكل آكتر حنان استغربت انو بيأكل كده معانه من شويه
كان بيقولها إنه مش جعان بس سابته ياكل
مصطفي بيبص لعدي وهو بيأكل كأنه بيأكل في آخر ذاته
مصطفي :براحة يا بابا هتزور
عدي وهو الاكل في بقو :أصل الاكل طعمه حلو آوي
مصطفي بقرف : خلاص اقفل بوقك
عدي كمل الاكل
وحنان كانت بتاكل
بعد شوية خلصو أكل وجابو حاجه ساقعه يشربوها
بعد ساعتين مصطفي نعس
وقام قال : أنا هنزل أنام يا جماعه يلا يا عدي
عدي : يلا فين أنا مالي أنزل إنت
مصطفي :انزل أنا إيه يلا هتنام معايا في الشقه إللي تحت
عدي : وإحنا مش هنام هنا
مصطفي شدة معاه :لا مش هنام هنا ويلا بقي سلام يا جماعه
مصطفي خد عدي وخرج
حنان بصت لأمها : أنا خايفه من مصطفي ياما
امهم :متخفيش يا حبيبه أمك مصطفي عاقل
حنان :ربنا يستر يلا تصبحي علي خير
امها :وانتى من أهله يا قلبي
عند مصطفي تحت
مصطفي :بص إنت تنام علي السرير ده وأنا هنام علي ده
عدي :okay
مصطفي :وبكره إن شاء الله هتنزل معايا الورشه
عدي :ورشه إيه
مصطفي : هتنزل معايا الشغل بدل قاعدتك دي
عدي :شغل ليه مانا معايا فلوس
مصطفي :لا ياعين ماما هو مش علشان معاك فلوسك
تقعد حضرتك إنت راجل لازم تعتمد علي نفسك مش
علشان شعرك اصفر تتعوج إحنا بلد رجاله تمام
عدي بص ليه كده 🙁
مصطفي عالا صوته ; تمام
عددي بسرعه :okay okay
مصطفي :لا okay دي متنفعش هنا علشان محدش ياكلك
قول تمام ياسطا مصطفي ماشي
عدي : ماشى يا
مصطفي :يا اية
عدي :ياسطا مصطفي
مصطفي طبطب علي كتف عدي :جدع يلا ننام بقي
عدي :ماشي يا اسطا مصطفي
مصطفي ضحك :شاطر اتعودت يلا نام بقي
عدي : ماشى تصبح علي خير
مصطفي :وانت من اهله
ونامو
يتبع…..
لقراءة الفصل التالي : اضغط هنا
لقراءة الرواية كاملة اضغط على : (رواية غريب في مصر)
