رواية عقاب بلا جريمة الفصل التاسع والعشرون 29 بقلم زينب سعيد

رواية عقاب بلا جريمة البارت التاسع والعشرون

رواية عقاب بلا جريمة الجزء التاسع والعشرون

رواية عقاب بلا جريمة الحلقة التاسعة والعشرون

سليم بسخرية: ليه سليم بيه ما تخليها سليم بس يا حمايا العزيز.
ليضحك المعلم جمعة بصخب: ومين قالك أني حماك.
سليم بسخرية أكبر: نفس إلي قالي أنك حامد إلي قتل أبويا.
المعلم جمعة بضحك هستيري:بنت مين يا باشا أنا معنديش عيال أصلاً.
سليم بسخرية:لا والله.
المعلم جمعة ببرود:أه معنديش ولاد ولا مؤاخذة عقيم لو كنت بخلف كنت خلفتلي حتة عيل من صلبي يبقي أيدي اليمين.
سليم بصدمة:أنت بتقول أيه وجنة تبقي بنت مين.
المعلم جمعة بخبث:تبقي بنت حرام يا بيه أصل أمها كانت ولية شمال يا بيه وكانت ماشية مع واحد من ورايا زمان وحملت منه وجت تشيني الليلة عشان كده طلقتها بس رجعتلي تتحايل عليا أني أكتب العيل بإسمي لأن أبوه خلع فصعبت عليا يا يا باشا وسترت عليها العيلة الصغيرة دي ملهاش ذنب.
سليم بصدمة:يعني أيه جنة تبقي بنت مين.
المعلم جمعة ببرود:ماعرفش ومش عايز أعرف.
ليصمت سليم بصدمة فالصدمة شلت تفكيره ليفيق من شروده علي صوت بكري.
بكري بسخرية:تحب تشرب حاجة يا بيه ولا تتفدي الآول ولا أقولك حاجة أحسن نخلي الرجالة ترحب بيك ويخلوك تروح للحج هتلاقيه وحشك.
لينظر له سليم ببرود ولا يتحدث.
المعلم جمعة بخبث: هههههههههه عندك حق يا واد يا بكري ويسلملي علي حماته أصلها وحشتني وقطعت بيا.
سليم بسخرية:كنت واثق إنك أنت إلي قتلتها وياتري وديت جنة وصحبتها فين.
المعلم جمعة………
##########################
في المستشفي.
في غرفة العمليات.
تقف حلا مع جلال وحسن يقومون باستخراج الاعضاء من طفل صغير.
لتتحدث الممرضة بتعب:مش كفاية كده يا دكتورة ده النهار طلع وأحنا شغالين.
حلا ببرود:وأنتي بقي إلي هتحددي كفاية ولا مش كفاية يا بتاع أنتي أشتغلي وأنتي ساكته بدل ما يكون أنتي إلي عليكي الدور.
صفاء بخوف:أوامرك يا دكتورة.
حلا ببرود وهي تنظر لجلال: أخبار هاني أيه.
جلال بسخرية: قاعد في البيت عامل نفسه زعلان وحسن كلمه قاله مراته تعبانة وقاعد جمبها.
حلا ببرود: تمام لتنظر لححسن بتركيز مالك يا دكتور حسن ساكت كده ليه.
حسن بتوتر :مافيش يا دكتور بسمعكم.
حلا ببرود:تمام لتنظر لجسد الطفل الذي أمامها وجسده خالي تماما من كافة الأعضاء وتتحدث ببرود كفاية كده النهاردة وتخلع الجونتي وتفتح باب الغرفة لتخرج للتفاجئ بقوات الشرطة محاوطاهم .
ليتحدث مصطفى ببرود:مستعجلة ليه يا دكتورة.
حلا بصدمة……
#########################
في فيلا صفوت العشري.
يجلس حسام مع والده يتناولون طعام الأفطار ليرن هاتف صفوت.
لينظر لحسام نظرة خاطفة ويمسك الهاتف ويرد:ألو أيوة متأكد تمام نفذ ليغلق الهاتف ويضعه علي السفرة ويكمل طعامه.
لينظر له حسام بتساؤل:في أيه يا بابا.
صفوت بحنان:مفيش يا حبيبي هتسافر بردو.
حسام بقلة حيلة:طالبوني في الشغل.
صفوت بهدوء:ربنا معاك يا حبيبي.
حسام بتوتر:بابا في موضوع عايز أكلم حضرتك فيه.
صفوت بهدوء:خير يا حبيبي.
ليصمت حسام بإستغراب وهو يستمع لطرق عالي علي باب الفيلا.
حسام بإستغراب:هو في أيه.
صفوت بتوتر:مش عارف.
لتذهب الخادمة وتفتح باب الفيلا ليدخل اللواء سامي وعلي ومهم العديد من قوات الشرطة.
لينهض حسام بفزع :خير يا فندم في أيه.
اللواء سامي ببرود:خير يا سيادة المقدم أحنا جايين هنا للقبض على والدك الدكتور صفوت العشري .
حسام بصدمة:والدي أنا ليه .
اللواء سامي ببرود:أبوك يا سيادة المقدم رئيس شبكة الأعضاء هنا .
حسام بصدمة وهو ينظر لوالده الذي يقف دون أن ينطق بكلمة.
ليذهب بإتجاهه سريعاً وهو يهز والده :ساكت ليه يا بابا الكلام ده كدب قول حاجة طيب الكلام ده صح رد عليا طيب مفكراش فيا قبل ما تعمل كده مفكراش في بنتك إلي شيفاك مثلها الأعلي.
علي بحزر:دكتورة حلا أتقبض عليها هي والي معاها وهما بيسرقوا الأعضاء من مجموعة من الأطفال.
حسام بصدمة:أنت بتقول أيه لينظر حسام لوالد بحسرة ولا يتحدث.
ليتحدث اللواء سامي بهدوء:أقبضوا عليه مستني أيه.
ليذهب علي هو وعدة عساكر لصفوت ويقوموا بوضع الكلبشات بيده وسط صدمة حسام وياخذوه خارجا .
ليبقي حسام وحده مع اللواء سامي ليقترب اللواء سامي منه بحزر ويضع يده علي كتفه ويتحدث:أجمد يا حسام أجمد يا أبني.
حسام بحسرة:أجمد أبويا وأختي بيتجروا في الأعضاء أجمد أولي والبنت إلي حبتها شرحوها وخدوه كليتها يبعوها وأنا وعدتها أجبالها حقها المفروض أعمل أيه أجيبه من أبويا وأختي توأمي .
اللواء سامي بهدوء:أزمة وهتعدي أجمد كده ويلا بينا عشان أنت مطلوب التحقيق معاك.
حسام بصدمة:مطلوب التحقيق معايا بتهمة أيه يا فندم.
اللواء سامي بهدوء:لازم يتأكدوا أنك مش مشترك مع والدك وواخاك في إلي بيعملوه.
حسام بألم :تمام يا فندم يلا بينا.
#########################
في المستشفي.
حلا بصدمة:أنت مين وبتعملوا أيه هنا.
مصطفى بسخرية:أحنا مين لا والله هي الصدمة أصرت عليكي للدرجادي يا دوك أحنا البوليس وجايين هنا لضبط وإحضار سيادتك والسادة الكرام بتهمة تجارة الأعضاء.
علي بأمر للعساكر:أمسكوهم.
ليبدأ العساكر في القبض علي جميع من بالغرفة وإخراج الاطفال الذين علي قيد الحياة.
#########################
في شقة هاني.
ينتهي من تجهيز أغراضه هو وزوجته ويغلقه الشقة ويغادروا.
في الأسفل يضع هاني باقي الحقائب في السيارة الأجرة ويركب هو وزوجته السيارة منطلقين إلي المطار.
#########################
في التاكسي.
تجلس منال بالخلف بجوار هاني بعقل شارد وتنظر من النافذة.
هاني بهدوء:مالك يا حبيبتي.
منال بحزن:مش عايزة أسافر.
هاني بهدوء:هنرجع تاني يا حبيبتي أطمني.
ليقف التاكسي فجأة ليصطدم هو وزوجته في الكرسي الامامي.
هاني بعصبية:أيه يا سطي مش تحاسب.
السواق بخوف:غصب عني يا باشا العربيتين زنقوا عليا.
لينظر هاني من الزجاج للخارج ليتفاجئ بسيارتين يقطعون عليهم الطريق ونزل منهم عدة رجال ملثمين يمسكون بالأسلحة.
ليغمض هاني عينه بألم فقد حان وقت النهاية.
ليفتح أحد الرجال باب التاكسي ويحدث هاني ببرود:البوص بيقولك متنساش تسلم علي أبنك.
ثم يبدأ في إطلاق النار عليه وعلي زوجته والسائق.
ليغلق باب السيارة بعد أن تركهم يسارعون الموت ويبتعد هو والرجال ويعطي إشارة لصديقه أن يطلق نار علي التاكسي
لينفذ صدقه الأمر ويطلق النار علي ماتور السيارة لتشتعل النيران بها ليركضوا سيارتهم ويغادروا سريعاً.
#########################
في الخرابة.
المعلم جمعة بإستغراب:جنة مين وصاحبة مين.
سليم بسخرية:جنة وصاحبتها إلي أختفوا فجأة وخطفتهم وبعدها أمها أتقلت.
المعلم ببرود:وأنا لو خاطفهم هخاف منك مثلاً ولا حاجة تعرف أنك شبه أبوك أوي وكأن الزمن بيعيد نفسه تاني كأن عبد الرحمن الجارحي هو إلي قدامي.
سليم ببرود :وده شئ يشرفني أني شبه أبويا .
المعلم جمعة بسخرية:حتي طلعت غبي زيه وعامل فيها بورم وبترمي نفسك وسط الأفاعي.
سليم بإستفزاز:هو أنا نسيت أقولك أني حاوي وجيت هنا عشان ألمكم حوليا.
المعلم جمعة بسخرية:وليه بقي يا عم الحاوي.
سليم بمكر وهويقفز خارج دائرة رجال جمعة ويخرج مسدسين ويبدأ في إطلاق النار:عشان أخد روحكم يا ولاد الك*لب.
وتبدأ بعدها طلقات الرصاص تطاير من جميع الجهات .
لينظر المعلم جمعة برجاله بفزع ويبدأو في إطلاق النار.
لينتهز المعلم جمعة تبادل إطلاق النار ويفر منهم هاربا ويركض بعيد .
لكن يقف فجأة وينظر لقدمه بألم وهي تنزف بغزارة أصر طلق ناري لينظر خلفه.
ليجد سليم يقف خلفه وعلي وجهه إبتسامة تشفي:مش قولتك أنا حاوي فاكر إنك هتقدر تهرب مني تاني يا حامد.
حامد بمكر :وأنا قولتلك أنك غبي بردو زي أبوك .
ليتفاجئ سليم بمن يضع السلاح علي رأسه ويتحدث بسخرية :أيه باشا مبتسمعش الكلام مش قالك متبقاش غبي زي أبوك.
ليرفع سليم رأسه بمهارة ليخبط أنف بكري الذي يكبله من الخلف.
ليصرخ بكري بألم ويبتعد وهو يمسك أنفه التي تنفذ بغزارة.
سليم بشر وهو يتقرب منه ويض*ربه بغل حتي خارت قواها فالقوة الجسمانية بين سليم وبرعي لصالح سليم ليقع صريعا وسليم يحدثه بغل:أبويا إلي بتقول عليه غبي ميسنتضفش أن صرصار زيك يعدي من تحت جزمته ويبثق عليه ويمسك سلاحه ويرفعه علي المعلم جمعة الذي كان يحاور الفرار لكنه لم يستطيع بسبب ألم قدمه.
ليقف سليم أمامه ويضع قدمه علي قدم جمعة المصابة.
ليصرخ جمعة بألم وهو يترجاه أن يتركها .
ليتحدث سليم بغل: أيه بتوجع صرخ كمان علي صوتك أكتر صريخك ده بيخليني أرتاح وأريح أبويا في قبره.
جمعة بألم :مش هرحمك يا سليم.
سليم بضحك: مين إلي مش هيرحم مين.
ليرتفع صوت طلق ناري فجأة ليصمت سليم وينظر خلفه .
ليجد بكري الذي أستغل إنشغاله ونهض وقام بتصويب النار عليه.
ليضع سليم يده علي ظهره ليتفاجئ بالدماء تسيل من ظهره.
ليرتفع طلقة نار آخري صوبت وأستقرت في قلب أحدهم.