رواية عشق الفهد الفصل الثالث والثلاثون 33 بقلم مريم نصار

رواية عشق الفهد البارت الثالث والثلاثون

رواية عشق الفهد الجزء الثالث والثلاثون

رواية عشق الفهد الحلقة الثالثة والثلاثون

بسم الله نبدأ
مراد : راح لطارق سلمه الملف وقعد معاهم شويه ورجع . وكانت الساعه ٤ ودخل الفيلا بالعربيه . ونزل لكن وقف ع صوت جاى من بره الفيلا مع الحرس. ورجع تانى يشوف مين الل صوته عالى ده .
# انت يابلدينا انت . انجز ف يومك وسبنى ادخل اني ميستعجل ..
الحارس : بلدينا ايه يا أخينا انت . وبعدين دي مش فيلا ادهم . اتفضل بقى من هنا .
# : اهيي . لا اني موتأكد هي قالتلى فيلا أدهم العدوي .
الحارس : انت بتعرف تقري بص ع اليافطه دى فيلا آدم باشا العدوي . انت عايز مين بالظبط . وهي مين الل قالتلك دي ؟
# : يامسبت العقل في الراس يارب .
الحارس : انا مقدرش ادخلك غير لما استاذن آدم باشا . وغير كدا انت مش عارف اسم صاحب الفيلا ولا أولاده يبقى ادخلك ازاى . اتكل ع الله يلا من هنا .
# : بصوت عالى . اينتا مفكر نفسك اشتريت الشارع وانجز ف يومك ديه خلينى اخلص وارجع ع بلدنا . دي حوسة ايه ديي ..!؟ وطلع فونه ولف ضهره . اني هتصل ع مقصوفة الرقبه زينب مديانى عنوان غلط . هي جوازه مانيله ٧ سنين بتجوز فيهى . واتصل عليها وردت عليه .
مراد : جه وبصوت عالي . ايه الل بيحصل هنا . ايه الدوشه دي؟
الحارس : انا اسف يامراد باشا . لكن ف واحد باين عليه أنه غريب عن هنا ومش عارف هو عايز مين ؟
مراد : هو فين ده !!؟
الحارس : اهو ياباشا ..
مراد : اتحرك خطوه . وسمع المكالمه وعرف إن ده عريس زينب . وقال انت يا أخينا ..
ولف . ومراد بص للعريس ودقق النظر . وبعدها فتح عينيه بدهشه ..مش معقول ..عووووض !!!
عوض : بص ل مراد . ايهي انت تعرفني؟. وبيشبه عليه . ايوه . اني كمان موتأكد انى شوفتك قبل كدا بس فييين . فييين ياعوض .
مراد : بدهشه . انت العريس الل جاي ل زينب؟
عوض : ايوه . اله بس صوتك كمان مش غريب عليا . معلش يابلدينا تفكرني!!
مراد : ههههههههه طبعا . ده عز الطلب . الجاموسه ظاربت هههههههه.
عوض : بزهول . ايييهي سعات الدكطور ..
مراد : هز راسه . ههههه ايون هو الدكطور بشحمه ولحمه . تعالى ياعوض تعالى . هههههه
عوض : دخل . يارب ياساتر .
مراد : ازيك ياعوض عامل ايه .؟
عوض : نحمد ربنا ونشكر فضله يادكطور ..
مراد : بص ع عوض . وكان لابس قميص وبنطلون . وقافل زراير القميص للآخر . ده ايه ده ياعوض؟ . انت قافل زراير القميص للآخر ليه . افتح أو زورار ياعوض.
عوض : ايهي واني عبيط يادكطور . ديه الموضه .
مراد : هز راسه الموضه؟ . اممم ماشي ياعوض برحتك .
عوض : إلا قولى يادكطور . انت شغال هنا ؟
مراد : ايوه ياعوض شغال هنا .
عوض : بص حواليه . إلا ماشايف بهايم هنا . ولا زريبه . هي الزريبه فين يادكطور.؟
مراد : زريبه !!؟ ااااه الزريبه ورا الليفنخ ع طول هههههههه ..
. واتصل ع مريم علشان تلبس النقاب..وقال تعالى ياعوض . ادخل تعالى .
زينب . لبست الفستان الل مريم جابته وريتال حطلتها لمسات خفيفه . ولبست الحجاب . وجمالها هادي وكانت طايره من الفرحه . وعوض اتصل عليها . واكدتله العنوان . وزينب شكرت ريتال ودعتلها كتير . ونازله تشوف عوض واتصدمت لما شافت عوض بيتكلم مع مراد وبيضحكو . وخافت لا يكون عوض مفكر مراد جارد ..
آدم : قاعد . ومريم قامت وطلعت فوق لما مراد اتصل وقال أنا داخل مع عريس زينب . وآدم استغرب هزار مراد مع العريس. ومراد شرح ل آدم ف شرح مبسط إنه يعرف عوض لما كان خاطب فريحه . وعوض مفكرو دكتور .
عوض : شاف هيبة آدم وسلم عليه باحترام كبير . وقعد . وكان خايف . وكمان خاف اكتر واحُرج لما عرف ان مراد ظابط مش دكتور!!
آدم : اتكلم معاه . بخصوص زينب .
زينب : قدمت العصير وكانت بتترعش . وعوض معرفهاش . وبيسأل بالصدفه ع زينب. وزينب ضحكت ع غباءه . ومشيت بسرعه . وآدم ومراد ضحكو .
مراد : اتكلم مع ادم وقاله أن عوض غلبان وع نياته. ولو زينب مش عايزه تسيب الفيلا وتتجوز هنا . ممكن فريحه تحتاج عوض ف العياده . او يشتغل ف الجنينه هنا ..
آدم : شاف إن مراد واثق ف عوض . وكمان آدم شاف طيبة عوض وأخلاقه . واتفق معاه ع كل حاجه . وعوض فرح جدا . انه هيتجوز وكمان هيشتغل شغل ثابت . وتمت الموافقة من زينب . وآدم وافق وقرو الفاتحه . وآدم قدم هديه ل زينب . خاتم خطوبه . وزينب عيطت كتير من الفرحه . ودعت كتير . وآدم اتفق أن فرحهم بعد شهرين . يكون عوض استلم الشغل . وآدم يظبط اوضتين ف الجنينه لعوض وزينب . والكل اتخض ع زغروطه زينب ..
ومريم . وريتال . فوق سمعو الزغروطه . وضحكو . وفرحو ل زينب ..
بعد شويه . عوض اتغدى بتصميم من آدم . وبعدها قعد مع زينب شويه . وهيمشي ع بلده قبل الليل ..
مراد : بص ف الساعه . وكانت ٦ ونص . وبص ل آدم . طيب ياحج انا هاقوم اروح اجيب فريحه ..
آدم : هز راسه . ربنا معاك .
مراد : خرج . وركب العربيه واتحرك وبيضحك وقال . سبحان الله الدنيا دي صغيره جدا . مين يصدق إن عوض أشوفه بعد السنين دى .. ههههههه . لأ وكمان هيعيش معانا ويتجوز ويخلف كمان . سبحانك ياالله . دى البت فريحه هتفرح اوى هههههه . وهلسعها ع قفاها كتير الفتره الل جايه ههههه .
وبعد شويه وصل العياده ونزل من العربيه . ودخل العياده . شاف الممرضه . الدكتوره فريحه فين؟
الممرضه : اهلا يافندم . الدكتوره فريحه كانت خلصت لكن جه كشف مستعجل .
مراد : هز راسه تمام انا هنتظرها هنا . وواقف ع باب العياده . واستنى حوالى ١٠ دقايق ونفخ بديق . ماتخلصى بقى يافريحه .
باب : اوضة الكشف اتفتح . وخرجت منه بنت ومعاها كلب لولو . والبنت كانت لابسه لبس ملفت جدا بطريقه مش كويسه . وريحة برفانها قالبه العياده . واتكلمت برقه . ميرسي جدا لحضرتك يادكتوره . انا كنت هموت لو ميكي حصله حاجه .
مراد : لف ع الصوت ونزل النضاره . ينهار اسوس . هو ف كدا .
فريحه : بنفاذ صبر من دلعها . واستغربت لهفتها ع الكلب . لأ متقلقيش عليه . وبعدين الكلب مفيهوش حاجه ومش محتاج لعلاج كل الحكايه انه كح وهو بيشرب . شرق الكلب . عادى جدا بتحصل.
البنت : اوو بليز متقوليش عليه كلب . اسمه ميكي . حبيبى ميكى كنت هموت من الخوف عليك ..
فريحه : عوجت بوقها . الف سلامه ع الاستاذ ميكي .
البنت : ميرسي جدا لحضرتك . اجي الاستشاره الجايه امتى ؟
فريحه : ابتسمت بغيظ مكبت . حضرتك مالوش لازمه الاستشاره . الكلب . قصدى كابتن ميكي مفيهوش حاجه . وكمان وانتى خارجه خدى الكشف بتاعك . اتفضلى ..
البت : لأ انا مش هاخد حاجه . انا هتابع مع ميكي كل دقيقه . ولو كح تانى هجيبهولك فورا . انا معنديش حد اهم من ميكى .
فريحه : الصبر من عندك يارب . اه . ومالو لو كح متسكتيش عليه . لازم نلحقه . اتفضلى . وبصت شافت مراد . وشاورت ليه ..
مراد . داخل . والبنت خارجه . ومراد بص عليها . وقال بصوت مهموس ربنا يولع ف امثالكو . هو الشباب ضاع من شويه . ولف شاف فريحه مربعه ايديها ومتنرفزه . وقالت بغيره عجباك؟
مراد : هي مين دي الل عجبانى ؟ انتى عبيطه؟
فريحه : صكت ع أسنانها بغيظ مكبت علشان الممرضه موجوده . وسابته ودخلت قلعت البالطو . وغسلت ايديها وجابت شنطنها وخرجت من غير ما تتكلم .
مراد : ادايق من أنها مشيت من قدامه بالطريقه دي لكن معلقش . علشان مش عايز يعمل مشاكل.وركب العربيه . ولسه بيشغلها .
فريحه : بتريقه . حلوه مش كدا ؟
مراد : هههههههه دي صاروخ هي وكابتن ميكي . وبعدين انا مالى بيها بتقوليلى الكلام ده ليه؟
فريحه : بصتله . وعلت صوتها نوعا ما . بقولك علشان عينيك كانت هتطلع عليها يامراد . وكمان شكلها عجباك . لو عجبتك اوى كدا اتفضل روحلها ،
مراد : بتحذير .فريحه اول واخر مره صوتك ده يعلا عليا . وبعدين انا عينى كانت عليها فعلا .. بس استغراب من طريقة كلامها ع الكلب . وطريقة لبسها مستفز ومقرف . ف ان كنت ركزت ف حاجه . ف هو الحوار الل دار بينك وبينها . وانا مابيعجنيش الاشكال دي فاهمه ولا لأ .
فريحه : بصتله بغيظ وبنفس الطريقه وعلت صوتها . اومال انت كنت بتتكلم بتقول ايه؟ . اكيد بتتغزل فيها وتعاكسها صح ولو انا اتكلمت معاك .. طبعا هتاخد كل حاجه بهزار مش كدا !!!؟
مراد : مسح وشه بايديه . استغفر الله العظيم .وبصوت جهورى .. فريحه اقسم بالله لو صوتك على تانى ما هيحصل كويس انتى فاهمه !!!؟ وهو انا لو عايز اتغزل زي ما بتقولى هتغزل وهعاكس قدامك؟. ما تعقلى بقى . واول واخر مره اكون واقف معاكي وتتحركي من قدامى بالطريقه دي.. وان كنت باخد كل حاجه بهزار . ف ده علشانك انتى لكن لو عايزانى اتعامل معاكي جد هتزعلى منى اوي .
فريحه : بغيظ .وهتزعلنى ليه إن شاء الله . هو انا الل كنت من شويه كانت عينى هتطلع عليها ولا انت؟ . ولما قدامي بتعمل كدا !! من ورايا بتعمل ايه !!!؟
مراد : بصوته كله .. فرررييييحه ..!!
فريحه : اتخضت .وبصتله بدموع . روحنى يامراد .
مراد : بغضب . داس بنزين وساق بسرعه كبيره . جدا ..
فريحه : بتعيط بصمت . ومراد مابصش عليها . هو سايق بغضب .وباصص قدامه وبس. وصل البيت بسرعه.
فريحه : نزلت وسابته ودخلت . وطلعت ع فوق على طول ..
ومراد : شغل العربيه وساق. وخرج تانى من الفيلا وهو مخنوق وغضبان.
فريحه : سمعت صوت العربيه . رمت نفسها على السرير وعيطت .
وجه الليل .
وفريحه . قاعده ف الاوضه تعيط وقعدت كتير . ومتغاظه من مراد وأنه مطلعش وراها علشان يتكلم معاها ويصالحها . وانه واخد كل حاجه هزار وكمان لسه مرجعش لحد دلوقتي ولا اتصل عليها. لكن لازم تنزل علشان تشوف ولادها . وقامت غسلت وشها واتوضت وصلت العشا ونزلت . وشافت آدم ومريم قاعدين بيضحكو وحواليهم الاحفاد . وابتسمت بتمثيل وسلمت عليهم .
مريم : قالتلها انتى جيتى امتى انا سألت عليكى زينب وقالت إنك لسه مرجعتيش . فريحه : بتمثيل مراد وصلنى وخرج. ولما دخلت مكنش ف حد موجود تحت .
مريم : ايوه كنت بصلى وآدم كان بيصلى ف المسجد .طيب ياحبيبتي يلا بقى علشان تاكلى . واحكيلك ع زينب . الحمد لله العريس جه وقره الفاتحه وفرحهم بعد شهرين.
فريحه : ابتسمت . والله .الف مبروك ربنا يتمملها على خير هي بنت حلال وتستاهل كل خير …
مريم : الحمد لله .طيب ومراد خرج مقالكيش رايح فين ؟
فريحه : بزعل هزت راسها لأ هو خرج ممكن يكون افتكر حاجه مهمه ولا حاجه ..
مريم : غريبه . وبصت ل آدم اتصل ع مراد شوفه فين الساعه عدت ٩ ومش بالعاده يخرج من غير ما يقول .؟
آدم اتصل ع مراد . ومراد رد بثبات. وكدب ع آدم وقاله مدير الجهاز كلمنى وطلب منى اعمل مشوار مهم . وانا مش هرجع انهارده . وآدم قفل وفهم إن كدا ف حاجه حصلت بين مراد وفريحه .. وعينيه ع فريحه وقال. مراد هيبات ف الشغل انهارده .
فريحه : عيونها لمعت بدموع وعرفت أن مراد مش جاى انهردا لانه هو معندوش شغل لأن قايلها مدير الجهاز مسافر . وقامت استاذنت وقالت أنا اكلت ف العياده . انا هاخد مريم وآدم انيمهم وانام علشان صاحيه من بدرى. واخدت مريم وآدم . ولسه هتتحرك .
آدم : أتأكد . وقال مالك يافريحه ؟ انتى ومراد اتخانقتو؟
فريحه : ضحكت بتمثيل . انا ومراد نتخانق . لا ابدا يا بابا ليه بتقول كدا ؟
آدم : احترم خصوصيتها . لا ابدا . انا قولت أسأل عادي . يلا اتعشي واطلعي نامي .
فريحه : صدقنى يابابا انا شبعا…
آدم : قاطعها . فريحه قولت اتعشي انتى طول اليوم ف العياده . واسمعي كلام ابوكي مش انا ابوكي بردو ولا ايه ؟
فريحه : هزت راسها . طبعا يابابا . وحاضر هتعشي . واطلع انام .
أما مراد : لما ساق العربيه وخرج من الفيلا . لف ف الشوارع بخنقه علشان فريحه صوتها علي عليه. وكمان رجعت لجنانها من تانى . وانها ف لحظة غضب ثقتها قلت فيه . ومحبش يرجع ع البيت علشان اكيد هتحصل مشكله . وكان عايز يطلع ع المكتب لكن هو اجازه . وطلع ع شقته ودخل وقعد ع الكنبه بخنقه . ولما آدم اتصل عليه . رد ومرضيش يقوله أنه ف الشقه لانه هيقلق وهيسأله ايه الل حصل . وقاله انه ف الجهاز علشان مش عايز يتكلم مع حد . وبعد ما قفل . مراد مسح وشه بايديه ونفخ بديق حقيقي وقام اخد شاور . وخرج ونام ع السرير وكان زعلان جدا من فريحه وغضبان منها . وحاول كتير انه ينام لكن النوم طار من عينيه .وشاف إن فريحه لازم يتعامل معاها بجديه بما إن الهزار هيقلل من قيمتة وكرامته. وعدت الليله ع مراد فكر وحيره وزعل كبير .
تانى يوم ف فيلا العدوي
فريحه : امبارح طول الليل . مش عارفه تنام من الغيظ . ومدايقه من مراد . وكمان من نفسها . هي عارفه طبع مراد بيهزر ويضحك . وقلبه ابيض لكن لما يقلب مبيعرفش حد .وكمان هي عارفه انه مابيحبش غيرها . وسافر بلاد وبلاد وعمرو ماتغير عليها . ولما هديت وفكرت اكتشفت انها ارتكبت غلطه كبيره .. ونفخت بديق حقيقي . لأن الغيره غريزه عند كل ست . لكن مدايقه منه علشان سابها ومرجعش . وكمان متصلش . واستغبت نفسها .. وحاولت طول الليل تنام لكن صعب عليها تنام ومرادها زعلان ومش موجود جمبها بمزاجه ..
ولما نزلت الصبح . بردو كان لسه مجاش . وراحت العياده بعربيتها . وطول اليوم مدايقه وكل ما فونها يرن تجري عليه لايكون مراد لكن يطلع اي رقم من العيله . وانتظرته يجي ياخدها من العياده . لكن بردو مجاش . وقامت مصدعه وتعبانه . وخرجت وركبت العربيه وفكرت انها تعتذر لمراد وتعمله مفاجأه مميزه . وتعترف انها مش قصدها انها تشك فيه ابدا . وقالت انا واثقه أن مراد هيسامحنى وانا وهعتذرله و هقضي معاه وقت مميز . ورجعت ع البيت وحست بتفائل . وبتفكر ازاى تحتفل معاه . وسألت ع مراد .
مريم : قالت بزعل . مراد جه الضهر . وقال انه عندو مأموريه مستعجله . واخد شنطته وسافر .
فريحه : اتصدمت . والفون وقع من أيدها . وعرفت كدا إنها خسرت مرادها . والدنيا ف عينيها بقت غامقه . وجابت الفون وجريت ع اوضتها . وقعدت ع طرف السرير بتترعش . وبتتصل عليه . غير متاح . وبتعيط بصوت مسموع وبتتصل ع رقمه التانى غير متاح !! وقامت من مكانها . وقالت بعياط . لأ لأ مراد قالى أنه ف اجازه . والمدير مسافر . ازاى . ازاى . ايوه . ايوه مراد اكيد ف الشقه . ايوه مراد ف الشقه . واخدت شنتطها ونزلت جرى من غير ما حد يشوفها وركبت العربيه وراحت ع شقتها . وطول الطريق بتعيط . وافتكرت خناقتها الوحيده مع مراد . وافتكرت انه قالها . اكتر حاجه بيكرها الخيانه وعدم الثقه . وحطت أيدها ع جبينها وبوقها . وقالت اكيد مراد هيدفعنى تمن غلطتى . لأ يامراد لأ. ووصلت تحت العماره . ونزلت . ودخلت العماره بسرعه وركبت الاسانسير . وطلعت المفتاح . ووصلت قدام باب الشقه . وفتحت الباب برجفه . ودخلت زي المجنونه . مراااد . مراد انت فين ؟ مراد انا سفه . ودخلت الاوضه مش موجود . والحمام . ودورت عليه ف الشقه كلها مالقتوش موجود فيها .واتصدمت بزهول ..!! وعرفت كدا أن مراد بعد عنها . والمفاتيح وقعت من أيدها . والشنطه . ونزلت بيأس ع الأرض . وعيطت بصوت عالى وهيستريا وصرخت . مراااااااد .
———————-بقلمى مريم نصار
ف المالديف .بليل .
فهد ورينو . قضو اليوم من أوله ف الميا . وبيعلم رينو .وكان وقت ممتع وهزار وضحك وحب وغرام . وخرجو من الميا واخدو شاور.
ورينو : جهزت غدا مميز ع سطح اليخت . ولبست فستان رقيق محتشم وفردت شعرها .
وفهد : ابتسم بحب . ومعجب بجمالها . وقعدو يتغدو مع بعض . ف جو رومانسي . وبعد الغدا . رينو اتصلت ع نور لأن تيم واحشها جدا . وعرفت إن تيم زعلان منها وفضلت تصالح فيه . وقالتله انها راجعه مصر بكره . وهتستناه اول ما يرجع . وصالحت تيم . وقفلت. وحست ان بطنها وجعتها . وعندها مغص بسيط . ومرضيتش تقول لفهد . واخدت العلاج . وبطنها لسه بتوجعها . وحاسه بارهاق من تعب اليوم .
فهد : بقلق . شافها وسألها تعبانه .
رينو : قالتله انا مرهقه شويه بس
. فهد : سندها .واخدها عند السرير تعالى . ونيمها وفرد عليها الغطا . وقالها انتى صاحيه من بدرى وعملتي مجهود .تعالى نامي شويه وهتقومي كويسه انا متاكد ..واخدها ف حضنه ومسد ع شعرها
رينو : مغمضه عينيها ف حضنه .تعرف يافهد انا زعلانه جدا أن الرحله خلصت ..
فهد : باس راسها . مش هتبقى اخر رحله إن شاء الله ياروحي اوعدك .
رينو : ضمته بحب . وابتسمت وبطنها هديت شويه واستكانت ونامت . وفهد نام جنبها ..
..وبعد فتره فهد صحي . وبص ف الساعه . وشاف إنه نام حوالى ٤ سعات . والعشا أذنت . قام بشويش من جمب رينو . واتوضي . وصلي المغرب والعشا . وقعد شويه ع اليخت . بيفكر بما انهم نامو كتير . اكيد هيسهرو الليل مع بعض ومن جواه زعلان إن خلاص الرحله خلصت وهيرجعو بكره . وفكر أنه يعمل حاجه ل رينو مميزه في اخر ليله. وجتله فكره . وقام علشان ينفذها . لكن جمب اليخت . علشان رينو متخافش تانى ..
فهد : اخد . شمع كتير . والفون . ونزل من اليخت . ورسم قلب كبير اوى ع الرمل . وحط الشمع ع رسمة القلب وجمب القلب رسم دايره كبيره وكتب فيها عشق الفهد . وحط حواليها شمع . وكان ف شجره كبيره . فهد حط حواليها شمع كتير . ومولعش الشمع غير لما رينو تنزل . وجهز كل حاجه . وطلع اليخت . وشاف رينو لسه نايمه . وقرب منها وصحاها بطريقته . ورينو قامت فايقه ومبتسمه وأكلها الشوكليت بتاعتها. وقالها قومى بقى صلى المغرب والعشا . علشان ف مفاجاه .
رينو : زعلت علشان المغرب . طيب ليه مصحتنيش اصلى المغرب ؟
فهد : انا كنت نايم جمبك وصحيت بعد العشا . يلا قومي بقى .
رينو : قامت . ودخلت الحمام .
فهد : فتح الشنطه . وطلع فستان سهره جميل جدا باللون الأحمر رينو بتلبس فساتين سهره ف الشقه لما تحتفل بمناسبه مع فهد . وحطه تحت غطا السرير علشان رينو مش تشوفه .
وراح يلبس بسرعه ..
رينو : خرجت من الحمام . ولبست الاسدال . وبدأت تصلى .
فهد : لبس قميص وبنطلون شيك جدا . وشاف انها خلصت صلاه ودخل ع رينو . الل شهقت بصوت مهموس.من جمال فهد . وقالت بسم الله ماشاء الله. وابتسمت . انت حلو اوى يافهد . انت خطفت قلبى .
فهد : ابتسم . وانتى خطفتى روحي . تسمحيلى بقى تسيبيلى نفسك خالص .
رينو : بعدم فهم . انت هتعمل ايه؟ ولابس كاجول ليه ؟
فهد : غمضي عينيكى .
رينو : ابتسمت . وغمضت عينيها .اهو يافهد .
فهد : طلع الفستان . فتحي ياقلب فهد.
رينو : فتحت . وشافت الفستان . بدهشه . فهد ده فستان سهره . امممم يبقى هنقضي السهره ف اليخت مش كدا ؟
فهد : البسي ومتساليش كتير .
رينو : اوكي حاضر .
فهد : البسي وافردي شعرك . وهاتيه ع جمب . وحطي اللمسات الل تحبيها برحتك . القمر عمره غيران منك ومن جمالك . انا عايز القمر انهارده يشوف القمر الحقيقى . القمر الل نوره منور حياتى كلها .
رينو. : قلبها دق . وأحرجت .ووشها بقى احمر جدا .
فهد : باس جبينها . انا خارج لما تخلصي نادي عليا . ولو حابه اساعدك ف حاجه نادي عليا اوكي .؟
رينو : بتوتر . احم اوكي .
فهد : خرج . ونزل بسرعه . وولع كل الشمع . وكان المنظر تحفه فنيه . وفتح فونه . وجاب ميوزك رومانسي . وجهزو ع التشغيل .وطلع تانى ع اليخت . ورينو لبست الفستان وكان حمال . وجابت شعرها على جمب . وحطت ميكب . وكانت بدر منور . ايه ف الجمال . وكانت محرجه . لكن ندهت ع الفهد ..
فهد : دخل . وقلبه دق من جمالها . وقرب منها
بسم الله ماشاء الله . لأ يارينو . انتى كدا بجمالك ده هتعملى خسوف كلي للقمر .
رينو : ابتسمت بحب . ميرسي يا فهد.
فهد : فتح الشنطه وطلع منها . علبه وفيها السلسله الل باسم فهد . ووقف خلفها . ولبسها ليها . وقال . كدا حرفيا فهد وقلب الفهد وعشق وغرام الفهد بين ايديكى .
رينو : عيونها لمعت بدموع . وملقتش تعبير توصف بيه احساسها .
فهد : جاب شريط . تسمحيلى .وربط عينيها .
رينو. : فهد انت هتعمل ايه ؟
فهد : ششش هتعرفي كل حاجه بعدين . بس اتحركي معايه ومتتعبنيش معاكي . ومسك أيدها . وسندها . ع مهلك . وخرج بيها ع اليخت . وشالها علشان ينزل بيها .
رينو : خافت ولفت أيديها حوالين رقبته . فهد انت بتعمل ايه ورايح فين ؟
فهد : هتعرفي دلوقتي . ونزل بيها . وخطى كام خطوه .ووقف بيها وسط القلب المرسوم ونزلها .
رينو : سمعت موج البحر . وصوت الشجر . وحطت ايديها ع صدر فهد . حبيبى . انت خرجتنى بره اليخت !؟
فهد : فك الشريط وشاله . فتحي ياقلب فهد.
رينو : فتحت عينيها . واتصدمت بدهشه . وشافت الشموع والإضاءه . وبصت حواليها . وحطت ايديها الاتنين علي بوقها . وشافت القلب المرسوم . وعيونها لمعت بدموع . وشافت اسم عشق الفهد ف قلب الدايره . وقلبها هيطلع من مكانه . وكانت مكسوفه ف نفس الوقت .لانها لابسه فستان سهره بره اليخت أو البيت لاول مره في حياتها . واستخبت ف حضن فهد . وعيطت ف فرط السعاده .
فهد : خباها كلها في حضنه . بحبك يارينو .
رينو. : استكانت ف حضنه . ورفعت راسها وبصت ف عينيه بدموع . فهد . انا اكتر من بعشقك انا عشقى ليك عدى المدى . انا بحبك . بعشقك يافهد .
فهد : رينو . انتى سحر واتملك منى . وبص ف عينيها كتير . عينيكى. ااه من عينيكى ولعنتها ع قلب الفهد . وتاه ف عيونها وقال .
إن العيون التي في طرفها حور قاتلتنا ثم لم يحينُ قتلنا
أخاف العيون التي تستطيع اختراق ضفافي فقد تبصر القلب حافي أخاف اعترافي
أريد الرحيل لأرضٍ جديدة لأرض بعيدة لأرض وما أدركتها العيون ولا دنستها ذنوب البشر أريد التنقل بين الكواكب يوماً أُسافر بين النجوم ويوماً أنام بحضن القمر وحيناً أُغني كمثل الطيور وحيناً أظلل مثل الشجر أريد الرحيل لأرض المحبة ، أرض التسامح ، أرض السلام لكل البشر. بحبك بعشقك يا رينو .
رينو : بتسمع فهد وقلبها بيدق دقات مختلفه من حب وعشق وغرام ولهفه . وحطت راسها ع صدره وغمضت عينيها واستكانت ف حضنه .انت حنين اوى يافهد . ربنا يديمك نعمه ف حياتى .
فهد : طلع الفون من جيبه . وشغل الميوزك . ممكن معشوقتى . ترضي عليا وترقص معايا .
رينو : ضحكت . وخرجت من حضنه . وشافت فهد فاتح ايدو . وحطت كف ايدها ف ايدو . ورقصو مع بعض . تحت ضوء القمر .
فهد . بعد الرقصه الرومانسيه . قعد وسط القلب . واخد رينو ف حضنه . واتكلمو كتير تحت ضوء القمر . ويضحكو بسعاده من غير قيود . وقررو انهم يفضلو قاعدين ف حضن بعض . لحد النهار ما يطلع عليهم ويشوفو الشروق مع بعض .
فهد كان مبسوط جدا لانه حاسس انه مالك كل حاجه . معشوقته ف حضنه وشايف ضحكتها . وقلبه بيدق سعاده هيحتاج ايه تانى ؟
رينو : قلبها كان بيضحك ومبسوط جدا من فرط السعاده الل فهد معيشها فيها . والوقت الرومانسيي خلاها قالت لفهد كل كلام الحب والعشق وحست انها طايره ف السما ومالكه الارض كلها .
وقعدو فعلا لحد الشروق مع بعض . وقامو ينامو علشان يتسعدو للعوده للديار بليل..
ونقول بعد ١٠ ايام ..
رينو : ف الشقه لوحدها . وفهد نزل مشوار مهم .
رينو : بتعمل الاكل ف المطبخ . والاطباق وقعت من ايديها ف الارض . وصرخت بصوت عالي . فاااااااهد ——

بسم الله نبدأ
رينو : قاعده بتعب شديد . وعرقانه . وحاسه انها خلاص هيغمى عليها . وبتهمس كل ثانيه فهد . وبتدعي بصمت. ودموعها نازله..اامممم . ااااااه . يا الله . يارب . يارب . ااااه مش قادره.
فهد : سايق . ومتنرفز جدا . لأن الطريق زحمه . وبيسوق بسرعه ..
آدم : ف الشركه . قام بسرعه .
زياد : ف ايه يا آدم !؟
آدم : بقلق ..زياد . رينو بتولد . اتصل ع طارق بسرعه وقوله يطلع ع المستشفى .
زياد : طيب استنى انا جاى معاك ..
آدم : لا لا . خليك انت . وابعت زين . وبعد ما تولد إن شاء الله . تبقو تعالو . ومشي بسرعه وبيدعي من قلبه . وقلقان ع بنته .وكل شويه يتصل ع مريم . واتصل ع محمد وقاله..
زياد : اتصل ع طارق . وقاله . وطارق . ساب الشغل . واتصل ع رنا عند شيرين وقالها ..
ورنا قامت بسرعه . وأشرف وهنا راحو معاها..
زياد : طلع المكتب . وقال ل زين . وزين . ساب كل حاجه . وطلع جري هو وريتال .
رينو : بتعيط من الالم ومش قادره . اااااااه ياااالله . ااااه انت فين يافهد . اااااه..
فهد : فتح باب الشقه بسرعه ودخل جري . وجري عليها . لارين . لارررين .وقعد ع ركبه قدامها .. وشاف رينو . وشها احمر من العياط . وعرقانه .
رينو : اطمنت لما شافته . وبتتكلم وبتنهج . فه.فهد . ات.. اتاخرت ليه . وعيطت مش قادره استحمل يافهد . امممم يااارب .
فهد : اول مره يشوفها كدا . وعيونه لمعت بدموع .ومسك ايديها . حبيبتي اهدى انا جمبك تمام . انتى .. انتى بس فكرى ف اى حاجه . واكيد دى مش ولاده . اكيد شوية مغص وهتكونى كويسه .
رينو : بعياط . لا يفهد مامي قالتلى انها ولاده . فهد : بيكابر دموعه وقام. تعالى معايه . وسندها . ع مهلك .
رينو : شهقت . ااااه ..
فهد : صك ع اسنانه من وجع قلبه عليها . وشالها براحه . رينو . رينو اهدى . خدي نفس . ايوه . حاولى تهدي . انا جمبك . ودخل بيها الاوضه . ودخل بيها الحمام . وغسل ليها وشها . وشالها وخرج بيها . ونزلها ع طرف السرير . ولبسها الاسدال . والنقاب . وسمع جرس الباب .
رينو : بتتألم . اكيد مامي . وعيطت انا عايزه امي يافهد ..
فهد : حاضر . حاضر ياحبيبتى . وخرج بسرعه فتح الباب .
مريم : دخلت بسرعه . بنتى فين يافهد .
فهد : ف اوضة النوم .تعالى. ودخلو بسرعه .
مريم ؛ بنتى حبيبتى . اسم الله عليكى.
رينو : عيطت اكتر . مامي انا مش قادره استحمل . اااه ياااارب يارب .
فهد : بتوتر . قرب منها تعالى وشالها .ونزل بيها . ونيمها ف الكرسي الخلفي . ومريم ركبت جنبها وحطت راس رينو ف حضنها .
فهد : ركب العربيه وساق بسرعه البرق .
رينو : اااااه يااااارب . ااااااه والله ماقادره بطنىىىى . اااااه .
فهد : قلبه بيدق بسرعه بخوف. ع وسايق وعينيه عليها.ومحمد اتصل عليه . وفهد رد .
مريم : بدموع . بس ياحبيبتى اهدى . قولى ورايه الادعيه دي . وإن شاء الله ربنا هيجعل ولادتك سهله . قولى ياحبيبتى ..
اللهم لا سهل إلا ما جعلته سهلاً، وأنت إن شئت جعلت الحزن سهلًا. اللهم أسألك حسن الخلق وهون الطلق، يا خالق النفس من النفس، ويا مخلص النفس من النفس، ويا مخرج النفس من النفس يسر لي ولادتي. اللهم يا مسهّل الشديد ويا مليّن الحديد ويا منجز الوعيد، يا من هو كل يومٍ في أمر جديد، أخرجني من حلق الضيق إلى أوسع الطريق، بك ادفع ما لا أطيق ولا حول ولا قوة إلّا بالله، وصلّ الله على سيّدنا محمد وعلى آله وصحبة أجمعين.
ومريم . قالت ادعيه كتير . ورينو بتعب بتقول وراها ..
وصلو المستشفى اخيرا . وفهد شال رينو . ودخل بيها المستشفى . ومريم ماشيه وراه بدموع ولسانها مبطلش دعاء لبنتها .
محمد : شاور لفهد . تعالى هنا يافهد . الدكتوره نسرين جوه ..
فهد : دخل بسرعه ..
محمد : اخد مريم وضمها . يطمنها . اهدي يامريم . انا قولت للدكتوره نسرين لو ولاده . تولدها بدون الم . اهدى . تعالى اقيسلك الضغط.
مريم : لا لا مش وقته . نور. نور فين؟
محمد : نور ف العمليات . تعالى بس اسمعى منى . فهد معاها . واخدها …
فهد : نيم رينو ع السرير . وفك ليها النقاب . وطرحة الاسدال .
رينو : بتتألم ومش قادره . وبتنهج بتعب ..
فهد : صاكك على اسنانه ومش عايز يبكى.
نسرين : جت وبتقيس الضغط ل رينو . وبتركبلها الكانيولا .. ايه يالارين ياحبيبتى . اهدى كدا .
رينو : بتتكلم بصوت متقطع . مش . مش قادره . وجع فظيع . يارب .
فهد : دمعه نزلت منه ومسحها بسرعه . وقعد ع الكرسي ومسك أيدها . رينو. انا معاكى..
رينو : بصتله بدموع . ارجوك . ارجوك متسبنيش يافهد ارجوك .
الدكتوره . راحت تكشف ع رينو .
فهد : قعد ع طرف السرير وماسك أيدها . ومش متحمل دموعها . وغصب عنه رفع راسها وضمها لقلبه . وقال رينو .. وبس ومش عارف يتكلم ..وساكت .
رينو : رفعت أيدها ومسكت تيشرته جامد . وبتحاول تقاوم الوجع. ..
الدكتور : كشفت . وقالت فعلا ولاده مبكره . لارين ياحبيبتى . انتى اكيد اتعرضي لمجهود كبير او توتر الفتره الل فاتت مش كدا ؟
فهد : رد مكانها . وقال . ايوه يادكتوره . انا وأخوها اتصابنا بالرصاص . وانا دخلت ف غيبوبه شهر .
الدكتوره : وده كفيل انه يوتر أعصابها . لكن متقلقش . كل حاجه كويسه . ولارين هتولد طبيعي . والأطفال لو ….ومكملتش .
فهد : قاطعها . مش مهم اطفال .المهم عندى مراتى . مراتى وبس . اعملى اي حاجه . علشان متتالمش بالشكل ده .
الدكتوره : هزت راسها . وسكتت لان محمد شرحلها طبيعة فهد .
الدكتوره . استعدت علشان تولد رينو والممرضه دخلت ودكتورة التخدير .
آدم وطارق . ورنا وأشرف وصلو المستشفى . ومحمد اطمن ع مريم . وقعدت تصلى ف المكتب وتدعي بدموع .
آدم : سأل محمد ع مريم . ورينو . ومحمد شرحلو الوضع .
رنا : واقفه بتعيط وبتدعي من قلبها .وهنا واقفه جمبها بطمنها.
طارق : واقف متوتر . وبيدعي من قلبه .
اشرف . اتصل ع مصطفى وشيرين . وبيطمنهم .
زين : دخل جري هو وريتال . وواقفين مع آدم والكل متوتر وقلقان ع رينو . وولادتها ف الشهر السابع .
عدى الوقت كأنه سنه ع الكل . وخصوصاً فهد . الل كل شويه يمسح دموع رينو . وقلبه بيتعصر من الالم . وشايف انها مش متحمله الالم .
رينو : مغمضه عينيها بقوه وبتسمع ارشادات الدكتوره . لانها اخدت بنج . لكن رينو حاسه بالم بسيط .
الدكتوره : ايوه يا لارين ياحبيبتى . ادفعي كمان . حاولى ارجوكي . خلاص اهو .يلاااا.
رينو : غمضت عينيها بقوه . ومسكت ف تيشرت فهد . ودفعت بقوه وصرخت بصوت عالى جدا ااااااااه ياااااالللللله …اااااه . والل بره سمعوها وقلبهم وجعهم عليها …
آدم : قلبه بيدق بسرعه . ودمعه نزلت منه بخوف
فهد : مستحملتش وحضنها ودموعه نزلت.
رينو : دموعها نازله وسمعت صوت البيبى . وبتاخد نفسها بسرعه كبيره . وآرين السيوفى نورت الدنيا ..
الدكتوره . سلمت البيبى للممرضه . وتابعت مع رينو . يلا يا لارين ادفعي كمان واكتر .
رينو : عنينها بتغيب .
فهد : بص عليها وايدو اترعشت . لارررين.
الدكتوره : شافتها وقربت منها . لارين . فوقى
قدامك دقيقه كمان . وتخلصي من الالم ده . حاولى ياحبيبتى . علشان ده غلط ع ابنك . يلا ..
رينو : فتحت عينيها بتعب . فه..فهد مش قادره . حاسه اني هموت . مش قادره .
فهد : قلبه بيدق بخوف . وعايز يصرخ . لكن مجبر يسطير ع مشاعرو قدامها . قرب منها وبيمسح وشها. حبيبتي رينو القويه . الل بتتحدى اي حاجه . مش قادره تتحدى شوية الم . احنا مرينا اكتر من كدا .
رينو : احضنى يافهد .
فهد : ضمها لقلبه وغمض عينيه.. بدموع.
رينو : كلبشت فيه وصرخت بعلو صوتها . ااااااااااااه . وآركان السيوفى خرج للنور ونور الدنيا .
رينو : سمعت صوت ابنها .. واطمنت واعصابها سابت . وغمضت عينيها ف حضن فهد واغمي عليها ..
فهد : حس بيها . وخرجها من حضنه . وراسها نزلت ع صدره . وفهد جسمه ساب وقلبه حرفيا وقع في رجليه..لاررررررين .
الدكتوره : جت بسرعه . وحطتلها الأكسجين . متقلقش حضرتك . هتفوق دلوقتي ..وحطلتها حقنه ف المحلول..
فهد : عينيه مفتوحه ع الاخر . ومش عارف يتكلم . وفضل يفوق فيها . وبلع ريقه بصعوبه . رينو . ري…رينو فوقى . رينو .
الممرضه . شايله الولاد .
الدكتوره . تعالى نوزنهم . علشان لو الوزن قليل هيدخلو الحضانه . بس استنى هنااطمن عيلتها وأرجعلك ..
فهد : بيفوقها . ورينو فتحت عينيها .
فهد : ابتسم بدموع . وهمس رينو ..
رينو : فهد . انا . انا خلاص ولدت مش كدا ؟
فهد : هز راسه . ودمعه نزلت ع كف أيدها . ورفع رينو واخدنها ف حضنه . وساكت .
رينو : ابتسمت بتعب . ورفعت أيدها ع ضهرو . وضمته وفتحت عينيها ع صوت ولادها بيعيطو وقلبها دق . فهد انا عايزه اشوف ولادى . وابتسمت بدموع من الكلمه ..
فهد : خرجها من حضنه . وباس جبينها . وانا مش عايز من الدنيا غيرك . غيرك وبس . رينو انتى كويسه ؟
رينو : حطت ايدها ع خدو انا كويسه ..انت مش عايز تشوف بنتك آرين ؟
فهد : غصب عنه قلبه دق . بنتى !!
رينو : هزت راسها بدموع . بنتك . وابنك آركان .
فهد : قلبه بيدق بلخبطه ..ومشاعر جديده مختلفه ..
الدكتوره : جت مبتسمه . وشايله بيبى . والممرضه جنبها . مبروك يارينو . انا سمعت اسمك من سيادة المقدم . سبحان الله . ولاده مبكره وربنا يسرها ليكى . انا طلعت طمنهم والدكتور محمد بيقولى إن والدتك بتصلى لحد دلوقتي . وربنا اكيد استجاب لدعائها . والحمدلله وزن الولد والبنت يدوبك بالظبط طبيعى . سبحان الله بجد . الف مبروك ياحبيبتى .
رينو : بتسمعها وبتضحك بدموع وعنيها ع الولاد . يعنى . يعنى مش هيدخلو الحضانه؟
الدكتوره : هما هيدخلو انهردا بس زيادة اطمئنان . وانتى كدا كدا قاعده معانا انهارده . وهتخرجو مع بعض بكره إن شاء الله..ومدت أيدها اتفضلى ده الولد .
رينو : رفعت ايديها بدموع ومشاعر متلخبطه وقلبها بيدق بعشق . لكن عشق جديد عشق مختلف عن عشق الفهد .. وضمته لقلبها بحنان وعاطفة الأم . ودموعها نزلت .
الممرضه لفت . عند فهد . اتفضل .البنوته . وماشاء الله بنوته زي البدر الله اكبر . وانا مش همشي غير لما اخد الحلاوه .
فهد : ايديه بتترعش . ومتوتر . ومش عارف يعمل ايه؟
الممرضه : يلا استاذ . هات الحلاوه الأول وخد القمر دي منى . الله اكبر بجد .
فهد : متلخبط وقام وقف . وطلع المحفظه . وطلع منها فلوس من غير ما يعدها . وعطاها للممرضه الل فرحت جدا . وباين عليه مبلغ كويس . واخدت الفلوس . وعطت البنت لفهد.
الدكتوره ضحكت عليها . وبصتلهم الف مبروك . انا هخرج وانتى يالارين ٥ دقايق هتتنقلى لاوضتك .
فهد : شال آرين بين ايديه وخاف . دي . دي صغيره اوى .
الممرضه : كلها اسبوع وهتبقى زى القمر.
فهد : ابتسم .وكان خايف ..ولكن قلبه دق بحب وبنته حبيبته خطفت قلبه . ضم آرين لقلبه وباس جبينها . وقال حبيبتى .
رينو : فهد قرب منى عايزه اشوفها .
فهد : قعد جمبها . وقرب آرين منها بخوف لا تقع من ايدو . وبص ع آركان وآرين مع بعض وعيونهم لمعت بدموع وفرحه .
رينو : حطت راسها ع كتف فهد . مبروك يافهد.
فهد : مبروك عليا لارين سبب فرحة فهد .
رينو : فهد . اكيد بابى وبابا طارق واقفين بره واكيد بابا طارق نفسه يشوف أحفاده وخلى بابى يآذن ليهم .
فهد : هز راسه . وقام بحذر . والممرضه اخدت آركان . وطلعت وراه .
فهد. : خرج . والكل جري عليه .
آدم : بتوتر .بنتى عامله ايه يا فهد ؟
فهد : هز راسه وابتسم . رينو كويسه . وبتقولك إذن لا حفادك . وحط آرين بين ايديه
واخد آركان من الممرضه .وقرب من طارق . حفيدك ياحج . آركان السيوفى..
طارق : مد ايدو بدموع وشاله بين ايديه .ورنا جمبه بتعيط من الفرحه . بسم الله ماشاء الله . وبصو لفهد وسالوه ع رينو .وطمنهم . وسابهم ودخل ل رينو .
آدم : ابتسم بحب وشاف رينو الصغيره بين ايديه . وقال بسم الله ماشاء الله . وآذن في ودنها ..
طارق : بدموع آذن ف ودن حفيده .
مريم : خرجت مع محمد بسرعه . وشافت آدم وطارق . وقربت وسالت على رينو وطمنوها . وشالت آرين . وباستها . ورنا شالتها . وشالو آركان وآرين . والكل فرحان وكل واحد أدى الحلاوه للمرضه . ال كانت مبسوطه اوى.
الممرضه : قالت انا هاخدهم احطهم ف الحضان .
الكل بص لبعض . بقلق .
طارق : بقلق ليه . هما مش كاملين؟
الممرضه : لا الحمد كاملين وزى الفل ووزنهم الحمد لله طبيعي . بس هنحطهم انهردا بس زيادة اطمئنان زى ما الدكتوره طلبت . وهيخرجم بكره عادي .
الكل . اتنهد باريحيه . وحمدو ربنا .
آدم : زين . خليك معاها وعينك ع ولاد اختك .
زين : حاضر ياحج . ومشي هو وريتال مع الممرضه .
———————-بقلمى مريم نصار
بعد شويه .
.رينو خرجت ع الأوضه ومريم قاعده جمبها وبتعيط من الفرحه وكانت خايفه عليها . وفهد قاعد من الاتجاه التانى. وماسك أيدها ومن جواه متلخبط .
آدم : باس جبينها . وكان قلقان عليها ..
وطارق : سلم عليها وباس جبينها وبارك ليها .
ونور : نزلت جري لما عرفت من محمد . وفرحت جداا وسلمت ع اختها بدموع وفرحه كبيره . وراحت تطمن هي ومحمد ع التوأم بطلب من رينو لأنها قلقانه عليهم ..
رنا : سلمت ع رينو . وكانت الفرحه مش سيعاها ..
وزين : سلم ع رينو وبارك ليها .
وبعد شويه .كل العيله وصلت المستشفى . مصطفى وشيرين .و جاسر وعيلته . وحسام وهدى . وزياد وماليكه ويوسف ومريم . وبيتر لما عرف جه ع طول .
وفريحه كانت ف العياده . ورنا اتصلت عليها . وجت بسرعه . وفارس لما خرج من الشغل اخد رودي من العياده . وطلعو ع المستشفى . والكل بارك وهنا .والشباب واقفين بره الاوضه.
.. والكل اتخض ع زغروطه زينب . ف المستشفى وهي بتفتح الباب وداخله .وجايبه الغدا . وقالت بسعاده . الف مبروك . الف بركه حمدالله ع السلامه ياست الدكتوره رينو . الف مبروك ياسيادة مقدم الرائد فهد . الهي ربنا يجعلهم ذريه صالحه . الهي يتربو ف عز ابوهم وأمهم . وعز سي آدم بيه وعز سي طارق بيه . وحنان ستهم ست مريم بركة العيله . وحنان ست رنا عسلاية العيله . ويتربو ف خير…. ومكملتش
آدم : بسسسس يازينب بس ايه راديو .
كل العيله ضحكت من قلبها .
رينو. : ضحكت ومسكت بطنها .
فهد : ابتسم لضحكة حبيبته .
مريم : ضحكت . والله يازينب . انتى ليكي طله مش عند حد . خضيتى الكل . تعالى ادخلى .
زينب : دخلت . وحطت الاكل . اتفضلى ياست مريم . الحاجه سعاد . باعته اكل مخصوص لست الدكتوره رينو . وده اكل لحضرتك . وده اكل لكل العيله . متجمعين عند النبى محمد إن شاء الله .
كلهم : ابتسمو .اللهم امين . عليه الصلاة والسلام .
زينب : ست مريم . انا عايزه الحلاوه . اه . انا عارفه انكم مبتبخلوش علينا بأى حاجه . بس حلاوة ست رينو ليها طعم تانى . ولا ايه ياسيادة مقدم الرائد فهد .
الكل ضحك . وفهد ضحك .طبعا يا زينب . وليكى عندى إن شاء الله هديه هتعجبك .
زينب : بترفع أيدها علشان تزغرط .
آدم : بت يازينب دماغي صدعت . اهدى شويه . سيبى شويه ليوم العقيقه ..
طارق : بغيظ . اله جرا ايه ياجدع انت ماتسيب زينب تزغرط . الواحد مابيصدق يفرح يا اخي . زغرطي يازينب .
زينب : واقفه . وعينيها مفتوحه على الاخر وخايفه من آدم .
طارق : بنرفزه . انا قولتلك زغرطي يازينب.
زينب : كحت وخايفه من آدم وطارق .وبصت ل آدم .
الكل بيضحك ع طارق. و زينب
مريم : ضحكت.وبصت ل آدم ومسكت ايده وهزت راسها.
آدم : همس ل مريم استنى انا بحب انرفزه . لا يازينب .
طارق : قام وقف . طب والله لا تزغرطي يازينب . ولو مزغرطيش دلوقتي . لافسخ خطوبتك وابوظلك الجوازه فاهمه .
زينب : تنحت . ياسنتك السوخه يازيناااب.
الكل : بيضحك بدهشه . ورنا حطت ايديها على راسها .
رينو : بتضحك بدموع وماسكه بطنها . مش قادره يافهد بابا طارق هيخلى زينب تموت مكانها .
فهد : بيضحك .و همس. شوفتى آدم مستمتع بنرفزة طارق ازاى ..
رودي : ما تيلا يازينبو . اخبطى صوتك ف حلق زورك وسمعينا الجرس . ههههههههه.
آدم : شاف خوف زينب . وطارق متغاظ . ههههههه . وهز راسه زغرطي يازينب.
زينب : زغرطت . زغروطه طويله .
نور . ورينو والبنات . واوو . حلوه اوي.
الكل بيضحك ع شكل طارق وهو متغاظ من آدم . لكن طلع المحفظه . خدى يازينب مش خساره فيكى .
مصطفى . بيضحك . تعالى يازينب تعالى يابنتى .وقربت منه . وادلها الحلاوه خدى يازينب حلاوة احفاد احفادى ..
زينب : شهقت الله اكبر انت بتحوش العين عنك ولا ايه يسي مصطفى بيه . الله اكبر الله اكبر . الل يشوفك انت وستى شرين هانم . يقول انكو فرحكو من اسبوع .
الكل بيضحك ومستغربين زينب ..
مصطفى : ههههههههه انتى شايفه كدا يازينب .
زينب : إلا شايفه كدا . دي ستي شرين هانم الله اكبر عليها . لسه مكملتش ال20 سنه .
الكل بيضحك .
. شيرين : هههههه الله يكرمك يازينب بس مش قوى كدا . تعالى. خدى منى حلاوة اركان وآرين …
زينب : بسعاده . ياخد عدوينك ياست هانم ..
. رنا : فتحت الشنطه . خدى يازينب . تستاهليها والله . بعد ماشوفت ضحكة بابا وماما بسببك .
زينب : شاله يخليكي ياست رنا . وإن شاء الله اول ماوجوز المنيل ع عينه . هخلف بنت واسنيها رنا هانم . اسم مركب .
الكل : بيضحك من قلبه عليها .
وآدم : خدى تعالى يالمضه . ومش عايز اسمع صوتك أمسكى وعطاها مبلغ محترم . وزينب فرحت جدا. ومريم فتحت الشنطه وادتها ..امسكي يازينب . وادعي ل رينو وفهد وانتى بتصلى مش هنا ها !!
. زينب : من عينيه . انتى تؤمري امر . وقالت وانت ياسيادة مقدم الرائد فهد . فين الحلاوه .
فهد : متستعجليش ع رزقك يازينب . ليكى هديه حلوه . ورينو هتقدمهالك بنفسها .
وبعد شويه الكل اتغدى . وبدؤو يستأذنو .
وآدم ومريم . وطارق ورنا ونور الل موجودين.
رينو : فهد .
فهد : نعم ياروحي . محتاجه حاجه؟
رينو : فهد عايزه اشوف ولادى . ارجوك .
فهد : باس ع أيدها . حاضر ياحبيبتى انا هروح أسأل الدكتوره . واشوف كدا هتقول ايه
نور : قامت ولبستها النقاب. ساعدها وقومها يافهد . وانا هطلع معاكم . يلا .
فهد : ساعدها وقومها . اشيلك؟
رينو : هزت راسها لأ . انا همشي جمبك .
فهد : سندها وماسك أيدها وماشي جمبها . وطلعو ف الاسانسير . ووصلو لقسم الحضانات . رينو واقفه جمب فهد . وبصت ل نور . ولادي فين منهم يانور . انا خايفه لا يتلخبطو .
نور : ضحكت . حبيبتي اسمهم موجود ع ايدهم . متقلقيش . وبعدين محمد موصي عليهم . وندهت ع بنت . وعقمت رينو وفهد . ودخلو . رينو شافتهم وقلبها دق باشتياق كبير كأنهم مفارقينها سنين . نور عايزه اشيلهم . ارجوكي .
نور : شاورت للبنت . وفتحت الحضان وطلعت آركان وآرين . لفهد ورينو . وشالوهم بحب كبير . واحاسيس جميله بتتجدد جواهم ..
وبعد شويه نزلو . وطارق اتفق إن العقيقه . الخميس الل جاي . وهتبقى ف فيلا السيوفى . لكن فهد رفض وقال العقيقه هعملها لما مراد يرجع . والكل دعي ل مراد انه يرجع بالسلامه ..
وعدي اسبوع .
ورينو خرجت تانى يوم من المستشفى .
وفهد ورينو . دخلو الشقه. اتفأجو . بهدية آدم . وكانت غرفة اطفال كامله وجاهزه . ورينو فرحت جدا ..
.. ومريم ورنا طلبو رينو تروح تقعد معاهم وفهد رفض وقال مراتى وولادى هيفضلو ف البيت علشان رينو تقعد براحتها . وقد كان .واهتم بيها الاسبوع ده .
. وفهد كان فرحان جدا إن عيلته بتكبر واتعلق بيهم لكن كان بيخاف يشيلهم .
وزينب كانت بتروح كل يوم تعمل الاكل وتظبط كل حاجه . وترجع ع الفيلا بليل.
فهد : كان متابع مع اكرم . وجالهم اشاره إن مراد بخير . وده ريح فهد نوعا ما لكن مش هيرتاح غير لما يشوفه بعينه . وكمان شايف الحزن ف عيون أخته الل كل شويه تسأله ع مراد . وهتتجنن وتسمع صوته ..
محمد : وصل تيم عند رينو . لانه عايز يشوف البيبى
ورينو : كانت متحمسه جدا . من رد فعل تيم .
فهد : فتح الباب . اهلا اهلا تيم عزيز باشا . وسلم عليه .
تيم : فين رينو يافهد . عايز اشوف آركان و آرين
فهد : سلم ع محمد . اتفضل يا دكتور .. وبص ل تيم . رينو جوه ف الأوضه ومستنياك .
تيم : دخل جري عليها .
محمد : اذيك يافهد عامل ايه ؟
فهد : تمام الحمد لله . تعالى ادخل .
محمد : لا ياعم . انا ورايا شغل متلتل ف المستشفى . انا جبتلك تيم بمعجزه والله فضل يزن علينا وزعل وبهدل الدنيا ..
فهد : ربنا يخليهولك يادكتور . طيب ادخل أشرب حاجه وبعد كده انزل .
محمد : لا متشكر . متأخر لوحدى . المهم لو تيم تعب رينو . انت عارف هتعمل ايه . خدو انت زى الشاطر كدا عند آدم . لانى مش فاضيلكم سلام ..ونزل .
فهد : ضحك . مع السلامه يا دكتور . وقغل الباب
زينب : تحب تاكل ياسي مقدم الرائد فهد .
فهد : اتخض. ايه يازينب . ف اختراع اسمه تكحي . تمشي تعملى صوت احس أن حد ف الشقه . مش الاقيكي ف وشي من الهوا كدا ..كحي يازينب ..
زينب : حاضر يسي مقدم الرائد فهد . هكح حاضر . بس ما لما يجينى برد .
فهد : هههههههه . لا يازينب . والله معارف افهمك ازاى . المهم لا مش هاكل . شوفى رينو .
زينب . سالتها قالت لا كمان .
فهد : هز راسه تمام . روحي انتى يازينب . واتحرك. دخل عند رينو . ف اوضة الاطفال ..
رينو : قاعده ع السرير . وتيم قاعد قدامها . وعمال يبص ع آركان وآرين ومتلخبط بينهم .
رينو : هههههههه ركز ياتيمو .
تيم : استنى يارينو . دول صغيرين اوى . بس عارفه انا بحب النونو ده . وشاور ع حد فيهم .
رينو. : رفعت حاجبها. وفهد مربع ايديه وساند ع الباب .
رينو : امممم بتحب ده !!؟ دى آرين ياتيمو .
تيم : ضحك مش عارف . انا حبيتها اوى وخلاص . بصي عينيها زيك يارينو . وشعرها جميل . انا حبيتها .
فهد : كشر عينيه . وحس بأعراض الغيره .
رينو : متابعه فهد . وضحكت بصوت عالى ..ع فهد.
تيم : بتضحكى ليه . رينو عايز ابوس النونو ..
رينو. : رفعت عينها ع فهد . ومالو ياحبيبى بنت خالتك . ولسه بيبى ..وغمزت .
فهد : صك ع اسنانه . انت ياعم تيم . العب جنبها وبس مش لازم تبوسها.
تيم : وانت بتبوس تمارا اختى ليه . وبتبوس مريم نونو ليه . وليليان. وچود . اسكت يا فهد انت مش عارف حاجه . وقرب من آرين وباس خدها . واتعدل الله دى ريحتها حلوه اوي ..
فهد : متنح وعينيه مفتوحه ع الاخر من رد تيم ..
رينو : مغمضه عين ومفتحا عين . وبتقول الحرب العالمية التالته هتقوم دلوقتي . ربنا يستر ..
تيم : رينو . هي آرين بتاكل ازاى !؟
فهد : قبض ع ايديه من الغيره . وقرب من تيم .
رينو : فتحت عينيها من سؤال تيم . وبصت لفهد . وقالت احم . هي . هي بتاكل عادي ياتيمو ؟
تيم : قام وقف . وطلع من شنطته . بسكوت . امسكي يارينو . ده ل آرين. وكل يوم هجبلها واحده .ولما تكبر شويه هجبلها شوكلاته ..
رينو : ابتسمت . وبصت لفهد هتجبلها شوكليت كل يوم ياتيمو .
تيم ،: ايوه . وهجبلها عروسه .
رينو : سرحت ف عيون فهد . وقالت وهتجبلها فانوس رمضان ياتيمو .
فهد : بص ليها . وعيونهم اتعلقت ببعض .
تيم : ايوه . هجبلها فانوس رمضان . وكمان فستان جميل .
رينو : اتنهدت بحب . وهتجبلها . ساعه وسلسه ياتيمو !؟
فهد : سرح ف عينها وافتكر لما كان بيجبلها كل ده.
تيم : ايوه . انا هجيب ل آرين كل حاجه حلوه . ولما تكبر انا هوصلها المدرسه . ومحدش رد ع تيم
وتيم : بص ع فهد ورينو . شافهم باصين لبعض كتير. وقال بصوت عالى شويه ياارينو انتى مبتردبش ليه؟
رينو : فاقت. ها . انا احم معاك ياحبيبى .
فهد : فاق . واتنهد بحب . وقعد جنبها . وقرب من دونها وهمس . بحبك اوى يارينو .
رينو. : غمضت عينيها بحب . وانا بموت فيك يا فهد ..
———————-بقلمى مريم نصار
تانى يوم.
جه اتصال ل فهد من اكرم . إن مدير الجهاز رجع امبارح بليل ودلوقتي المدير موجود ف المكتب .
فهد : قاله انا جاي حالا و قفل مع اكرم . وقام بسرعه بيلبس .
رينو : فتحت عينيها . حبيبى ف حاجه ؟
فهد : بيلبس ومش عارف يقولها ايه ؟.لا مفيش حاجه . مدير الجهاز رجع من السفر ورايح اسلم عليه انا واكرم . ساعه وهكون عندك إن شاء الله . انتى نامي شويه علشان الولاد مسهرينك اوكي ياروحي . وباس جبينها . وسابها ونزل بسرعه . وركب العربيه وساق ووصل الجهاز . ودخل ع المدير .وشاف المدير شكله مرهق وتعبان وشكله حزين . وسلم عليه . وسأله بطريقه مباشره .
فهد : مراد فين يافندم؟
المدير : بصله كتير واتنهد وسكت !!
فهد : خاف وقلبه وقع في رجليه. وقام وقف . مراد جراله حاجه؟
المدير : بنفى ابدا . مراد كويس الحمدلله!!
فهد : نفخ ومسح وشه بايديه . اووف . طيب حضرتك ممكن تفهمني ف ايه ؟ انا بقالى ١٧ يوم متوتر بسبب اختفاء مراد . هو فين؟ انا سألت عليه ف كل حته. دورت ف كل مكان . ولأن مراد مخابرات اختفي بذكاء . وانا متأكد أنه مختفي وبعلم من سيادتك . ممكن اعرف مراد فين !؟
المدير : قام وقف بتعب . مراد ف شقته من امبارح بليل !!!
فهد : قام وقف . ومبقاش فاهم حاجه !!
ولسه هيتكلم . …
المدير : . تقدر تروح وتطمن ع مراد بنفسك !!.
فهد : قلبه بيدق ومش مطمن . وخرج من المكتب بسرعه وخرج جري . وركب العربيه . وساق بسرعه البرق . ووصل الشقه . وخبط ع الباب ومفيش حد بيفتح . وفهد طلع حاجه شبه الدبوس من جيبه وفتح الباب ودخل . وشاف مراد . نايم ع الكنبه . بهدوم متبهدله ومتقطعه واتصدم لما شاف الدم —–