رواية عشقي الأبدي الفصل الأول 1 بقلم إيمان صالح
رواية عشقي الأبدي الجزء الأول
رواية عشقي الأبدي البارت الأول
رواية عشقي الأبدي الحلقة الأولى
مين ده اللي واقفه معاه يا روان ؟
بصتله بتوتر ف احمد رد عليه _ انا احمد كنت زميلها في الكلية يا استاذ نادر وبقالنا فتره مشوفناش بعض من وقت التخرج
بصلي بنظره مفهمتهاش_ اممم طيب يعني هتقفي كتير يا روان كده عندنا شغل في المحكمه
بصتله بسرعه و توتر _ لا يا مستر نادر مش هقف كتير انا كنت ماشيه حالا
_ طيب يا روان يلا بعد اذنك يا
احمد اتكلم بسرعه _ احمد احمد يا استاذ نادر
مستر نادر مشي وانا بصيت ل احمد بسرعه _ انا لازم امشي حالا يا احمد بعد اذنك وإن شاء الله نتقابل مع الشيله قريب
_ خلاص روحي يا روان بس خدي الشيكولاته دي انا عارف انك بتحبيها
ابتسمت _ شكرا يا احمد
سمعت صوت مستر نادر في بعض الحده _ مش يلا يا روان ولا ايه
_ جايه حالا يا مستر بعد اذنك يا احمد
” مشيت بسرعه ورا مستر نادر ،مستر نادر المحامي اللي بدرب عنده الحقيقه أنا متخرجه من سنتين بالظبط من كلية الحقوق ووقتها دورت على شغل ملقتش في البداية لحد ما لقيت مستر نادر واتدربت معاه بما أنه اشهر واحد في مجال المحاماه
_ ها مين ده بقى
” كان واقف مربع أيده وواقف على جنب فبصتله بدهشه
_ مش فاهمه حضرتك بتسأل ليه
رد بلامبالاه _ فضول مش اكتر
هزيت كتفي بعدم فهم _ ده احمد زميلي ايام الجامعه مش هو لسه قايلك برضوا يا مستر
_ اممم تمام يلا اركبي بقى عشان هنروح المحكمه
#ايمان_صالح
” مردتش عليه وركبت العربية وبعدها ساق وبصلي
_ هي ايه الشيكولاته دي
ابتسمت بحنين _ ده احمد يا مستر عارف ان بحب النوع ده اوي فلما شافني واقفه في الشارع جبهولي لسه فاكر ايام الجامعه وانا بحب ايه عمره ما نسي
“بصلي بطرف عينه و مردش وانا فتحت الشيكولاته ولسه هاكل منها مديت ايدي ليه
_ اتفضل يا مستر نادر دوق الشيكولاته دي هتعجبك اوي
بصلي باقتضاب وجديه _ مش بحب النوع ده من الشيكولاته يا روان
بصتله بذهول _ فيه حد مش بيحب الشيكولاته دي دي حلوه جدا و غاليه كمان
بصلي بسخرية _ انا يستي مش بحبها عندك مانع
” هزيت راسي ب لا وهو كمل سواقه عادي ،وصلنا المحكمه وطلعنا فوق وبعدها بصلي
_ هتقفي هنا لحد ما اخلص شغل
_ تمام
” رديت باختصار وبعدها دخل وانا وقفت شوية وبعدها موبايلي رن رديت وانا ببتسم
_ احلى تيتا في الدنيا
ضحكت_يا بكاشه
ضحكت _ ليه بس يا تيتا انتي عارفه اني بحبك
_ ماشي يا استاذه هترجعي امتى يا اختي
_ مش عارفه لسه يا تيتا انا في المحكمه لما اخلص شغل في المحكمه هاجي إن شاءالله
_ طيب متتاخريش عشان مترجعيش لوحدك يا بت
_ من عيوني يا تيتا سلام
” قفلت معاها وابتسمت حقيقي تيتا دي الحاجه الحلوه اللي طلعت بيها من الحياه كلها هي اللي فضلالي في الحياه هي و خالي
_ خدي يا روان الورق ده انزلي صوريه وهاتيه
_….
_ روان انتي روحتي فين يا بنتي
_ ها حضرتك قولت حاجه
بصلي بفضول_ انتي سرحانه في ايه
_ ها لا ولا حاجه بتقول ايه حضرتك
_ بقولك خدي الورق ده صوريه
_ حاضر يا مستر
#ايمان_صالح
” خدت منه الورق ونزلت اكتر يوم متعب في حياتي هو يوم المحكمه ده بنزل كتير وفيه شغل كتير جدا ،صورت الورق ولسه هطلع لقيت احمد قدامي
_ روان
ابتسمت _ انت بتعمل ايه هنا يا احمد
ابتسم_ شغل يا روان ما انا بتدرب عند محامي برضوا
_ هتصور ورق يعني ولا ايه
_ اه هصور ورق
_ طيب بعد اذنك بقى عشان مستر نادر شغله صعب اوي
_ على فكره انا ممكن اقول للمحامي اللي شغال عنده تدربي عنده وتسيبك من نادر ده
_ لا يا عم مستر نادر كويس برضوا سلام يا احمد
_ هتصل عليكي ونتفق نتقابل مع بعض احنا والشيله يعني
_ خلاص تمام
” طلعت بسرعه المحكمه وسلمت الورق لمستر نادر اللي بصلي واتكلم اول ما وصلت
_ كنتي فين كل ده يا روان
_ كنت بصور الورق يا مستر
_ كل ده كنتي بتصوري الورق يا روان
_ اه يا مستر المكتبه اللي فيها مكنة تصوير عليها زحمه اوي
_ خلاص هاتي الورق ده وروحي شوفي استاذ محمد خلص الورق اللي معاه ولا لا بس متتاخريش
_ حاضر يا مستر
” مشيت وروحت ل الاستاذ محمد في الدور التاني وقفت قصاده
_ استاذ محمد خلصت الورق بتاع استاذ نادر
ابتسم _ ازيك يا روان عامله ايه مش تسلمي الاول ولا استاذ نادر مكهربك
ضحكت _ الحمدلله يا استاذ محمد انت عامل ايه معلش عشان مستر نادر مبيحبش التأخير
_الحمدلله ماشي يا روان خدي الورق اهو
” ابتسمت بعد ما شكرته ونزلت ل مستر نادر تحت
_ اتفضل الورق اهو
” بس فيه شوية وبعدها بصلي
_ تمام انزلي بقى تحت صوري الورق ده ومش عايز تأخير
بصتله بارهاق _ هنزل تاني ما انا كنت تحت
بصلي بابتسامه _ معلش يا روان انا نسيت الورق ده بس متتاخريش ها
” خدت الورق ونزلت ووقفت وكان فعلا الجو زحمه بصيت لقيت احمد واقف وشاورلي فروحتله
_ هاتي الورق ده يا روان اصورهولك
_ لا يا أحمد مش عايزه اتعبك
_ تعب ايه يا بنتي بس هاتي الورق عشان لو وقفتي هتاخدي وقت
” خد الورق وصوره وبعدها طلع وابتسم
_ اتفضلي يا ستي الورق اهو
_ بجد متشكره اوي يا احمد
_ على ايه عادي ولا يهمك يا روان
” ابتسمت وطلعت المحكمه واول طلعت لقيت مستر نادر واقف متعصب
_ اقدر اعرف كنتي تحت بتعملي ايه
_ هكون بعمل ايه يعني يا مستر نادر مش حضرتك قولت ص
اتكلم بحده _ ايوه قولتلك مش قولتلك تهزري مع اللي رايح ولا اللي جاي
بصتله بذهول _ اهزر مع اللي رايح ازاي يعني
#ايمان_صالح
شد الورق بحده _ هاتي الورق ده يا روان بلاش اسئله كتير و تعالي ورايا
” مشيت وراه وانا مش فاهمه ماله ده ،خلص اليوم بكل الإرهاق اللي فيه وانا مش فاهمه برضوا مستر نادر ده تفكيره ازاي وماله متعصب اوي كده ليه ،نزلنا من المحكمه وبعدها بصلي
_ يلا اركبي اوصلك يا روان
_ شكراً يا مستر نادر انا لازم اروح حالا عشان تيتا قالتلي متأخرش
بصلي بتعجب _ ما انا هوصلك يا بنتي
بصتله بإحراج_ لا ميرسي اوي يا مستر نادر بعد اذنك
_ اسمعي بس هوصلك بدل ما تروحي متأخر اركبي يا روان
_ لا ما انا مينفعش اركب مع حضرتك
بصلي بدهشه _ ليه يعني هو انا هاكلك يا روان وبعدين يا ستي ما انتي بتركبي معايا فيها ايه
_ فيها ان ده وقت شغل لما اركب مع حضرتك دلوقتي مينفعش وقت الشغل خلص وبعدين مينفعش ادخل بعربيتك دي وانزل منها في الشارع بتاعتنا يقولوا عليا ايه
_ يا روان كلام الناس مبيخلصش اقولك تعالي اركبي وابقى انزلك قبل الشارع ايه رايك يلا اركبي بقى شكلنا بقى وحش اوي
” فتح العربية وركبت تحت إصراره وهو سايق بصلي
_ هو انتي تعرفي أحمد ده من زمان
بصتله باستغراب _ اه يعني من تانيه جامعه قولت لحضرتك زمله وبعدين حضرتك بتسأل ليه
_ عادي يعني اصل شوفتكم النهارده بدل المره اتنين واقفين مع بعض
” بصتله بدهشه وذهول
_ حضرتك شوفتنا ازاي وبعدين كنا زمايل عادي يعني لما نشوف بعض نقف ونتكلم يعني
_ ايوه كنتوا زمايل ازاي يعني
_ وهي دي فيها ازاي يعني لو كان حد محتاج حاجه محاضره أو سكشن كان بيطلبها من التاني
رد باستفسار _ بس ده كان أخركم ؟
_ مش فاهمه حضرتك بتسأل ليه بردو
رد بجمود_ عادي يا روان بسأل عادي
” هزيت راسي وسكت وهو كمان سكت قبل الشارع بتاعنا بشوية وقفته
_ بس خلاص هنا يا مستر نادر
” بص حواليه بستفسار
_ هنا ازاي يعني
_ ما انا بيتي بعد شارعين شكراً كفايه كده
Eman saleh
” فتحت الباب وابتسمت بهدوء ومشيت دخلت الشارع بتاعنا ولقيت خالد ابن خالتي واقف قرب مني
_, حمدالله على السلامه يا روان
_ الله يسلمك يا خالد عامل ايه
_ الحمدلله يا روان بخير انتي عامله ايه
_ الحمدلله انت جاي انت و خالتي ولا ايه
_ اه جايين نشوف تيتا
بصتله وضيقت عيوني_ تيتا بس يا واطي
ضحك _ لا طبعا وروان بنت خالتي برضوا هو انا أقدر يا باشا
ضحكت _ ايوه كده اتعدل يلا ادخل
” دخل وانا كنت داخله بس مش عارفه فيه شئ خلاني بصيت ورايا لقيت عربية مستر نادر وبيبص عليا بصه غريبه لوهله اتخضيت وبعدها لقيته فرمل العربية وطار بيها هو فيه ايه !
Eman saleh
_ ها يا روان روحتي فين
_ هه ولا حاجه اطلع يلا عشان تيتا قلقانه عليا
” طلعت وفتحت ودخلت
_ تيتا حبيبتي اغلى الناس
_ تعالي يا مقصوفة الرقبه كنتي فين كل ده
” ضحكت وقربت منها بخوف مصتنع
_ كنت في الشغل والله يا تيتا
” قربت منها وبوست راسها
_ وحشتيني
_ ما انا عارفه يا اختي
” قربت من خالتو وسلمت عليها
_ عامله ايه يا خالتو
_ الحمدلله يا روان انتي عامله ايه اتأخرتي كده ليه
_ الحمدلله…الشغل والله يا خالتو بيضيع الوقت
_ربنا معاكي ادخلي بقى غيري هدومك وانت يا خالد جبت الاكل
#ايمان_صالح
” بصلها بدهشه وبعدها ضحك
_ تصدقي نسيت انا لما شوفت روان نسيت والله المهم عقبال ما تخلص هنزل اجيب واجي
ضحكت _ انت كنت رايح فين
_ كنت رايح اجيب عشا بس نسيت يا روان
خالتو اتكلمت زي اي ام اصيله في الوقت ده _ يعوض عليا ربنا في ابني الحيله
خالد بصلها بملل _ اها هنبدا بقى في الاسطوانه ما بتصدقي يا ست الكل تمسكي عليا حاجه يلا انا رايح مش هتأخر
” خالتو رمت عليه الشبشب وهو جري فتح الباب وانا وقفت اضحك عليه بصوت عالي ،خالتو بصتلي بحده فجريت بسرعه ودخلت اوضتي ابدل هدومي قفلت الباب وموبايلي رن بصيت عليه لقيت مستر نادر رديت
_ الووو ايوه يا افندم
جه صوته هادي شوية _ ايوه يا روان بكره تيجي بدري وتجيبي الورق بتاع القضية اللي عطتهالك يوم التلات
_ بس الورق ده مخلصش يا فندم
_ قدامك بكره يا روان بس بكره بس عشان الشغل لازم يتعمل
_ حاضر يا افندم
” سكت شويه بتردد وبعدها اتكلم
_ روان هو مين اللي كان واقف معاكي النهارده ده بعد ما سيبتك
_ ده ابن خالتي يا مستر نادر فيه حاجه
_ لا ا
” قبل ما يتكلم خالد خبط على الباب
_ روان خلصي بسرعه انا جبت الاكل اهو يلا
_ ماشي يا خالد جايه
” رجعت للموبيل تاني
_ خلاص يا مستر نادر بعد بكره الورق هيكون عندك
_ انتي كنتي بتكلمي مين يا روان
_ ليه حضرتك الاسئله دي كلها النهارده
_ عادي يا روان مش انتي قاعده مع جدتك تقريبا لوحدكم
اتكلمت بنفاذ صبر _ اه يا مستر بس خالتي جت هي وابنها ودلوقتي هو بينادي عليا عشان ناكل بعد اذنك بقى
_ يعني هتقعدي معاه !
_ اها يا افندم فيه حاجه ؟
اتكلم بحده دهشتني _ بكره الورق يكون عندي يا روان
اتكلمت بدهشه _ هو مش حضرتك قولت بعد بكره
_ لا بكره يكون الورق عندي براحتك يا روان يلا اطلعي ل ابن خالتك
” قفل الموبيل ايه قليل الذوق ده وكمان هعمل الورق ده كله امتى ،بدلت هدومي بسرعه وطلعت عندهم كانوا قاعدين ف خالد اتكلم
_ كل ده بتبدلي هدومك يا روان احنا هنموت من الجوع
_ وانا كمان والله يا بني بس انت ازاي لحقت في الوقت ده تجيب كل الاكل ده
_ لا ما انا طلبته من بدري وروحت كان مجهزه فهمتي
_ ااه فهمت
” خلصت اكل وشيلت الاطباق وخالد ساعدني وقفت عملت العصير وطلعت قدمتلهم و جيت ادخل اوضتي خالد اتكلم
_ رايحه فين يا روان
_ عندي شغل ضروري هعمله
_ اقعدي معانا شوية وبعدها كمليه
_ مينفعش يا خالد بعد اذنك
” دخلت قعدت على الكرسي وبدأت اخلص الورق وحقيقي حسبي الله ونعم الوكيل والله على اللي بيعمله ده !
” خلصت الورق ونمت مكاني محستش غير على صوت المنبه قومت من النوم مهدوده حرفياً من الكرسي جسمه كله مليان الم ،دخلت الحمام وبعدها لبست وطلعت بسرعه روحت هند تيتا كانت قاعده وحاطه الفطار قدامها و الشاي
_ صباح الخير يا تيتا
_ صباح النور يا روان يلا اقعدي افطري
_ لا يا تيتا انا لازم امشي حالا
_ افطري يا روان قبل ما تمشي
_ يا تيتا ا
_ من غير كلمه افطري يلا بدل ما تقعي من طولك ده انتي طول اليوم بتشتغلي يلا كلي
” استسلمت لها وبعدها قعدت وسألتها
_ هي خالتو مشيت امبارح ولا ايه
_ اه قعدوا شوية وبعدها مشيوا
” هزيت راسي وكملت اكل وبعدها بوست راسها وخدت الورق ونزلت بسرعه ركبت أتوبيس وخد وقت طويل ييي يعني كان ناقص عطله ،بعد وقت وصلت المكتب ودخلت كان قاعد قدامي بجمود
_ صباح الخير يا مستر نادر
_ صباح النور
_ اتفضل الورق اهو خلصتوا امبارح
_ شاطره يا روان
اتكلمت بعفويه _ شاطره !هو انت بتكلم بنت اختك
ضحك بصوت عالي_ هو اللي بيكلم بنت أخته بيقولها شاطره يا روان
” بصتله ببلاهه هو ازاي ضحكته حلوه اوي كده ،اختفت ابتسامته وبعدها بصلي بجمود
_ هاتي الورق و روحي مكتبك
” بصتله بدهشه وبعدها هزيت راسي وطلعت مجنون ده ولا ايه هو بيتحول
” طلعت برا وانا ببرطم نفسي في مره من وقت ما اشتغلت وانا أفهمه لكن بفشل عمره ما فهمته مره واحده بس
_روان بتكلمي نفسك ولا ايه
رفعت راسي بسرعه _ خالد ايه جابك هنا
ابتسم وقعد قدامي _ مقعدتش معاكي امبارح قولت اجي اقعد معاكي
بصتله وضحكت _ ده مكان شغل يا استاذ خالد
ضحك _ مش مشكله فيها ايه لو اطردتي يعني
بصتله بصدمه وضحكت _ لا ولا حاجه هخنقك بس يا خالد
” ضحك وفجاه لقيت الباب بيتفتح وخرج مستر نادر وهو بيبصلي بحده
_ ايه الصوت ده يا روان
اتكلمت بتوتر وخوف _ معلش يا مستر نادر خالد بس ضحك شوية
بصلي بجمود _ طيب انتي هتسيبي شغلك و تتكلمي مع الاستاذ ولا ايه
” خالد بصلي بشك وبعدها بصله
_ ازيك يا استاذ نادر معلش بقى عشان امبارح كانت روان مشغوله فقولت اجي اشوفها
مستر نادر بصله وكشر_ بس ده مكان شغل مش ضحك ولا زيارات عائليه !
اتكلم خالد بحده_ وحضرتك وقت الزياره العائليه خليتها تعمل شغل
مستر نادر رفع حاجبه_ ده شغل ولا ايه يا روان
اتكلمت بسرعه_ طبعا يا مستر نادر انا معترضتش خلاص يا خالد ابقى اقابلك في البيت النهارده
” خالد هز رأسه بهدوء مريب وخرج ،و مستر نادر بصلي بغضب وقالي
_ تقابليه ازاي يعني
رفعت كتفي بلامبالاه_ ده ابن خالتي عادي أقابله في البيت
اتعصب_ اخر مره الأستاذ ده يجيلك هنا فااهمه يا روان
بصتله بضيق_ انا مش فاهمه حضرتك زعلان ليه ده ابن خالتي
_ وايه يعني ابن خالتك بقى
قربت بهدوء ووقفت قدامه وبصتله بشك _ انا مش فاهمه حضرتك عايز ايه امبارح كنت مصر توصلني وقولت زي بعضه عشان بشتغل معاه وبعد ما نزلت فضلت واقف وانا مش فاهمه برضوا شوفتني طالعه مع خالد مشيت بسرعه بالعربية لدرجة كنت هتعمل حادثه وبليل اول ما عرفت بوجود خالتي و ابنها خالد بدل ما تأجل الشغل اصريت تخليني اعمله ودلوقتي بتزعقلي عشان جه هنا ومعترض وزعلان اوي اني أقابله في بيتنا انا بدأت اشم ريحه مش لطيفه فيه ايه بالظبط يا مستر نادر
” بصلي شوية ووشه عرق واتكلم بتوتر وتلعثم
_ روان ا انا انا
” مكملش كلامه و موبيله رن وبعدها نزل بسرعه وانا مش فاهمه في ايه بالظبط؟
” خلص اليوم و روحت البيت دخلت الشقه لقيت خالد قابلني وهو مبتسم
_ ايه اللي اخرك كل ده يا روان
_ تأخير ايه يا بني ده انا جيت النهارده بدري
_ يا روان سيبك من الشغل ده يعني في الاخر هتاخدي منه ايه
_ يا خالد ده كيان ليا بعد اذنك هغير هدومي وهطلعلك
” دخلت بدلت هدومي وبعدها طلعت لقيت خالد قاعد لوحده
_ امال فين تيتا
_ قالت هترتاح شوية
هزيت راسي_ اها
” سكت شويه وبعدها اتكلم _ روان انتي ايه رايك فيا
ضحكت _ راي فيك ازاي يعني
_ يا روان مش وقت ضحك ايه رايك فيا ك شخص
_ مالك يا ابني النهارده مش فاهمه
اتكلم بسرعه _ روان انا عايز اتجوزك
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية عشقي الأبدي)
