رواية عشقني في ماضيه الفصل الخامس 5 بقلم ميفو السلطان

رواية عشقني في ماضيه الجزء الخامس

رواية عشقني في ماضيه البارت الخامس

رواية عشقني في ماضيه الحلقة الخامسة

كانت داليدا حالمه تتذكر ايهم وتظل مبتسمه وتهمس اه حلو اوي اوي.. وتبتسم بحالميه.
لتقوم دنيا وتلف حولها.. تيرارارا تيرارارا. لما شفتك قلبي دق تلات دقات.. اصلي انا حبييييييت……
لتفيق داليدا وتقوم تجري ورائها ودنيا تضحك وتغني وتكمل الاغنيه لتهجم عليها لتقول.. خلاص خلاص والله خلاص..
لتصرخ داليدا بطلي بقله ادبك هو انا خفيفه زيك..
لتنظر اليها دنيا.. وتغمز لها ماهو النصيبه انك مش خفيفه يبقي الواد جامد.. عموما هو هيجي حقه يادي الهنا اما اروح بقه اشوف هلبس ايه..🌿 استغفروااااا 🌿
لتقطب داليدا حاجبيها.. ماتحترمي نفسك بقه هو ايه ده بطلي بقله ادبك دي هيقول عليكي ايه دا واحد غريب وعيب علي فكره.
لتنظر دنيا بخبث. طيب طيب بالراحه.. هسيبهولك. قصدي هسيبه ماتخافيش لن امارس عليه نعومتي وهيامي.. بس الله في سماه لو طلع بتاع اللوحه لاخده من نن عينك وتروحي تجبيلك واحد غيره…🌛 ميفو ميفو 🌛
لتنظر اليها داليدا بغضب. انت يا بت مجنونه تاخدي مين هو انت تعرفيه ربنا يشفيكي.
لتهتف.. حتي لو ماعرفوش ولقيته هوه ماهعتقوش وربنا.. واهو نعرفه عادي ويعرفني ويدخل اللوحه بقه يا خرابي وحشني موت اعمل ايه هموت وارشق في حضنه
لتنظر اليها داليدا مذهوله.. يا خيبتي في اختي ربنا يشفيكي ياختي. اما اروح بدل ما انجلط.. بس بحذرك الواد لما يجي تحترمي نفسك والله ماهسكتلك.
لتبتسم دنيا.. يا بت لو عينك عليه خلاص هسيبهولك ما تقلقيش واستني انا بقه واصبر بس خليكي فاكره الجمايل🌿 استغفروااااا 🌿
لتهز داليدا راسها.. اما اروح اتخمد اصلك ماهتجيبهاش لبر انا عارفه.. وتتركها لتلتفت دنيا للوحه وتنظر اليها.. تصدق ما كنتش اعرف يا واد انك صعيدي.. اه حبيبي صعيدي وقلبي حاسس. واقف عالنيل وقمر كده مش قمر والنبي.. انت فين يا قمري..
كان ادهم يقف بقرب القصر علي النيل يشاهد المراكب ويجلس يفكر بحالهم الذي تغير والهم الذي تلبس العائله ليحس بحنين الي اخيه فهو كان سنده وكان يحس انه المسئول فكان ينام قرير العين ليفقده ليفقد الراحه والهناء ويفقد معه نفسه الحنونه ليجلس علي احد المقاعد ويشرد في المنظر الرائع ليريح قلبه المتعب.. انكتب عليك الهم يا ادهم طحن في طحن لا جريب ولا حبيب وخلاص دنيتك اسودت حتي العيل اللي نفسك فيه زهدته الصدر الحنين زهدته ماعتش بتدور علي حاجه عايش جحود يوجع انت عايش دنيا مش دنيتك بس مالكش الا انك تعيشها.. يا رب جلبي موجوع وحاسس بنفسي طابج عليا هكمل اكده كيف ليقترب منه فايز ويربت عليه كتفه.. ويقول.. عارف انك شايل كتير يا اخوي بس اني جارك وهفضل طول عمري جارك يا اخوي وجريب هوصل لولد الَمحروج ده ولا هعملش حاجه واصل الا اكده..🌿 سبحان الله وبحمده 🌿
ليصدح صوت مليحه.. واني مستنيه يا فايز يا ولدي جيبتك للواغش الي خد جلب ولدي حتي لو عميت بكي حتي لو راح عمري هستني واملي ان ولدي يعاود.. ايهم روحي واني حاسه ان روحي هتعاود ليا يا ولدي..
ليهتف فايز.. دا ندر عليا يا اماي اني اجيب حج اخوي.. ايهم اخوي ابن امي وابوي حتي لو اني مش هواري مأصل.
لتقطب مليحه وتتذكر كلمه ايهم فايز هواري جول لابوك فايز مكاني.. لتبتسم وتفهم مجصد ولدها لتهتف. اني عارفه انت مين يا ولدي وعارفه انك ولدي وعشان اكده هطلب منك طلب عشان تجعد اهنه كيف ايهم وادهم اني عارفه انها هتبقي حاجه غريبه انك تسمعها بس ايهم ولدي كلمته اني واعيالها وخابره هو عايز ايه.. اسمع يا ولدي انت صوح مش هواري مأصل بس الله عالم انت عندينا ايه وانت كيف ولدي واكتر. ودلوك انت ولدي التالت ما ولدي الاول موجود وهيعاود وبجولكو انه هيعاود.. انا رايده انك تتجوز بتي فريده.. لينصعق فايز من طلبها وينظر اليها ادهم مبتسما.. لتقول.. وهكون ليا الشرف ان بتي تتجوز راجل زيك..عشان تخش الدار وتمسك حالنا مع ادهم ادهم ما يجفش لحاله.. انت هتجف وهنسيبلك حالنا يا ولدي انت بقبيت مكان الغالي..🌛 ميفو ميفو 🌛
كان فايز فعلا يحب فريده ويعشقها ولكنه ندر ندرا ان حق ايهم لن يفعل في دنياه شئ الا ويحضره اولا.. ليغمض عينيه ويتنهد ويقول.. طلبك غالي يا اماي.. بس معلهش اعفيني اني ما رايدش جواز دلولك علي راسي بس مابفكرش في الجواز خالص .فريده يتمناها احسن راجل بس اني.. .(يا وقعتك الطين 😂😂) .
لتقاطعه فريده وكانت قد علمت انهم يجلسون لتصنع الشاي وتذهب مسرعه لتسمع امها تطلب منه ان يتزوجها ليهوي قلبها وخاصه عندما سمعت رده فلم تدعه يكمل لتهتف بقوه….ما تتحججش يا واد عمي انت مش رايد جول انك مش رايد جولها لامي في وشها عادي جايز تخجل وماتعرضش بتها علي راجل مش عايزها.. لتقترب من امها.. ليه اكده يا اماي بترخصي بتك وتعرضيها عليه وهو مش رايد.. هو اني ما لاجياش راجل ياخدني فبتعرضيني عليه علشان يرضي ويمشيلكو حالكو وايه يا اماي هتدفعيله تمن جوازتي وعشان يوافج ويشيل شيلتنا مع ادهم بس هو جلهالك اهه مش عايز.. ليه اكده حرام عليكي تمرطي نفسي اكده.. وانت يا ولد الناس ما تحطش في دماغك حاجه واصل فريده بتجولك ماتجلجش اني ماهبجاش ليك ولا هجف في طريجكَ واصل وخليه يشيل عادي يا اماي من غير جواز ولا جبر كانت دموعها تنزل وفايز قلبه سينشق فهيا فهمت خطأ كان يريد ان يندفع اليها ويحتضنها وياخذها بعيدا ليسقيها من عشقه ولكنها لم تعطيه فرصه.. لتستدير وتنصرف باكيه لتحس امها انها اخطات في حق ابنتها فهي لم تتوقع رد فايز لتنظر اليه وتقول.. خلاص يا ولدي انسي اللي جولته خلاص لتستدير.
الا ان فايز لم يستطع ان يتركها ترحل ليقول. انا موافج يا اماي اللي تامري بيه هعمله انا كت موجف حالي عشان تار اخوي بس اللي تجوليه هعمله انا رايد فريده.
لتنظر اليه وتقول.. بعد ايه يا ولدي هعملها ازاي بعد اللي سمعته ده دا زمان جلبها مخلوع.. خلاص يا ولدي الله يرضي عنيك اني غلطت انسي. 🌿صلو على الحبيب 🌿
ليندفع.. لاه ماهنساش.. وماهجدرش يا اماي اني رايدها الله يرضي عنيكي اني عارف انه صعب بس ساعديني اخدها الله يخليكي.. ميفو ميفو
كانت تنظر اليه وتحس انه مصر وانه يريد ابنتها ولكن فريده قد سمعتهم وستفتعل مشكله لتقول.. طب يا ولدي هملني شويه اشوف هعمل معاها ايه بس زمانتها هتسخمط الدنيا فريده طيبه بس اللي سمعته هيوجعها يا ولدي اني بعرضها عليك وانت رافض.
ليقول مسرعا.. اني ما رفضتهاش ينجطع لساني.. اني كت رافض الدنيا بحالها الا اجيب حج اخوي بس ماتحملتش اشوفها موجوعه اكده .. بالله عليكي حليها يا حاجه واني هتصرف في جربها ليا فريده طيبه وزينه البنات واني جادر اني اطيب خاطرها
لتتنهد وتقول… الله المستعان يا ولدي مش هوعدك بحاجه اما اشوف بتي الاول.. لتتركهم وتنصرف..🌿 استغفروااااا 🌿
ليستدير ليجد ادهم ينظر اليه بخبث(والنبي عسليه) .. ليقطب جبينه ويقول مالك بتبصلي اكده..
ليضحَك ادهم.. لاه مفيش بس ماكنتش اعرف ان فايز اللي بيتهزله رجاله بشنبات واجع اكده.
ليقطب فايز جبينه.. واجع ايه انت اتهبلت اياك عيب اكده(يا واد يا مفضوح 😁😁).
ليضحَك ادهم.. اكن عيب اكده.. امال ماجادرش تشوفها موجوعه اكده ليه يا اخوي هاه.. بطل بطل دانت الحب هينط من عينك وجهرتك كانت في عينك لما البت كانت واجفه.
لينظر اليه فايز بغضب.. حب ايه اتجنيت اياك.. بطل حديتك الماسخ ده.. هبص لبتكو عيب اكده اني ماهبصش لحريم الدار.
ليقترب ادهم بحب ويقول.. هو انا جولت انك هتبص لحريمنا اني جولت اكده بس الحب يا اخوي مالوش كبير وانت بتعشج اختي وشفتها في عنيك اني مش ايهم اني بحس بالحب لو بعيد عنه بالمشوار. واجدره واجدر المشاعر اللي ربنا ماخلجهاش ليا.. انا بحس زين باللي جدامي وبفرح جوي كانه ليا… الحب جضا من ربنا بينزل علي عبده من غير استئذان كيف الموت.. ماتخجلش انك بتحب يا ريتني كت مطرحك وبجولها وبتمناها بس ربنا ما رايدش حياتي تبان فيها الحنيه ويفضل جلبي ناشف ومشجج كيف التربه البور.. اوعك تستخف بحبك اجفش فيه وعافر عشانه. اسمع مني اني اكتر واحد حاسس بجهر من جله الحب ده وخابر عيشته وهمه اني ميت يا ولد ابوي وحاولت الف مره بس اجول ايه الله يسامحها مرتي ماهتكلمش اهه ولا هنطج بس بجولك ماتمناش حد يعيش عيشتي فريده طيبه بس اتوجعت من حديتكو واني هكلمها بس انت ماتبجاش كيف ايهم طور(ااااسكت مش ربنا عفاااه😂😂) تنطح في البت انت غفلجتها يبقي تلمها وتجيب اختي محبه وحنيه فريده ماهتجيش الا اكده ان كانت هتاجي من اساسه بعد اللي سمعته ورطت رطها وغفلجتها وعاودت.. اما اجوم اشوفها زمانها بتنطح امي هتطلع طبع هواره عليها اني خابر وتركه وهو يقف مهموما..
كانت فريده قد قدمت اليه علي طبق من دهب ولكنه رماه جانبا ليقف حانقا.. انت طور بهيمه الحاجه جابتلك البت اللي هتموت عليها لحدك تجوم تجول مش رايد يا بهيم.. ماتاخدها َتبقي تتهبب تكمل تدوير علي ولد المحروج مالك الشرف جتلك اكده ومش رايد ومش متهبب علي دَماغك.. وخلاص بجالنا ساعه واجفين حبكت يا فريده تاجي عالكلمتين العفشين اللي جولتهم.. اني مجبور ازاي بس داني هموت علي طرف رجلك يا بت الناس. يا مري.. فجر من يومك والتاني جفشك وواعي انك بتحبها وانت طور مش واعي لحالك.. حبيبي يا ايهم كنت روحي اتنين تيران مابنحسش(ااااسكت بيطلع نحانيح هناك 😂😂) انما الواد ده ليه في النحنحه رغم ان مرته بومه بس ليه فيها وبالجوي واهه جفشك وبيجولك اوعي لحالك وهات فريده بالحنيه.. طب ايه دلوك البت زعلت وهتجفش وهتخربط الجوازه َماهتعوزش.. وايهم جال ماحدش يجبرها يبقي هيسيبوها ما هيغصبوهاش.. اني ناجص جهر طب اعمل ايه دلوك.. ليتنهد ويخرج منديلها من جلبابه ويضعه علي فمه ويقبله.. اني رايدك يا بت الناس وبعشجك الله في سماه بعشجك بس طور. بهيمه بتنطح حد يجول اكده يا ناس.. فريده تجيلي لحدي وارفضها اكده انت تستاهل حش وسطك الف مره.. طب ايه اجولهم رايد اكلمها.. بس ما توافجش اني خابر طب هصلح الطين اللي عملته ازاي اطولها ازاي دلوك واخدها احب فيها لما اموتها بين يدي.. يا رب ايه اللي عملته في حالي ده.. هم يلا وغور منك لله عيل طور ومشي وهو يشتم نفسه لما فعله وهو يحس بوجع علي وجع حبيبه. ميفو ميفو
في داخل القصر نجد فريده تبكي وتنتحب.. ليه اكده للدرجادي اني رخيصه وماريدنيش حتي بعد ما جالت هنديك حالنا ومالنا ما رايدش. اني ماتخدش حتي بالفلوس يا فايز يا جهرتي يانا حبيت وعشجت وطلع هم وحزن عليا.. حبيت وعشجت واحد مش رايد وبيبعد بالمشوار.. يا جلبي اللي هيوجف.. الدرجادي اني ماسواش.. ليه يا اماي اكده.. لتدخل عليها مليحه لتقترب منها وتقول ايه يا بتي العياط ده.
لتصرخ فريده.. ومش عايزاني اعيط.. لا دا حجي الطم علي جهرتي ومرطه نفسي ليه اكده يا اماي عملتلك ايه تعرضيني عليه بالفلوس.. ياخد مالنا وحالنا وفوجه فريده عشان تربطيه مكان ايهم.. خايفه عالبيت والفلوس والاراضي. ما همكيش بتك.
لتنظر اليها مليحه باسي.. اسمعي طيب ماتبجيش تهجمي اكده انا واعيه لمشاعرك ناحيته يا بتي جولت خلاص اخطب لبتك.
لتصرخ… حد كان جالك اني واجعه فيه حد كان اشتكالك يا اماي حرام عليكي ليه اكده ليه توجعيني اكده عملتلك ايه جلبي بينحرج حرام عليكي..
لتقترب منها امها وتحتضنها طب خلاص حجك عليا اني محجوجالك.
لتبتعد فريده وتصرخ… ومنظري جدامه وعرضي عليه اعمل فيه ايه تفضحيني ليه وجدام اخوي ليه اكده هو اني واجعه مالجينش ليا راجل تعرضيني عليه بفلوس ليه ليه وتنهار منتحبه
لتقترب امها وتاخذها في احضانها لتفكر قليلا لتاتي في بالها فكره تهدئها فهيا تعلم ان فريده تحب فايز لتقول.. انت بتحبيه يا بتي بتعندي ليه طيب وهو خلاص وافج والله وافج وجال رايدك ورايد خلاص يتجوزك بعد ما زعلتي اكده هو زعل وجال رايد الجوازه.
لتنفعل فريده. لا والله كتر خيره.. ايه حن عليا ليه تكونيش جولتيله حاجه واتحايلتي عليه وبوستي يده ماهو عادي اللي تعرض بتها عادي.
لتتنهد مليحه وتهتف.. اسمعي عشان تهدي اكده.. هو عايز الجوازه واني عوزاها وايهَم وصيته ان فايز يتجوزك جالها لاخوكي وهو بيصرخ وروحه بتطلع فايز هواره َمكاني وياخد فريده اختي..
لتبهت فريده.. اخوي جال اكده ميته اخوي ادهَم جال اكده..
لتهتف مليحه كانت تريد ان تجعلها توافق.. ايوه اخوكي جال اكده بس ادهم ماجالش الكماله بتاعه حديته كان خجلان يجول عشان فايز بس اني ما خجلتش اني هنفذ وصيه ولدي ولو علي رجبتي ورجبتك
لتبهت فريده ويدق قلبها.. هتجوزيني له يا اماي غصب.. واحد مش رايد هتغصبوه عليا.
لتهتف مليحه.. لاه مش غصب فايز جال عايزك وانت بتحبيه يبقي مفيش غصبانيه.
لتصرخ فريده.. انت بتعملي اكده ليه هو مين اللي عايز حرام اكده يا اماي بطلي عاد الجسوه دي جلبي موجوع بكفايه هو جال عشانك ليه تعملي اكده ماتهمليه ياخد اللي رايدها بتربطيه ليه بحد مش رايده حرام اكده مش كفايه ادهم اخوي عايش مرار عشان غصبتوه علي فاتن ترضهالي اكده يا اماي كانت تبكي بحرقه..
لتهتف مليحه بقوه.. دي وصيه اخوكي عايزه تحرجيه في نومته انت حره هو جال ما تغصبكيش اختاري بس اني ما هرضاش عنك ووانت بتحرجي جته ولدي وفايز منيح وطيب وهيحبك لما تتجوزو الراجل بيحب مرته لما يلاجيها بتحبه وتحن عليه وانت بتحبيه يبقي خلاص.
لتنظر اليها فريده.. اه يبقي خلاص اتذلل ليه واقعد احب واتحايل جايز يحبني وهو جالها مش رايد الله يسامحك يا اماي اعملي اللي تشوفيه ماهنطجش اخوي كلمته فوج رجبتي اخوي كلمته ماهتنزلش مش فريده اللي تحرج جتته اخوها يا اماي.. لتتنهد مليحه وتقترب منها وتقبلها وتهتف بكره تعرفي اني عندي حج يا بتي بكره تنسعدي وتركتها ومشت لتنزل دموعها. انسعد انسعد كيف ولا هشوف سعد واصل.. دانتو عالم جبابره واحد بيجولك مش رايد تجومي تجبريه عافيه هيا اياك.. بس لاه مش فريده اللي تتجبر علي حد.. جواز ما جوازش ماتحملش همي يا فايز ما هتلاجنيش في سكتك واصل.. مش اني اللي الجح نفسي علي واحد مش رايدني حتي لو بعشجك يابن الناس خلاص عليا اكده هكتم همي وحسرتي ولا ايوم اخش دنيتك ولا اجف جصاد عينك.. روح بعد وماتنجهرش يابن الناس فريده خلاص ماتت ساعه ما وعت وسمعت انك مش رايدها.. كملي عيشتك بقه كاتمه وساكته بدل ما تتذلي اكتر من اكده وانفجرت بالبكاء من وجعها علي ضياع حبها..
ذهبت داليدا الي ايهم لتجده مغمض العينين نائم لتبتسم وتظل تنظر اليه تراقبه وتراقب تقاسيم وجهه فقد كان وسيما َطابع الحسن يعطيه هيبه َوقار لتقترب وتجلس بجواره وتظل سارحه فيه ليفتح عينه فجاه ليرجف قلبه من نظراتها الهائمه في ملامحه ليبتسم لترتبك بشده ليهتف جيتي ميته ينفع اكده تاجي ولا اوعاش ليكي عاد.
لتهتف.كنت سيباك براحتك.
ليلهبها بنظراته التي لم يقوي ان يكتمها لترتبك ليقول.. لاه اني راحتي بشوفتك اكده ان شالله اجعد ساكت وخلاص.
لتهتف مرتبكه.. طب بص بقه يا سيدي… انت هتطلع من هنا علينا انا عايشه مع بابا واختي في مزرعه علي طرف البلد هتقعد لحد ما ربنا يقومك بالسلامه وهتشتغل وتقعد جنبنا ايه رايك.
ليبتسم بحالميه.. اجعد جمبك.. اجصد يعني هجعد جاركو. وما هتهمليني صوح.
لتبتسم له مشاكسه.. لاه ما ههملكش واصل واصل ولو بطلوع روحك عاد.
ليغمض عينيه وجملتها تتردد في اذنه.. ماهتهملنيش واصل.. حجه لو ده حوصل.. ليرجف قلبه عندما وضعت يدها علي يده بلهفه وهتفت.. انت مالك مغمض ليه تعبان فيك حاجه. ليظل صامتا يتمتع بلمستها له لتحرك يدها وتمسك يده.. فيك ايه انت ساكت ليه..
ليغمض عينيه بشده يعني اضلي مغمض احس بيدها واخده جلبي اكده. ليفتح عينه اخيرا ونظراته تشع مشاعر.. فيا كتير جوي ماخابرش مالي انجنيت باين.
لتمسد علي يده وتضع يدها علي راسه.. طب حاسس بايه قول..
ليتنهد.. طب اجولها ايه عاد حاسس اني هنهبل عليها وجلبي بيدج كيف الطبل ونفسي اجوم اجفش فيها واخبيها جواتي اعمل ايه دلوك.. دا ايه الغلب ده. اعجل يا هباب انت البت هتجول عليك اتجنيت.
لتجلس بجواره وتهتف هتفضل ساكت كده كتير ومغمض ماتوجعليش قلبي.
ليفتح عينه بسرعه ويهتف.. ماعاش اللي يوجعلك جلبك يا ست البنات..
لتهتف ماتقلقش في يوم هتفتكر وترجع لعيلتك وكل حاجه هتبقي كويسه. وجايز كمان هيعرفو مكانك واكيد باباك ومامتك بيدورو وكمان لو ليك ست هتدور عليك بالمشوار.
ليهتف مندفعا.. لاه اني مش متجوز..
لتقطب جبينها لتهتف متلهفه ايه انت فاكر حاجه.
ليهتف لاه بس حاسس اني لوحدي زين اكده وماليش ست اني حاسس اكده.ويعني مرتي هتدور عليا بالجوي اكده
لتضحك.. حاسس…. اقول ايه فيك هيا بالاحساس.
ليهتف.. ايوه بالاحساس.. داني حاسس بحاجات مودياني في حته تانيه.
لتهتف ضاحكه.. انت لسعت باين.. دانا لو مراتك كنت دورت عليك بالمشوار وقلبت الدنيا.
ليبتسم ويصمت في نفسه… . دا يوم المني تدوري عليا…
لتبتسم له وتهتف.. طب هشوف جرحك بقه ونطمن عليه.. لتقترب منه وتمسك دراعه السليم وتقول شد نفسك معايا كده ليغمض عينه من قربها ويشتم عطرها لتتصاعد ضربات قلبه ليهتف.. لاه لاه ماتتعبيش حالك خلي حد ياجي يشوفني.
لتضحك.. لا ماتخافش اختك ليها في التمريض كويس دي شغلتي يا ابني.. واقتربت منه وبدات تغير عالجرح وهو مشتعل من قربها وهيا تحاوط راسه بيديها وشعرها يلمس وجهه وهو قابض علي يده ليغمض عينه وملمس شعرها علي وجهه اصابه بالخبل ليتجلد لتنتهي اخيرا لتبتعد لتجد وجهه مشدود لتمسك يده.. ايه َوجعتك..
ليتنهد.. وينظر اليها بغلب.. دانت هبلتيني يا ربي ايه ده اني انهبلت الخبط خلتني راجل اهبل مالي واجع اكده واحده متعرفهاش هموت عليها ليه اكده.. اهدي يا زفت دانت هتشوف ايام جاز.. ليهتف.. لاه توجعيني ايه دانت يدك بلسم.
لتهتف طب كويس انا همشي بقه اروح مشوار وارجعلك تاني مش هتاخر ليبتسم لها لتهتف مش عايز حاجه
ليهتف بحب.. عايزك فرحانه.. لتبتسم له وتتركه ليجلس وحيدا يفكر بحاله.. هو فيه اكده.. حد بيتعلج بحد اكده اني مخبول.. مالي خفيف اكده.. دا الصعايده واعرين.. اني مالي مش علي بعضي.. طب هروح معاها كيف دانا جلبي انهري من جربها.. اعجل يا بتاع انت واهدي هتخوفها منك يجولو عليك راجل سو. ليظل يفكر فيها ويمر الوقت لتتاخر داليدا ليشعر هو بالقلق ليمر الوقت ليصاب بالزعر.. ايه هيا هتهملني طب ماخابرش اسمها ولا ليها موطرح جلبي هيوجف بعدت ليه عملت ايه.. هيا جالت ماهتهملنيش.. يا غلبي ياني.. ليظل ياكل روحه حتي..🌛❤️