رواية عشقت عذابي الفصل الرابع عشر 14 بقلم زهرة الربيع

رواية عشقت عذابي الجزء الرابع عشر

رواية عشقت عذابي البارت الرابع عشر

رواية عشقت عذابي الحلقة الرابعة عشر

نادر قرب منها واول ما بعد شعرها وقع على الارض من شده الصدمه وقال بزعر..تو..تقى
خالد قرب منو لما لقاه بالحاله دي وقال فيه ايه مين دي بس اتصدم بشده وقال مش..مش دي تقى
نادر وقف بالعافيه وشالها من على الارض ودخل بيها تحت استغراب الجميع
الكل لما شافوها كانو في حالة زهول شديد مش مصدقين ابدا سالم قال ..ازاي ..ازاي يعني احنا دفناها بادينا امال الي ادفنت كانت مين
نادر قعد وقال لازم نستني لحد ماوتفوق محدش هيعرف يجاوبنا غيرها
علا نزلت دموعها وقعدت جمبها وقالت..ياقلبي انتي شوف وشها بقى ازاي زي ما تكون لها زمان مأكلت ولا نامت.. احنا لازم نجيب لها دكتور
خالد حط ايده على كتفها وقال …كلمنا الدكتور وهو في الطريق انتو اهدو علشان نفهم
بعد شويه وصل الدكتور واستقبلتو نهى وقالت بصوت عالي ..اتفضل يا دكتور عدي
نادر بص عليه بحده وفضل يبصلو من فوق لتحت بغضب وقال لخالد بصوت واطي..انت تعرف الدكتور ده منين
خالد قال ..عادي معرفوش لسه هجيب الاجنده اطلب دكتور وفيق نهى قالتلي انها تعرف دكتور كويس وادتني رقمو
نادر بص عليه بغضب وقال..وانت اي حد تكلمو وخلاص
خالد استغرب عصبيتو وقال..فيه ايه يا نادر ايه لزمة العصبيه دي مهو دكتور والسلام مالو يعني
نادر مردش عليه لما شاف عدي بيبص لفتون وبيبتسم لها قرب منو وقال…اتفضل يا دكتور المريضه جوه واخدو عند تقى
عدي قال..واحده تتفضل معايا جوه والباقي خليكم هنا
فتون كانت هتروح لس نادر مسكها من ايدها بقوه وقال ادخلي انتي مع الدكتور يا علا
وفعلا دخلو والكل كان مستني بره الاوضه بتوتر واستغراب من الموقف مش مصدقين ان الي جوه دي تقى
بعد شويه خرج عدي وقال.. واضح ان بقالها كتير مأكلتش وده اثر على ضغطها وعلى نبض الجنين لازم الشهور دي تاخد بالها من اكلها
بقلمي زهرة الربيع
الكل كانو في حالة زهول وسالم قال بتهته..ج…جنين..جنين ايه ..هيه
عدي بصلو باستغراب وقال…انت ازاي متعرفش دي في الشهر الرابع
سالم قال ..انا مش فاهم حاجه ابدا
نادر قال … طب هيه هتفوق امتى
عدي قال ..شويه كمان وهتفوق هيه بس مرهقه وكمان..احم ..هيه…
سالم قال..فيه ايه يا دكتور مالها يعني
عدي قال بحرج..هيه تقربلكم ايه بالظبط
نادر قال باندفاع .وانت مالك مش تقول مالها وتخلصنا
عدي قال بعصبيه .فيه ايه يا استاذ اتكلم كويس
نادر لسه هيرد سالم قال..اهدي يا نادر خلينا نفهم احنا اسفين اتفضل كمل كلامك يا دكتور لو سمحت
عدي قال ..هيه بصراحه جسمها فيه اثار اعتداء واضح يعني تقريبا كده اعتداء جسدي
سالم برق بصدمه ونادر وخالد فضلو يبصو لبعض باستغراب وفتون حطت ايدها على بقها ودموعها نزلت هيه وعلا
سالم قال..شكرا يا دكتور وصل الدكتور يا نادر
نادر وصل عدي للباب وعدي قال..احم ..هو انا ممكن اعرف هيه الانسه فتون بتعمل ايه هنا اصلها اخت صاحبي
نادر ابتسم باستفزاز وهو هيموت من الغضب وقال..الانسه فتون تبقى مراتي فيه اسأله تانيه
عدي اتصدم بشده وبصلها وهو مش قادر يتكلم قال..م..مراتك..امتى قصدي..الف مبروك ومشي بسرعه
نادر بص لفتون وهمسلها باستفزاز وقال…يا حرام قلبو انكسر مكنتش اعرف انك بتحبي ومقضياها وكمل بغضب وقال…حسابك معايا بعدين نشوف تقى الاول
فتون خافت من نظراتو وبلعت ريقها بتوتر وفضلت ساكته
سالم نادى لنادروقال..انت فاهم حاجه انا هتجنن تقى ازاي عايشه وازاي حامل ومين الي عمل فيها كل ده انا مش قادر افهم حاجه
نادر حط ايده على كتفو وقال..اهدي يا بابا شويه وتفوق ونفهم كل حاجه
الوقت ده عدى عليهم كأنو سنه لحد ما طلعت علا وقالت بلهفه… فاقت يا بابا فاقت
دخلو عندها وكانت تقى ماسكه دماغها ومصدعه جدا وتعبانه بصت حواليها بتعب وابتسمت بفرحه وهيه مش مصدقه نفسها قالت..انا. انا هربت ..انا معاكم دلوقتي صح…الحمد لله ..الحمد لله يا رب وبقت دموعها تنزل بفرحه شديده
علا حضنتها وقالت بدموع..ايوه يا حببتي انتي معانا متقلقيش
سالم قال بدموع…انتي كنتي فين يا بنتي وازاي.. ازاي انتي لسه عايشه انا مش فاهم حاجه وكنتي فين الوقت ده كلو
تقى قالت بدموع..كنت مخطوفه ..وحاولت كتير اهرب و فشلت بس الحمد لله المرادي قدرت اهرب
نادر قال ..مخطوفه..مين الي خطفك
تقى قالت بتوتر..س..سراج..سراج كان خاطفني ومخبيني وكل ما احاول اهرب يلاقيني لحد امبارح جاني وهو تعبان ومتعور وبات عندي وفي الصبح ضربتو على دماغو وهربت خوفت اروح عند اهلي الاقيه مستنيني هناك فجيت هنا
نادر اتحولت ملامحو لغضب مهلك وقال…سراج..سراج الي خطفك يعني..يعني هو الي وصلك للحاله دي مش كده
تقى بقت تبكي وتقول..ايوه انا كنت بموت ومش عارفه اهرب ومش قادره اخلص نفسي كنت هتجنن
علا حضنتها وقالت اهدي اهدي يا حببتي انتي معانا دلوقتي متخافيش
سالم كان مصدوم بشده ونزلت دمعه من عيونه وقال بالعافيه..هو..هو ابو الي في بطنك مش كده
تقى بقت تبكي وقالت..حامل..انا حامل…كنت متأكده ..كنت متأكده …وبقت تضرب خدودها وتقول..يا مصبتي يا مصبتي السوده
فتون كانت بتسمع الكلام ده مصدومه ومش قادره تتكلم حست الدنيا بتلف بيها وداخت جدا خالد جري عليها بس نادر كان اسرع وشدها عليه وضمها ليه جامد وقال..فتون..فتون مالك ..
فتون كانت بتبصلو بدموع وقالت وهيه بتبعد عنو براحه انا كويسه ..قعدني لو سمحت
خالد قرب لها الكرسي ونادر قعدها عليه وكان باين على ملامحو القلق عليها
تقى كانت بتبكي جامد وبتقول هنزله انا لازم انزله مش عيزاه مش عايزه حاجه تفكرني بيه
سالم قال بدموع…اهدي يا بنتي انتي في الشهر الرابع مينفعش تنزليه ابدا اهدي علشان نعرف نفكر
تقى قالت بهستريا… نفكر في ايه لو عرف ..لوعرف اني حامل مش هيسيبني مش هيسبنيي في حالي ابدا
نادر قال بغضب وزعيق…ميقدرش يقربلك انتي بقيتي في حمايتي خلاص
تقى قالت ببكا ..ايوه بس انا..انا مراتو
سالم غمض عينه بالم ومتفاجأش ابدا عكس البقيه الي كانو باصين لها بزهول وقالو مراتو …مراتو ازاي
تقي قالت وسط دموعها …يوم الحادثه طارق الله يرحمو زقني قبل العربيه ماتنفجر و…و وقعت على صخره ومكنتش قادره اتحرك ولا اساعدو ودخت جدا ومبقتش شايفه قدامي بس فجأه جيه سراج وانقذني كل الي فكراه ملامحو وبعدها غبت عن الوعي لما فوقت لقيت نفسي في مكان غريب وكان..كان مسلسلني بسلسله حديد وجيه وقلي ان اانتس دلوقتي فكراني ميته وانو حط واحد محروقه بدالي…وانو..انو وبقت تبكي جامد بانهيار
علا بقت هيه وفتون يهدوها وكملت بالعافيه وقالت…قلي انو طارق مات قلي قتلتو انا الي بوظت العربيه مكنتش اعرف انك هتركبي فيها كنت قاصد اقتل نادر وابوظ الفرح انا كنت مصدومه ومش عارفه اعمل ايه وبعد ايام جابلي المأذون وقال انو هيتجوزني وان طارق ملمسنيش وكده مليش عده انا رفضت لاني كرهاه وفضلت ارفض بس هددني بأهلي وانا معنديش غيرهم اضطريت اوافق ومن يومها وانا محبوسه عندو ومش عارفه اطلع
لحد امبارح خليت الفجر طلع وضربتو على دماغو واخدت المفاتيح وهربت وجيت على هنا على طول
سالم اتنهد بحزن وقال..بس كلامك ده بيقول ان سراج جوزك وابو ابنك ومينفعش انك
بس قاطعو نادر بغضب وقال… مينفعش ايه ده اتجوزها بالقوه وحتى ابنو ده جابو بالقوه مسمعتش الدكتور قال ايه تقى هتفضل هنا خليني اشوف هيقدر يعمل ايه
في الوقت ده كان سراج قدام بيت تقى بيدور زي المجنون وخايف تكون طلعت لاهلها وعمال يزعق مع رجالتو ويدورو في الاماكن القريبه وقلبو هيتخلع عليها وخايف تكون جرالها حاجه وهو وبيدور تليفونو رن وكانت نهى
سراج رد وقال..عايزه ايه مش فاضيلك السعادي هكلمك بعدين ولسه هيقفل قالت بسخريه…طبعا مش فاضي بتدور على الاميره الضايعه
سراج اتصدم وقال..انتي انتي بتقولي ايه..
نهى قالت.. بقول اني مكنتش اعرف ان الي مسهراك كل ده تطلع تقى في الاخر
سراج اتنهد براحه شديده وابتسم بفرحه ودموعو بتلمع في عنيه وقال..تقى..تقى عندك صح راحت القصر ..هيه كويسه مش كده
نهى قالت بضيق..كويسه يا حبيب هيه..وابنك
سراج اتسعت عنيه بشده وقال بصدمه..ابني..ابن مين هيه ..هيه تقى
نهى قالت بضيق اشد..ايوه حامل..انا عملت الي عليا وقلتلك يلا سلام
سراج قفل معاها وبقى يضحك وهو مش مصدق نفسو ونادى للجارد بتاعو وقال ..اسمع خلاص روحو انتو وابقو فكروني لما ارجع اصرف لكم كلكم مكفئات هايله
وطلع بسرعه وفرحه شديده على قصر النوري
في القصر كانت فتون طلعت راحت الحمام وهيه وراجعه نهى وقفت قدامها وقالت …استني..هو انتي اتجوزتي نادر امتى
فتون قالت بضيق..كويس انك عارفه انو جوزي يعني مكانش فيه داعي للفيلم الي عملتيه قدامو لانك عارفه كويس ان مفيش حاجه بيني وبين دكتور عدي ومتفتكريش اني هعديهالك بالساهل…. ولسه هتمشي
نهى ضحكت وقالت..جوزك مين نادر… نادر يا حببتي متجوزك بيغيظ اخوكي مش اكتر يعني لا حبك ولا هيحبك اصلا مش بيحب غيري
فتون ابتسمت باستفزاز وقالت ..لو كنتي واثقه من الي بتقوليه ده مكنتيش تكلفي نفسك وتقوليهولي وبصت لها بسخريه ومشيت..
نادر كان طالع وقال..فيه حاجه ولا ايه
نهى لسه هتتكلم فتون جريت عليه وقالت..مفيش يا قلبي حسيت ابننا اتحرك
نادر قال بلهفه..ايه ده بجد هو ممكن يتحرك دلوقتي وقرب منها وحط ايده على بطنها
فتون قربت اكتر وقالت حسيت بيه
نادر قال ..لا ابدا مش حاسس بحاجه
فتون باستو من شفايفو برقه وقالت وهيه بتبص في عنيه ..ها ودلوقتي حسيت
بقلمي..زهرة الربيع
نادر كان مصدوم جدا وبرق بزهول وحس باحساس حلو جدا شدها عليه اكتر وقال وهو تايهه في عيونا..اه حسيت..حسيت قوي
فتون ضحكت ضحكه تجنن وبعدت عنو بخفه وبصت لنهى وغمزت لها بتغيظها ومشيت بسرعه
نادر كان واقف مكانو مش مصدق الي بيحصل ومستغرب الي عملتو والاغرب انو عاملها بالطافه دي فضل سرحان شويه ومش مركذ مع نهى الي هتموت من الغيظ
بس فاق من شروده على صوت سراج وهو بيزعق وبيقول تقى..تقى اطلعي.. ..تقى
تقى سمعت صوتو واترعبت ونادر ابتسم بشر وطلع وقال..سراج باشا عندنا ..اامر
سراج قال …عايز مراتي وابني يا نادر مش همشي من غيرهم وووووووو