رواية عشقت عذابي الفصل الثالث 3 بقلم زهرة الربيع

رواية عشقت عذابي الجزء الثالث

رواية عشقت عذابي البارت الثالث

رواية عشقت عذابي الحلقة الثالثة

خالد قال بعصبيه ودموع..ايوه راحت وهتقلهم انها حامل منك ومستحيل يسيبوها عايشه يا رب تكون ارتحت
نادر بص بعيد عنو وقال بجمود مصتنع ميهمنيش اصلا ده الي كنت عايزه يحصل يوم ما يقتلو*ها هنبقى خالصيين
خالد قرب عليه وبصلو باستغراب شديد وقال..يعني ايه هتسبهم يقت*لو مراتك وابنك عادي كده ..انا مش فاهم انت مثلت على فتون الحب معني كده انك فضلت معاها وقت طويل معقوله في الوقت ده محبتهاش معقوله متعلقتش بيها معقوله قلبك جايبك انها تموت عادي
نادر اتوتر جدا وحاول يسيطر على نفسو وقال باستفزاز ..هيه اه صاروخ واي راجل يعشقها بس مش انا ..مش انا الي انسى بسهوله كده انا مش زييك هنسى الي عملوه معانا علشان حب وكلام فارغ… فتون كانت وسيله تخليني أكسر سراج وفؤاد مش أكتر كانت لعبه وكسبت فيها
خالد ابتسم باستهزاء وقال..مع اني مش شايف كده ..بالعكس انا حاسس انك موجوع ….وموجوع اوي كمان ولسه هتتوجع اكتر يا ابن عمي… ومن ناحية انك مش زيي فانت معاك حق احنا فعلا مش زي بعض لاني راجل ومش من الرجوله اني اكسر واحده كل ذمبها انها وثقت فيا…..واتوجه ناحية الباب بسرعه
نادر قال بعصبيه..انت رايح فين دلوقتي
خالد بصلو وقال..رايح الحق فتون اذا كنت انت مش هتنقذها من اديهم انا هعمل كده
نادر قال باستغراب…يعني ايه الكلام ده
خالد قال..يعني هروح اطلبها للجواز ولو مرضيوش هقلهم ان الي في بطنها ابني انا… يا اما يجوزهاني يا اما يقتلوني معاها
بقلمي…زهرة الربيع
نادر قال بغضب….. استني عندك انت اتجننت هتروح لمصيدتهم برجليك وبطولك كده
خالد قال باصرار..ايوه رايح دي حاجه متخصكش
نادر مسكو بقوه قبل ما يخرج وقال …لا دانت هبت منك على الاخر عايز تروح ونخسر واحد تاني من عليتنا تحت ايدهم لسه عايزني ارجع اخد حقك انت كمان
خالد ضحك وبصلو بسخريه وقال..هو ده الي همك يعني انك هتضطر تاخد حقي …لا متتعبش نفسك انا ببرأك من حقي اعتبرني من الحظه دي معرفكش يا ابن عمي
خالد لسه هيطلع سمع صوت من وراه بيقول… استنى يا خالد
خالد بيبص وراه شاف راجل في اواخر الخمسينات على كرسي متحرك …ده سالم النوري والد نادر وعم خالد
خالد قرب منو وباس ايده وقال..اذيك يا عمي
سالم قال …اهلا يا خالد مالك متعصب كده ليه هو انت لسه بتفكر في البنت دي
خالد اتنهد و قال ..سيبك من تفكيري خالص…انت عرفت ابنك عمل ايه يا عمي انت موافق على كده
سالم قال..ايوه عرفت بس مش موافق وانت متزعلش نفسك هو هيروح يجيب مراتو
خالد ابتسم بفرحه وقال..بجد ..بجد يا عمي هتخليه يلحقها
سالم ابتسم وقال..طبعا هيلحقها البنت حامل في بطنها حفيد عيلة النوري
نادر قرب من ابوه وقال باستغراب..انت بتقول ايه يا بابا مش دي خطتنا من الاول مش ده الي كنا عايزينه
سالم قال بغضب..لا دي خطتنا ولا ده الي كنا عايزينه يا بيه انا قولتلك تضحك على البنت من غير جواز وتصورها معاك ونفضحها بالصور هيه واهلها وساعتها اهلها يقت*لوها اويعيشو بفضيحتها لاكن لا نادر باشا مبيسمعش لحد روحت كتبت عليها ورفضت انك تصورها كمان لا والادهى ان البنت حامل
نادر اتنهد وقال… يا بابا انا كنت هعمل الي انت عايزه بس رفضت تخليني اققرب لها من غير جواز حاولت بكل الطرق مرضيتش هعمل ايه يعني هغصبها انا اه كتبت عليها بس مفيش حاجه تسبت عقد الجواز معايا وبعدين مقدرتش اصورها وهيه على ذمتي مهما كان كرامتي مجابتنيش والحمل مش ذمبي هيه كانت واثقه فيا معملتش حسابها غلطت في ايه انا اديني سلمتهالهم وده الي عرفت اعملو
خالد كان بيبصلهم بصدمه وزهول مش مصدق المؤامره دي مش مصدق كل الي بيتقال
سالم قال..المهم… الي حصل حصل بس مش هينفع تسبهم يأذ*وها الي في بطنها ابنك يعني هما مبيقتلوش بنتهم هما بيقت*لو مراتك وابنك يعني ضربه جديده لينا .. روح جبها وخليها هنا لحد ما تولد ناخد ابننا ونرميهالهم وهما حرين فيها
نادر اتنهد وقال…انا مش عارف اذا كان مواجهتهم دلوقتي صح انا قولتلك من الاول خلينا نق*تل سراج ونحرق قلب فؤاد على ابنو مسمعتش كلامي مصمم على فتون
سالم قال بغضب..ميت مره قلتلك سراج مش هيحرك شعره في راس فؤاد والي هتموتو بحسرتو فتون
خالد قال باستغراب… ليه يعني سراج ابنو يعني اكتر حد هيوجعو
سالم قال..سراج ابنو من مراتو الاولانيه ليها قصه طويله معاه ولا كان بيطيقها ولا بيطيقو مش شايفين فرق المعامله ما بينو وبين فتون انا قلتلك لو عايز تحسرو تدمر فتون وده اخر كلام روح جبها دلوقتي وبعدين نكمل وطبعا مش هوصيك عشتها هنا مش هتكون اسهل من الموت
نادر قال وهو بيمشي..فاهم من غير ما تقول اوعدك مش هتشوف يوم واحد حلو ومشي من قدامو
خالد خاف جدا على فتون من كلام نادر بس كان الاولى انهم يلحقوها الاول
في قصر الطحاوي كانو قاعدين بيتغدو فتون وراجل في اواخر الخمسينات من عمر سالم ده فؤاد الطحاوي والد فتون
فؤاد قال وهو بياكل..ها بقى قلب ابوها القمر كانت فين
فتون بلعت الاكل بالعافيه واتوترت جدا وقالت..كنت..كنت عند الدكتور
فؤاد بصلها بقلق شديد وقال…ليه مالك..هو انتي تعبانه… ليه مقولتيش
فتون لسه هتتكلم نزل شاب بملامح رجوليه وطله جذابه شكلو مميز جدا بعيون خضر وجمال اخاذ ده سراج الطحاوي اخو فتون عمره ٣٠ سنه
سراج قعد على السفره وقال…ها يا فتون هانم صحيت ملقتكيش في القصر كنتي بتتسرمحي فين
فتون لسه هترد فؤاد ضرب على السفره يغضب وقال..للمره المليون بقولك ملكش دعوه باختك لما اموت تبقى تحاسبها
سراج بصلو وابتسم ابتسامه جانبيه وبص لفتون وقال بنفس الهجه والطريقه..مردتيش يعني كنتي…فين
فؤاد زي ما يكون متعود قال بضيق شديد..ربنا يصبرني عليك ..اختك كانت في الدكتور تعبانه يا رب تبطل اسأله
سراج قال…اممممم تعبانه وايه الي تاعبك بقى ..ومن امتى واحنا بنروح للدكاتره ليه مقولتيش كنا جبنا الدكتور هنا
فتون قالت بتوتر شديد..سراج انا..انا كنت عايزه.اققولكم على موضوع حصل..و…و
سراج قال وهو بياكل بلا مبالاه..ايه خبطتي عربيتك تاني ولا ايه
فتون بلعت ريقها برعب وبقت تفرك اديها وترتعش وحالتها كانت صعبه جدا
سراج بصلها باستغراب وساب الاكل من ايده وقال ..فيه ايه..انطقي وقفتي قلبي
فتون لسه هتتكلم دخل راجل ضخم من جردات الحراسه بيجري برعب وبيقول ..فؤاد بيه..نادر النوري بره ومعاه رجاله كتير وعربيات وسلا*ح تأمر بأيه يا باشا
بقلمي..زهرة الربيع
فتون انتفضت برعب شديد وفؤاد وسراج بصو لبعض باستغراب شديد وطلعو بسرعه وهما بيطلعو السلا*ح بتاعهم من جيوبهم
فتون جريت وراهم وهيه هتموت حرفيا من الرعب
اول ما طلعو لقو نادر وخالد في وشهم خالد بص لفتون وابتسم بفرحه انها لسه بخير وحرك راسو بمعني تطمن
فتون ابتسمتلو بشكر ونادر اتضايق من نظراتهم بس بص لسراج وفؤاد وابتسم ابتسامه مستفزه لما شاف السلا*ح في ايدهم وقال….تؤ تؤ تؤ ليه بس المقابله دي يا فؤاد بيه ده اكرام الضيف برضو
سراج قال بغضب..جاي ليه قول الي معاك في جمله مختصره ووفر وقتك ووقتنا
نادر ضحك بسخريه وقال…ماشي تحت امرك يا سراج بيه اسمع الجمله دي بقى وحطها انت بين قوسيين ..
…..انا جاي اخد مراتي وابني…. حلوه الصيغه دي
فؤاد بصلو بضيق وقال بعصبيه..مرات مين وابن مين انت مسطول على الصبح ولا حكايتك ايه
اما سراج بقى بص لفتون على طول وبرق بشده واتحولت ملامحو لغضب مهلك وقال..ده الموضوع الي كنتي عيزانا فيه مش كده
فتون ارتعبت منو ومن نظراتو وشاورت براسها بمعنى ايوه.بس انتفضت برعب لما سراج حط سلا*حو في دماغها وووووووو