رواية عشقت صعيدي الفصل الثالث 3 بقلم ندى رضا

رواية عشقت صعيدي الجزء الثالث

رواية عشقت صعيدي البارت الثالث

رواية عشقت صعيدي الحلقة الثالثة

تاج:- صباح الخير على احلى باباا ف الدنيا
محمد:- صباح الخير ياروح بابا
الام:- ايه دا بقى كدا ياست تاج بابا اه وانا لا
تاج:-بإبتسامة هو انا أقدر ياست الكل دا انتى ست الكل وست البيت وست قلبى
الام:- بضحكة ايوه كلى بعقلى حلاوة بقااا 🤭 بس ماشى يلا يابكاشه تعالى افطرى
محمد:- تاج فى موضوع مهم عايز اتكلم معاكى فيه
تاج بقلق :- خير يابابا
محمد :- جهزى نفسك النهارده عشان فى عريس متقدملك وجاى يقعد معاكى وتشوفى وانا شايف أنه مناسب
تاج بعصبيه:-بس انا مش موافقه وهو مين دا احنا هنا عشان نقدى الاجازه اكيد مش هيجى هنا !!
محمد :- طب اقعدى الاول معاه وبعدها قرر وبعدين هو من هنا من الصعيد
تاج:- كمان يعنى صعيدى لا ومش هقعد مع حد انا مستحيل اتجوز واحد صعيدي هما اصلا متخلفين
محمد بعصبية:- تاج … ياريت تفتكرى انك بتتكلمى مع ابوكى ومتنسيش اصلك ومش معنى اننا قاعدين ف القاهرة انك تقولى كدا وانى كمان صعيدى وشكلى دلعتك بزياده عن اللزوم الكلام انتهى جهزى نفسك وخلى بالك هو اه صعيدى بس شاب مكافح ومتعلم واى بنت تتمنه …. انا قائم
الام:- طب كمل فطار
محمد:- شبعت وياريت تعقلى بنتك.
تاج بعد ما طلع
انا مستحيل اوافق على الجوازه دى وكمان انى اتجوز صعيدى انا اه بحب البلد بس اجى هنا زيارة مش اعيش حياتى كلها هنا لا
الام:- تاج انتى عارفه ابوكى مستحيل يعمل حاجه تضرك واسمعى الكلام وجهزى نفسك
– وجاء الموعد المنتظر بالنسبة للجميع
– الحاج احمد:- عمرو اطلع شوف أدهم أتأخر اكده ليه عاد احنا هنعوج على الناس
– عمرو لسه هيطلع بس لاقى أدهم نازل واللى انصدم
– أدهم:- خلاص يابوى انا جهزت خلاص يلا
– زينه بهمس:- عمرو ايه اللى أدهم عامله أكده دا عمره ما عمل كدا ف حياته
– عمروبضحك وهمس: اخوكى ناوى على حاجه انا عارف شكلها هتبقى ليله حلوة يلا تعالى هنشوف
-طبعا عيله أدهم والحاج احمد راحوا لزيارة لبيت محمد الاسيوطي ودا لان احمد فكر وقرر أن تاج هى المناسبة لادهم وعرض على محمد وافق جدا لأنه عارف أدهم كويس
عمرو وزينه اللى انصدمه لما عرفوا أن تاج هى العروسه ودا كان واضح من ساعات ما وصلوا
زينه بفرحه:- هى تاج العروسه الله بجد احلى خبر دا اللى كنت بتمنى من زمان
عمرو:- انتى فرحانه مش عارفه اخوكى ولا ايه دا شكلها ليله متينه بطين عينى عليكى ياتاج
زينه: رغم كل دا وعارفه أن أدهم مش عايز يتجوز بس عندى احساس أن الليله هتبقى حلو وهتعدى ويلا كفايه بقا عشان الناس
تاج دخلت وسلمت على الكل طبعا ماعدا عريس الغفلة(قصدى أدهم) وهى بصه ف الارض ومشفتش وشه بس فرحت انها قابلت زينه
الحاج احمد:- طب نسيب العرسان يجعدوا مع بعض يتحدده شويه عاد
محمد:- اه اكيد يا الحاج
سبوهم
اول لما طلعوا
تاج رفعت راسها:- بص بقااا انت…. انصدمت (فى نفسه ايه دا حد يجى يتقدم لحد ويلبس جلبيه يااااارب ايه البنى ادم دا بس هو انا ليه حاسه انى شوفته قبل كدا سكتت وقالت انا مالى ) ولسه هتكمل
أدهم:- ايه عاد سكتى خوفتى اياك ..ولا انصدمت
تاج:- انا..انا.. وهخاف من ايه انت
زى الشاطر كدا تطلع تقولهم انى مش موافق او اى حاجه قولهم وحشه زفت اى حاجه انا مستحيل اوافق على الجوازه دى ومستحيل اتجوزك انت
ادهم: هو اه مينكرش أنه قلبه تانى رجع ينبض عقله اتخطف تانى دى تالت مرة يشوفها ويحصله كدا هو مش فاهم ايه اللى بيحصله بس قال لا مستحيل هو انا هحن ولا ايه تانى وكمان ثبت على رأيه وأنه هو صح ومستحيل يوافق وخاصه لما سمع كلامها بس قرر يعاند فيها
تاج:- انت يا اخ انت رحت فين انا مش بكلامك
أدهم:- انتى عارفه بتتحددى مع مين اياك عشان تكلمينى أكده وبعدين هى دى المجابله اللى المفروض تتم
تاج :- لا والله محصليش الشرف ثانيا هو انت فاكرينى بقاا هقابلك ازاى يعنى بص بقاا محن البنات دا انا مليش فيه تطلع زى ماقولتلك وتقولهم كدا انك مش موافقه
أدهم :- وانت مفكرة بقاا انى هموت عليكى عاد لا فوجى أكده واعرفى انتى بتكلمى مين وبعدين لو انت لسانك طويل أكده واللى هقصه أن شاء ما تطلعى تجولى ليهم الكلام دا
تاج بعصبيه Rakhine Mensc :-
(يعنى انسان رخم أو مستفز بالألمانية 🤭)نسيت اقولكوا انها كليه ألسن قسم المانى هى مفكره أن أدهم كدا مفمهاش
أدهم بعصبيه بس محاولش بينها (وانت أكده بتبرطمى وتجولى ايه عاد
تاج بتوتر:- لا هقول ايه يعنى مش بقول بس انا قولت اللى عندى وخلاص انا مش موافقه ويلا بقا طرقنا بجلبيه بتعتك دى حد يجى يتقدم لحد بجلبيه
أدهم:- وانت ايه صالحك بجلبيتى دا فخر الراجل اهنا ولوعايزه ترفضى يلا اطلعى اطعى بجا وجوليلهم ياشاطرة انت
الحاج احمد ومحمد دخلوا :- ايه عاد ياولاد كل دا كلام ه نجول مبروك ونجروا الفتحه
تاج :- لا مبرو…..
ادهم بمقاطعه:- ايوه يابوى تاج موافجه ولا انت عندك اعتراض ياعمى
محمد بفرحه : اعتراض ايه بقى يلا
قرأ الكل الفاتحه وتاج المصدومه مش عارفه اعمل ايه وعمرو اللى مش مصدقه وزينه هتطير من الفرحه
وادهم اللى مش فاهم هو عمل ليه كدا وليه غير رأى حتى بعد ماعرفت انها مش موافقه
الحاج احمد:- طب عايزين نكتب الكتاب بقى امتا
تاج بندفاع :- كتب كتاب ايه دا
أدهم بسرعه :- جصدها انها لسه مخلصتش دراسه ولا ايه عاد
محمد:- اه هى كدا لأنه دائما بتقول انها مش عايزه تتجوز غير لما تتخرج فاضل بس الترم دا
الحاج احمد:- خلاص نكتبه الكتاب السبوع الجاى ويبجى الفرح مع زينه وعمرو لما تخلص هى كمان
محمد :- تمام بس احنا هنسافر بكرة لان عندى شغل ولازم ارجع القاهره واخر الاسبوع يبقى نكتب الكتاب
الكل فرح وبارك وهى مصدومه معقوله كدا هتتجوز كدا وكريم والحب والايام اللى بتحلم بيها سبيتهم وطلعت اوضتها والكل رجع بيته
بليل أدهم واقف ف البلكونه وشارد ومش عارف القدر مخبى ايه تانى وايه حكايه تاج دى وليه إحساسه بقا كدا لما يشوفها وليه الصدفه بتجمعه بيها ع طول كل دى اساله ف عقله مافقش غير لما عمرو حط أيده على كتفه وأتكلم
عمرو:- مالك ياصاحبى احكيلى وايه دا اللى حصل النهارده
أدهم:- مليش ياعمرو انا كمان مش عارف دا حصل ازاى وليه
عمرو: أدهم متضحكش على نفسك انت باين عليك معجب بيها بلاش تعند وأدى لنفسك فرصه والدليل
انك كنت ناوى على حاجه وانت رايح ولبست جلبية واللى عمرك ما عملتها صح انت بتتكلم صعيدى عشان ترضى عمى بس عمرك ما مشيت حتى ف البلد بيها
أدهم:- لا طبعا أنا مش معجب بجد ولا اى حاجه من الكلام دا فوق يا عمرو أن مستحيل اامن لحد تانى كلهم شبه بعض وبعدين عادى يعنى ف ايه لما البس جلبية
عمرو :- سكت لأنه عارف أنه كل مرة بيتكلم معاه نفس الكلام بس اللى متاكده منه هو انت تاج فعلا هى البنت الوحيد ة اللى هتخلى يحبها ويرجع يثق فى الناس ويتاكد أن الكل مش زى بعضه
ونفس الحاله لاتقل عند تاج كانت شارده وسرحانه وبتعيط ومش عارفه اعمل ايه قررت تنزل تتمشى تحت جنب الزرع هى بتحب الجوا بليل ف البلد نزلت من غير ماتقولى لحد
نزلت تتمشى ف البلد وسط الزرع والجو هادى وقفت تبص للقمر وسرحانه فاقت على صوته
أدهم:- وانتى ايه ليه طالعه ف الوجت دا ياشاطرة مش عارفه أن الوجت اتاخر عاد ومينفعش تطلعى لوحدك
تاج:- وانت مالك بقاا حاجه متخصكش وياريت تفهم بقاا انى مش قابلك ومش موافقه عليك كمان
أدهم بعصبية : ما تتلمى وتتكلمى عدل وياريت ترجعى البيت لان الوجت اتاجر
تاج :- هو انت برج الطور ايه ما بتفهمش يااخى ابعد عنى بقااا ملكش دعوه بيه إنشالله أولع
أدهم وقرب منها بطريقه مخيفه : انت لسانك دا عايز قصه ولو متلمتيش وروحتى هخليكى تندمى فاهمه ولا لا يا يا اه اسمك ايه نسيت وبعد
تاج خافت:- ورجعت وقالت انت مين انت عشان تقرب منى كدا
أدهم رجع تانى :- انا قولت كلمه وتتنفذ ويلا تحترمى نفسك وانتى بتتحددى معاي فاهمه وبصوت عالى يلا على البيت
تاج رجعت جرى ومشيت بعد ما خافت منه وقالت منك لله يا برج الطور انت)
محمد وتاج والام سافره القاهرة وكمان أدهم سافر لان حب يبعد شويه وكمان عشان عنده شغل
تاج:- الو ياكريم ازيك …
كريم بضيق:- تاج عامله ايه ياقلبى ايه وحشااااااااااااانى
تاج:- والله دا انت حتى مافكرت تتصل تسال عليا
كريم :- ما انا عارف انك ف البلد ومينفعش اكلمك وكدا مش دا كلامك
تاج بدموع: كريم ف حاجه عايزه اقولهالك
كريم: خير ياروحى
تاج:- انا اتقرا فتحتى وبابا عايز يكتب كتابى الجمعه الجايه اتصرف ياكريم انا رفضت وهو مصمم اعمل حاجه
كريم بضيق مصتنع: ايه دا ازاى حصل امتا
تاج:- كريم انت لازم تيجى تتقدم لبابا وانا هقوله انى بحبك وموافقه عليك
كريم بندفاع:- مستحيل .. اقصد ازاى دا انت عارفه بس انى منتظر تتخرج بساقولك متقلقيش هتصرف متزعليش نفسك ياقلبى
تاج بفرحه:- بجد يعنى هتتحل ومش هتجوز البنى ادم السمج دا برج الطور دا الهمجى
كريم بخبث- اه يا روحى أهدى انتى بس وتعالى قابلينى بكرة ف الكافية…..
تاج بتوتر: بس بس مش هينفع
كريم:- لا لازم وبعدها هقولك تعملى ايه
تاج :- حاضر .
ف نفسها بس لازم اعمل حاجه ضرورى بكرة الاول قبل ما اشوف كريم
تانى يوم
أدهم مشغول ف شغله وبيراجع صفقه جديده بس تفكيرة كله ف تاج مش عارف هو ليه سرحان فيها
الباب خبط
السكرتيرة :- بشمهندس أدهم ف واحده برة عايزه تقابل حضرتك وبتقول موضوع مهم
أدهم:- انا مش فاضي يا هدى
هدى :- حضرتك بتقول أنه موضوع مهم وقالت كمان قوليلوا انها اسمها تاج
أدهم بدهشه :- تاج …. طب دخليها
يتبع …
ياترى ايه اللى يحصل وياترى القدر مخبى ايه ليهم