رواية عالمي الخيالي الخاص الفصل الثالث 3 بقلم سلسبيل أحمد
رواية عالمي الخيالي الخاص الجزء الثالث
رواية عالمي الخيالي الخاص البارت الثالث
رواية عالمي الخيالي الخاص الحلقة الثالثة
– ادهم مين و يوصلك فين.؟
– معنديش حد غيرك هينفع يوديني ارجوك
= مش هاروح فحتة ومليش دعوه بحاجه يا نور
– والله؟
= اها.
..
– ها معاكي لوكيشن بقا و لا ناويه تتوهينا؟
ضحكت: شكرا يا أدهم عشان هتوديني
– خلاص بقي انجزي عشان نرجع بسرعه!
= خد ده عنوان مكتبه.
” بدأ أدهم يسوق و انا طول الطريق بفكر ف يوسف مش مصدقه اني هشوفه فضلت افكر في ردة فعلة يارب يكون فاكرني! ويارب مفقدش اعصابي.”!
– نور ! بقالي ساعه بقوله وصلناا
= وصلنا!
– ايوه ها؟
= طيب
– مش هتنزلي؟
= انا متوتره أوي
– من اي ؟
= عشان هقابله
– مش انتي الى عايزة كده
= هعمل اي لو معرفنيش؟
– هتنزلي نروح و تكملي حياتك عادي
= بالبساطه دي وانا بقالي سنين ب…
” سكت و خدت نفس ”
– انا هنزل خلاص
– ادهم اوعي تمشي
= مستنيكي يا نور
هزيت راسي بهدوء و نزلت..
***********************************
” صلي على محمد ”
– يوسف بيه
= ايوة يا ملك
– في بنت بره عاوزة تقابل حضرتك
= بنت مين ؟ حد تبع المشروع؟ او الشغل
– لاء دي حتي مش معاها معاد
= تؤ.. طب دخليها و خلاص فهميها بس ان وقتي ضيق
– تمام حضرتك
” السكرتيرة خرجت و سمحت لي ادخل كانت ايدي بتترعش رعشه بسيطه بتحصلي لما اتوتر فضلت مشبكه ايدي فبعض عشان اهدي… و دخلت ”
“كان حاطط عينه فالورق و قاعد بأستقامه شعره لسه طويل وناعم و ملامحه اتغيرت كلها بس لسه حلوة فضلت واقفه متنحه و مبلمه لحد ما رفع عينه من الورق وبصلي”
– اتفضلي..
بصلي كويس: هو انا شوفتك قبل كده؟
= لاء.. اها
” بصلي بستغراب و قبل ما اتكلم موبايله رن فا رد بسرعه ”
“كان بيتكلم مع حد بالانجلش كنت فاهمه و غالبا هو هيمشي دلوقتي”
– معلش بس دقايق و هرجع..
” مشي بسرعه وانا ابتسمت بعبط و بعدين ضحكت انا فعلا كنت قدامه ؟ هعمل اي لما يرجع او هقول اي اصلا !
“فات عشر دقايق فا نزلت لادهم كان واقف بره العربية ”
– اتأخرتي ليه ؟ قابلتيه؟
= تقريبا
– يعني اها ولا لاء وافتكرك ولا ايه ؟
= ملحقتش نزل بسرعه جاله شغل
– طب يلا بينا
= هو ينفع نستني حبه صغيرين ؟
– نور!
= معلش شوية لو مجاش نمشي
– الدنيا بدأت تليل وانا مش عايز يحصلك مشكلة
= انا هتفاهم معاهم وهعرفهم كنت فين مش هخبي عليهم متخفش
– انا مش خايف انا قلقان عليكي
بصتله بتركيز: انا ؟ انت حتي دايما تقولي انتي ميتخفش عليكي يتخاف منك
= ده مجرد هزار انتي اصلا يا نور عبيطه
” ضحكت وفضلنا نتكلم انا وادهم كتير عن عبطنا لما كنا اطفال انا وسارة و انوه قد اي كان بيتعب معانا لأنه الكبير وكانوا بيطلبوا منه يخلي باله علينا ”
– احنا اتأخرنا نمشي بقي ؟
اتهندت بحزن: طيب يلا بينا
” ركبت العربية و بصيت من الشباك لمحت
لمحت يوسف بينزل من عربيته فا ناديت عليه بعفويه وانا جمب ادهم ”
خد باله مني و وقف فا بصيت لادهم: أنا هروح وهاجي بسرعه ماشي
– ماشي
” روحت و وقفت قصاده”
– استاذ يوسف؟
= انا بعتذر عن تأخيري كنتي محتاجه حاجه مهمه؟
– اها ولا يهمك انا مش هاخد من وقتك كتير هو بس موضوع مهم ممكن نطلع؟
= المكتب ؟
– يعني اممم فوق شوية
” قولتله اننا هنطلع اخر المبني يعني على السطح و اخيرا السما ضلمت يعني النجوم ظهرت ”
– احم هو حضرتك جيبانا السطح ؟ الموضوع المهم مكنش يتقال فالمكتب تحت ؟ انا مشغول
ابتسمت و عيوني كانت بتلمع: اصلي ضيعت النجمه وعاوزة نلاقي غيرها
– نجمة اي ؟
= نجمتنا الى هتوصلنا ببعض
بصلي بصدمه فا كملت: انا معرفش لو فاكرني بس انا فاكراك يا يوسف احنا وعدنا بعض نفضل سوا و انت وعدتني تفضل موجود لحد ما اشتري بيت كبير نطلع السطح بتاعه ونشوف منه النجوم و احنا دلوقتي فوق مبني عالي اوي دي كانت امنيتي هعتبر انك حققتها
“نهيت كلامي وانا بضحكله”
فجأه اتحول كأنه رجع عيل وفضل يضحك ويبصلي بصدمه وهومش مصدق
– اكيد لا ! نور! انتي نور ، نولا !
بصتله بدهشه: هو انت لسه فاكر الأسم ده ! محدش كان بيقوله ليا غيرك !
– انتي بتهزري أكيد فاكر! انتي بجد.. انا عايز اقول حاجات! انا كنت مفتقدك اوي انا عمري ما لقيت نجمة حلوة زي بتاعتنا عشان اكلمها وتقولك رسالتي ولما رجعت من أمريكا بعد كل ده ، لما جيت هنا حاولت افتكر البيت بتاعنا واتمنيت اشوفك لكن مقدرتش و كنت مضايق اوي بسبب كده
اتكلمت بتوتر و كسوف: انا بجد مش عارفه اقول اي انا افتكرتك نسيتني و كنت خايفه متعرفنيش
– مقدرش! انتي لقتيني ازاي!!
= لما جيت الحتة وقالو اسمك عرفت انوه انت
بس مش باين عليك خالص يا يوسف بجد انك الشخصية الى قدامي لما شوفتك وسط الناس الى كنت معاهم قولت انك اتغيرت خالص
– ماهو بسبب اختلاطي برجال الأعمال و الشغل بقيت جد اوي لكن اهو اديكي خرجتي العيل الى جوايا!
ضحكت: انت لسه فاكر الجنان بتاعنا صح ؟
ضحك: طبعا انتي بالذات ومخك المفوت لسه زي مانتي؟
– ايوه لسه و كنت بكلم النجمة بتاعتنا كل يوم!
= كنتي بتقولي لها اية ؟
رديت بخبث: احم اية ده هي مقالتلكش !
ضحك: قولي يا نور اخلصي
= اخلص اية ده اية ده هو انت مش قولت كنت ف امريكا! جبت الكلام ده منين وبتتكلم زينا ازاي
– اهو بقي كنت بتكلم بالمصري مع بابا و ماما ، ماما اتوفت من اربع سنين و كملت شغل وبقيت زي مانتي شايفه
= انا بجد فخورة بيكي اوي يا يوسف
ابتسم: وانا مبسوط اني شوفتك نولا صح هو انتي لسه ساكنه هناك!
= ايوه
اتكلم بتوتر: طيب ال… المكان كله هيتهد ده مش مضايقك؟
= عرفت مزعلتش اوي لأننا كدا كدا هنمشي يا يوسف عشان بقي بيئه زي ما شوفت
– عندك حق و انا اقدر اشوفلكم شقة انتي و طنط و عمو
= لا احنا اوردي بندفع اقساط شقة دلوقتي بابا لاقاها يعني و هننقل فيها
– انا لسه فاكر عمو وحشني اوي هو كمان
ابتسمت: تعالي زورهم!
= أكيد هاجي انا افهم في الزيارات المصرية دي
– مختش اي حاجه من الأجانب؟ مبهتوش عليك
– لا لا لسه مصري عمري ما اطبعت بيهم خالص وبما اني لسه مصري بقا فا اعتقد تروحي حالا الوقت متأخر.
ضحكت: امممم فكرتني ب يوسف الصغير الرخم الى مكنش بيخليني اللعب مع ولاد فالمدرسه
= جدعه خليكي فكراه بقي
– طيب هشوفك تاني صح!
= هعرف اللاقيكي يا نور
– ماشي هنزل باي
= استني انا هوصلك
– لاء معايا أاااا
= معاكي مين
– جارنا احم… هنزل بقا
= استني بس جاركم ده اي هيروحك عادي
– انا جيت معاه متقلقش هو زي اخويا و جه سكن فالعمارة بعدك بفترة و اختة تبقي اقرب صاحبه ليا وبجد هي اكتر إنسانه كانت جمبي احنا نعرفهم من زمان يعني
= بجد؟ انا مبسوط اوي انك عملتي صديقة بتحبيها كده زمان مكنتيش بتحبي تتكلمي مع اي حد غيري
ضحكت: ما هي غيرهم و بتاخدني على قد عقلي زيك اسمها سارة و بقولها صرصور لما احب اضايقها
ضحك: زي ما كنتي بتقولي لي يا استفندي صح
بدهشه: يلهوي يا يوسف فاكر دي كمان ده انا نسيت الأسم! بس كويس انك قولتلي
– يلا باي بقا هنزل
= مش هتقولي لي برضو كنتي بتقولي اي للنجمة؟
– تؤ مش هقولك.
” نزلت و سيبته وانا قلبي كان…. قلبي كان طاير ! و كان متعلق بيه دلوقتي بقي حرفيا معاه ! ”
” اول ما نزلت لقيت أدهم متنرفز و بيقرب عليا ”
– هو اي كل ده ؟؟؟
ابتسمتي اختفت: انت بتزعق ليه!
– مش شايفه الساعه كام ؟؟ كل ده مستنين البيه!
= أدهم في اي اهدي !
خد نفسه واتكلم بهدوء وعصبيه خفيفه: سارة كلمتني و بتقول قالبين الدنيا عليكي! منظرنا اي دلوقتي ؟ وهما عارفين انك معايا
” فجأه لقيت يوسف ظهر قدامنا”
– نور انتي تمام؟
بصيت لأدهم: ءءءء انا كويسة
أدهم كان ساكت و بيبصلي انا وهو بعصبيه: يلا نمشي اتفضلي
“ركبت العربية ويوسف فضل متابعنا لحد ما مشينا ”
” انما أدهم فضل ساكت طول الطريق ”
وصلنا ومازال ساكت بصتله قبل ما انزل: انا اسفه متزعلش انا مكنش قصدي هطلع وافهمهم كل حاجه و … و انت ملكش ذنب
” مردش عليا فا نزلت و كنت طالعه بستعد لمواجهه عنيفه منهم ”
– نور ! انتي كويسة !
= انا كويسة يا ماما انا بس كنت ب… كنت في شركه *******
بابا بصلي بستغراب: بتعملي اي هناك واي كل الوقت ده بره ؟ و موبايلك مقفول
– لا هو بس فصل مني
= معرفتيش حد انك خارجه ليه !
– المعاد جه فجأه انا كنت ب.. بشوف شغل فالشركه مش دايما كنتوا عاوزين اشتغل ؟ هاه؟
ماما بصتلي وهي مش مرتاحه: واي الى خلاكي تدوري دلوقتي ؟ فجأه كده ؟
بصيت لبابا: يوسف الشامي! حضرتك عارف انوه كان جارنا فا لما روحت قدمت و كده عرفته بنفسي وافتكرني و قالي هيشوف السي في بتاعي وان شاء الله اتعين
– افتكرك ازاي؟؟ انتوا كنتوا عيال ؟
= ايوه يا بابا عادي مكناش صغيرين اوي كده ، وبعدين ادهم وصلني مكنتش لوحدي
– ماهي سارة قالت لنا
= طيب مفيش مشكلة بقا وانا مش صغيره ها ؟ هاروح بقا اعرف سارة اني قدمت على شغل و كده بعد اذنكوا
” مشيت من قدامهم بسرعه ”
– محمود انا مش مرتاحه للبت دي ، ولا عايزاها تشتغل مع الي اسمه يوسف الشامي
= ليه؟ ده ياريت لو في فرصه تشتغل معاه ده يعتبر مهندس كبير جدا
– انا مش مرتاحه له
= لو في حاجه هنعرف يا سوميه متقلقيش
– بعدين دي بقت عاقلة و بتقولك شغل!
= يمكن عقلت بجد! ونضجت وبطلت هبل
– نور ! لاء مفتكرش
***********************************
“استغفرالله العظيم ”
– ها يا سارة ساكته ليه انتي مش فرحانه عشان اخيرا حلمي اتحقق و عرفني !
= لا اكيد فرحانه
– مش باين عليكي!
ردت بصعوبة: اصل… اصل.. انتي خبيتي على اهلك فا ده مش مريحني
– دي كدبة صغيره هو كده كده هيجي يسلم عليهم و قالي انوه بابا وحشه ادعيلي علاقتهم تكون كويسة
= نور هو اخر الموضوع ده ايه ؟
– عمري ما فكرت!
= فعلا ؟ طب ابقي فكري بقي.
” مشيت من عندها ومكنتش فاهمه مالها افتكرت هتفرح اكتر من كده! وادهم كان ف اوضته مشوفتش أكيد لسه زعلان مني وانا برضو مش فاهمه عملت اي لكني نسيت كل ده بمجرد ما افتكرت كلامي مع يوسف قومت بسرعه من سريري ابص على النجمه و لكني برضو ملقتهاش! واستغربت ده أوي”
– انتي روحتي فين بس! يلا مش مهم النجمة يوسف كله رجع وبقينا نتكلم!
“ضحكت و بدأت اروح فالنوم بسعاده ”
************************************
” تاني يوم الصبح ”
|| في فيلا يوسف الشامي || الساعة 9 الصبح ||
– Good morning Joe
– (صباح الخير يا جو )
=Good morning, Sofia
= (صباح الخير صوفيا)
– Are you leaving now?
– (هتمشي دلوقتي)
=Yeah I have a lot of work today, Do you want anything before I leave?
= (ايوه عندي شغل كتير انهارده ، عاوزة اي حاجه قبل ما امشي )
-No thanks, have a nice day, I’m will also go to visit the pyramids baby okay?
– ( لا شكرا اتمني ليك يوم سعيد انا كمان هاروح ازور الأهرامات يا حبيبي ماشي ؟ )
= okay
= (ماشي)
**********************************
|| في بيت نور ||
“صحيت على صوت كأنه الدنيا بتتهد”
– قومي يا نور ! ساعه بصحي فيكي
= هوا في اي البيت بيقع ؟
– لا يختي هنمشي و بنلم حاجتنا
= احلفي ؟
– قومي يابت جتك القرف فوقي كده و لمي حاجتك !
” صحيت و استوعبت اننا بنعزل فعلا المستثمرين عاوزين يفضوا المنطقه ف أقرب وقت فا عرفوا كل واحد هيعزل فين زينا كده و عجلوا الإجراءات يعني هنقدر نروح نقعد فالشقة الى بندفع اقساطها دلوقتي عادي! و باقي الناس الى مكنتش هتعزل شافوا ليهم مكان فحتة تانيه! ”
– سارة ! انتوا هتمشوا برضو ؟
= ايوه لسه بيشوفوا لينا مكان!
– يعني هنبعد عن بعض!
= اتمني اسكن فمكان قريب منك
“كانت مضايقه وانا كمان عمري ما تخيلت نبعد عن بعض! مش عايزة اعيش الموضوع ده تاني”
“لقيت أدهم معدي فالصالة عادي و شايل كرسي ”
– أدهم!
= مشغول بنقل الحاجات
“مشي وسابني التقيل ماشي”
موبايلي رن فا رديت وسط الدوشة: الو مين ؟
– انا يوسف
– يوسف!
دخلت اوضتي تاني: انت عرفت رقمي منين !
= مش وقته ، المهم انتوا بتنقلوا دلوقتي صح؟
– ايوه عرفت منين برضو!
= هقولك بعدين هقفل دلوقتي
– أصبر يابني!
” قفل بسرعه وانا استغربت بيراقبني ده ولا أية ”
“بصيت على السما و الشمس كانت ماشاءالله خالص كنت بفكر اطلع السطح معرفش هطلع بالنهار ليه”
– انتي رايحه فين
= ماما! لا مكنتش هطلع السطح صدقيني
– مصدقاكي يا روح امك خشي جوه
= تمام اوي بعد اذنك.
“فضلت الم فحاجتي المهمه قبل ما تتكسر ولا تضيع وسط الفوضي و البيت الى بقي زريبه..”
خلصت حاجتي اخيرا و خت الشنطه و خرجت من اوضتي و اول ما خرجت ببص على باب الشقة لقيت يوسف واقف
روحت ناحيته بسرعه: يخربيتك انت بتعمل اي هنا
– يخربيت بيتي؟ الاه
= مقلتش انك جي ليه! انت بتعملهالي مفاجأه!!!!!؟
ابتسم بأستفزاز: أها
بصيت وراه أدهم كان طالع عالسلم وراه بالظبط عشان يكمل نقل حاجات
قولت ف سري: احيه كملت.
*********************************
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية عالمي الخيالي الخاص)
