رواية طموح امرأة الفصل السادس 6 بقلم حنين الماضي
رواية طموح امرأة الجزء السادس
رواية طموح امرأة البارت السادس
رواية طموح امرأة الحلقة السادسة
نزل حازم من عند زين وهو مش فاهم موقف زلابيا منة وبينة وبين نفسة بدأ يشك انه فاهم حاجة جواة مش صح ،وان ممكن يكون متهيألة ان زلابيا بتفكر فيه او مشدودة لية زى ما هو بيفكر فيها ومشدود ليها وشوية وحاول يتجاهل الموقف كلة 😊
——————–
رنا : قوليلى هننزل نشوف الفساتين النهاردة ،مبقاش فى وقت خلاص
زلابيا : اة ان شاء الله وبالمرة نوريها الكام طقم اللى عملناة وهنروح الكوافير كمان نستغل اننا بنظبط باكدچ حلو لينا ونفتح الموضوع مع المسئول عن ادارة الكوافير
رنا : طيب يالا ننزل دلوقتى خلينا نلحق بقى اليوم من الاول
زلابيا : ربع ساعة وهتلاقينى عند المحطة
رنا : اوك وانا هقوم اهو باى
—————-
فى بيت الشاذلى ☺
——————
الشاذلى : جهزوا نفسكوا بقى عشان نحضر فرح زين
حرم الشاذلي (امال ): بناتك مش حابين يجوا
الشاذلى: لية يعنى
امال : اسألهم هقوم اناديهم
الشاذلي : يعنى لو واحدة صاحبتهم مش هيحضروا ولا هما الناس دى بالتحديد
امال : بناتك مش حابينهم يا احمد وانا قولتلك قبل كدة ، مبنرجعش من مناسبة هما فيها الا ولازم يحصل مشاكل
الشاذلى: انا مش فاهم فى ايه ولا تكونى انتى اللى مشجعاهم على كدة
امال : انا أشجعهم؟!! لية!؟ ما الناس كويسين معايا ومن يوم ما دخلت عيلتكوا وانا بعامل الكل باحترام ،اة انا بعيد بس مبقطعش ،مش دة كان طلبك منى من اول يوم قررت اسيب اهلى واجى اعيش معاك هنا ولا نسيت .
الشاذلي: انتى جاية تفكرينى بالكلام بعد كل السنين دى
امال: لا انا بعرفك انى مقطعتش وانا مشوفتش حاجة منهم تخلينى اقطع بس البنات مقدرش اجبرهم يحبوهم غصب عنهم الحب والقبول مش بالغصب
الشاذلي : يعنى لو فرح بنت اختك وهما عملوا كدة مش هتزعلى
امال : هزعل طبعا بس لازم اعرف هما لية مش حابينها؟
الشاذلي : ناديهم
امال : حاضر
البنات : نعم يا بابا
الشاذلى : جهزتوا نفسكوا عشان الفرح
البنات : …….
الشاذلى: بكلم نفسى ما تنطقوا جهزتوا
حنين : بابا انا مش حابة اروح
سما : ولا انا كمان 🫢
الشاذلى: 😡 طيب خطوبة شاهندا كمان مش هتحضروها
البنات : لا هنحضرها يا بابا
الشاذلي : اشمعنا
حنين : يا بابا معلش بس انا ببقى مش مستريحة واحنا متجمعين معاهم
الشاذلى: يظهر انى كنت غلطان لما ربتكوا بعيد عنهم ،دوول اهلكوا هما دوول اصلكوا ولا مستعريين منهم
البنات : ……..
الشاذلى: انطقوااا
حنين : حاضر يا بابا هنحضر هننزل النهاردة
سما : انا هشوف حاجة عندى وخلاص
حنين : اة صح وانا كمان
الشاذلى : ليية يا سما هانم ماانتى الاسبوع اللى فات طلبتى منى فلوس عشان تجيبى طقم تحضرى بية عيد ميلاد صاحبتك مش فرح !!
سما بتوتر: اة يا بابا عشان هى كانت عاملة حفلة كبيرة فى مكان استايل جدا وحضرتك نفسك قولت المكان دة غالى
حنين بخوف: وبعدين صعب جدا نلبس فساتين كل الوقت دة لحد ما نروح العاشر
الشاذلي: يا سلام ،ولما كانت صاحبتك عاملة حفلة كتب الكتاب فالغردقة كان المشوار عادى وخليتى مامتك واخواتك اتشحططوا معاكى عشان كنتى عاوزة تروحى وبالرغم من كدة كنت ممكن ارفض لكن مامتك قالتلى انها تعرف البنت دى وعشان كدة وافقت لكن دلوقتى العاشر بعيدة مش كدة ؟؟؟
امال : خلاص يا احمد انا هاخدهم وننزل اخر النهار كدة نشوف هنجيب اية
حنين : هو فرح شاهندا اتحدد؟
الشاذلي : لية
حنين : اصل هى كلمتنى امبارح وقالت لسة
الشاذلي : مهتمة يعنى
امال : هو انت لية حاطط هنا قصاد هنا ،بقولك مش بالعافية
الشاذلى: هتلاقيكى انتى مشجعاهم فالاخر
البنات : والله يا بابا ،ماما ملهاش دعوة
حنين : يا بابا هما كمان مش بيحبونا ،انا اصلا بتكسف اقول ان ليا قريبتى اسمها زيزى و دلعها زلابيا بحسهم فلاحين وانا كل اصحابى وقرايبنا مش كدة ،وكمان الفرح فى مكان عادى جدا
الشاذلي: بتستعرى من اهل ابوكى هى دى التربية يا هانم يا بنت الاصول
امال : استغفر الله العظيم انت مصمم تحطنى فالموضوع
البنات : بابا حاضر هنحضر
الشاذلى: غصب عنكم هتحضروا كلكوا ومافيش اى مناسبة برة العيلة حد فيكوا هيحضرها
البنات : يا بابا احنا اسفين خلاص ونبى
حنين : يا بابا احنا منقصدش ونبى
الشاذلي : امشوا من وشى
———————-
امال : انت كدة هتخليهم يكرهوهم اكتر
الشاذلي : مش عاوز كلام انا عارف انا بعمل ايه، انا بقى هعدل تربيتهم اللى ماشين يتأنزحوا بيها على اهلهم بيها واشوف بقى اخرتها
———————-
رنا : سرحانة فى ايه
زلابيا: شوفى كنت بستنى فرح زين دة بقالى كتير ودلوقتى مضايقة تخيلى
رنا : مضايقة !!!لية !!؟؟
زلابيا : فاكرة الراجل اللى اسمة الشاذلي من قرايبنا وتلاقية راشق فى اى مناسبة هو وعيالة، اللى اتجوز سورية دى وساعتها ماما بتقولى كانوا بيتعاملوا معاها ولا الامريكية 😏
رنا : يييييي اللى عندة بنات تنحة كدة
زلابيا : ااااايوة البنات التنحة
رنا : اوعى تقولى هيجوا الفرح
زلابيا : بابا وماما كلموهم والراجل دة ما بيصدق اى مناسبة فالعيلة يرشق
رنا : انا ساعات بحس اننا كقرايب صعب نقول للناس دة او غيرة يقربلنا اية ، انا ساعات بتلغبط والله مين عم مين ومين خال مين
زلابيا: انا مش حابة اضايق فى فرح زين بس بشوفهم بضايق
رنا : فاكرة لما جدو كان راجع من الحج وعملوا وليمة لما رجع وكل العيلة اتجمعت
زلابيا : اهو اليوم دة اللى عملى عقدة منهم وكرهتهم
رنا : بصى احنا اكبر منهم بس تحسيهم هما اللى اكبر مننا وخبثاء كدة وشايفين نفسهم .
زلابيا : فاكرة لما عمتك جت تسلم على حنين راحت قالتلها شعرى باظ 😏
رنا : لية مش فاكرة لما قالوا الرجالة يقعدوا هنا والستات تقعد هنا وجمعونا كبنات مع نفسنا ومكنش فى ترابيزات وفرشنا عالارض وبقينا رايحين جايين نحول الاكل وهما قاعدين عمالين يبصولنا ولا الشغالين عندهم
زلابيا : وساعتها اقول لماما هما مش بيحطوا معانا لية ، قالتلى معلش عيب دوول ضيوف ومش حركين زيكوا وفالاخر كانوا قرفانيين ياكلوا كنت مخنوووقه منهم اوى
رنا : بتفكرينى لية انا ساعتها خدت وقت على ما هديت
زلابيا : انا بجد بشوفهم بضايق، محبش احس ان اللى قدامى شايفنى اقل منة وهما اصلا بحس معندهمش هدف فى حياتهم ومعندهمش ذوق
رنا : بصى عشان خاطر زين ،احنا ملناش دعوة بيهم ،احنا الفرح فرحنا اكتر منهم ونتجاهلهم خالص وهما اكيد هياخدوا بالهم
زلابيا : انا يا رنا بضايق لما بلاقى بابا وماما حتى خالو عصام وعمو سلطان اول ما بيشوفوهم يجروا كأنهم حاجة هيبة لينا ولما بلاقى بابا يجرى يجيب حاجة يشربوها انا بزعل من جوايا
رنا : بس باباكى بيعمل كدة مع اى حد ،هما اللى معندهمش ذوق
زلابيا : عاوزين نجيب فساتين حلوة ونعمل ميك اب حلو اوى وهقدم الطقم هدية لنور فالفرح واشوف الناس بقى هتقول ايه لما يعرفوا اننا احنا اللى عاملينة
رنا : هههههههههههه هتبقى مفاجأة
زلابيا : يارب يعجب رنا
رنا : دة تحفة يا بنتى
زلابيا : يالا نبيع اللى معانا دوول ونخرج نشوف الفساتين
رنا : هتغلى السعر المرة دى ؟
زلابيا: عارفة الطقم اللى الاتيلية خدتة منى ،جمعت تمنة فى مرة تخيلى !!
رنا : يبقى كدة فعلا لازم تعلى السعر
زلابيا : الطقم ب ٦٠٠جنية وبعد كدة ١٠٠٠ وكل مرة هزود
رنا : قشطة عليكى هههه
——————–
زين : يااانور قلبى
نور : انا مش مصدقة يا زين خلاص حفلة خطوبتنا النهاردة
نور : اوعى يحصلك حاجة ،لو فى جنان ولا كدة عرفينى احنا لسة فيها هههه
نور : خلاص انت وقعت وجيتلى برجلك
زين : تعملى ايه لو قعدتى مستنيانى ومجيتش
نور : حاجة بسيطة جدا يا قلبى
زين : انتى بتجزى على سنانك كدة لية طيب 😁🙄
نور : واحد ب ٢٠٠جنية اقولة روح اديلة علقة محترمة ميعرفش بعدها يقوم
زين : 😳 لا انا جاى انا كنت بهزر والله يخربيت اللى يهزر معاكى تانى ،روحى يا عروسة قفلتينى وفى ثانية كنت حاسس انى ضيعت
نور : يا حبيبى يا نور للدرجادى هتضيع من غيرى
زين : اة طبعا مش هقوم خالص شوفتى بقى هههه
نور : ههههه مستنية لحظة ايدى فى ايدك
زين بتنهيدة : وانا اكتر منك
نور : انت مش متخيل البيت عندى عامل ايه فرررح من امبارح ههههه
زين : انتى مش متخيلة ابويا تقريبا عزم مصر كلها حتى اللى مسافرين جابهم هههه
نور : الله يا زين انا مبسوطة اوى اوى
زين : مبروك يا حبيبى عقبال الفرحة الكبيرة ان شاء الله
نور : ان شاء الله
🥰🥰🥰🥰🥰🥰🥰🥰
🫢
===========
رنا : الله الميك اب تحفة يا لمياء
زلابيا: تحفة فعلا عشان كدة لما جينا نحجز طلبناكى بالاسم
لمياء: المرة الجاية تبقوا انتوا العرايس بقى
رنا : ههههه ان شاء الله.. باى
زلابيا : بجد انا حاسة اننا شكلنا حلو اوى
رنا: بصراحة انا حاسة بنفسى جدا
زلابيا : بصى ايه رأيك فى فكرة الحجاب دى
رنا : تحفة واللون كمان اللى عملناة فى شعرنا ماشى مع شكلنا اوى بس يارب محدش يزعقلنا عشان مبينيين حتة من شعرنا
زلابيا : يعنى اللى مش لابسين حجاب خالص محترمين واحنا عشان مناسبة وحتة منة نبقى مش محترمين سيبك
رنا : عندك حق ، حازم جة اهو
زلابيا : لا ما زين هيجى يعدى عليا دلوقتى عشان اروح معاة الكوافير نجيب نور
رنا : كلمية خلية يروح على هناك واحنا نحصلة، هههه بصى حازم اخويا قمر فالبدلة
زلابيا : 😊😊
حازم : جايين ولا ايه
رنا : طيب كلم زين قولة زلابيا معانا عشان كان هيجى ياخدها
حازم : لا سيبوة بقى مع عروستة واحنا نحصلهم اركبوا
رنا : يالا يا زلابيا
———
زلابيا اضايقت من الموقف وفضلت ساكتة بالرغم ان رنا مبطلتش كلام مع اخوها حازم وضحك وكانت بتحاول تدخلها فالكلام
رنا : سمعتى يا زلابيا
زلابيا : معلش سرحت مخدتش بالى
عين حازم جت فى عين زلابيا فى المراية محدش قدر ينزل عينة لمدة ١٠ ثوانى تقريبا
رنا : حازم بيقولى انا معرفتكوش فالاول وشكلنا حلو هههه
زلابيا : 😊😊
حازم واخد باله ان زلابيا مبتنطقش وكان معجب بيها يومها جدا ومش عارف يخليها تنطق وتتكلم معاة ازاى من غير هو ما يتحط فى موقف قدامها 😒
————-
حنين : بصى يا سما احنا لو فضلنا كدة ساكتين بابا هيفرض علينا كل مرة نتجمع مع الناس دى
سما: طيب هنعمل ايه يعنى
حنين : يعنى لو زلابيا دى اضايقت مننا اكيد هتقول لمامتها ومامتها هتجرى على جوزها تقولة وطبعا هو هيتحرج يكلم بابا فى حاجة كدة ، وواحدة واحدة مش هيتصلوا يعزمونا تانى
سما : ماشى بس هنعمل ايه عشان بردوا انا خايفة حاجة تحصل وبابا يقلب علينا احنا
حنين : طول الفرح هقف قدامها كأنى بسقف وطبعا اكيد جايبين فيديو يصور وابقى بضحك عادى وانا بسقف،، طبعا هى عشان سخيفة هتخبطنى وانا مرة واتنين وبعد كدة هروح اقول لماما ولما بابا يعرف هقولة ابقى شوف هما بيكرهونا ازاى وهات الفيديو وشوف 😉
سما : خايفة يا حنين تحصل مشكلة ونكون احنا السبب وبابا هيسود عيشتنا ومعانا ماما
حنين : متخافيش يا بنتى انا هبقى مركزة
سما : انا خايفة ربنا يستر
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية طموح امرأة)
تعليق واحد