رواية طموح امرأة الفصل السابع 7 بقلم حنين الماضي
رواية طموح امرأة الجزء السابع
رواية طموح امرأة البارت السابع
رواية طموح امرأة الحلقة السابعة
حنين كانت لابسة فستان كت احمر غامق ضيق وقصير على الركبة ومن الخلف من عند الوسط طبقتين شيفون نازلين طوال على الارض وشوز احمر بكعب رفيع اسود .. ومش عاملة اى تسريحة فى شعرها ميك اب عادى جدا ومسيبة شعرها .
اما سما فكانت لابسة فستان لونة اوف وايت كات نازل على واسع من الوسط لحد الركبة وشوز جولد فى اوف وايت
زلابيا فستان كحلى فى سيلڤر طويل كأنة متفصل عليها وشوز سيلفر
رنا فستانها لونة بستاچ
—————-
سما : حنين انا بدأت احس بالجوع تفتكرى هنا هيعملوا اوبن بوفية
حنين : مش انا قولتلك كلى فالبيت وماما كمان قالتلك ،استنى عشان انكل جاى علينا
ابو العريس : اهلا اهلا بالناس ولاد الاصول ،اهلا يا مدام والحلوين اهلا وسهلا تعالوا اتفضلوا
الشاذلى : الف مبرووك خلاص كبرت شووية وتبقى جد ههههه
ابو العريس : هو حد بيفضل على حالة ما كلنا بنكبر ولا انت مش ناوى تجوز ولادك وتشوف ولادهم هههه
الشاذلي : جواز اية بس ينفعوا فى مذاكرتهم الاول دوول مطلعين عين امهم
حنين وسما : 🙄🙄
امال : هههه هما كل الولاد كدة كلنا فى شبابنا كنا زيهم
ام العريس : اهلا وسهلا يا مدام
امال : الف مبروك عقبال الزفاف حبيبتى
ام العريس : الله يبارك فيكي اهلا بالحلوين تعالوا انتوا بقى سيبوا الكبار مع بعض وانتوا هيصوا مع البنات زيزى ورندا كلهم جوة
حنين : ميرسى يا طنط بس خلينا شوية
الشاذلي : شوية لية يالا يالا خدى اختك يا حنين وروحى انتوا بتتقابلوا كل فين وفين وانا عاوزهم ياخدوا عليهم كدة
البنات : 🙄🙄
ام العريس : من عنيا حاضر ،الفرحة بقت اتنين والله لما شوفناكوا، تعالوا يا بنات والله خايفة كل واحدة تخرج بعريس النهاردة ههههه قمرات حبايبى
حنين : 😒🙄🙄
ام العريس : زلابياااا يا رنااا ،،،،معلش ثوانى مش سامعينى من الدوشة عقبالكوا كدة ههه
رنا : الحقى مامتك
زلابيا : 😳
ام العريس : دى حنين ودى سما عمكوا بقى بيقولكوا خليهم معاكوا
رنا : اة اة
زلابيا : طيب كدة مش هعرف اخد بالى من نور لو احتاجت حاجة
ام العريس : خليهم يرقصوا معاكوا انا هروح اشوف الضيوف
حنين : لا رقص اية🙄
رنا : اية دة مبتعرفيش ترقصى
حنين: مبرقصش فى اى مكان
زلابيا : خلاص يا رنا خليهم براحتهم يمكن مكسوفين
سما : هو انتوا على طول مع بعض
زلابيا : اة انتى ناسية اننا قرايب لزم
حنين : لا اصل سما مبتحفظش علشان احنا قريبين اكتر من اهل ماما
سلطان : اهلا اهلا عقبالكوا يا بنات
زلابيا ورنا : الله يبارك فيك يا عمو
حنين : ميرسى يا انكل انا فاكرة حضرتك
سلطان : انا انكلك سلطان اخو ابو العريس وعم العريس هه
حنين : اهلا وسهلا بحضرتك
رنا : حاااازم حااااازم تعالى يا زلابيا نشوفة
طبعا زلابيا قالت تقف مع حنين ولا انها تروح عند حازم ،دة غير انها كانت عاوزة تشوف حازم لما يشوف بنات الشاذلي هيتصرف ازاى
سلطان: يالا خدوا راحتكوا،عن اذنكم
حنين وسما : 😊😊
زلابيا : انا مش عارفة رنا راحت فين
حنين : 😊
سما : كانت بتنادى على واحد تقريبا
زلابيا :دة اخوها حازم انتوا مش عارفينة
حنين : منعرفش حد هنا خالص 😊
زلابيا: بس دوول اهل باباكى وزى ما انتى شايفة مهما كان انشغالهم بس على طول ومع اول فرصة بيتجمعوا وكلهم شوفى مبسوطين ازاى ،عشان طلعوا فى جو كل حب يا بختهم
حنين : 😊😊
سما : احنا كمان كدة بس بنحب اهل ماما اكتر من اهل بابا ( واللحظة دى بعيد عن الرواية قلبى كان هيقف من براءة سما عشان قولت هنروح فى داهية خلاص )
زلابيا: بس كل اللى هنا اهل باباكى وانا منهم ،معنى كدة انك مش حابة تكونى وسطنا
حنين بسرعة فالرد: لالا هى سما صغيرة بتتكلم بعفوية حبيبتى مينفعش نتصور مع العريس والعروسة دوول اهلنا بردوا يالا يا سما تعالى هههه
زلابيا : اة طبعا تعالوا
———————
فالوقت دة كان حازم وزين وشباب العيلة بيتصوروا حوالين العريس والعروسة فالكوشة ، والبنات ومعاهم زلابيا وجت رنا ليهم بسرعة استنوا الشباب ينزل عشان يطلعوا يتصوروا وطبعا حنين اضطرت تقترح كدة عشان تخرج من الموقف اللى سما حطتها فيه ..
المشكلة بقى الشباب نزل وحازم وهو نازل كانت عينة على زلابيا وحنين خدت بالها جدا والبنات جاية تطلع الكوشة ،حازم ماخدش بالة من ديل فستان حنين وداس علية وهى طالعة 😭😭
حنين : ايييية دة
سما : 😳دة اتقطع يا حنين
زلابيا : 🫢🫢
رنا : معلش هو مش قاصدة اكيد مخدش بالة
حنين : ماشى زى التمثال عمال يبص عليها ودايس كأنة لوحدة
حازم باحراج : انا اسف مخدتش بالي لو سمحتى تتفضلى ورنا تيجى معانا وانا هتصرف
حنين : اتفضل فين انت كمان ، انت مش مركز وانا شوفتك وانت عينك مش راضية تنزل وقولت هيتكعبل بس مجاش فى بالى كدة
العمة: فى ايه يا بنات شكلكوا باين فالفيديو فى حاجة
زلابيا : بناخد محاضرة عشان الفستان حتة اتقطعت منة
حنين : هو دة اللى ربنا قدرك علية ، ولا مضايقة عشان قولت عمال يبص عليكى
العمة: مين دة
حنين : هو دة
حازم : اعتقد عيب كدة وانا ساكت كل دة عشان عمى احمد لكن غير كدة انا كان هيبقى ليا تصرف تانى
العمة: بس بس عيب كدة يا حازم ،معلش يا بنتى ورينى طيب او تعالى نخرج برة نشوف نحلها ازاى
زين : انتوا ملمومين كدة قدام الكوشة فى ايه
رنا : مافيش ،،،حاجة عبيطة
سما : يالا يا حنين نمشى انتى كان عندك حق محدش عاوزنا ويمكن حركة مقصودة كمان
زين : عيب كدة ، المفروض انكوا مننا مش اغراب عننا
زلابيا: ولا عمركوا هتتغيروا بجد فعلا هتفضلوا اغراب
رنا : طيب نهدا عشان الناس بدات تاخد بالها ومينفعش كدة
نور : يا جماعة انتوا ملمومين كدة لية هو فى حاجة ومين البنات القمرات دوول
محمود اخو نور : يالا يا جماعة اعملوا دايرة ونور وزين فالنص ههه
————-
للأسف الشديد جت حنين تخرج برة الدايرة ،راح محمود وهو بيلف غصب عنة داس تانى على ديل الفستان 😭😭 وطبعا غصب عنهم كلة ضحك ووقع من الضحك وبعد ما كانت حنين مضايقة جدا جدا ،لكن شكل محمود وهو خايف من رد فعلها كان مضحك وماشاء الله الشاذلى وحرمة اختفوا من الفرح وراحوا قعدوا فى حتة برة القاعة بعيد عن الهيصة والشاذلى عامل اجتماع العيلة يعرف منهم الاخبار 😁
———————-
حازم : انا اسف بجد بس انتى احرجتينى جدا
حنين : ماهو موقف منك مش ظريف خالص
حازم : يعنى مكنتش احب ان تكون دى اول فرصة للتعارف
حنين : معلش بقى حظك ،وبعدين ابقى بص قدامك
حازم : لعلمك انتى احرجتينى واحرجتيها جدا
حنين : هى مين دى ☺
حازم : طيب خلاص مش مهم المهم متبقوش زعلانين انا فعلا مقصدتش
محمود : اية يا فرسة لسة زعلانة
حازم :😳 فرسة امشى يا محمود
حنين : بيقول اية دة
محمود : فى ايه
حازم وشوش محمود فى ودنة بعدها محمود مجاش خالص ناحية حنين وسما طول الفرح 😁
حنين : هو بيقول اية وبعدها مشى كدة
حازم : بيحسبكوا هتسافروا قولتلة عمى الشاذلى برة
حنين طبعا كانت سمعت الكلمة كويس جدا بس استعبطت عشان كان مزاج عندها الفترة دى ان اى حد يعجب بيها تسيبة لحد ما تحرجة وهى نفسها مكانتش عارفة بتعمل كدة لية .
———————-
رنا : زلابيا مالك
زلابيا : 😓😓
رنا : اية دة مالك تعالى نخرج برة بسرعة
زلابيا: معلش سيبينى لوحدى
رنا : انا نفسى تصارحينى وتقوليلى مالك من غير ما تتحرجى
زلابيا : احنا اتأخرنا اوى على هديتنا لنور يالا نقدمها ،عشان تتصور بيهم
رنا: حازم يا زلابيا
زلابيا: 😓
رنا : عارفة ان اخويا رخم بس مخدتيش بالك وحنين عمالة تقول مش مركز وعمال يبص عليها عشان كدة قطعلها الفستان
زلابيا: مركزتش
رنا: انا ركزت جدا وقعدت تعيد فيها عشان تحرجكوا
زلابيا: لا انا مافيش حاجة خلاص وهو موقف يضايق فعلا واى حد مننا لو حصل معاة كدة هيضايق
رنا : انا مش عارفة واقف بيضحك معاهم على ايه
زلابيا: عجبوة زى ما باقى الشباب ماشين يعاكسوا ويبصوا من بعيد
رنا : انا معرفش لية عمى احمد سايبهم يلبسوا كدة ،دة انا نفسى عينى عمالة تبص عليهم
زلابيا: انا منكرش انهم حلوين بس معقولة دة الشكل اللى اى شاب يحبة
رنا : عشان شعرهم ولا لبسهم العريان والله انا اتكسف البس كدة حتى لو قدام اخويا
زلابيا: هههههه
رنا : ايوة كدة يالا ندخل عشان نور قبل البوفية عشان انا موصية على طبق ليا هههه
حازم : انتوا هنا
زلابيا: طيب انا داخلة لنور
رنا: ماشى انا جاية وراكى
حازم : هى صاحبتك مالها
رنا: 😏 معرفش انا داخلة وانت كمل كلامك مع ام الشعور خليها تنفعك ،انا ماشية
——————–
زين : يا جماعة ثوانى ،اختى وحبيبتى زيزى وزلابيا بيتنا العسل عاملة مفاجأة لجوهرة حياتى نور ،انا نفسى عارف ان فى مفاجأة لكن والله معرفش هى اية بس حابب اشوفها معاكوا ،يالا يا زلابيا انتى ورنا هههههه
طبعا حنين مكنتش مهتمة وماصدقت لقت كرسى قعدت علية هى وسما واول مصور الفيديو ما جاب على الشاشة الطقم ، حنين انبهرت بية
حنين : هما طلعوا بيفهموا فالاكسيسيريز اهو
سما : تحفة فعلا
حنين : عاوزة اعرف هى شارياة منين
سما : تعالى نسأل عادى
حنين : لالا مش دلوقتى اقعدى عشان لو قومتي مش هتلاقى الكرسى خلينا نخلص من اليوم دة
سما : ما تغنى يا حنين ايه رأيك
حنين : انتى عبيطة اغنى فين اقعدى ساكتة
سما : ياااة اخيرا البوفية
حنين : هههه متوقعة ايه الاكل
سما : انا هاخد رز بالخلطة وووان بيس تشيكن وكول سلو
حنين : هههههههه بصى حواليكى ، هيدوكى طبق فيه 2 ساندوتش و موزة وتفاحة وجاتوة وقطعتين اورينتال واهو البيبسى بيتوزع يالا افرحى
سما : ايه دة بجد
حنين : منى ليكى الطبق بتاعى
—–
ايمن قريبهم بردوا بس شخصية لازقة 😁 وتنحة لحد دلوقتى والله العظيم وعمرى ما بلعتة 😏
———
ايمن :اتفضلوا انتوا مكسوفين
حنين : ميرسى شبعانين
ايمن : فى سنة كام يا حنين
حنين : لية
ايمن: يعنى تبقى قريبتى ومعرفش عنك حاجه
حنين: مش مهم هو بابا فين كل دة
ايمن : قاعد مع الرجالة برة ومامتك مع ستات العيلة
حنين : اممم
ايمن: شكلك مش حابة القاعدة
حنين : معلش عشان اختى بس محرجة منك
ايمن : اة اة خدوا راحتكوا
———————-
زلابيا : بصى كلة بياكل الا هما
رنا : هروح ارخم
زلابيا: جاية معاكى هههه
رنا : مبتاكلوش لية ،دة واحد كفتة والتانى فراخ
سما : فراخ 🙄
رنا : هما غيروا اسم الفراخ ولا ايه
زلابيا: معلش هى رنا تقصد تشيكن هههه
حنين : ما احنا فاهمين مش للدرجادى ،بس قوليلى يا زيزى جبتى منين الطقم الهدية
زلابيا: انا اللى عملاة انا ورنا
البنات : عملاة !!!
رنا: على فكرة زلابيا شاطرة جدا فالحاجات دى
حنين : بتبيعيهم يعنى
زلابيا : بفكر اعمل كدة كمشروع
حنين : مشروع !؟ مش انتى خريجة خدمة اجتماعية
زلابيا : اة بس دى هواية عندى
حنين : ااااة طيب انا عاوزة واحد وهدفعلك تمنة دلوقتى انتى بتبعية بكام
رنا بتسرع : الف جنية
حنين : يعنى طلعتوا بتبيعوا اهو ،خلاص هديكى ١٢٠٠ بس اخدة امتى
زلابيا: انا لسة مقررتش ابيع ،وقت ما اقرر هبعتلك الطقم هدية منى ليكى ،ومش يمكن يوم فرحك انا اللى اصمملك الطقم ،محدش عارف
حنين : ماشاء الله طموحة اوى ، عندها امل نتزوج ههههه
رنا : ولية متتجوزيش !؟
سما : حنين قصدها عشان بابا
حازم : عمى عاوزكوا تعالوا هوصلكوا لية
رنا وزلابيا: 😒😒
حنين : الف مبروك مع السلامة
زلابيا : 😊 مع السلامة
——————–
حازم خد البنات ومشى بيهم لحد ما وصلهم للشاذلى ،لكن الله لا يسامحة فاليوم دة ،الشك دخل جوة قلب زلابيا ان حازم عجبة حنين وملهوف عليها ودة اثر على حاجات كتير بين حازم وزلابيا ..
——————–
لاااايك وكومنت عشان نعرف اول موقف من زلابيا مع حازم بعد الفرح مباشرة وياترى حنين استغلت قطع الفستان ولا لاة ؟
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية طموح امرأة)
تعليق واحد