رواية طفلة التميم الفصل الثالث عشر 13 بقلم مارينا عبود
رواية طفلة التميم الجزء الثالث عشر
رواية طفلة التميم البارت الثالث عشر
رواية طفلة التميم الحلقة الثالثة عشر
البنت قربت وحضنت تميم وفرح اتصدمت وهى شايفاه بيحضنها
فرح حطت ايديها فى وسطها وبصتله بغيظ” مين ديه يا تميم
البنت طلعت من حضن تميم وبصتلها من فوق لتحت وقربت من تميم وهمست فى اذنه” هى ديه العروسه
تميم ابتسم وهز راسه وهو مستمتع بغيرة فرح عليه
فرح بغضب وصوت عالى ” هى وصلت تجيب بنات البيت يا تميم اه يا خاين يا حق”ير
البنت بصت لتميم اللى واقف مصدوم وقربت منه وهى بتحط ايدها على كتفه بدلع”متقولها يا بيبى انا ميين ولا تحب اقولها انا
تميم بغيظ” أنتِ هتستعبطى يا رهف
رهف فضلت تضحك وبعدت عنه وتميم قرب من فرح اللى واقفه تبصله بغيظ
تميم بضحك “اعرفك يا فرح ديه رهف اختى
فرح بصدمه ” اختتتك
رهف بضحك”بالظبط انا اخته يا جميل
فرح اتكسفت ووشها احمر وجريت على اوضتها
رهف بضحك “اممم شكلها بنت طيبه وبتحبك
تميم بشرود” بس انا مش عاوز احب تانى يا رهف
رهف بابتسامة” لازم تنسه الماضى يا تميم وتبدا حياه جديده
تميم بسخرية”بس ديه طفلة
رهف بضحك” طفلة اييه يابنى أنتَ شايفها عندها خمس سنين ديه عندها 18 سنه
تميم بحيره” مش عارف اخد قرار
المهم سيبك منى وقوليلى ايه جابك من اسكندرية
رهف بزعل”يعنى فرحك بعد يومين ومش عاوزنى اكون معاك
تميم بابتسامة حزن ” عادى متعود على كده المهم يلاه اطلعى ارتاحى وانا هروح اشوف فرح
رهف بخبث” اوووه فررح لا ده شكلها فرح اخِدت عقلك خاالص
تميم بغيظ” طب اطلعى ياختى اطلعى
رهف ضحكت واخدت شنطتها وطلعت فوق وتميم طلع اوضة فرح
________________________
تولين بغيظ” أنتَ يا اسمك ايه مش هتقولى واخدنى على فين
مالك بغيظ ” اسمى ماالك ماشى ماااالك
تولين بحماس” الله اسمك حلو اووى تعرف يا واد يا قمر انا طول عمرى بتمنه فارس احلامى اللى هيجى ياخدنى على الحصان الابيض يكون اسمه مالك
مالك بصلها ومقدرش يوقف ضحك
تولين بغيظ” أنتَ بتضحك على اييه.
مالك بضحك” فارس احلام وحصان ابيض لا لا انا بقول تفقدى ذاكرتك مره تانى افضل على الاقل وأنتِ فاقده الذاكره كنتِ عاقلة شوية.
تولين بصوت عالى” قصدك انى مجنونه.
مالك بسخرية” لا طبعنا انا اقدر اقول كده
بس ارجوكِ اسكتى شوية لحد ما نوصل
تولين بصتله بغيظ وحطت رأسها على شباك العربية وهو بصلها وابتسم
وبعد وقت وصلوا الفيلا
مالك بابتسامة” يلاه انزلى
تولين بغضب” انا مش هنزل غير لما تحكيلى كل حاجه وتقولى أنتَ تعرفنى منين.
مالك اخد تنهيده وبصلها ” طيب هحكيلكِ…
مالك حكلها كل حاجه من وقت الحادثه وفقدانها ذاكرتها وانه جابها البيت وخطف ابوها ليها من بيته وإصابة امه وهى بتحاول تدافع عنها.
تولين بحزن ” بس انا مش فاكرة اى حاجه من ده.
مالك بهدوء” مش مهم تفتكرى المهم انكِ هتفضلى عندى فى البيت وتعيشى مع امى لحد ما اتأكد انه ابوكِ اخد عقابه
تولين هزت رأسها بالموافقه ومالك طلب منها تنزل واخدها ودخلوا
سوزان اول ما شافتها جريت وخدتها فى حضنها
تولين بادلتها الحضن وهى جواها شعور بالفرحه والراحه وده لانها خسرت والدتها فى سن صغير
مالك كان هيتكلم بس قاطعه دخول غسان
مالك بهدوء” ماما لو سمحتِ اطلبى من اى حد من الخدم ياخد تولين على اوضتها وأنتِ كمان اطلعى ارتاحى
سوزان بحنيه” حاضر يابنى، يلاه يا تولين تعالى معايا
تولين هزت راسها بالموافقة وسوزان اخدتها وطلعت فوق
مالك التفت وبص لغسان وشاورله يطلع وراه
مالك اخد غسان ودخل اوضة مكتبه ” اممم قولى بقاا يا حلو تعرف تولين منين
غسان بخبث” المفروض انا اسألك السؤال ده بس ماشى اجاوب انا الاول
تولين ديه بنت فارس ابراهيم شريكَ بابا فى شغله فارس لعب فى عقل بابا علشان يوافق على الجوازه وطبعنا ابويا ما صدق يجوزنى قام وافق وعرض عليا اتجوز تولين لكن انا رفضت وبعد اصرار منه وبعد ما تعب ودخل المستشفى وافقت بس كُنت ناوى اسيبهم واهرب يوم الفرح وتابع بضحك” بس بنت الذكيه عملتها قبلى وهربت وقتها فرحت بس امبارح فارس كلمنى وقالى انه وصلها وقتها قررت انا اهربها بنفسى بس أنتَ جيت.
قولى بقاا أنتَ تعرفها منين؟
مالك اتنهد وحكاله كُل حاجه
غسان بهدوء” تمام خليها مع مامتك وتابع بمشاكسه” مش يمكن توقع فى حبها
مالك اتعصب ومسك الملف رماه فى وشه
غسان بضحك” ايه ياعم بهزر اهدأ
مالك ” طيب يلاه امشى من هنااا الوقت اتاخر
غسان بتساءل ” مالك هو أنتَ وتميم لسه زى ما انتوا متخانقين
مالك بسخرية” وعمرنا ما هنرجع نتصالح
غسان بهدوء” طيب انا لازم امشى دلوقتى واشوفك بكره
مالك ” أنتَ مش هتسافر
غسان ” لا انا همسك فرع الشركة اللى هناا
مالك بابتسامة” ده كويس اووى يلاه روح ارتاح دلوقتى او أى رايك تبات عندى النهاردة
غسان برفض” لا انا هرجع الفيلا سلام يا ملوووك
غسان طلع ومالك ابتسم ” مش هتتغيررر
__________________________
تميم طلع اوضة فرح لقاها واقفه فى البلكونه
تميم ربع ايديه ووقف وراها” ايه المرادى كمان ناوية تنت”حرى
فرح اتخضت وبصتله” أنتَ دخلت هنااا ازاى
تميم ” من الباب هيكون منين
فرح بغيظ” بس ديه اوضتى والمفروض تخبط حتى
تميم قرب ووقف جنبها
-بتفكرى فى اهلكِ مش كده
فرح الدموع اتجمعت فى عنيها وبصتله” وحشونى اووى يا تميم كان نفسى يكونوا جنبى فى اليوم ده.
تميم بهدوء” ادعيلهم يا فرح هما دلوقتى فى مكان احسن من هنااا بكتير مش كده
فرح هزت رأسها ودموعها نزلت
تميم مسح دموعها وحب يلطف الجو” بس قوليلى يا طفلتى أنتِ كُنت ليه غيرانه من رهف لما حضنتنى.
فرح بتوتر “احم لا طبعنا انا مكنتش غيرانه هو بس الموقف ضايقنى وافتكرتكَ بتاع بنات وكده.
تميم بخبث ” يعنى مش علشان غيرانه توتو علشان الموقف ضايقكِ طيب هعديها بس أوعى توقعى فى حبى هاا وقتها هتبقاا مشكله انا بحذركِ.
فرح بسخريه ” انا اقع فى حبك أنت لا ده مستحيل.
تميم بغرور ” انا شاب وسيم وجميل وكل البنات مجنونه بيا على فكرة وانا متاكد انك بدأتى تحبينى.
فرح بغيظ” مغروررر اوووى وبعدين انا مستحيل اقع فى حبك ومتنساش انه جوازنا هيبقه على ورق وبس.
تميم بخبث “لما نشوف يا طفله.
فرح بصتله بغضب ودبدبت على الأرض بغيظ ” قولتلك متقوليش يا طفلة انا مش طفلة.
تميم فضل يضحك عليها وهى اتغاظت ومسكت ايده وطلعته بره الاوضة وهى بتتصنع النعث وأنها عاوزه تنام
– يلاه بقاا على أوضتك عاوزه انام.
تميم كان هيتكلم بس هى قفلت الباب فى وشه وهو فضل واقف مصدوم وبيبص للباب وبيحاول يستوعب الموقف إللى حصل، معقولة طردته من اوضتها فاق على صوت رهف إللى واقفه وراه وبتضحك
رهف بضحك شديد ” اوبااا طردتك يا معلم
معقولة تميم الدمنهورى يطرد بالشكل ده لا لا مكانشى يومك يا تميم وفضلت تضحك.
تميم بصلها بغضب وهى هيمسكها بس هى جريت على اوضتها وقفلت الباب
تميم بغيظ وتوعد” بقااا حتة طفلة زى ديه تطردنى بالشكل ده طيييب وحياة إمك يا فرح ما هعديهالكِ
تميم دخل اوضته وغير هدومه ونام
___________________
مر يومين وجه وقت جواز فرح وتميم
فى اليومين دول فرح وتميم بقوا زى القط والفار مع بعض ورهف اتعرفت على فرح وحبتها اووى ومالك وتولين بقوا اصحاب وتولين اتعودت على مالك ومامته وسوزان بقااا نفسها تجوز تولين لمالك
عاصم كان قاعد وتميم قدامه وبيحكوا فى التجهيزات
تميم قام واستاذن علشان يروح مشوار
عاصم بتساءل” رايح على فين يا تميم النهاردة فرحكَ
تميم بخبث ” فى حاجه مهمه لازم اروح واعملها قبل معاد الفرح
عاصم بشك” ناوى على ايه يابنى
تميم ابتسم وباس ايد والده ” متقلقش مش هتاخر
تميم طلع وعاصم اتنهد بخوف
___________________
بعد وقت مالك وتولين كانوا نازلين من فوق يضحكوا بس مالك وقف مصدوم لما شاف…..
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية طفلة التميم)
