رواية طبيب نفسي الفصل الرابع 4 بقلم رقية محمد
رواية طبيب نفسي الجزء الرابع
رواية طبيب نفسي البارت الرابع
رواية طبيب نفسي الحلقة الرابعة
كل حاجه كانت تمام لحد ما انصدمت لما لقيت نسمه جاتلي العياده وهي وشها باهت وحزين
قمت فجأة : في ايي
بصيتلي بدموع : هو انا لي مش مكتوبلي افرح ؟
سابك ؟
قعدت بحزن وهي بتهز رأسها بـ اه
كنت فرحان جدا بس زعلان علي زعلها
سابك لي ؟
عشان هو محبنيش
انا كنت عارف
كنت عارف اي
ببساطه اختي كانت بتكلمه وهو طلع مش قد الوعود وطلع بيتسلي بس مش اكتر
قامت بصدمه وزعيق : وإنت مقولتليش لي
اقولك اي وبصفتي اي
انت راجل متخلف لي تشوف كده وتسكت عشان اجيلك تاني اه صح انت راجل مدي بتعالج حالاتك وبترجعهم لنقطه الصفر عشان يجولك تاني وطبعا انت مش خسران حاجه
اخرسي
خايف من الحقيقه اه انت راجل مدي واحقر انسان شفتي في حياتي
اطلعي برا اطلعي برا
انا بكرهك انت اكتر واحد اذتني بكرهك
اطلعي براااااا
طلعت برا وانا ما زلت بصدمتي
انا مكنتش عايز اجرحها يمكن محبش جنه بس هيحبها هي ! ده انا اكتر حد كان نفسي تفشكل ! عشان هو راجل مش كويس و وعشان .. وعشان انا …انا بحبها
خرجت بسرعه من العياده ونا مش شايف قدامي كل الي شايفه كلامها وبس
دخلت تاني العياده
مني
بصيتلي السكرتيره باهتمام
نعم يا دكتور
نسمه سالم
الي لسه خارجه
بالظبط احسبيلي كل حاجه هي دفتها في الجلسات
بصيتلي باستغراب حاضر يفندم
وفعلا حسبتهم وكانو ٣٥٠٠ بدون تردد نزلت وروحت عنوانها الي كان فيه الخطوبه وطلعت
مين ؟
لو سمحت انسه نسمه موجوده
حضرتك مين ؟
انا زميل ليها في الجامعه معلش ممكن تناديهالي
حاضر دقيقه واحده
دخل ندي عليها وهي انصدمت لما شافتني
انسه نسمه اتفضلي
نعم اي ده ؟
دي كل الفلوس الي حضرتك دفعتيها انا مبستغلش حد
بصيتلي بكسوف وخجل من تصرفاتها : انا ااسفـ…
متكمليش اتفضلي فلوسك اهي ..عن اذنك
قررت إني اتعامل مع كل المرضى برسميه وبس هما عندي مجرد مرضي مش كل ما اشوف حد احبه !
هي عندي مريضه وفقط لو جت تاني اهلا
لو مجتش برضو عادي
تاني يوم جت كنت متأكد
كنت حاسس بوجودها
قلت ونا بلف الكرسي : كنت عارف إنك هتيجي
اتكلمت : انا اسفه علي الي حصل امبارح بجد مكنش قصدي الكلام خرج بتلقائية
والمفروض اعمل اي ؟
اتنفست بهدوء خد فلوسك
اتكلمت ببرود : تؤ تؤ انا مش استغلالي ومش راجل مادي عايزه تكملي كملي من غير فلوس ونا هعتبرها صدقه
بصتله بدموع
انا قلتلك اسفه
انا مش عايز منك جنيه
طيب ينفع اقعد ؟
اتفضلي
حكت لي الي حصل وانه كان استغلالي وبيتسلي بيها مش اكتر
اتكلمت بجديه : دي حبوب مهدئه كل ما تحسي إنك تعبانه خديها ودي حبوب منومه لو بتعاني من ارق
اتكلمت بصدمه : اي ده انت اول مره تديني دوا
مكنتش بعملك كـ مريضه كـنت بعاملك كـ اخت بس دلوقتي إنتي مريضه …مريضه وبس
بصت بانكسار : طيب
تليفوني رن بصيت وابتسمت بخبث : الو يحبيبي عامله اي وحشاني خاالص …تيجي نخرج النهارده …اوكي البسي وتعالي العياده انا مستنيكي
كانت بصالي بحزن مقدرتش احدد حزن من انهي نوع
جنه جت وهي مستغربه : بتكلميني كده لي يابا
برقتلها عشان تسكت فـ بصت علي نسمه بفهم ودخلت وحضنتني : وحشتني اوي
انتي اكتر
كانت بصالنا برفعه حاجب بس انا عملت نفسي مش مهتم
اي ده مش دي بسمه ؟
اتكلمت ونا بخبطها علي دماغها بخفه : نسمه
بصيتلي بخبث وضحكت : اهلا انسه نسمه
مش يلا ولا اي
اكيد يلا
نسمه بصتلنا بتحدي : بس الجلسه مخلصتش
اعتبريها خلصت امشي علي الدوا الي انا كتبتهولك وهتتحسني
اتكلمت جنه بصوت واطي بس كانت متعمده تسمعها : هي مجنونه ؟
اتكلمت نسمه بغضب : انا مجنونه ؟ ومسكت الروشته وقطعتها وخرجت
بصيت لنسمه الي بتضحك بهستيريا : عجبك كده
معلش
بقلك يا بت
قول
مش وائل كلمني
بصتلي بتوتر
اااا ااا اه انا مالي
جاي يتقدم
يتقدم …. لمين
لامك جاي عشان يتقدم لامك
هي مش لسه صغيره علي الكلام ده
امشي قدامي
هيجي امتي
بعد ساعه
بصتلي بصدمه : وجاي تقول دلوقتي
فيها اي ؟
مش هلحق اجهز
هتلحقي يلا بس
روحنا وهي جهزت وجت الرؤيه الشرعيه
اتكلمت ماما بتحاول توزعنا: تعال نحط الجااتوه يا سليمان
اتكلمت بغباء : احنا مجبناش جاتوه
يلا يا سليمان تعال ورايا بس
رحت اتكلمت بهمس
مش هسيبهم لوحدهم انا مش سوسن !
لا إله إلا الله طب تعال اقعد بعيد عنهم
افففف
قعدوا يتكلموا ونا سامعهم كويس ومتضايق انا شخص غيور جداً علي اختي
اول ما لمحتها بتضحك قمت وقعدت جمبها
بتضحكي علي اي ؟
اتكلمت بتوتر : مبضحكش
انا شفتك
وائل : في اي يا سليمان بنتكلم عادي
طيب كفايه كلام اتفقتوا ولا اي
هزت جنه رأسها بكسوف ودخلت جوا
اتكلمت بصدمه : اي المحن ده واي الكسوف ده اول مره اشوف جعفر بيكسف !
نقري الفاتحه
بصيتله: يلا
وناديت علي ماما وجنه عشان نقري الفاتحه
زغرطت الام : مبروووك يا حبيبتي مبروك
الله يبارك فيكي يا ماما
مبروك لينا يا جنه
الله يبارك فيك يا وائل
مش هتباركلي يا سليمان ؟
مبروك يا حته من قلبي
كنت زعلان جدا إن حد يشاركني جنه ده في حد ذاته جنون
اول مره انهيلكم البارت سعيد بس يلا اي خدمه
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية طبيب نفسي)
تعليق واحد