رواية ضد الكسر الفصل الأول 1 بقلم أماني سيد

رواية ضد الكسر الجزء الأول

رواية ضد الكسر البارت الأول

رواية ضد الكسر الحلقة الأولى

ضد الكسر ( عوف . عين )
الأم: يا ابني يا حبيبي حرام عليك اللي بتعمله في مراتك ده على الاقل اعدل بينهم بدل ما انت سايبها لوحدها مع العيال وحتى المصروف اللي بتبعتهولها مش بيكفي غير اكل وشرب ليها وللعيال بالعافيه
أسامه: بيري لو عرفت اني جيت لها هتزعل
الام : يا ابني ربنا اهم من مراتك طيب سيبك منها عيالك ذنبهم ايه يعيشوا كده وانت خيرك كله لمراتك الثانيه وعيالها يا حبيبي انا بصرف عليهم من معاش ابوك
اسامه : معلش ياما استحملي شويه وبعدين ما لوش لازمه الكلام دول احفادك برضو وانا مرتاح كده
الام : يابنى انا
عين : ماتقوليش حاجه هاتى التليفون
: طيب اهم حاجه ان حضرتك تكون مبسوط واحنا نولع بقى
اسامه: عين
عين : ايوه عين اللى رميها وعايش حياتك
اسامه : عايزه ايه يا عين
عين : لا الكلام في التليفون مش هينفع تعالى نقعد ونتكلم في الحقيقه
اسامه: انا مش فاضي لما افضى بجيلك
عين : خلاص يبقى استحمل بقى وقفلت التليفون
ام اسامه: ناويه تعملي ايه يا بنتي
عين : كل خير يا خالتي هو انتى كنتى تعرفي من امته انه متجوز وما قلتليش انه مش مسافر زي ما هو مفهمنى وليه بتقوليلي ظروفه صعبه وسايبين اهلي يصرفوا عليا
ام اسامه: ما حبتش اجرحك يا بنتي قلت يمكن ربنا يهديه ويسيبها ويرجعلك تاني
عين : وكده انا ما تجرحتش يا خالتي ماشي وسابتها ومشيت ودخلت عين غرفتها وفضلت تعيط على نفسها وعلى حبيبها واتصلت بامها وحكتلها كل حاجه
ام عين : يا لهوي يا بنتي طيب بقولك ايه لمي هدومك وحاجتك وتعالي دلوقتي وسيبيله امه يخلي مراته الجديده تيجي تشيل شويه
عين : هاجي بس مش دلوقتي يا ماما بصي انا عايزه منك طلب
ام عين : قولي يا حبيبتي محتاجه ايه
عين : لما يجي سامح خليه يكلمني ضروري عشان عايزاه في حاجه مهمه انا ما رضيتش اكلمه عشان خايفه يكون في الشغل واعمله قلق
ام عين: حاضر يا قلب امك اول ما يجي هخليه يكلمك على طول وانتى مش عايزاكى تضايقي نفسك وحقك هنجيبهولك تالت ومتلت وبيت ابوكى مفتوحلك في اي وقت
عين : ربنا يخليكوا ليا وما يحرمنيش منكم
♥️فى مكان تانى خالص عند البطل بتاعنا ♥️
عوف : هاي يا نيسان عملتى ايه عند الدكتور
نيسان: الدكتوره قالت لي لسه شويه العلاج لسه ما جابش نتيجه
عوف : طب اعملي حسابك اني هاخدك عند دكتوره ثانيه
نيسان: طيب افرض قالتلك نفس كلام الدكتوره بتاعتي
عوف : هستنى عليكى ست شهور كمان وبعديها هكون متجوز واحده ثانيه
نيسان: انت ليه بتعمل كده عشان عارف اني بحبك بتعمل فيا كده واني مش هقدر اقول لك انك لو اتجوزت واحده تانيه تطلقني
عوف: لا يا نيسان عشان اللي انت فيه ده بمزاجك انت اللي فضلتي خمس سنين تاخدي موانع للحمل من ورايا لحد ما عملتلك عقم وما بقتيش عارفه تحملي وانا عشان بحبك ما طلقتكيش كان ممكن اطلقك بسهوله جدا وكان ساعتها هيكون معايا حق انا داخل في ال 40 ولسه ما خلفتش عيل واحد من صلبى يشيل اسمى ويورث الإمبراطورية بتاعتى متجوزك من سبع سنين فضلتي خمس سنين تاخدي موانع حمل من ورايا فانت كده ضيعتي حقك انك تعترضي على جوازي مره ثانيه قال لها الكلام ده سابها وخرج
نيسان بعد ما خرج قعدت على السرير وفضلت تعيط وتفكر هتعمل ايه معاه
عند اسامه وبيرى
اسامه: بقول لك يا بنت انا الاسبوع ده اروح عند ماما وهبات معاها كل يوم
بيرى : عند مامتك ولا عند السنيوره مراتك
اسامه: عندي امي وعند السنيوره ومراتي برضه ما لكيش فيه عين خط احمر وخليكي في حالك وما عدتيش تساليني رايح لها ولا لا
بيرى : ولما انت بتحبها قوي كده اتجوزتني ليه
اسامه: ايه يا بيري انتى الحب القديم نسيتي ولا ايه ايام الجامعه
بيرى : اه انا الحب القديم اللي راح وراحت ايامه وهي الحب الجديد وام العيال صح كده قالتها بحزن
اسامه: بالظبط كده فما لكيش فيه بقى واه هي ام ولادي ما تنسيش ده كمان
بيرى : طيب انا عايزه فلوس
اسامه: عايزه فلوس ليه في اكل وفي شرب جوه وطليقك بعتلك نفقه العيال عايزه فلوس ثاني بقى تعملي بيها ايه
بيرى : عايزه اشتري هدوم جديده من ساعه ما اتجوزتك ما جبتش حتى طرحه
اسامه: استني بقى الشهر الجاي الشهر ده مش معايا فلوس وسابها ومشي
عند عين
عين كانت بتفكر ازاي تخلص من اسامه هي كانت بتحبه قبل الجواز وفي اول الجواز كان معيشها ملكه بعد الخلفه بدا يتغير ويبقى بخيل وهي كانت بتستحمل عشان ولادها ما يبعدوش عن ابوهم لكن دلوقتي هو اتجوز وبقى بعيد يعنى وجوده بقى زى عدمه والأولاد مش هيتاثروا اوى
فاقت من سرحانها على صوت التليفون
عين: الو يا سامح يا حبيبي عامل ايه
سامح : ازيك انتى يا حبيبتي عامله ايه صحيح اللي سمعته من ماما ده
عين: اه يا سامح صحيح ويا ريت بابا ما يعرفش عشان قلبه ما يتعبش انت عارف مماشيينه بالعافيه بالعلاج
سامح: طيب اطلبى الطلاق منه وتعالى عيشى معانا وانا هتصرف مع بابا
عين : لا يا سامح ايه الموضوع عايز حكمه عشان اسامه مش سهل وكمان انا عايزه اخذ حضانه الاولاد ما انا ممكن ارفع قضيه خلع واكسبها وهو كمان يقدر ياخد الاولاد او يكرههم فيا الموضوع عايز صبر وحكمه
سامح : طيب انا اقدر اساعدك ازاي يا عيني انا معاكي بكل القراراتك
عين: كلم سمير صاحبه وحاول تعرفني منه من كان الشركه اللي شغال فيها وانا ممكن اروح له الشركه واضغط عليه هناك انه يطلقني ويسيبلي حضانه العيال
سامح: هجيب لك العنوان بس ما افتكرش يا عين ان اسامه تقدري تضغطي عليه بالطريقه دي وممكن يعند اكثر معاكي لو نفذتي اللي في دماغك فكري في حاجه ثانيه واحسبيها كويس قبل ماتاخدى اى خطوه
عين: تمام يا حبيبي تسلملي يا سامح هفكر تاني المهم مراتك وبنتك عاملين ايه اوعوا يكون حد بيزعل مرات ابنى بقولكم اهو
سامح : كويسين يا حبيبتي ونفسهم يشوفوكى
عين: قريب جدا يا سامح هجيلهم ان شاء الله لانهم وحشتى اوى
سامح : تنوري يا عيني بيت اخوكي مفتوحلك دايما
ملحوظه اهل عين ساكنين فى بيت عيله فى منطقة شعبيه
عدى يومين على ابطالنا وكانت عين بتفكر ازاي تقدر تتخلص من اسامه من غير ما تتخلى عن اولادها ويبقوا في حضانتها وفاجاه سمعت الباب بيخبط والاولاد بيهيصوا ويجروا يحضنوا ابوهم
اسامه: حبايبى عاملين ايه وحشتوني اوى
الاولاد: وانت كمان يا بابا بتوحشنا قوي وبتتاخر علينا
اسامه: طيب حقكم عليا شوفوا بقى انا جبتلكم ايه معايا عشان اصالحكم جبتلكم كل الحاجه اللي انتوا طلبتوها ايه رايكم بقى
الاولاد: يعيش بابا يعيش احنا بنحبك اوى يا بابا
اسامه: وانا اكتر شوفوا بقى انتوا نفسكوا تاكلوا ايه وانا اجبلكم كل اللى عايزينه
الاولاد: عايزين ناكل بوكس كنتاكي الكبير زي صحابنا
اسامه: بس كده انتوا تؤمروا حالا هطلبهولكم
وفعلا اسامه طلب لهم الاكل ليهم كلهم وقعد يلعب معاهم لحد ما الاكل يوصل ولما الاكل جه دخل العين عشان تخرج تاكل معاهم
اسامه: ازيك يا عين عامله ايه مش هتيجي تتغدي معانا انا والولاد
عين : مش عايزه منك حاجه
اسامه: بلاش الولاد يحسوا بحاجه عشان ده مش في مصلحتك
عين : ايه البجاحه دي ولادك لما يعرفوا انك راميهم وبتربي غيرهم هم اللي هيسيبوك وانا بنفسي اللي هقولهم لو ما طلقتنيش
اسامه: بلاش كلام انتى مش قده وبلاش الكلام ده معايا انا بالذات عشان انا ما بتهددش وانا هوريكي بنفسي ان انا ما بتهددش وسابها وخرج بره للولاد
الاولاد: هي ماما ما جتش معاك ليه يا بابا مش هتاكل معانا
اسامه: ماما زعلانه مني يا ولاد
الاولاد: اكيد عشان بتغيب وتسيبها لوحدها
اسامه: بص يا ولاد وخرجت عين وهم بيتكلموا عشان تعرف هيقولهم ايه
انا شغلي في مكان بعيد عن هنا ومش بقدر اجي كل يوم وفي مره وانا في شغلي شفت ست غلبانه معاها اولاد قدكم كده ومش لاقيه مكان تقعد فيه والناس الوحشه بتضايقها فانا اخدتها مكان اقعدها فيه وطبعا عشان الناس الوحشه دى ما يضايقوهاش اضطريت اني انا اتجوزها عشان اقدر اقعد معاها عشان الناس الوحشه دي ما تضايقهاش تاني يبقى انا كده غلطان ولا عملت عمل خير
الاولاد: انت كده عملت خير بس انت هتحب الست دي واولادها اكثر مننا
اسامه: عمري طبعا ما اعمل كده انتوا ولادي من دمي
الاولاد: بس انت بتقعد معاهم اكتر وبتسيبنا هنا لوحدنا
اسامه: لا ما انا جبت بيت هناك عشان اخدكم كلكم انا مش عايز ابعد عنكم تاني بس ماما هي اللي عايزاني افضل بعيده عنكم يبقى مين كده اللي غلطان انا جبت بيت عشان اخدكم و ماما اللي مش عايزاكم تقربوا مني ومش عايزه تيجي معانا يبقى مين اللي غلطان
الاولاد بصوا لمامتهم : ليه يا ماما مش عايزه تروحي مع بابا وعايزاه يفضل بعيد عننا لو سمحتي يا ماما احنا عايزين نروح مع بابا
عين بقت مصدومه من كلامه وانه قدر يقلب ولادها عليها فقاعده واحده
اسامه بيبصلها بانتصار لانه عارف ان نقطه ضعفها الولاد
: هاي يا عين هتيجي معانا ولا انقل انا باولادي البيت الجديد وامى كمان هتيجى معانا
عين: عين بقيت واقفه مصدومه ومش عارفه ترد توافق وتروح معاه وترضى بالامر الواقع ولا تعترض
كده البارت خلص نجماتى لو انتوا مكانها هتعملوا ايه هتتخلوا عن ولادكم ولا هترضوا بلامر الواقع