رواية صدفه مجنونه الفصل السابع 7 بقلم زهرة الربيع
رواية صدفه مجنونه الجزء السابع
رواية صدفه مجنونه البارت السابع
رواية صدفه مجنونه الحلقة السابعة
7
لما ادخل عليكي هعرف اذاكنتي بنت زي ما بتقولي ولا كلامي صح وهجم عليها بعن،ف ومسك اديها بقوه وبقى يقطع هدومها بعنف وهو مصر يكمل مهما حصل
صدفه بقت تزقو وتصرخ وتقول ..ابعد ابعد يا حيو،ان..ابعد..سبني..هقتلك والله هقتلكككككك
بس عمار كان مكمل ومش مهتم لصراخها بس صدفه بقت تبكي جامد ..وتقول..حسبي الله فيك..منك لله..منك لله… وجسمها اتشنج جامد وبقى زي لوح الخشب وغابت عن الوعي
عمار قام على طول وبقى يقول بقلق..صدفه..مالك يا بت..صدفه مالك…صدفه..ردي عليا ولبس هدومو بسرعه وطلب لها دكتوره
بعد شويه الدكتوره خلصت كشف وبصت لعمار بغضب وقالت..انت جوزها
عمار قال ايوه انا خير مالها
الدكتوره قالت بغضب…يعني مش عارف مالها..تقدر تقولي ايه الي قطع هدوم مراتك كده وايه الي وصلها للحاله دي..انت ازاي تتعامل مع مراتك بالوحشيه دي
عمار اتنهد بضيق وقال…لو سمحتي يا دكتوره دي حياتنا الخاصه ..انتي الي عليكي تقولي مالها
الدكتوره وقفت قدامو بغضب وقالت…حاضر هقولك مالها..المدام عندها صدمه عصبيه..ادت الي تشنج وده طبعا لانها خافت ذياده…تمام كده يا عمار بيه
عمار اتنهد بحزن وقال..طيب..طيب هتفوق امتى واعمل ايه علشان تهدي
الدكتوره قالت…انا كتبتلها على شويه مهديئات تاخدها بانتظام وبلاش توتر الفتره دي ..مفهوم يا عمار باشا
الدكتوره مشيت وعمار قعد جمب صدفه بحزن وقال…معقوله يعني واحده تكون متعوده على المواضيع دي تخاف بالشكل ده ..اكيد فيه حاجه غلط..واتنهد وقال بضيق..غلط ايه انت بتضحك على نفسك..كلام سيف واضح..والبنت باين عليها من تصرفاتها انها مش تمام وقف وقال بغضب ..انا مالي ومالها مكانش فيه داعي اعمل كل ده انا بيني وبينها اتفاق تاخد يومينها وقرشينها وتغور …وبصلها بضيق واخد هدوم ودخل الحمام
صدفه فتحت عنيها ببطأ وتعب وكان عمار لسه في الحمام بصت حواليها بارهاق واتملت عيونها دموع لما افتكرت الي حصل قامت بتعب ومسكت الجزمه في ايدها وراحت ناحيه الباب
بس وففت مكانها على صوت عمار قال..رايحه فين..مش هتبطلي تتسحبي زي الفيران كده
صدفه بصتلو وقالت بجمود..عايزه امشي من هنا انا مش هقعد ولا دقيقه تاني
بقلمي…زهرة الربيع
عمار قال بضيق…بس احنا متجوزين …مش بمزاجك
صدفه قالت بغضب..لا بمزاجي احنا كان فيه بنا اتفاق وانت منفذتوش انا كمان مش مجبره اكمل عن اذنك
عمار قال بسرعه..لو مشيتي مش هتاخدي ولا قرش
صدفه قالت بغضب..انا مس عايزه منك ولا مليم …ومش هقعد دقيقه تاني
صدفه لسه هتمشي عمار وقف قدامها وقال..احم..خلينا نتفاهم..شوفي انا غلطت معاكي مكانش يصح اقربلك كده..بس انتي كمان غلطتي حاجه مهمه زي دي كان لازم تحكيهالي وانا اقرر نتجوز او لا و
صدفه قاطعتو بغضب وقالت..لا ..انا مش مضطره ابررلك حاجه ولا اقولك اي حاجه عني.. انت جبتني من بار مش كده كنت بصلي هناك مثلا..انت لاقتني سكرانه وبقلع مش ده الي قولتو ..تقدر تقولي مسألتنيش ليه مدام الموضوع يهمك…ابعد عن طريقى ومتضيعش وقتك ووقتي
عمار اتنهد وقال..انتي معاكي حق..كان لازم اسألك..تمام..انا اسف..الي حصل مش هيتكرر …وبعدين انا مجتش جمبك..انتي اغمى عليكي وسبتك على طول
صدفه ضحكت بدموع وقالت..كتر خيرك يا باشا..انا عارفه انك مقربتليش..مفيش داعي توضح..ابعد من قدامي
عمار قال بحزن…صدفه..انا اعتذرت…صدقيني انا.. نا معنديش اغلى من جدي.. اصلا مش باقيلي غيره وهو صحتو تعبانه وقلبو مش هيستحمل..لو عرف اني كدبت عليه هيروح فيها ..ارجوكي متمشيش…انا اول مره اترجي حد
صدفه بصتلو بدموع وقالت …انا معنديش ثقه فيك..وبعدين اخاف اقعد معاك بعد الي حصل
عمار قال بسرعه..انا اوعدك مش هقربلك والله ما هضايقك تاني ..وعد
صدفه اتنهدت وقعدت على السرير بضيق وقالت..تمام..بس حاول تعجل وكلم جدك
عمار قال بسرعه..اسبوع بالكتير..وهكلمو ..شكرا
صدفه هزت راسها بحزن واخدت بيجامه تلبسها ودخلت الحمام
عمار اتنهد براحه وقعد يشتغل على اللاب
الروايه حصري لبيدج عالم الروايات
بعد شويه صدفه خرجت وهيه لابسه بيجامه حرير رقيقه جدا وبتنشف شعرها وشكلها يخطف القلب
عمار فضل باصص لها بتوهان شديد وبيتأمل ملامحها وكل تفاصيلها بشرود
صدفه اتجاهلت نظراتو و قعدت على السرير بزهق وطلعت تليفونها بقت تلعب بيه ولاكانو موجود
عمار فضل يبصلها بضيق واستنى انها تكلمو بس منطقتش نفخ بضيق ووقف وقال بعصبيه…هو ازاي انتي بالبروود ده مش فاهم
صدفه بصتلو بطرف عينها وقالت…بتكلمني انا
عمار قال بضيق وسخريه …لا بكلم خيالك وطيفك الي سحرني..طبعا بكلمك هو فيه غيرنا هنا
صدفه بصتلو وقالت بضيق..نعم فيه ايه تاني
عمار قال ..فيه انك بارده قوي..يعني مش فاهم انتي مش حاسه ان المفروض تقولي حاجه يعني انا غلطت معاكي اعترفت واعتذرت..بس انتي كمان غلطتي حتى لو كان الي بنا اتفاق مش جواز حقيقي كان المفروض تصارحيني بحقيقه شغلك..مش شايفه انك المفروض تعتذرى او تبرري حتى..يعني حتى تبقى مكسوفه من الي عرفتو
صدفه رفعت عيونها بدهشه وقالت..نعم..واتكسف من ايه
عمار قال باستغراب..تتكسفي من ايه…ههه..انا عرفت كل حاجه..عرفت ان حضرتك كنتي شغاله في خماره ..بتخدمي على رجاله سكرانه ووبيباتو عندكم وانتي وزميلاتك بتكونو معاهم طول الليل ايه الي ممكن يكسف ست اكتر من ان حقيقتها الرخيصه تتكشف
صدفه قالت بضيق شديد..لا..مش مكسوفه من حاجه..ولا هعتذر ولا هبرر وانت كلك على بعضك متهمنيش اي فكره حابب تاخدها عني خدها..واي تفكير في دماغك المريض ولا يعنيني حتى انا قاعده معاك لهدف واحد مش اكتر والي هو الفلوس..وانت كل الي ليك عندي اني امثل قدام جدك اننا متجوزين غير كده ملكش عندي حاجه
عمار اتنرفز جدا وراح نام بغضب على السرير
صدفه نامت جمبو وبصت الناحيه التانيه
عمار قعد وقال بضيق..انتي هتنامي هنا…
صدفه لسه هتتكلم عمار قال بمقاطعه…طبعا هتنامي…هتتكسفي مني مثلا مانتي متعوده ايه الجديد يعني
صدفه كانت حاسه بغضب رهيب من كلامو بس ابتسمت باستفزاز وقالت..بالظبط…انا كنت بنام جمب رجاله ومكنتش اتكسف ..اكيد مش هتكسف لما انام جمب واحد ذيك
عمار اتسعت عنيه بزهول ومسكها من ايدها بغضب وقال..قصدك ايه يا بت انتي ايه واحد ذيك دي
صدفه قالت باستفزاز والله الي فهمتو..يعني انا مش شيفاك راجل اصلا علشان اتكسف منك
عمار اسودت عنيه من الغضب وقال بنبره مرعبه
.انا راجل غصب عنك وعن الي خلفوكي..ولولا انك من شويه كنتي هتموتي في ايدي كنت وريتك الرجوله شكلها ازاي..يا رخيصه..يا ركلام …وزقها بغضب وقام راح ناحيه الكنبه
صدفه اتملت عنيها دموع بس قالت بقوه..اهو علشان الموقف ده بذات مش شيفاك راجل..لان مفيش راجل يقبل على نفسو يجبر واحده عليه لحد ما تكون هتموت في ايده ياسيد الرجاله
عمار حس بوجع في كلامها واتضايق من الي عملو وشاف ان معاها حق في كل كلمه اتنهد ونام على الكنبه من غير ما يرد
وصدفه كمان نامت ونزلت دموعها على خدودها بحزن والم وقالت في نفسها…منك لله با عرفه ..منك لله
في صباح يوم جديد صدفه فتحت عنيها بنوم ملقتش عمار على الكنبه قامت بضيق واخدت هدوم ودخلت الحمام
عمار كان نازل على السلم وهو بيكلم سيف في التليفون وبيقول…اه..تمام..لا انا انهارده جاي..الاجتماع كمان ساعه مش كده
وسمعو شويه وقال..لا تمام.. هلحق ان شاء الله خلاص سلام هفطر واجي على طول
عمار قفل معاه ولقى جدو بيفطر باسو من خده وقال ..ايه الصباح الجميل ده صاحي بدري انهارده
جاد قال بابتسامه..ده لاني مبسوط..كنت مستنيك افطر معاك انت ومراتك..منزلتش معاك ليه
عمار قال بضيق..احم..لسه نايمه يمكن مش هتقوم دلوقتي و
بس قطع كلامو نزول صدفه وهيه بتقول..انا هو يا جدو صباح العسل يا راجل يا عسل
جاد ضحك وقال..صباح الورد يا حببيبتي..ها نمتي كويس
صدفه قالت ..جدا ده المرتبه طريه بشكل..ياخرااابي تحس انهابتبلعك كده
جاد ضحك وفضل يوزع نظرات عليها وعلى عمار وقال..مصبحتيش على جوزك يعني انتو زعلانين مع بعض ولا يه
عمار قال ..لا ابدا يا جدي بس … لاكن صدفه قاطعتو وقالت بتمثيل..اسأل حفيدك بقي يا جدو
عماربصلها بغضب وجاد قال..ااااه انا قولت كده برضو عمل ايه الولد ده اصلا انا عارفه ميسترش ابدا
عمار قال ياجدي انا معملتش حاجه ..وبصلها بتحذير وقال…هيه صدفه بتحب تهزر
صدفه قالت بسرعه…شايف..شايف يا جدي بيزغورلي بعينه ازاي ..انا هحكيلك البيه شكلو مكسوف..قولي يا جدي ينفع الواحد يشك في مراتو
بقلمي..زهرة الربيع
عمار بصلها بتوتر وجاد قال..اعوذ بالله لا طبعا كلو الا الشك بس يا بنتي احكيلي الموضوع مش يمكن يكون غيران عليكي مش شك ولا حاجه
صدفه بصت لعمار بخبث وقالت…ها يا عمار بيه احكيلو
عمار قال بغضب مكبوت ..ولا تحكيلو ولا توجعي دماغو..انا عرفت غلطي وحقك عليا
جاد فال ..بما انك عرفت غلطك يبقى تقوم تبوس دماغ مراتك ومتزعلهاش تاني يلا
عمار قال ..بس يا جدي الحوار مش مستاهل وهيه مش زعلانه مش كده يا صدفه ولا ايه
صدفه قالت..شايف يا جدي مش بيسمع كلامك معني كده انو لا ندم ولا عرف غلطو بيسكتني بس..انا هحكيلك الموضوع بقى كل الحكايه
بس عمار وقف بسرعه وقرب منها وباس على راسها وقال وهو بيضغط على دراعها بغيظ..ما خلاص بقى يا قلبي قولت حقك عليا… وهمس عند ودنها وقال…هربيكي..استني عليا
صدفه ابتسمت بانتصار وبصتلو بابتسامه مستفزه وقالت..سماح المرادي علشان خاطر جدي بس
جاد قال ..ربنايخليكم لبعض ومتزعلوش ابدا
عمار خلص فطار وقال..طيب يا جدي انا همشي بقى سيف بقالو يومين في الشغل لوحدو
جاد قال…. ربنا معاك يا ابني
عمار لسه هيطلع بس اتجمد مكانو بصدمه واتسعت عنيه بزهول لما دخلت ست في اواخر التلتينات بلبس قصير جدا ومكياج صاخب وقالت بابتسامه…صباح الخير
عمار فضل متجمد مكانو ومردش وجاد وقف وقال بضيق واستغراب….ابتسام …ايه المفاجأه الغريبه دي
ابتسام مشيت ناحيه الكنبه وخبطت في عمار بقصد وقالت..ايه شكلك منبسطتش بشوفتي يا حمايا
جاد اتنهد بضيق وقال..اا طبعا..ده بيتك..وحفك تيجي براحتك بس اصلك جيتي فجأه كده
ابتسام قالت باستفزاز..عادي… حبيت اجي اسلم عليكم..وهقعد فتره كده
جاد لسه هيرد اتصدمو كلهم بصوت شخص يعرفوه كويس بيقول…. ادخل الشنط يا هانم
الكل التفت للصوت ووقفو بصدمه وزهول وابتسام بصت لهم بابتسامه مستفزه وقالت..دخلهم يا عرفه..وبصت لعمار وقالت…عرفه الخادام الخصوصي بتاعي وهيفضل معايا هنا
عمار بصلو بغضب يحرق الكون وعرفه بصلو بابتسامه مستفزه اما صدفه فقعدت مكانها بصدمه وووووو
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية صدفه مجنونه)
