رواية شيطان الإنتقام الفصل الثاني 2 بقلم ولاء حامد
رواية شيطان الإنتقام الجزء الثاني
رواية شيطان الإنتقام البارت الثاني
رواية شيطان الإنتقام الحلقة الثانية
الكابوس
صحيت قمر والفجر بيقول الله واكبر على كابوس مفزع قامت وهي عماله تنهج وهدومها مبلوله من العرق
محمد صحي لما شاف حالتها كده: في ايه يا قمر مالك
ردت قمر برعب واضح عليها : كابوس يا محمد أعوذ بالله من الشيطان الرجيم
محمد بضحك كل داه يا بنتي علشان قولتلك هنسافر بالليل اهدي يا خوافه
بلاش نسافر بكره يا محمد علشان خاطري خلينا بعدها في نهار ربنا انا قلبي مقبوض ومش مرتاحه والحلم داه كمل عليا قالتها قمر بصوت مهزوز من الخوف
محمد بهدوء وعقل اخدها في حضنه وقالها اهدي انا معاكي اطمني داه كابوس قومي اتوضي علشان نصلي الفجر جماعه وصحى العيال دي يلا استعيذي بالله من الشيطان الرجيم وغيري هدومك واتوضي لو عايزه تاخدي دش خديه الأول لسه معانا وقت لحد الإقامه
قمر وهي بتهز راسها بخوف وعيون مليانه دموع وقلبها اللي حاسس ان القدر مخبي ليهم حاجه وحشه بس حاولت تطمن نفسها وسلمت أمرها لله
قامت واخدت شاور واتوضت كان محمد صحى الأولاد ودخلوا اتوضي ورا بعض ومحمد كان إمامهم في الصلاه
بس قمر في كل ركعه كانت بتبكي وتدعي ربنا بوجع انه يريح قلبها وتنسى الكابوس المفزع داه ويريح قلبها وفي آخر ركعه سلمت أمرها لله واستودعت نفسها وزوجها وأولادها لله
دخل الجميع يكمل نوم بس قمر مقدرتش ترجع تنام الكابوس بيتعاد تاني وتاني وتاني زي مشهد السينما المكرر ورا بعضه لحد ما تعبت
FLASH BAKE
بتجري في صحرا والدنيا ضلمة كحل وفي ديب اسود بشع بيجري وراها وكل ما تجري في نحيه تلاقيه وراها وكأنه ظهر من العدم زي الشيطان لحد ما تعبت من الجري بس بردو ما استسلمتش بس للاسف الذئب لحقها وبقى ينهش فيها لحد ما اكل لحمها وهي لسه عايشه وعماله تصرخ بس مفيش صوت طالع منها خالص لحد ما الذئب سابها وفجاءه ايد شدتها لحفره عميقه جدرانها نار ومليانه دم ولقيت نفسها بتختفى وسط الحفره دي ونفسها بيختفي بالتدريج
END FLASH BACKE
فاقت قمر من شرودها بفزعه على ايد محمد بتفوقها من سرحانه قمر بصوت شبه عالي وفزع : يا محمد حرام عليك نشفت دمي في ايه
محمد بإستغراب: مالك يا قمر في ايه عماله انادي عليكي المنبه بتاعك عمال يرن بقاله ساعه وانتي ولا هنا في ايه قولتلك اطمني مالك لكل داه يلا علشان نصلى الضحى ونشوف اللي ورانا
اتحركت قمر وهي تعبانه من القلق بس فضلت طول ما هي بتجهز الفطار تستعيذ بالله وتقول اذكار يمكن قلبها يرتاح ومحمد شغل سورة البقره وعلى الصوت بحيث انه يريح البيت ويدخل الطمأنينه في قلب قمر
************************
في فيلا السالمي
صباح يوم جديد على السفره الكل متجمع
ميريهان لميرا شوفتي يا ميرا فستان شيروت ياااااي ايه داه في حد يلبس بالاسلوب الVULGAR داه
ميرا بعجرفه فعلا يا انطي شكله بيئه ميلقيكش بمكانتها
قطع صلت النميمه اليوميه شاكر اللي قالهم بصوت قوي وحاد اعملو حسابكم انهارده بالليل عندنا حفله في فندق ….. الساعه 7 الكل يكون موجود فاهم يا ماهر بيه قالها وهو بيبص نحيه ماهر اللي مرفعش عينه في ابوه لانه عارف ان الحرب قدام ابوه خسرانه
اكتفى بهز دماغة من سكات.
*****************************
عند قمر رجعت البيت وفضلت تعلى صوت القرآن الكريم بس قبضه قلبها بتزيد مش بتقل عملت روتينية اليومي بس زودت شويه علشان السفر خصوصا انهم هايسافرو من الفيوم على مطار القاهره خلصت قمر وراحت علشان تجيب أولادها من المدرسه طول الطريق وقمر لسانها لا ينفك عن ذكر الله
قمر لنفسها يارب اجعل الغيب خير اللهم يسر لي أمري
اللهم لك فوضت أمري
وصلت المدرسه ولقيت كل المدرسين متجمعين حواليها بيباركو ليها مدير المدرسه استاذ رفعت رفع ايده علشان يسلم عليها بس قمر قالتله: بعتذر لحضرتك بس انا مش بسلم غير على محارمي
(( لإن يُطعن في رأس احدكم بمخيط من حديد خير له من أن يمس امراءة لا تحل له))
ابتسم بفخر وقالها ونعم التربيه لازم نشأك يطلع حامل لكتاب الله استغربت وعرفت ان اسماء يحيى وياسين نزلت على النت والمدرسة كرمتهم واحتفلت بيهم ابتسمت بفخر واخدت أولادها وطول الطريق وهي شارده في الكابوس اللي بقى مسبب ليها حالة رُعب
قمر وهي باصه لاولادها: يلا كل واحد على اوضته يغير واتوضوا علشان صلاة الظهر علشان ميدخلش عليكم صلاه العصر
وصل محمد بهدوء ورزانه كان مع أذان العصر اتوضوا وصلوا العصر في جماعه وبدأت قمر تجهز السفره للغداء
محمد بمرح معتاد لانه حاسس ان قمر طول الوقت شارده بقولك يا قمري هاتقعدي عندنا ولا تحبي تقعدي مع اخواتك في بيت اهلك اصل شكلهم وحشوكي ابوكي كلمني وبيقولي اتصل عليكي كنير وانتي مش بتردي البلد كلها عرفت ان يحيى وياسن مراكز اولى على مستوى الجمهوريه فى القرآن الكريم وأمي واخواتي فضلو يزعرطوا والحاج عندي بيقولى انا هادبح أرنب بحاله ههههههههه
قمر ابتسمت بحب: طيب وذنب الأرنب يضحي بحياته ليه بس
ضحك ياسين ويحيى على الكلام: طيب يا بابا قول لجدو خليهم ارنبين علشان واحد مش هايكون انتا شايف العدد في الليمون قالها يحيى بضحك شاركه فيه ياسين
محمد: بس كده يا يحيى باشا عجل بحاله جدك جابه علشان نجاحكم كان نادره لله والندر دين
ماشي يا بابا بس هانبقى معاك في الدبيح انا بقول اهو كان كلام ياسين بعبوس لذيذه وهو باصص لأمه اللي كل مره ترفض يحضرو الدبيح لانهم كل مره لازم يرجعوا مبهدلين دم
خلص الغداء ما بين ضحك ومناقشات ومناقره بينهم وبين أولادهم وقامت قمر تكمل اللي وراها علشان تبداء تجهز الشنط والحاجات اللي هايحتاجوها وتجهز اكل كمان للسفر لانهم بياخدوا اكتر من 6 ساعات بين اسكندريه للفيوم
****************************
الساعه 7 في فيلا السالمي نزلت ميريهان لابسه ما يشبه بفستان اسود مطعم بالفضي طويل للارض بس شيفون لحد فوق الركبه وبفتحه طويله لحد نص الفخذ اوف شولدر من الكتاف وعاري لمنتصف الظهر وكملت طلتها بمجوهرات من دار دماس للمجوهرات طقم عباره عن كوليه على شكل ثعبان ملتف حولين العنق مرصع بالالماس واسواره بنفس الشكل وخاتم وحلق مماثل لهم مع مكياج ملائم لها لا
اما ميرا فارتدت فستان قصير للغايه ملتصق وكأنه جلد ثاني لها من اللون الفيروزي كب وعاري الظهر تماما وأكملت مظهرها بمكياج صارخ وارتدت كوليه من الؤلؤء الجدول مع الألماس واكتفت بخاتم الماس ذو حجر فيروز كبير في اصبعها بالاضافه لحلق بنفس شكل الخاتم
اما ماهي فارتدت فستان اقل ما يقال عنه قميص نوم من اللون الزهري قصير لمتنصف الفخذ او اقل منفوش قليلا بحاملات وقصة صدر منخفضه جدا جدا وظهره حمالتين اكس وارتدت طقم الماس مكنون من كوليه على شكل زهور صغيره ومثله كوليه وحلق وخاتم وأكملت اطلالتها بمكياج لا يناسب عمرها اطلاقا
اما الرجال فارتدوا بدل رسميه تُكسيدوة سوداء فخمه
شاكر بصوت حاد مغلف ببرود ثلجي يلا يا جماعه خلاص كده علشان منتأخرشي
رد فارس بعدم رضى على ابوه من لبس زوجته واخته وأمه بس ما باليد حيله تمام علشان نكون في استقبال عائله نصار
واتحرك الجميع نحو الحفل المرتقب
******************************
في ذلك الوقت عند قمر اووف خلاص يا محمد خلصت تقفيل الشنط الوقت اتأخر أوي الساعه داخله في 8 واحنا لسه متحركناش خلينا لبكره بقى علشان الطريق والليل بالله عليك أنا لسه مالبستش والأولاد كمان وانتا ولسه كمان بقفل في الأكل علشان الطريق
محمد بصبر وهدوء لانه عارف قلق قمر من السفر بالليل: يا قلبي احنا مسافرين بعربيتنا مش مواصلات علشان تخافي يا بت انتي معاكي أسد قالها بضحك وهو بيضمها ليه بأيد واحده لان التانيه شايل بيها حمزه اللي فتح سرينه معتاده
***************************
في الحفله كله اندمج مع أجواء الحفل الصارخ لرجال المال والاعمال عائله السالمي وعائله نصار
فهد: ايه الجمال داه ياناس خطفتي الأنظار من الكل
بيري كانت ترتدي فستان طويل بثلثي كم من الستان المغطى بطبقه شيفون واكتفت بقيلاده ماسيه على شكل قلب كان أهداها لها فهد في عيد ميلادها مع مكياج هادئ واكتفت بخاتم الخطبه وحلق بسيط
بيري بوجه محمر وخجل طبيعي : عيونك حلوه يا فهد
ابتسم فهد وقال انتي ونعم الزوجه ونعم السند
اما ماهر كان مقيم على البار هو شلته والكأس كالعاده مش مفارق ايده
نادر بمكر الثعالب: الامانه وصلت يا برنس
ماهر وهو ببوادر سُكر: مش هنا يخربيتك فارس عينه مش مفارقاني شويه وهانزوغ من الملل داه
نادر بعبوس مصطنع : يا عم ايه الي جابنا
ماهر بلوية وش : حكم القوي مقدرشي شاكر باشا أكد على الكل يحضر
********************************
عند قمر الساعه 10 اتحركت هي وجوزها وأولادها علشان يوصلو بلدهم
اتحركت قمر نحو المجهول يا ترى يا قمر القدر مخبيلك ايه
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية شيطان الإنتقام)
2 تعليقات