رواية شيطان الإنتقام الفصل الأول 1 بقلم ولاء حامد
رواية شيطان الإنتقام الجزء الأول
رواية شيطان الإنتقام البارت الأول
رواية شيطان الإنتقام الحلقة الأولى
الأبطال الرئيسية
ضي القمر محمد الديب معروفه بقمر الديب من صعيد مصر لكن هي اتولدت واتربت في الفيوم عندها 30 سنه بنت جميله جمال شرقي أصيل عيون سوداء زي سواد ليله المُحاق بشره خمريه وشعر اسود طويل بس فيه كسرات عطيته جمال رباني فيها غمازات ودي وراثه من امها وفيها دقة الحُسن في دقنها محتشمه دايما لبسها دراسات طويله بكم وحجاب طويل وأحيانا خمار ماليزي متزوجه ومعاها 3 أولاد يحيى وياسين تؤم عندهم 7 سنين في 2 ابتدائي وحمزه لسه بيبي صغير عنده 7 شهور
محمد الحسيني زوج قمر عنده 39 سنه اتجوزها جواز تقليدي بس عشقها بعد الجواز مُحاسب في شركة بترول مُقيم في اسكندريه علشان شغله طويل وجسمه مش رياضي بس عنده كرش صغنون دايما قمر بتحب ترخم عليه بسببه حياتهم هاديه ومُستقره
باقي الأشخاص مهمين جدا هايظهرو مع تسلسل الأحداث
الفصل الأول
الساعه 5:30 صباحا صحيت قمر على صوت المنبه ككل يوم اتوضت وصلت الضحى وجهزت الفطار والساندوتشات لأولادها وصحتهم هما وزوجها التسلسل العادي اتوضوا وصلوا الضحى مع ابوهم وفطرو واتحرك محمد على شغله وهي اخدت الأولاد الثلاثه حمزه في شياله على صدرها و يحي وياسين في ايديها واخدت تاكسي للمدرسه ورجعت السوق تشتري كل مستلزمات بيتها وعملت روتينها المعتاد والساعه 1 رجعت نفس المشوار علشان تجيب الأولاد من المدرسة في اليوم داه محمد جه بدري لانه يوم مميز جدا جدا ليهم
*******************
في مكان تاني خالص
في فيلا في احد الأحياء الراقيه في القاهره تجتمع عائله السالمي وهي احد العائلات الارستقراطيه الاب شاكر السالمي 60 سنه دماغ اقتصاديه بحته مش بيفكر غير في البيزنس والفلوس وبس
الأم ميريهان العزازي العمر 55 سنه بس مش باين عليها السن اصلا متكبره ومغروره جدا
فارس شاكر السالمي العمر 32 سنه متجوز ومش معاه اطفال
زوجته ميرا الدمرداش ايقونه موضه
فهد شاكر السالمي العمر 30 سنه خاطب
بيري الحديدي خطيبه فهد بس طيبه جدا
ماهر شاكر الدمرداش العمر 25 سنه اعزب بس سُكري
ماهيتاب شاكر السالمي اخر العنقود 20 سنه بس كتلة غرور متحركه بتعامل الناس على أنهم عبيد
الكل اتجمع على السفره علشان الفطار شاكر بيناقش مع أولاده امور الشغل وانه انهارده يوم مميز لأنهم هايمضوا اكبر صفقه في تاريخ الشركه ولازم الكل يكون على أتم استعداد انتهى الفطار واتحركوا في اسطول عربيات على شركه السالمي.
**********************
كملت قمر الغدا في جو اسري بسيط جدا ومحمد متحمس لليوم داه وركبو عربيتهم واتحركوا مع بعض للقاهره انهارده مسابقه القرآن الكريم واترشح ليها ياسين ويحيى عن محافظه الإسكندرية ووصلوا مكان المسابقه وابتداء التسميع والترتيل لآيات الذكر الحكيم وبعد وقت طويل جدا فاز ياسين ويحي بالمراكز الأولى وكانت فرحه ما بعدها فرحة خلت الأب سجد شكر لله انه أتم عليه نعمته بحفظ أولاده للقرآن الكريم
نرجع لعيلة السالمي
وصل اسطول السيارات الملغم بالحراسه لمقر شركة السالمي ونزل منه وجهاء العائله محط أنظار الجميع من حيث المال والنفوذ بالإضافة للكاريزما أتوجه الجميع لمكتب رئيس مجلس الإدارة لمناقشة الصفقه قبل التوقيع وخلال ساعه دخلت جيجي سكرتيرة شاكر تبلغه بوصول شركة نصار في قاعة الاجتماعيات الكبرى واتوجه الجميع وبدء عرض بنود الصفقه اللي بتضم قطبي الاقتصاد وتم البدء بعرض إنجازات كلا الشركتين ووضع اسمها في البورصه ووضع السوق المالي لهم وانتهت بعرض كل جوانب الصفقه من البدء حتى الإنتهاء حتى حجم الأرباح وانتهت بتوقيع شاكر السالمي وعدي نصار على الصفقه التي تُعد مغاره على بابا لكلا الشركتين وأعلن شاكر عن حفله في مساء الغد للإحتفالات بالتوقيع.
**********************
رجعت قمر لبيتها في محافظه الاسكندريه وهي فخوره بأولادها ومحمد كان في قمة سعادته لانه ربنا رزق أولاده إنهم يتموا حفظ كتابه العزيز بل وياخدوا مراكز الاولى فيه
بقولك يا قمر انا حاسس اني ملكت الدنيا واللي فيها ربنا كرمني بأحسن واحن زوجه وكمل فضله عليا بأنه جعل من ذريتي حملة كتابة الكريم ياااه يا ما انتا كريم يارب
والله عندك حق يا محمد حاسه ان جوايا فرحه تكفي الكون كله قالتها قمر وهي باصه لأولاده بفخر باين اوي على ملامحها
يعني كده نضمن إننا هانطلع شرم السنه دي مصيف والله زهقنا من بحر اسكندريه كل سنه ولا ايه يا حمو قالها يحيى بلاماضه
بالله عليكي يا قمر الزمان توافقي ما تكسري بخاطرنا إلهي يجبر بخاطرك يا قمر يا بنت ام قمر ويسترك ما يفضحك ويكسيكي ما يعريكي قادر يا كريم قالها ياسين وهو بيضحك لأمه علشان يقنعها
صوتت قمر: يالهوي الحقني يا محمد أولادك بيشحتوا المصيف
ضحك محمد بصوته كله : ماشي وليكم عندي كمان مفاجأة وصااايه يا لمض منك ليه
مفاجأة ايه دي يا محمد
محمد عمره يا قمر هانطلع كلنا عمره كنت نادرها لو ربنا كرمني واولادي ختموا القرآن هانطلع عمره
قمر قالتله الله أكبر والله احلى مفاجأة في الدنيا واترمت في حضنه بفرحه وسعاده ورضا ضمها محمد بحب وفي عيونه ضحكه سعاده متتقدرشي بكنوز الدنيا
قمر اااخ نسيت يا محمد إننا لازم ننزل الفيوم علشان ابوك كان نادر انه يدبح للعيال لو فازوا بالمسابقه
محمد اممممممم تمام نسافر بكره ان شاء الله ونقعد كام يوم علشان يفرحوا معانا ونسافر من مطار القاهره يعني خلال أسبوع ان شاء الله نكون خلصنا كل اللي ورانا وكمان علشان اقدر اخد اجازة
قمر تمام
محمد لقمر بقولك ثواني هاعمل مكالمه
وطلع بره في البلكونه واتصل بوليد صاحبه
ايوه يا يا ليدا
وليد: يخربيت ابو رخامتك يا محمد يا بني قولتلك مليون مره بكره الاسم داه
محمد: يا ليدا بحب ارخم يا صاحبي المهم بقولك اعملي اجازه من بكره
وليد :ليه يا عم الحاج
محمد : مسافر بكره البلد
وليد : ليه خير في حاجه
محمد: اهدا يا عم مفيش بس انهارده كانت مسابقه الجمهوريه في القرآن الكريم
وليد: اخ نسيت انك عملت اذن انهارده علشان كده الأولاد عملوا ايه ان شاء الله ربنا يكون جبركم
محمد: الحمد لله ربنا جبر خاطري ويحيى وياسين مراكز الأولى
وليد :الف مليون مبروك يا صاحبي
محمد: الله يبارك فيك المهم خلصلي بقى الاجازة
وليد : يا ابني انتا ناسي ان فواتير المعدات الجديده اللي نزلت قسم المشروعات معاك ولازم تنزل الكشوف
محمد: اووف يا الله تمام هاجي بكره اسلمك الفواتير واعمل الاجازة
وليد: تمام ومليون مبروك يا صاحبي ربنا يجعلهم ذريه صالحه عقبال حمزه ان شاء الله
محمد: يارب اسيبك بقى تشوف اللي وراك مع السلامه
وليد: مع السلامه
دخل محمد للشقه تاني وقال لقمر للأسف هانضطر نسافر بكره بالليل علشان لازم اروح بكره الشغل ضروري في فواتير لازم تتسلم وأقدم الاجازه بنفسي
قمر بعبوس وضيق باين على ملامحها بس انتا عارف إني مبحبش السفر بالليل قلبي بيتقبض منه
سيبها على الله يا قمر هاتقلقى وانتي معايا ولا ايه يا بت قالها محمد بمرحه المعتاد لانه عارف ان قمر بتتعب من فكره السفر بالليل
قمر ان شاء الله خير يلا بقى ناخد دش وننام لاني هلكانه من المشوار رايح راجع يلا يا أستاذ منك ليه كل واحد يدخل ياخد شاور
********************************
وفي القاهره رجع الجميع لفيلا السالمي
شاكر ليزا ليزا
ليزا Yes sir
شاكر where is madam
ليزا انها بالخارج هي والسيده ميرا
شاكر where is mahitab
ليزا She went out with her friends
شاكر OK Go
يا بابا مينفعشي ماهي تخرج كل يوم وترجع وش الفجر بالشكل داه دي بنت وفي سن خطر قالها فارس لأبوه بانفعال شديد
شاكر ببرود ثلجي : سيبها تعيش سنها يا فارس دي الدلوعه ان معاشتش على اسم ابوها وفي حياته هتعيش امته ومع مين
فارس : يا بابا كده غلط الدنيا دلوقتي مش أمان
شاكر اتحرك من مكانه وهو طالع السلم : فكر في نفسك يا فارس وشيل اختك من دماغك انا عيني عليها ومبتعملشي حاجه غلط
نروح عند ماهي في الديسكو
شويه عيال بايظة فلوس اهاليها مقويه قلبها على الغلط لا تعرف رب ولا حتى دين
((إن لم تستحي فافعل ما شئت))
نيرفانا ايه يا ماهي نائل هايموت عليكي
وايه الجديد قالتها ماهي بغرور وعجرفه
نيرفانا بنفاذ صبر: يا بنتي نائل داه جان الجامعه شيك وكاريزما ياريت بس يعبرني ببصه
ردت عليها ماهي بغرور معتاد : يا بيبي انا ماهي السالمي يعني فوق كل حد اوك
علقت نيرفانا : بس ميمنعش نتسلى شويه
كان بصت قرف وتكبر واستحقار تجاه نائل هي كل رد فعل ماهي
على البار في نفس الديسكو رما نائل سيجارته وسحقها تحت جزمته بغضب أعمى
يوسف انتيم نائل: يا عم فكك منها دي بت شايفه نفسها على الناس مش عارف عاجبك فيها ايه
رد نائل وهو باصص على ماهي بغضب: بس دخلت مزاجي وانا مش بسيب حاجه نفسي فيها بس اصبر عليا وانا هاعرفها مين هو نائل المنصور
فضل نائل يشرب بغباء والأمر مختلفشي كتير عند ماهي شربت لما سكرت طينه واتحركت على الاستيدج ترقص بس نائل لحقها مهو مش هايفوت الفرصه دي واتحرك علشان يرقص معاها وبداء يتجراء عليها وهي حست بيه وزقته بطريقه مهينه أتدخل البودي جارد واخدوها لعربيتها
*****************************
في احد كبريهات شارع الهرم
ماهر هو شلته نفس عينته شرب وسكر طول الليل ايده مش بتفارق الكأس شرب طينه
نادر بشبه فوقان لماهر : بقولك ايه في حته كده انما ايييه عظمممه لوز مقشر
لايمني عليها قووام قالها ماهر وهو بيشرب اخر بق في كاسه
نادر بخباثة: لا دي جايه بكره مش انهارده
ماهر بسُكر طينه : قشطا بس بعد الحفله لحسن اتنفخ فارس وفهد مفتحين عينهم عليا اوي
نادر بشبه ابتسامه : وانت بيهمك اوي ههه
لتنتهي السهره في شقة سوزي رقاصه في الكباريه لتنتهي ليلتهم في معصية الله
فهناك قلوب فرحة بذكر الله واخرى لاتعيش الا في معصية الله
قول حق
اعلم ان الله دائما يراك فلا تجعله يراك حيث نهاك
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية شيطان الإنتقام)
تعليق واحد