رواية شهد الصعيد الفصل الثاني 2 بقلم رانيا قنديل

رواية شهد الصعيد الجزء الثاني

رواية شهد الصعيد البارت الثاني

رواية شهد الصعيد الحلقة الثانية

بعد ما اوصلهم حسان عاد إلي منزلهم …..
الأب عيد: شهد كيف تتحدتى وأنا واجف من غير حيا ولا خشا أنى ربيتك عشانى تكسري راسي ي بتى فعلتك حزنتنى واوعاكى تعملي أكده تانى فاهمه
شهد: أنى أسفه ي بوي مش عنكررها تانى بس الجاسر ده كيف البهيمه يتحدتو من غير إحترام للكبير
عيد: ي بتى جاسر ده محراك شر وظالم وأنى جادر اجف جصاده وراسي مرفوعه بس انتى ي بتى لع متجفيش أكده كيف الرجاله عيبا في حجى أنى
شهد: أنى أسفه بس عجلي طار من جله أدبه وهو مش مجدر إنه واجف جدام راجل كبير ومش بيحترم حدا
وفيه: لع ي بتى ده شيطان وأنى أخاف عليكى ي بتى منيه بوكى جادر يتصدرله اسمعي كلمه بوكى فهمانا
شهد: فهمت مش عكررها تانى بس عاوزة اطلب منيك حاجه ومتخجلنيش واصل
عيد: جولي ي بتى عاوزة حاجه أنتى تجولي وأنا انفذلك اامرينى
شهد: معاذا الله ي بوي الأمر لله أنى عاوزة أروح للغيط معاك واشوف الزرعه صايبها مرض إيه وإن شاءالله اجدر اداويها بالله عليك ي بوي ما تردنى خايبا ….
عيد: بتفكير معوذشي احطك معايا فى الهم ي بتى أنى اتحدت مع الدكتور فى البندر وعياجى يكشف على الزرعه
شهد: أنى مش مامنه لأى حدا أنى شفت الجاسر وبينه أيده طايله وأنى الوحيده إلي يهمنى أرضي وعاوزة ارضي عافيه وتطرح محصول يوفي كل الدين ويفيض كمانى
عيد: بفخر لابنته اطلعي نامى واصحى الفجر عنروح الغيط وتكشفى على الزرعه وتجولي علي العلاج الي يداوى ارضنا وربنا المعين
شهد: ربنا يخليك ي بوى من النجمه عكون معاك وصعدت الي الغرفه لتجد هنيه تبكى مع ياسمين
شهد: وااااا مالك بتبكى أنى خابرة إنك عاوزة تتحدتي بس دلجيت نامى وارتاحى والصبح نتحدتو عشان جلبك يرتاح يلا حبيبتى
ياسمين: شهد ابوى زعلك عشان وجفتك جبال جاسر ده
شهد: لع ونامى عشانى عنصحو بدرى يلا تتصبحي بالخير
ياسمين وهنيه: وأنتى من أهل الخير ……..
وجاء الصباح وقام عيد لصلاه الفجر فى المسجد فرأي ابنته وهى تستعد للصلاه فابتسم وخرج من المنزل
وفيه: وبدأت تعد طعام لزوجها وهى تستعد أيضا للصلاه
شهد: امى صلي وأنى عنجهزو الفطور لابوى وجولتلك جبل سابق طول ما أنى اهنه معوزكيش تتعبي
وفيه: ربنا يسعدك ي بتي ويريح بالك ويجعلك فى كل خطوة سلامه
شهد: الله الله بكفيانى أنى معوزاش غير الدعوتين دولي هما حصانتى من الدنيا يلا صلي وأنى عنجهزو الفطور
ياسمين: صباح الخير يا هنيه كيفك نمتى كيف الجتيله
هنيه: ههههههههههههه بس عاد فينها شهد …….!!
ياسمين : أنى خبراها زين هى بتحب تريحو امى وتلاجيها بتجهزو الفطور همى نتوضي ونصلى وننزلو
عيد: السلام عليكم ورحمه الله وبركاته صباحك مسك ي أم أحمد
وفيه: تتصبح بالخير شهد جهزت الفطور
عيد: لع عنفطر وياها فى الغيط جهزى وكل ليا أنى وشهد وخليها تتجهز عشان تعاود بدرى معيزشي حدا يحس بيها
وفيه: حاضر ونادت على شهد يا شهد يا بتى….
شهد: نعم يا امى أنى جهزت الفطور بس جهزت تعليجه (شنطه) ليا ولابوى وعنفطرو فى الغيط
وفيه: اباااي عليكى تفكيرك كيف بوكى همى حصليه ومتعوجيش …..
شهد: ابوي هم بينا …….
عيد: كل ده فطور كتير جوي ي بتى ….
شهد: لع ده حجات عشان أخد عينه من التربه وعينه من المحصول
عيد: ماشي ي بتى همى بينا وخرجو سويا متجهين إلي الأرض ووصلو بعد فترة قصيرة
شهد: وااااا النسمه جميله جوي وريحه الأرض تاخد العجل ( العقل) وبدات تأخذ عينه من التربه وكشفت على الزرعه فانزعجت ونظرت لأبيها وسألته حدا رش الأرض بايتها علاج
عيد: الدكتور شيعلي علاج وأنى رشيت نص الأرض والنص التاني عرش دلجيت
شهد: كيف ده فينه العلاج ده ….
عيد: اباي ي بتى ماله العلاج ده دكتور شاطر ومليح وداوى اراضي اهنه كتير جوى
شهد: ابوى أنى شاكه فى العلاج أنى هنزل المركز وعنروح المعمل وربنا يخيب ظني
عيد: واااااا تروحى المركز انزلى البندر جريب من المركز أكده تعب وسفر ي بتى
شهد: ابوي أنى بسافر مصر لجامعتى أنى متعوده ومتخافش عليا أنى كيف الرجال ي بوى ومعوجشي هرجعو طوالى
عيد: لع معتروحيش لوحدك وأمسك هاتف شهد اتصلي على يس ولد عمك أنى أكده عطمن عليكى وياه
شهد: واااا كيف ده انى هعاود طوالي …
عيد: وااااا. بكفياكى عاد أنى جولت كلمتى اسمعى كلمتى واتصل على يس وخبره بما ستفعله شهد فلم يمانع
شهد: أنى هعملو التحليل بس اوعاك تكمل رش العلاج ده غير لما نعاودو وبعد مرور نصف ساعه…..
يس: أنى جيت طوالى اهاا معوجتش همى بينا ي بت عمى
عيد: عينك على بت عمك متهملهاش وتعاودو طوالى
يس: حاضر ي عمى همي بينا نلحجو الاتوبيس زمناته طالع للمركز وذهبو سويا الي وجهتهم
فى منزل عاصم الشهاوى فهو رجل أعمال يحب عمله واراضيه ولكنه سلم اعمال البلد لأحد ابنائه كى يتفرغ للعمل بشركته والتى اسسها لتصدير الغله والاعلاف فهو شخص ليس بظالم ولكنه يحب ذاته ومصلحته أهم متزوج من امراه اسكندرانيه وهي فاطمه انسانه حنونه تحب أولادها الثلاثه ومسخرة حياتها لهم حتى أنها تتحدث مثلهم باللهجه الصعيديه
★الإبن الأكبر★
جاسر: ذو شخصيه قويه يهابه الجميع من كتر ظلمه للضعيف وأهم شئ عنده مصلحته اولا حتى أبيه لايقدر أن يخالف له رأي ولكن أمه تحاول كثيرا أن تغير منه ودائمه الدعاء له بالهدايا حاصل على بكالوريوس علوم
الإبن الثانى
سامر: فهو شخصيه جميله مثل أمه لا يتقبل أفعال أخيه ويحاول جاهدا معه أن يغير من اسلوبه مع أهالي القريه
فهو حاصل على بكالوريوس تجارة
الابنه الصغري
إيناس: فهى صديقه شهد فى الجامعه وهى رقيقه بطبعها ولا تحب أسلوب أخيها جاسر مع أهالي القريه فهى دلوعه بيت الشهاوى
فاطمه: اصباح الخير ي ولدى……
جاسر: اصباح الخير يا امى كيفك دلجيت خفيتى ولا نعاودو على الدكتور تانى
فاطمه: الحمد لله ي ولدى أنى احسن من الأول بس عوجت جوى عشيا
جاسر: كان عندى اشغال وعوجت فيها …….
فاطمه: مالك ي ولدى حساك مهموم ومتكدر خبرنى وخف عن جلبك
جاسر: مفيش حاجه بس فى شخص أكده كدرنى وأنى إلي يكدرنى امحيه من على الدنيا …….
فاطمه: مين ده إلي كدرك ي ولدى الناس اهنه بتهابك مين الي جدر جولي…..
جاسر: يريته راجل إلا بت متسواش بس يمين الله لازلها وأزل بوها وإن مخليتها تاجى اهنه تحب على مداسي معبجاش أنى جاسر الشهاوي
فاطمه: وااااا بت مين دى ي ولدى أنى خابرة بنات البلد اهنه كلياتهم
جاسر: أنى خارج مش هعوج وهعاود طوالي بس اطمن على كل شيء ماشي كيف ما أنى رايد
فاطمه: بعد خروج أبنها ربنا يهديك يا ولدى ويحنن جلبك على الناس اهنه معيزاش حدا يدعى عليك يا ولدي
سامر: اصباح الخير على عسل النحل كيفك ي امى …..
فاطمه: زينه ي ولدى عوجت فى الصحيان كانت عنديك سهرة إياك
سامر: لع بس كنت فرحان جوى جوي لأول مرة اشوف حدا معيخافش من خوي جاسر
فاطمه: مين ده يا ولدى أنى اعرفه ……
سامر: الحج عيد الزياد الي ولدك رايد أرضه وكمانى بته شهد كانت واجفه جدام جاسر كيف الصقر بعيون كلياتها تحدى لوله بوها سكتها بنظرة مخبرش كان إيه حوصل بس جاسر كان واجف وعيونه هتطج شرار ربنا يستر على شهد منيه
فاطمه: ليه اجن عاد عيجف قصاد الحريم بس جولي كيفها شهد مليحه وشها جميل
سامر: ليه عتجوزيها إياك …..
فاطمه: واااا رد ي ولدى اوصفهالي …
سامر: هى جميله جوى جوى وشخصيتها جويه ومكنتش بترمش وهى بتتحدتو ويا جاسر
فاطمه: هى دى الي عتكسر عنادك وتعدل المايله عنديك ي جاسر ي ولدى
سامر: شارده ليه مالك اوعاكى تكونى تعبانه …
فاطمه: لع أنى مليحه جوي خيتك وينها لساتها نايمه
إيناس: لع أنى صاحيه اصباح الخير عليكم واااا الفطور جاهز أنى جعانه جوى
سامر: افطرى يلا وخلصي كل الوكل ده ….
فاطمه: بالف هنا على جلبك ي بتي بجولك إيه انتى جولتى جبل سابج إن بت عيد الزياد معاكى فى الجامعه
إيناس: شهد هى سبجانى بسنه بس بت مليحه جوى ودايما تسال عليا وأما احتاجها فى شرح أيتها حاجه متتاخرش عليا واصل بس ليه سالتى عنيها
سامر: بت الزياد وجفت جبال جاسر وسمعته كلام كتير وهو كان واجف كيف التمثال
إيناس: واااااا ي ويلك ي شهد من جاسر خوي ده واعر جوي وهى معتسكتش واصل عنيده جوي بس دايما بتكون على حج وهى كمانى مش هينه
فاطمه: عيب حديتك ده على خيك ي بتى ميصوحش واصل مش يمكن بت الزياد دى تعدل من خوكى
إيناس: واااا كيف ده عصفورة يحطوها مع اسد عشان ياكلها مش تعدل منيه وأنى مش عخليه يجربلها هى ليها عليا افضال كتير جوى
فاطمه: هملي الحديت ده وخلصى واكلك وهمى بينا نشوف ورانا إيه
جاسر: للغفير أنت ي زفت فينك عاد أنت ي غفير الغبرة
الغفير: نعم جنابك ي بيه ……
جاسر: سايب مكانك وكنت غطسان وين ومهمل ارضي أكده
الغفير: لع ي بيه مهملتش الأرض أنى رحت بيت الراحه ومعوجتش هى دجيجه واحده وعودت طوالي
جاسر: سك خاشمك عاد وجولي عيد الزياد رش باجى الغيط النهارده
الغفير: لع مرشش الغيط ولساته جاعد بس حوصل حاجه أكده
جاسر: حوصل إيه …..
الغفير : بته كانت معاه الصبح اهنه وهملت بوها ومشت مع ولد عمها يس
جاسر: ودى بتعملو إيه على الصبح اهنه وراحت فين عاودت الدوار …
الغفير: لع مشيو من الجهه دى بعيد عن الدوار ومخبرش راحو وين حتى بوها اتحدت وياه بس هو راجل تجيل جوى فى كلامه
جاسر: وااااا تكون عرفت إن الدوا ده فاسد للزرعه بس عتروح منى فين عتروح للدكتور حدانا أنى محاوطك ي بت الزياد لما نشوف عتملي إيه جصادى …..