رواية شعاع من نور الفصل الخامس 5 بقلم دنيا الغنام

رواية شعاع من نور الجزء الخامس

رواية شعاع من نور البارت الخامس

رواية شعاع من نور الحلقة الخامسة

انتي بتقولي ايه انتي اكيد بتهزري عمو استحاله يعمل كده ويغصبك علي حاجه هو طول عمره سيبلك حريه الاختيار
كوكي… مش عارفه ابن عمي عمله اي خلاااه موافق كده ويقولي انتي كل شويه ترفضي ناس كويسه وانا عاوز افرح بيكي قبل م موت وماما تقولي هو في حاجه مخبياها عني والكلااام ده اصبري دقيقه ادمج المكالمه علشان منه بترن ودمجت كوكي المكالمه وحكت لمنه بس هو ده الي حصل وانا هوافق وامري لله علشان بابا وصحته وهو نفسه يشوفني عروسه
منه… بس انتي مش بتحبيه مش هتبسطيهم علي حساب تعاستك احنا نيجي نكلم عمو احمد ونقنعه
فاطمه… بقولكم اي النهارده احمد بعد م كوكي مشيت وحكت فاطمه كل حاجه قالها احمد
كوكي… مبقتش تفرق بقا هو لو بيحبني وهيعرف اني هتخطب ميسبنيش لحد تاني انا هوافق عليه بقا وامري لله
فاطمه… صلي استخاره وشوفي كده لو مرتحتيش قولي مش مرتاحه ارتحتي يبقي سيبها علي ربنا وقادر يخليكي تحبيه
كوكي… ونعم بالله حاضر هصلي
منه…. بقولكم بكره نجتمع في الكليه ونشوف اخره الموضوع ده ويمكن اخوكي يعمل حاجه وميسبهاش
فاطمه.. حاضر المصيبه معرفش ان الكلام هيتحول لحقيقه مش قادره والله 😂
منه…. عيله فصيله دايما بتاخدي المواضيع هزار

كوكي… والله 😂ضحكت بسببك مش عارفه اعمل فيكي اي 😂بس اقفلي غوري
فاطمه… الله يالطفي بقا في اي 😂دا انا سكره متعرفوش تضحكوا من غيري
كوكي.. حصل يلا تصبحوا على جنه ونكون مع بعض فيها
منه. وفاطمه. وانتي معانا ومن اهلها يارب
فصلوا البنات وذياد كل ده واقف واستنتج الحوار كله وفهم
ذياد…. اخوكي بيحبها علي فكره بس جواه حاجه منعاه بس اي هي ياتري
فاطمه… تقصد اي
ذياد.. من كلامك مع صحابك فهمت الموضوع بس اخوكي بيحبها جواه سبب مخليه رافض انه يعترف حتي لنفسه انه بيحبها
فاطمه… عندك حق مش عارفه هو ماله واتعصب وبعدين دخل اوضته ومطلعش تاني
ذياد.. اقعدي معاه واعرفي الي جواه اي
فاطمه.. مش بيقول حاجه لحد هو كتوم اوي برغم من اني اقرب حد ليه بس مش كل حاجه بيقولها ليا علشان مشلش همه
ذياد… حاولي مش هتخسري حاجه
فاطمه… حاضر هحاول والله بس قولي بنت عمك اسمها اي
ذياد… اسمها امل
فاطمه.. حلو اسمها ربنا يسعدها
ذياد…. امين يارب
يلا تصبح على خير انا هدخل اكلم عمتوا اشوف عملت اي لاني مكلمتهاش من ساعه الي حصل وكنت قافله الخط الي معاها وهي متعرفش الخط ده
ذياد… وانتي من اهل الخير يارب
دخلت فاطمه رنت علي عمتها وجالها الرد

الو ياحبيبت عمتك فينك من يومين وتلفونك مقفول
فاطمه… والله الكليه والمذاكره انتي عارفه بقا
العمه…. ربنا يوفقك يارب احم عاوزه اقولك ياحبيبتي متزعليش هو مش مقدر النعمه والله
فاطمه… عمتو الموضوع انتهي وليد زي اخويا دلوقتي وربنا يسعده ياريت نقفل علي الموضوع ده لان انتهي بنسبه ليا
العمه… حاضر ياروحي انا كلمت سوسو وقولتلها واطمنت عليها منك لما تلفونك كان مقفول وقرايه الفتحه يوم الجمعه
فاطمه…. الف مبروك ياعمتو ان شاء الله اول المعازيم
العمه… حبيبتي عارفه الي عندك ياروحي يلا روحي نامى علشان كليتك وانا هفصل وكده كده وليد كان بيرن بس تلفونك كان مقفول وكان جاي بس انتي عارفه بقا بيحضر كل حاجه علشان خطوبته
فاطمه… ولا يهمك ياعمتو تصبحي على خير
العمه.. وانتي من اهل الخير ياروحي
قفلت فاطمه وزعلت اوي وفضلت تعيط وتفتكر وليد لحد اما غلبها النوم ونامت
جه الصبح وصحيت فاطمه وصلت ولبست وخرجت ماما هي عمتوا لما اتصلت عليكي مقولتيش ليه
الام…. نسيت ياروحي بس انا الصراحه الموضوع ده كنت قاصده مقولش وعيشي حياتك لسه مشوارك طويل
احم مالكم علي الصبح كده في اي.
الام… قول صباح الخير الاول
احمد… صباح الخير الاول😂
الام…. صباحك مشمش رايح فين كده علي الصبح
احمد… رايح الشغل يماما
الام… طيب يلا افطروا الاول وبعدين امشوا
قعدم فطروا وخلصم احنا ماشين ياماما
الام… خلوا بالكم من نفسكم
فاطمه.. حاضر ياسوسو سلام

احمد… حاضر يماما مع السلامه
.. بقولك ايه متيجي اوصلك في طريقي
فاطمه.. لا اصل بنروح انا والبنات
احمد… عادي نحود عليهم واخدكم في طريقي
فاطمه.. مش عوايدك يااحمد
احمد.. تصدقي انا الي عمل عليكي خلاص غوري في داهيه مش واخدك
فاطمه… خلاص يعم براحه متزوقش هرن علي البنات يستنونا
احمد.. اوك
رنت علي البنات وقالتلهم وبعدين اخدهم احمد من قدام بيتهم لان البنات في نفس المكان بس كل واحده بعيده عن التانيه بدقايق
فاطمه… كوكي عملتي اي في ابن عمك 😉
كوكي… خلاص وافقت وهيجي نحدد معاد قرايه الفتحه
احمد.. بتقولي ايييي سمعيني كده
كوكي… في حاجه يااحمد ولا اي
احمد.. لا مفيش
كوكي.. طيب وفي نفسها زعلت اوي ان احمد مقالش حاجه واكتفي بكلمتين ومتعرفش ان احمد هيموت لو هتكون لغيره والغيره عمياه انها هتكون مع حد تاني غيره
فاطمه… صليتي استخاره ايوه صليت بس مش عارفه انا هوافق كده كده اديت لبابا القرار اني موافقه
منه…. الف مبروك وهنلبس سواريه بقا ونهيص
احمد… انخرسي يامنه ولا عاوزه مصطفي ارنلك عليه ياحبيبتي كده كده رايحله دلوقتي اسكتي علشان مش طايقك وياريت تبطلي كلام خالص علشان انا علي اخري. وهو مش قاصده علي منه خالص
منه فمهت… طيب خلاص هسكت بتهددني بمصطفي
فاطمه فهمت اخوها حتي كوكي فهمت وانبسطت من جواها انه غيران عليها بس زعلت انه مقالهاش هي
احمد… وصلنا يلا انزلم