رواية شبيهتي القوية الفصل التاسع 9 بقلم نشوة عادل

رواية شبيهتي القوية الجزء التاسع

رواية شبيهتي القوية البارت التاسع

رواية شبيهتي القوية الحلقة التاسعة

-لا مش دلوقتى لسه مهمتى مخلصتش فيه لسه جزء لازم انهيه
اسراء: قصدك ع سلمى؟!
ريهام: لا موضوع سلمى خلاص انتهى وهتبدأ معاكى صفحة جديدة … وبدأت ريهام تحكى لاسراء وملك ع اللى حصل مع سلمى
اسراء: اومال جزء ايه اللى بتتكلمى عنه ؟!
ريهام: كل حاجة بأوانها ي اسراء وانا مش عاوزة اسبق الاحداث ي عالم ممكن بكرة اتصل بيكى واقولك دورى خلص
اسراء: بصى انا مش فاهمة انتى تقصدى ايه بجد لكن انا واثقة فيكى
ريهام: يلا ي ملك روحيها عند ماما
ملك: اوك هنتقابل تانى ي ريرى باى
بعد ما مشيوا ….احمد بحدة: اظن انا سكت قصادهم عشان مصغركيش لكن انا مش معاكى فى اللى بتعمليه ده انتى عاوزة تقعدى هنا ليه تانى ما خلاص علاقتها بولاد عمها ظبطت واللى بتحبه حبها ف ايه تانى؟
ريهام: لسه عمها اللى لحد الان معرفش ايه نواياه وكمان اللى اسمه اسر ده مش هيعديها بسهولة كده
احمد بتذمر: وانتى مالك انتى هو انتى مفكرة نفسك مصلحة اجتماعية ما خلاص هى تعتمد ع نفسها وتحل مشاكلها بنفسها
ريهام: ي احمد افهم اسراء غلبانة اوى وملهاش ف اى حاجة انت لسه متعرفهاش
احمد: اسمعى ي ريهام انتى اخرك بكرة بالكتير وده اخر كلام عندى
ريهام: ومالك بتتكلم بثقة اوى كده ليه وكأنى هسمع كلامك !
احمد: عشان انا حبيبك وهكون جوزك
ابتسمت ريهام بخجل وقالتله: طب يلا هش من هنا بقى
احمد: ده بعدك انا هبات هنا
ريهام: براحتك
بعدها سابته ريهام ودخلت ع الفيلا ….عند اسر اللى فاق بالعافية ورن ع ابوه راح ليه مع بعض من رجالته
سامى: مين عمل فيك كده حد من ولاد المنسى؟!
اسر: لا عيل غريب معرفوش كان مع البت بنت عمها
سامى:وانت ازاى مأخدتش بالك ان حد بيراقبك
اسر: مجاش ف دماغى ي بابا خلاص
سامى: انت عارف لو البت دى حكيت لابوها وعرف انت كنت ناوى ع ايه هيعمل فينا ايه؟!
اسر: هيعمل ايه يعنى! وبعدين هى متقدرش تقوله
سامى: ليه بقى ان شاء الله ؟!
اسر: ي بابا ده انت سيد العاقلين هتروح تقول لابوها كنت رايحة معاه بمزاجى او هتقوله انى كنت بديله اى معلومة خاصة بيكم او انى اللى كنت بجيب ليها البرشام لبنت عمها
سامى: البت ممكن متحكيش لكن بنت عمها بقى ايه ضمنك انها متفتحش بوقها؟!
اسر: دى عيلة جبانة والكل بيعتبرها ملطشة واكيد سلمى مس هتخليها تتكلم
سامى: طب قوم قوم خلينى اوديك المستشفى
اسر: لا طبعا مستشفى ايه هندخل ف سين وجيم اتصل ع اى دكتور تبعنا يجى بيكشف عليا بالبيت وخلاص
عدى اليوم طبيعى بدون اى مشاكل …تانى يوم ع السفرة نزلت ريهام وقالت: صباح الخير
الجميع: صباح النور …ماهر: ع فين؟!
ريهام: رايحة لملك ي اونكل فيه حاجة!
ماهر: ايوة فيه شوية ورق عاوز امضتك عشان نتمم الصفقة بتاعت الشركة الايطالية
ريهام: اوك ممكن اخده معايا واجيبه لما ارجع
عطاها ماهر الورق وراحت ريهام ع بيتها برفقة احمد وكانت ملك مع اسراء وام ريهام
اسراء: ايه الورق ده؟!
ريهام: عمك بيقول بتاع صفقة ومعرفش ايه؟
اسراء: اوك هاتى امضيه
ريهام: مش تقرأيه الاول ي بنتى
اسراء: ملهاش لزوم انا مش بفهم ف الشغل ده حاجة اصلا
ريهام: هاتى الورق ده وانا اراجعه
بالفعل اخدت منها ريهام الورق ولاحظت وجود ورقة غريبة وكانت توكيل بالتنازل عن حصة اسراء بالشركة لماهر
ريهام: عمك عاوز يمضيكى بالتنازل عن حقك
اسراء بدموع: طب ليه ده حتى نصيبى ميجيش الربع وكنت سايبة كل حاجة ليه يتصرف فيها زى ما هو عايز
احمد: ده الغلط بعينه انك تسيبى السايب ف السايب مش كل الناس شبعانة ومش كل اللى من لحمك هيحبك ويخاف ع مصالحك
ريهام: متخافيش ي اسراء انا هتصرف
اسراء: لا ي ريهام كتر الف خيرك لحد كده الوقت ده وقتى انا
ريهام: هتعملى ايه يعنى؟!
اسراء: سبيها لله ي ريهام ….اخرجت من شنطتها مبلغ وقالت: اتفضلى دى بقيت الفلوس اللى اتفقنا عليها بكرة ان شاء الله عملية طنط لازم تدفعيهم قبل ما تدخل
ريهام: رجعى فلوسك شنطتك ي اسراء انا خلاص مبقتش محتاجة ليهم
اسراء: انتى بتقولى ايه ده كان اتفاقنا
ريهام: وانا غيرته انا مبقتش عاوزة الفلوس خلاص انا كسبت حاجة اغلى من الفلوس معرفتك انتى وملك
ملك بحب: انتى جدعة اوى ي ريهام وبجد كانت احلى صدفة حصلت
ريهام: حبيبتى …المهم ي اسراء ناوية ع ايه؟
اسراء: ناوية اعمل لنفسى شخصية ناوية اتغير عشان نفسى صعبت عليا من كتر ما الكل جه عليها واستغلها ناوية اكون اسراء جديدة هتفاجئ الكل
ودعت اسراء وملك ريهام ونزلوا ….احمد: طنط انا عارف ان الوقت مش مناسب وريهام كانت رافضة افاتحك بالوموضوع الا بعد العملية بس انا شايف ان ده انسب وقت
مجيدة: خير ي ابنى؟
احمد: انا طالب ايد ريهام
مجيدة بفرحة: وانا مش هلاقى لبنتى حد يحبها ويصونها زيك
ريهام: ي سلام ي ست ماما وانتى عرفتى منين؟!
مجيدة: احمد مولود ع ايدى ومتربى وسطنا وانا عارفة انه بيحبك من زمان
احمد: تقومى بالسلامة ان شاء الله ونتفق ع كل حاجة
مجيدة: ان شاء الله ي ابنى
عند اسراء اللى وصلت ع الفيلا ..ملك: انا هنزل معاكى
اسراء: لا مفيش داعى روحى انتى
ملك: مينفعش اسيبك لوحدك
اسراء: معليش ي ملك انا لازم اواجهه بنفسى وربنا معايا اطمنى هيعمل ايه يعنى اكتر من اللى كانوا بيعملوه
نزلت اسراء ودخلت ع البيت وكان ماهر وسيف قاعدين ف المكتب بيخلصوا اوراق
ماهر: اهلا ي هانم ما لسه بدرى اتأخرتى كده ليه؟!
اسراء: متأخرتش ولا حاجة حضرتك لو بصيت ف ساعتك هتلاقينى مكملتش ساعة ونص
ماهر: اممممم وايه اللى انتى لابساه ده مش دى الهدوم اللى كنتى خارجة بيها وووووو….