رواية سمراء احتلت قلبي الفصل الخامس 5 بقلم ديانا التونسي
رواية سمراء احتلت قلبي الجزء الخامس
رواية سمراء احتلت قلبي البارت الخامس
رواية سمراء احتلت قلبي الحلقة الخامسة
فجأه لقيت بابا بيقولي
انتي جايه بدري فيه حاجه !؟
رديت بتوتر :لاء يا بابا مفيش حاجه
بصلي وراح قايل ماشي اتخمدي ولما تصحي عاوزك في موضوع
لقيت ماما دخلت الاوضه والدموع ماليه عيونها وقالت يلا يا قلب امك علشان تاكلي
بصيتلها برعب وجريت عليها مالك يا ماما ايه يا حبيبتي حاجه بتوجعك
لقيت بابا جه علينا وقال :مخلاص ياختي انتي وهي طفحونا وبعدين ابقوا اتماحنوا قصاد بعض
بصيتله بخزي بنت فقدت حنان ابوها وبقت يتيمه الاب وهو عايش
تخيل تبقا محتاج للحنان والضهر ومتلاقيش!!
رديت بدموع :حاضر يا بابا
_عند جاسر كان عينه حمره جامد وكسر كل حاجه في مكتبه
جاسر في نفسه :بقا انا جاسر الشافعي حتت بت زي دي تمد أيدها عليا انا هخليها تندم ندم عمرها كله علي اللي عملته وردد بخبث:واللي عاوزه هاخده لو مش برضاها هيبقا غصب عنها ثواني ورن علي مسؤل البوفيه
عند عمي محمود :ايوه يا جاسر بيه
جاسر بزعيق :ثواني وتكون قدامي
عمي محمود :حاضر يا بيه
في المكتب عند جاسر
جاسر :يا محمود تعرف عنوان البت اللي اسمها قمر
رد محمود برعب عليها :ليه يا بيه فيه حاجه
جاسر بزعيق :انا بسالك تجاوب وبس تعرفه
رد محمود بتوتر :ايوه يا بيه واداله العنوان
جاسر :طيب اتفضل علي شغلك
محمود :حاضر يا بيه
جاسر في نفسه:والله ووقعتي تحت ايدي يا قمر قمر وعاد الاسم تاني بضحكه خبيثه
_عند قمر
ابوها :يا قمر يا قمر
قمر :ايوه يا بابا
ابوها :تعالي يا بت عاوزك
قمر :حاضر يا بابا
ابوها :تعرفي يا بت يا قمر أنا طول عمري بقول أن هييجي منك فايده
قمر :بصتله بتوتر وقالت فايده!!
ابوها :ايوه فايده يا روح امك تعرفي مين يا بت اللي طلب ايدك مني المعلم بيومي
قولت بصدمه : المعلم بيومي اللي عنده خمسين سنه ومتجوز تلاته
قالي بضحكه خبث: بالظبط يا روح امك وبصراحه الراجل هيدفع فيكي مبلغ كويس ومش هنحتاج شغلك اللي بيجيب ملالييم
بصتله وعيني مليانه دموع واخيرا نفذ صبري :انتا لا يمكن تكون ابويا ابدا
ثانيه اتنين تلاته لقيت قلم نزل علي وشي وقالي اتكلمي عدل يا بت ما تنسيش انك بتكلمي ابوكي وكتب الكتاب والدخله الخميس الجاي
رديت بزعيق :انا لا يمكن اتجوزه لو علي موتي
لقيت بابا رد عليا :يبقا هو يا موتك يا روح امك ومسكني من شعري وزقني وقالي غوري امشي من هنا
لقيت ماما مفطوره من العياط ولحقتني قبل ما ااقع علي الارض وسندتني لحد ما وصلت اوضتي وااترميت في حضنها وقعدنا نعيط احنا الاتنين
قولتلها :هو بجد بابا هيعمل فيا كده يا ماما
امها :انا خايفه عليكي يا قمر بصي مهما كان اهو المعلم بيومي احسن من ابوكي وراجل مقتدر وممكن يعوضك
انا بصيت لماما بصدمه وطلعت من حضنها
وقولت حتي انتي يا ماما
قالتلي :يابنتي!!
قبل ما تتكلم وقفتها قولتلها لو سمحتي يا ماما انا عاوزه انام
قالتلي بس!!
قولتلها بعد اذنك يا ماما
لقيتها خرجت حرفيا انا في عز ضعفي مش عارفه اعمل اجوز راجل في عمر ابويا لا يمكن يحصل ابدا
يارب انتا حسبي ووكيلي يارب وقولت بكل صوتي المكتوم في قلبي انا مليييش غيرك يارب
ومن كتر العياط نمت لا تقريباً اغمي عليا.
عدا ايام وانا كل يوم حالتي بتسوء مش بعمل حاجه غير اني بدعي واعيط. بدعي ربنا هو احن من الكل عليا هو اللي قادر ينقذني
جه اليوم الموعود يوم الحكم علي حياتي كلها بالاعدام
لقيت بابا بيقول لماما
جهزي بنتك يا وليه علشان الراجل اللي جاي ياخدها
ماما بدموع :حاضر
دخلت ماما عليا
قالتلي يا قمر يابنتي انتي مش ناويه تأكلي اي حاجه
رديت :لاء سيبيني لوحدي يا ماما
لقيتها بتقولي يابنتي ابوكي عاوزني اجهزك
اتكلمت بانهيار :بالله عليكي يا ماما تسيبني دلوقت بالله عليكي انا عملت ايه يارب علشان يحصلي دا كله
لقيتها جات حضنتني جامد وقعد اعيط في حضنها بانهيار
لقيتها بابا دخل الأوضه فجأه وقال !!!!!
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية سمراء احتلت قلبي)
2 تعليقات