رواية سلف ودين الفصل السادس والسبعون 76 بقلم لولو محمد

رواية سلف ودين الفصل السادس والسبعون 76 بقلم لولو محمد

رواية سلف ودين الجزء السادس والسبعون

رواية سلف ودين البارت السادس والسبعون

رواية سلف ودين الحلقة السادسة والسبعون

الحلقه الاخيره
منال / نور بعتانى اجبلها العيال
على يبتسم بحزن و يهز راسه تمام
منال/ هم بردوا واحشينا و وحشاهم و انا هبقي اظبط معاها مواعيد تشوفهم فيها
على / تمام اللى حضرتك شيفاه
ليلى / هقوم اعمل شاي
ليلى تقوم
منال / ناوى على ايه
على / فى ايه
منال / فى الحكايه دى هتفضل لحد امتى كدا
على / كدا ازاى يعني مالى ما انا الحمد لله كويس اهو و الشغل ما شاء الله شغال
منال / بتكلم عن ندى و نور
على / انا كنت اخدت من نور مبلغ كدا باذن الله ربنا هيقدرنى و اللمهولها فى اسرع وقت يمكن تحب تفتح لنفسها مشروع او
منال / على
على يبصلها
منال / انت لسه بتحبها و هى بتحبك
على / و اخره الحب ايه الحكايه خلصت على كدا
منال / لو عاوز ترجعلها انا ممكن اكلمهالك
على يبتسم و يبص الناحيه التانيه
منال / ندى صح
على / ما عدش ينفع يا طنط
منال / ما انت مش هتبقي جوز الاتنين يا على
على / هههههههههههه ما جاتش فى بالى اصلا
ليلي تدخل
ليلى / الشاى
ليلى تحط الشاى
على / هو العيال لسه ما جوش من الدرس
منال / عمر راح يجيبهم و زمانه جاى انا سبقتهم عشان اللم الحاجه
على / تمام
…………………….
فى المقابر
ندى واقفه مسهمه
نور / اتاكدتى انه مات
ندى تبص لنور
نور / انا عارفه انه ازاكى كتير بس هو دلوقت محتاج دعوتك محتاج تسامحيه دا ابن عمك
ندى تبص على الترب تانى
نور / نروح بقي
ندى تهز راسها و يمشوا
نور / ناويه على ايه فى المرحله الجايه
ندى / ناويه اربى بنتى
نور / ايوه ما اختلفناش بس اقصد هتكملى تعليم هتفتحى مشروع انتى ورثتى فلوس كتير من حسام
ندى / انا عاوزه اربى حبيبه و بس مفيش فى دماغى حاجه تانيه
نور / طب
ندى / نور … انا مش هعرف اعمل اى حاجه و مش هقدر اركز فى اى حاجه انا محتاجه فتره … فتره طويله… انا مش عاوزه اعمل اى حاجه مش عاوزه افكر مش عاوزه حتى احتك باى حد … انا محتاجه … انا … ممكن نروح
نور / حاضر
نور توقف تاكس و يركبوا و يمشوا
……………..
فى شقه محمد بعد فتره
ندى واقفه قدام المرايه تسيب شعرها و تسرحه و تمد ايدها تجيب المقص و تقص شعرها و تبص لنفسها و هى مبتسمه نور تدخل تتخض
نور / ايه ده
ندى / شكله حلو صح
نور تتنهد
نور / حلو بس محتاج تظبيط
نور تقعد ندى و تبدا تظبط و تساوى الطروف
نور / قررتى تقلعى الحجاب و لا ايه
ندى / و هو انا بخرج من الشقه و لا بشوف حد و لا حد بيشوفنى عشان اقلع الحجاب او ما اقلعوش اديني عايشه باكل و اشرب و انام … اخبار المحل تحت ايه
نور / اهو عالفرش تفتكرى اننا نقلب الصيدليه محل مستلزمات تجميل فكره كويسه
ندى / و ايه المشكله انتى شاطره جدا فى الحاجات دى و هتنجحى ان شاء الله
نور / هتنزلى تساعديني صح
ندى / انزل فين يا نور و حبيبه اسيبها لمين
نور / ما حبيبه كمان محتاجه تخرج و تغير جو و
نغم تدخل
نغم / خلصت الواجب ممكن اللعب بقي
نور / شوفى يس فاضله قد ايه عشان تلبسوا و تروحوا مع بابا على
نغم / شعرك حلو اوى يا نونه
ندى / بجد
نغم / ممكن تعمليلى زيها
ندى / انتى شعرك جميل
نغم / بس انا عاوزه شعر قصير زيك
نور / متاكده لو قصيته هياخد وقت على ما يطول تانى
نغم / متاكده
ندى تقوم و نغم تقعد مكانها
ندى / هروح اجيب المقشه و المكنسه انضف الارض
نور / و بصي على يس فى الواجب طول اوى
ندى / تمام
ندى تطلع بره و نور تفك شعر نغم ندى تلاقي محمد و مصطفى قاعدين بيلعبوا طاوله و يس بيشجع
ندى / دا الواجب اللى بتعمله يا يس بيه
يس / خلصت اصلا
ندى / طب اتفضل اللبس عشان ما تتاخرش
يس يدخل جوه ندى تروح تقعد جنب محمد
ندى / متقطع كالعاده يا عمو
محمد / و انا هسكتله … ايه ده !!
ندى / حلو
محمد / و هو فى احلى منك
ندى تبتسم و تقوم
ندى / هقوم اعملكوا حاجه حلوه
محمد / ايوه كدا الحلو ما يعملش غير الحلو
ندى تقوم و تشاور لمصطفى و تدخل المطبخ
…………………….
فى الملاهى
أية / و فيها ايه يعني
على / فيها كتير يا أية بقي بعد ما حياتهم استقرت الحمد لله و الدنيا هديت عندهم ارجع ادخلها تانى عشان اللخبطها
أية / و انت مين قالك انها متظبطه اصلا نور مطحونه بين كل دول و ندى بتخاف تفتح باب الشقه لبتاع الدليفرى حتى دى بتخاف تطلع البلكونه تنشر الغسيل بلكونه ايه دا شباك الاوضه لو اتفتح بتروح تشيشه عشان خايفه حد يشوفها او تشوف حد
على / و انا بقي اللى هديها الامان اللى ناقصها صح
أية / هو انت بطلت تحبها حبك لنور نساك حب ندى صح
على / يا أية الحب مش كل حاجه
أية / بص انا عارفه ان التعدد ده حاجه مفيش ست تستحملها بس
على / تعدد ايه يا أية هجرحهم الاتنين و اوقع بينهم
أية / ما الاتنين بيحبوك حتى لو كل واحده انكرت و اعتبرتك مرحله و عدت و انت بتحبهم هم الاتنين و انت محتاجلهم و هم محتاجينك
على / هم مش محتاجين غير بعض
أية / مش حقيقي انا كنت عندهم باخد الاولاد و بمجرد ما اسمك بيتقال الاتنين بيرتبكوا و عنيهم
على / انا سايب جوا كل واحده فيهم جرح طبيعي
أية / طبيعى ان انت الوحيد اللى تقدر تداويه يا على
على / او ازيده يا أية
أية / طب ما تحاول يا على حاول
على / انا عايش بندم انى حاولت زمان انى ما بعدتش يمكن ما كانش كل ده حصل
أية / زمان غير دلوقت حسام الحمد لله اتحرق بجاز و نور الحمد لله مشكله الخلفه عندها اتحلت و ندى ربنا كرمها و خلصها من سجنها و سجانها و جمعها ببنتها
على / انتى تقدرى تستحملى حاجه زى دى
أية / لا بس هم الوضع مختلف
على / ليه مش ستات زى بعض
أية / ما تقولش عليا ستات
على / هههههههههه بنات زى بعض اسفين يا ستى
أية / ما تغيرش الموضوع … و لا انا مش زيهم هم الاتنين لا انتوا التلاته كل واحد فيكوا محتاج للتانى نور محتاجاك انت و ندى و ندى محتاجه لنور و ليك و انت محتاج لنور و ندى يبقي تجتمعوا
على / ما هو اجتماعنا هيخربها اكتر
أية / زى ما اتقيت ربنا فى نور برغم كل اللى حصل هتتقى ربنا فيهم و هتعدل
على / طب ممكن ناخد بريك و نشوف اى حوار تانى عشان تعبت
أية / بص انا هتكلم معاهم
على / لا
أية / مش يمكن يوافقوا
على / أية
أية / ما تبطل مكابره بقي انت اساسا هتموت و يوافقوا بلاش عبط
على / عبط
أية / هو انا المفروض افضل قاعده هنا كدا كتير انتوا فاكريني ستات و لا ايه انا هقوم اشوفلى حاجه اللعبها
على / ههههههههههههههه ماشي اتفضلى
أية تقوم و تروح ناحيه عمر بيستقبل العيال خارجين من لعبه
…………………
فى شقه نور
نور / دى فكره حلوه جدا بس انا برده شايفه انك لازم تحاولى تخرجى و تحتكى بالناس
ندى / ما انا هحتك بيهم فى الاونلاين امال هبيع و اسوق ازاى
نور / ندى حبيبه اللى بتتحججى بيها دى هتروح الحضانه و تخرج لو شافتك حابسه نفسك كدا هتخاف زيك و هتطلع جبانه
ندى / مين اللى بيجيب الحاجات اللى بتلاقيها على الباب
نور / على
ندى / و بتاخديها منه ليه
نور / عشان جايبها ليس و نغم
ندى / نفسك ترجعيله ؟
نور / انتى ليه بتقولى كدا على مرحله و خلصت من حياتى
ندى / مرحله حلوه لو ما كنتش انا كان زمانكوا سعدا مع بعض و يمكن كان ربنا كرمكوا بعيال المرادى
نور / لو كان خيرا لبقي انا فهمت دلوقت ليه ربنا ما نجاليش اولادى عشان ما بنى على باطل فهو باطل
ندى / انتى اكتر واحده وقفت جنبى لولاكى ربنا وحده اللى يعلم مصيرى انا و بنتى
نور / ليه بتقولى كدا انا ما عملتش حاجه انتى اختى
ندى / انا ما ارضاش اقف فى طريق سعادتك
نور / سعادتى مع واحد بيحبك و بتحبيه انت متخيله انى هكون سعيده و انا عارفه انه
ندى / انا سعادتى مع حبيبه انا عارفه ان على مش نصيبي من زمان و
نور / بسببي عشان اتجوزنى على اتجوزنى عشان يبقي جنبك
ندى / بس حبك
نور / موده و رحمه مش حب
ندى / و هو الجواز ايه غير كدا
نور / انتى اصلا ليه بتساليني فى حاجه زى دى او تتكلمى فيها
ندى / لانه لسه متمسك بيكي
نور / ما يمكن متمسك بيكي انتى
ندى / انا ما انفعلوش
نور / و انا كمان ما انفعلوش و قفلى السيره دى بقي
ندى / طب انا عندى حبيبه
نور / و انا عندى يس و نغم يعني
ندى / و مين بقي باباهم مش على هو اولى بيهم بدل ما يفضلوا متشحطتين بينكوا و ان كان عليا فبابا و عمى موجودين
نور / انتى اصلا ايه اللى جاب الموضوع ده فى دماغك ما احنا زى الفل اهو هو لازم راجل يعني ما ينفعش نعيش كدت عادى
ندى / مش لازم هنعيش عادى بس مش يمكن لو رجعتى لعلى حياتك تبقي احسن مش يمكن تقدروا توفروا للعيال دى جو اسرى مستقر العيال دى شافت كتير
نور / على حساب مين حسابك
ندى / انا راضيه انا شوفتكوا سوا شوفت قد ايه كنتوا سعدا سوا قد ايه بتحبيه و قد ايه بيحبك مش هقدر اشيل ذنب هدم بيتك و بيته مش هقدر اشوفك
نور / بت انتى شكلك عبيطه اوى انا هقوم ابص على الكيكه اللى فى الفرن
ندى / ريحتها ما طلعتش
نور / هعمل الجناش قعدتى جنبك لا بتقدم و لا تاخر و تضيع وقت على الفاضي
نور تقوم و ندى متبعاها
……………………
فى شقه ليلي
على / يعني انتى مش مبسوطه مع ماما نور
نغم / مبسوطه بس كنت مبسوطه و انت موجود اكتر
على يبص فى الارض
نغم / هو انت مش هترجع تانى انا كل ما اسال ماما نور مش بترد
على / نونو حبيبتي انا و ماما نور اطلقنا انا مش هينفع ارجع تانى
نغم / ليه
على / قولتلك اطلقنا
نغم / ليه
على / ليه اطلقنا ؟ النصيب
نغم / يعني ايه نصيب
على / يعني ايه نصيب احم
على يتعدل فى قعدته و نغم متابعاه
على / فى حاجات احنا ما بنختارهاش بتتفرض علينا يعني اهلنا شكلنا الناس اللى حوالينا ظروفنا كل الحاجات دى ربنا اللى بيختارهالنا ده بقي اسمه النصيب فاهمه
نغم تهز راسها لا على يبتسم
على / انا زعلت ماما نور اوى
نغم / قولها سورى
على / ياريت الدنيا كانت بالبساطه دى
نغم / هو انت هتتجوز خالتوا ندى
على / ايه اللى بتقوليه ده جبتى الكلام ده منين
نغم / تيته ليلى مش عوزاك تتجوزها
على يبتسم
على / ما انا برده زعلت خلتو ندى
نغم / برده !!!
على / برده … الا هى ماما نور يعني احم لما بتيجي سيرتى
نغم / بتسيب المكان و تروح مكان و تعيط
على يبص فى الارض
نغم / هى فاكره ان ما حدش شايفها بس يس شافها و قالى
على / شوفتى بقي انى زعلتها جامد
نغم / انت مش بتقول سورى دى ماجيك وارد و انك لو غلطت لازم تعتزر
على / بقولك ايه انا لو فضلت ارغى معاكى مش هنخلص يلا نامى
نغم / طب ابعتلها ماسج على الموبايل
على / نوووم
نغم / ماشي ماشي
على ينيم نغم فى السرير و يغطيها و يروح يبص على يس عامل نفسه نايم
على / انت لسه صاحي
يس / مش عارف انام ده مش سريرى
على / هانت بكره هترجع سريرك
يس يدى لعلى ضهره على يغطيه و يطلع بره ليلى قاعده بتتفرج على التليفزيون
ليلى / و هتفضل كدا لحد امتى
على / كدا ازاى يعني
ليلى / ما تستهبلش انت فاهم كلمها و قولها انك عاوز ترجع و ان كان على ندى فربنا يكرمها باللى يعوضها
على يبص لليلى و يبص للتليفزيون
ليلى / داهيه لتكون رجعت تفكر فى ندى
على / و انا من امتى بطلت تفكير فيها
ليلى / ما تفوق لنفسك بقي يا على فى عمرك اللى بيضيع ده ندى ما تنفعلكش
على / كنتى بتقولى نفس الكلام على نور
ليلى / طب و العيال دول هيفضلوا متشحطاطين كدا بين هنا و هناك يا ابنى يا حبيبي ندى لا هتقدر تفتح معاك بيت و لا هتجيبلك عيال
على / تصبحى على خير يا ماما
ليلى / انا كنت قايله مش هفتح الموضوع ده تانى بس انت صعبان عليا يا ابنى
على / تصبحي على خير يا ست الكل
على يبوس راس ليلى و يدخل جوه ليلى تنفخ
……………….
فى شقه نور
ندى و نور و أية قاعدين فى الاوضه
ندى / انتى اتجننتى يا أية لا طبعا ما ينفعش
نور / و بعدين هى ضاقت يعني عشان نعمل كدا
أية / لا ما ضاقتش و الرجاله على قفا من يشيل و مليون من يتمنى ضوفر اى واحده فيكوا بس مفيهمش واحد هيسعدكوا
نور / انا ما ابنيش سعادتى على تعاسه اللى حواليا لا حبنى و لا
أية / بيحبك
ندى تنتبه أية تبصلها
أية / و بيحبك انتى كمان يا ندى
نور / انا جربت جوزى يتجوز عليا و ما استحملتهاش ثانيه
أية / الوضع مختلف
ندى / انا ما عنديش اللى اديهوله حياته مع نور كانت جميله
نور / الكلام ده لما كنتى متحرمه عليه عشان فى عصمه راجل تانى دلوقت ايه يمنعكوا تجتمعوا و تعوضوا اللى فات من حياتكوا
ندى / انه عاش معاكى ايام انا مش هقدر اعوضه عنها و لا اعوضك
نور / تعوضيني عن ايه
ندى / عن حبك ليه يا نور ايه ما انتى كنتى بتحكيلى كل حاجه حبه ليكي و حبك ليه و الحاجات الجميله اللى عشتوها سوا
نور / ما كانتش حقى
ندى / و لا حقى
أية / بتحبى ندى يا نور
نور / اكيد طبعا
أية / بتحبى نور يا ندى
ندى / اكتر من نفسي
أية / يعني كل واحده فيكوا هتعمل اللى تقدر عليه عشان تخلى التانيه سعيده و بمت انكوا بتحبوا على برضه فاكيد هتقدروا تتفقوا
نور / مستحيل
ندى / دا جنان
أية / ما هو يا هتقبلوا بالوضع ده يا هتحكموا على على و على نفسكوا بالتعاسه و ان قدرتوا انتوا تعيشوا من غيره هو مش هيقدر … انتوا ما تعرفوش على عامل ازاى
نور / بكره ربنا يرزقه بينت الحلال اللى تعوضه
أية / واحده تالته غير ندى يعني
ندى / و انا مالى اصلا
أية / بالظبط عمرك ما هتوافقى و انتى عارفه ان جوازك من على هيتعس نور
نور / يتعسنى ليه يعنى بالعكس هفرحله و هفرح لندى
ندى / من بره لكن من جواكى هتتعذبى
نور / مش قد عذابك لو شاركتك فيه
أية / يعني انتى مش هتتعذبى لو ندى شاركتك فى على
نور / انتى بتقولى ايه يا أية
أية / انا ما بقولش انا ماشيه عشان اتأخرت على بيرين انا عارفه ان الموضوع صعب و مش سهل اى ست تقبله على نفسها بس فكروا فيه حبيبه او يس او نغم مش هتقدروا تربوهم من غير اب
ندى / ربنا يبارك فى بابا و عمى
أية / الكلام ده لو على خرج من حياتكوا بلا رجعه و هتقدروا تنسوا بعض لكن فى كل مره هتبصي ليس و نغم هتفتكريه فى كل مره هتطلعى الشقه اللى فوق فى كل مره هتاكلى ساندوتش شاورما
ندى تبصلها
أية / سيره على عمرها ما هتتقطع من البيت ده زى ما سيرتكوا عمرها ما اتقطعت من عندنا
ندى / معاكى حق نور و على لازم يرجعوا لبعض
نور / مستحيل
ندى / يس و نغم مش هينفع يتشحطتوا بينكوا كدا
نور / و انا مش هقدر
أية / بقولكوا ايه مش هنقعد طول الليل نحكى فى المحكى انا ماشيه و فكروا برواقه يلا عن اذنكوا
ندى / على اللى طلب منك تكلمينا فى الموضوع ده
أية / لا على ما يجرؤش يفتح السيره لانه خايف يجرحكوا بس لما عرضت عليه عنيه لمعت … يلا عن اذنكوا
أية تعدل النقاب و تطلع بره و نور توصلها
أية / مع السلامه يا عموا
محمد / سلام يا بنتى اجى اوصلك
أية / لا على تحت مستني
محمد / الله و ما طلعش ليه و لا كنت انا نزلتله
أية / هيطلعلك ان شاء الله لما ربنا يهدى نور و ندى هيطلع عن اذن حضرتك
نور تبصلها أية تمشي نور تقفل الباب و تبص لمحمد
محمد / انا شايف انها فكره كويسه على شاب كويس ما شوفناش منه غير كل خير
نور / حتى انت يا بابا
محمد / جربوا مش يمكن يسعدكوا فعلا
نور / و يمكن نخسر بعض للابد يا بابا انا و ندى ما لناش غير بعض
محمد / يبقى هتتفقوا ان شاء الله و ان لا قدر الله حصل فى الامور امور الطلاق موجود
نور / تصبح على خير يا بابا
محمد / و انتى من اهله مع انى ما اعتقدرش هتعرفى تنامى
نور / لا هنام هنام و هشخر كمان عن اذنك
نور تدخل جوه و محمد متابعها
………………………
فى شقه منال
على / ازاى تعملى حاجه زى دى
منال / و فيها ايه جدعه يا بت
على / طب ازاى يعني
عمر / هو ايه اللى ازاى فى ايه يا عم مالك
على / انت فاكرها سهله انت متخيل اصلا يعني انا عشان مش قادر اختار بينهم ادوس عليهم الاتنين
منال / يا قلبي و ليه ما تتقيش ربنا فى الاتنين انتوا التلاته اضلاع مثلث بتكملوا بعض
أية / بقولك ايه هو احنا هنتحايل عليك بكره يجيلهم عرسان بالهبل البنتين صغيرين و حلوين و وارثين يعني لقط
على يبص لأية
منال /اسمع يا على هو انت خايف ما تقدرش تعدل خايف قلبك يميل على واحده ضد التانيه
على / مش سهله يا طنط و لا عليا و لا عليهم
عمر / انت بتحب حبيبه زيها زى نغم و يس بالظبط و لو لفوا الكره الارضيه على اب احن منك مش هيلاقوا
على / انت بتجيب زيد على عبيد ليه
عمر / مش انت اللى قولت ندى بتحسسك بالابوه و نور بتشبعك امومه و الكلام الكبير اللى كنت بتقوله ده خلاص يا عم اتكل على الله و اتجوزهم الاتنين
على / انتوا اكيد بتهرجوا مستحيل اللى بتقولوه ده اصلا انا ما اقدرش اعمل كدا ابدا ايه هنسي اللى حصل لماما حنان الله برحمها بسبب جواز بابا عليها لا انا عمرى ما اعمل كدا ابدا
…………………..
فى شقه نور
على / بس انا مش زى بابا و لا ندى و نور زى سمر مرات ابويا … انا و الله حاولت كتير ابعد بس ربنا العالم انى ما بنامش و ما ببطلش تفكير فيهم ظلمتهم الاتنين بس ربنا العالم هم بالنسبالى ايه انا عارف ان الكلام ده ما ينفعش يتقال و انه اكيد بيوجعهم بس بعدهم عنى واجعنى انا كمان … زمان كانت نور بتهون عليا بعد ندى بس دلوقت مفيش حد يهون عليا بعد نور … انا مش عارف انهى بجاحه تخليني اجى لهنا و اتكلم فى حاجه زى دى بس انا ما نمتش طول الليل مستنى النهار يطلع و اقول اللى جوايا و يا يقبلوا و اكون سعيد جدا يا ترفضوا
محمد / و ان رفضوا
على / زمان ندى قالتلى ابعد و ما بعدتش و قربى الزياده هو اللى وصلنا لكل ده بس ما كانتش انانيه منى قد ما هو ضعف يمكن يقدروا يتسندوا على بعض و يكملوا لكن انا مش قادر اكمل مش قادر انسي مش قادر اعيش يا عمى نغم و كلامها يس و نظراته انا نفسي اخد حبيبه فى حضنى و اربيها زى ما حلمنا زمان انا عارف انى جرحت نور و جيت على ندى و ظلمتهم معايا بس الوضع مختلف دلوقت فى امل
محمد / و الامل ده فى انك تتجوزهم الاتنين
على / انا ما بعددش دناوه و لا فراغه عين انا بطلبهم فراغه روح انا عمرى ما هظلمهم ان شاء الله و زى ما وعدت نور زمان انى هتقى ربنا فيها بوعدهم الاتنين
محمد / بس نور اطلقت من مروان عشان ما قدرتش تعيش مع دره
على / علاقه ندى و نور مختلفة و ان شاء الله هنتفق
محمد / و انت هتقدر تعدل
على/ انا خسران دنيتي من يوم ما وعيت عليها و بقول مش مهم نعوض فى الاخره اكيد مش هضيعها هى كمان
محمد / بصراحه يا على انت فاجئتنى و عمرى ما كنت اتخيل انك تكلمنى فى حاجه زى دى ابدا
على / كلمهم قولهم انى محتاج اتكلم معاهم يمكن نتفق يمكن اقدر اقنعهم او على الاقل اشوفهم
محمد / والله يا على مش عارف اقولك ايه اديني بس شويه وقت اخد و ادى معاهم فى الكلام يمكن اقدر اقنعهم
على / و انا معتمد على ربنا ثم حضرتك فى الحكايه دى … ممكن تناديلى الاولاد اسلم عليهم قبل ما امشي
محمد يهز راسه بابتسامه و يقوم يدخل الاوضه نور بتسرح لنغم و ندى بتاكل حبيبه
محمد / بابا على عاوز يسلم عليكوا يا ولاد
يس يطلع يجرى ثوانى و نغم تحصله
محمد / انا عملت متفاجئ قال يعني بعززكوا
نور و ندى يبصوا لبعض
محمد / الواد خس النص و حاله بقي يصعب على الكافر انا هطلع اسلم عليه قبل ما يمشي و انتوا خليكوا هنا اللى هتطلع وراه هقطم رقبتها
محمد يبتسم و يطلع بره
على / قوليلها بقي انى بقولها سورى
يس / يعني بجد هترجع
على/ كلمها يا يس عشان خاطرى
محمد / احم احم
على يقف
على / تمام … هستنى رد حضرتك
محمد / ان شاء الله
على يمشي محمد يقفل وراه الباب
…………………..
فى اوضه نور
نور و ندى نايمين و حبيبه فى النص و كل واحده مديه التانيه ضهرها يتقلبوا عينهم تيجي فى عين بعض
نور / انتى لسه صاحيه
ندى / نمت الضهر شويه و انتى ؟ ايه اللى مصحيكي
نور / بفكر فى المحل
ندى / ماله المحل
نور / عادى يعني
ندى / انتى بتفكرى فى على
نور / هو الرجاله خلصت يعنى ما فاضلش غير على يعني
ندى / و هى يعني البنات خلصت ما فاضلش غيرنا
نور / بس هو لسه بيحبك بدليل انه رجع
ندى / بس هو رجع عشانك انتى
نور / لو قولتى محرج منى او عشان العيال كنت اصدق
ندى / شوفتى منه ايه وحش قصر معاكى فى ايه
نور / و انا قصرت فى ايه النصيب
ندى / بسببي
نور / ما بنى على باطل فهو باطل
ندى / بس انتوا حبيتوا بعض و لو ما كانش … بصي اديله فرصه تانيه على الاقل عشان الاولاد دول
نور / انتى لسه بتحبيه ؟
ندى / انا رضيت بنصيبي من زمان
نور / ما يمكن لو اديتيله فرصه يعوضك
ندى / هيربى حبيبه و يسيب ولاده و بعدين انتى الحمد لله اتحسنتي و تقدرى دلوقت تخليه اب انا عمرى ما هقدر
نور / رضي بيا و هو عارف انى ما بخلفش عشان كان مستغنى عن الابوه عشانك دا سرير حبيبه اللى جابه شقتى كان عمله ليكي
ندى / شاف كتير اوى
نور / طب ما انتى كمان شوفتى
ندى / و انتى يعني ما شوفتيش بس على كان عوض من ربنا ليكي ما تنكريش قد ايه كنتى سعيده معاه
نور / انتى بتفتحى السيره دى ليه هو انا كل ما احاول انسي
ندى / عمرك ما هتنسي
نور / و هو انتى نسيتي و لا هتقدرى تنسي
ندى / لا انا و لا حسام اللى عرفناكى على على النصيب هو اللى جمعكوا
نور / طب ما هو جمعكوا انتوا كمان ندى صلى استخاره و لو ارتاحتى ارجعيله انا مش هزعل و هفضل جنبك و جنبه
ندى / طب ما لو هتفضلى جنبنا ما ترجعى معايا
نور تبص لندى
ندى / انا مش عارفه بس انا … انا ما استحقوش قدك ان مفيش حاجه ربطانى بيه انما انتى فى بينكوا اولاد انا ما عنديش اللى اديهوله انما انتى تقدرى تخليه اب
نور / و انتى حب حياته ان ما قدرتش اعوضه عنك
ندى / يبقي نجرب
نور / عذاب لينا احنا الاتنين
ندى / و احنا دلوقت مش متعذبين
نور / اخاف نخسر بعض انتى اللى بقيالي
ندى / و عشان كدا هنخاف على بعض
نور / و ان ما قدرش يعدل
ندى / هنقومه و ان جه عليا مسامحه
نور / و انا يعني هقبل يجي عليكي
ندى / يعني موافقه
نور / لا
ندى / لا موافقه
نور / انتى ليه بتضغطى عليا
ندى / مش هضغط عليكي صلى استخاره و فكرى
نور / انتى موافقه ؟
ندى / جه عليا وقت كنت بقول هيجي يوم و يحلم يكون اب مش هكون انانيه و احرمه هسيبه يتجوز و ما دام بيتقى ربنا فيا و البنت الجديده دى هتحب بنتى و تعاملها كويس هعوز ايه تانى و انا مش هلاقى احن منك على بنتى
نور / انا عقلى مش مستوعب الكلام ده مش قادره اصدق ان الفكره اصلا مطروحه
ندى / بس قلبك عاوز صح قلبك بيقولك وافقى
نور / احنا لو مجانين مش هنعمل كدا
ندى / هههههههههههه انا عن نفسي مجنونه و بتعالج شوفى انتى بقي
نور / ليكي مزاج تهزرى
ندى / على فكره عنيكي فضحاكى موافقه و كنتى خايفه ازعل
نور / ايه الهبل ده لا طبعا
ندى / فى كتير ناس قادرين يتعايشوا عادى و بعدين حلال نجرب
نور / يوووووه طيرتى النوم من عيني انا قايمه
نور تقوم
ندى / رايحه فين
نور / هصلى استخاره يا رخمه
ندى / هههههههه استنى هاجى معاكى
ندى تقوم و تروح لنور
نور / توعديني مفيش حاجه هتفرق بينا
ندى / اوعدك
نور / توعديني انك عمرك ما هتندمى
ندى / انا ما عنديش اغلى منك ما حدش وقف جنبى غيرك
نور / هو فى كدا فى الدنيا
ندى / و حد فى الدنيا شاف اللى شوفناه
نور تبتسم ندى تحضنها
……………………
فى شقه ليلى
ليلى / انت لو مجنون مش هتعمل كدا
على / يهمك سعادتى صح
ليلى / بتظلم نفسك و تظلمهم معاك فى حد يتجوز اتنين فى يوم واحد انت فاكرها سهله يا ابنى ان كانوا حبايب دلوقت على البر بعد الجواز الغيره هتقيد نار فى قلوبهم
على / ربنا يقدرنى و اعدل
ليلى / انت فاكر نفسك نبى مش هتقدر يا ابنى
على / انا ناوى و ان شاء الله هقدر
ليلى / لا اله الا الله انا مش مصدقه الجنان اللى بيحصل ده
على / طب هتلبسي و لا هتسبيني لوحدى فى يوم زى ده
ليلى / هلبس هلبس ما كلنا بنلبس اهو
على / ههههههههههههه هكلم عمر اشوف خلصوا و لا لا
ليلى / ربنا يهديك
على / امين
……………………..
فى شقه نور
نور قاعده بتزوق ندى و الاتنين لابسين فساتين اوفوايت سمبل اوى
أية / مطلعاها قمر يا بنت الايه
نور / هى قمر اصلا
ندى / بجد مش زعلانه انى هدخل الاول
نور / بس يا بت بطلى هبل
أية / و بعدين دى ليله هو انتوا مهاجرين
ندى / انا حاسه انك فرحانه اكتر مننا
أية / و ما افرحش ليه دا انا مستنيه اليوم ده بقالى كتير اوى
نغم تدخل تجرى
نغم / بابا على جه بابا على جه
نور و ندى يبصوا لبعض
ندى / جاهزه
نور / اوعى تنسي وعدك
أية / ما تخلصونا بقي يا جدعان دا انا كنت جوزت البت اسهل
محمد يدخل
محمد / عرايسنا الحلوين جاهزين
نور و ندى يبصولوا و يبتسموا
…………………..
فى فندق
ندى تدخل و على وراها يقفل الباب تبصله
على / مبروك
ندى / الله يبارك فيك … حساك متوتر
على/ خايف اكون بحلم
ندى / مش هنكر ان انا كمان خايفه بفكر فى نور دلوقت بفكر فى بكره لما تيجي هى مكانى
على / هتضايقي ؟
ندى / ان شاء الله لا … المفروض اننا متفقين يعني … المفروض انى واخده على كدا … و بعدين … انا واثقه فيك واثقه انك هتعوضني
على / مهما اتكلمت مفيش حاجه توصف اللى جوايا فرحه و حب و شوق لسه فاكر اول مره شوفتك و اول مره اتكلمنا و اول مره امسك ايدك
على يمسك ايد ندى تبتسم
على/ اول مره اقول بحبك و اول مره اسمعها اول حلم و احلى حلم
ندى / مش زى ما حلمت
على / احلى كتير
ندى / خايفه تندم
على / على ايه على عمرى اللى ضاع من قبلك
ندى / لكون مش الصوره اللى فى خيالك لكون مش الحلم اللى حلمته انا مش البنت البريئه اللى
ندى تعيط على يمسح دموعها
ندى / انا كمان استنيتك كتير اوى
على يمسح دموعها و ياخدها فى حضنه
على / ربنا يقدرنى و اعوضك عن كل اللى فات حقك عليا ياريت كان فى ايدى امنع بيها اللى عشناه سامحيني
ندى تخرج من حضنه يبصلها
ندى / هروح اتوضى عشان نصلى ركعتين
على / تمام
ندى تبتسم على يبتسم ندى تدخل الحمام و تقفل الباب على يطلع الموبايل و يتصل بنور ترد
على / ازيك
نور / خضيتنى فى حاجه و لا ايه
على / بطمن عليكي
نور / انا كويسه خلى بالك من عروستك و بكره نبقي نتكلم تمام
على / تمام
على يقفل التليفون ندى تطلع من الحمام تبصله و تبتسم
………………..
فى شقه نور
نور بتصلى تسلم و تقعد تدعى
نور / انا عارفه انه قرارى و انهم يستحقوا يعيشوا سعدا سوا بس انا بطلب منك تصبرنى و تقوينى بطلب منك تكرمنى فى عيالى و تعوضنى و ان ما كانش فى الدنيا يبقي فى الاخره
محمد يدخل
محمد / انتى لسه صاحيه يا نور
نور / كنت بصلى ركعتين قيام ليل هنام اهو حضرتك هتعوز حاجه
محمد / هعوز ايه غير سلامتك انا بس كنت حابب اطمن عليكي
نور / انا تمام الحمد لله
محمد / انا بس عايزك تعرفى انى فخور بيكي و بحبك و انى جنبك مهما حصل
نور / ربنا ما يحرمنى منك ابدا
محمد يبوس راسها و يطلع بره نور تقوم تمدد فى السرير و تاخد حبيبه فى حضنها و تنام
………………..
فى المطبخ عند ليلى
ندى / انا وطيت على المحشي و حطيت الفراخ فى الفرن اعمل حاجه تاني
ليلى / طلعى المانجه من الفريزر تفك شويه عشان العصير
ندى / حاضر
جرس الباب يضرب ندى تروح تفتح تلاقي عمر و أية و منال
ندى / اهلا اهلا اتفضلوا
أية / ايه الروايح الجامده دى
عمر / هو على لسه ما جاش و لا ايه
ليلى / بيجيب العيال من المدرسه و زمانه جاى اتفضلوا
عمر / ايوه ما انا عارف ما انا قولتله يجيب بيرين فى طريقه بس مش فاهم اتاخر كدا ليه
ليلى / حتى نور اتاخرت
الكل يبص لندى
ندى / بقولكوا ايه انا هنا من بدرى و بعدين ما بابا و عمى لسه ما جوش من الجلسه
جرس الباب يضرب عمر يفتح مصطفى متسند على عكازين و محمد مسنده
محمد / اتاخرنا
عمر / والله صاحب العزومه نفسه لسه ما جاش
ليلى / اتفضلوا اتفضلوا
ندى / عن اذنكوا هبص على الاكل
أية / هساعدك
ندى و أية يدخلوا المطبخ و الكل يروح يقعد
ليلى / هو على ما قالكيش حاجه
منال / لو قال لحد يبقي ندى
ليلى / و دى بنعرف نطلع منها بحاجه كل ما اسالها تقولى يا خبر بفلوس و زمانه فى الطريق
منال / طب ما معاها حق صحيح قال يا خبر بفلوس بكره يبقي بلاش
جرس الباب يضرب عمر يقوم
منال / الحمد لله مش هنلحق نستني لبكره
عمر يفتح بنتين صغيرين يدخلوا يجروا و وراهم نغم و يس كبروا و نور شايله بيبي و على شايل اكياس كتير
ليلى / ايه يا ولاد التاخير دا كلو
على / انتوا عارفين بقي مواعيد دكاتره النسا
منال / نسا
على / نور حامل
ليلى / اهى دى الاخبار اللى تفتح النفس على الاكل بصحيح هاتى بيدو بقي لحسن واحشنى موت
على / لحق … دا انا ما بوحشكيش قده
ليلى / ما كفايا عليك يا اخويا اللى عندك
ندى تطلع شايله سرفيس و أية شايله واحد تانى
ندى / حلوه المفاجاه بقي و لا كنت احرقها
ليلى / قولتلك البت دى عارفه كل حاجه و مدكنه
ندى / انا هدخل اجيب باقى الاكل
نور / انا قولت نتاكد الاول و بعدين نتكلم
أية / اخبار المحل الجديد ايه يا على صحيح
على / مطلعين عيني شويه عمال عاوزه ال … و لا بلاش
عمر / ليه يا عم و هو المهندس ده
على / هو انا لاقيه الباشا بيصيف و سايب الشغل يضرب يقلب و باعتلى بداله واحد حمار مش فاهم اى حاجه
ليلى / و انت ازاى تسكت على كدا
على / مش ساكت والله بس مش عاوز اخد قرار الا اما ابقي مالى ايدي سهل اجيب مهندس تانى بس اخاف يهد و يبدا من الاول
ندى تحط سرفيس تالت
ندى / بالنسبه انى بغرف لوحدى يعني يا ست نور
نور / حالا والله بس باخد نفسي
على / هاجى انا يا ست الكل بنفسي اساعدك
على يقوم يدخل مع ندى المطبخ
نور / ربنا يهنى سعيد بسعيده
ليلى / كنتى قمتى يا اختى
نور / ما بحبش ابقي عازول لينا بيت يلمنا
منال / ناصحه هههههههههههههه
أية / و لا لسه متخانقين
نور / هى قفشتها معايا اقل من قفشاتها معاكى
أية / يلا عشان الورد نستحملها ههههههههههههه
ندى تخرج شايله اطباق و معالق توزعها نور تقوم تساعدها
ندى / سمعاكوا على فكره
أية / ما احنا عارفين انك سمعانا هنخاف منك و لا أية
ندى / ماشي ماشي حقك حقك
ليلى / الا قوليلى يا يويو
أية / ايوه يا طنط
ليلى / مش كفايا بقي على بيرين كدا و تخاويها بقى
عمر / ريقي نشف يا طنط
أية / انا مش فاهمه ما اخواتها اهم الحمد لله ربنا يزيد و يبارك
يس يطلع من جوه لابس بجامه
يس / انا غيرت و نغم بتساعد بيرين و حبيبه جوه
أية / هقوم اساعدهم
أية تقوم و على يطلع من المطبخ شايل صينيه عليها بولات شوربه ندى و نور ياخدوا منه
ندى / الاكل جاهز اتفضلوا
منال / يزيد فضلك
الكل يقوم و يقعد على الاكل و الكل سعيد
/////////////////
ندى / اه بنتخانق و نتصالح عادى ما الاخوات فى نفس البيت بيتخانقوا
نور / و اى زوجين بيتخانقوا
ندى / بس المهم لما نختلف نعرف انها مرحله و هتعدى
نور تغرف لندى و تبتسملها
نور/ و هنرجع نتصالح تانى
ندى تغرف لعلى
على / و اننا كلنا اهل و هدفنا واحد
ندى / و ان عوض ربنا جميل
على / حتى لو اتاخر هيجي
نور / ممكن فى صوره عمرنا ما تخيلناها و لا قبلناها بس المهم اننا فى الاخر نعيش سعدا
على / مع اللى بنحبهم
نور و على يبصوا لبعض و يبصوا لندى
////////////////
ندى / أية الاكل
أية تطلع من جوه هى و الاولاد
/////////////////
عمر / ممكن العوض يكون فى الاولاد
على يناول منال طبق
منال / حتى لو مش ولادك من صلبك ممكن يكونوا احن عليك من الدنيا
أية / و مفيش دافع اكبر منهم انك تبذل كل طاقتك عشان تكون احسن
عمر / و مفيش انجاز فى الدنيا قد ان اولادك يكبروا قدام عنيك و تفرح بيهم و بنجاحهم
////////////////
على / لا انا عاوز ملوخيه مش شوربه
عمر / ما تاكل اللى قدامك و انت ساكت
على / بقي دى اخرتها تستخسر فيا طبق ملوخيه
منال / يا قلبي ما يغلاش عليك خد طبقى
ليلى / ما جاتش من مراته
نور / انا حامل عاوزين الواد يطلعله ورقه ملوخيه فى وشه
ندى / انتى خدتى الكلام على نفسك ليه ما يمكن بتلقح عليا انا
على / مش عاوز اكل ملوخيه انا هاكل بتنجان هات يا ابنى الطبق اللى هناك ده
الكل يضحك
…………………..
فى شقه نور
نور بتزوق عروسه
//////////////////
نور / عدت الايام و كبرنا و كبروا ولادنا و جه اليوم اللى حلمنا بيه كلنا
//////////////////
ندى تدخل شايله مبخره
ندى / حصنتك بكلمات الله التامات من شر كل عين لامه
حبيبه / بس يا ماما هتخنق
ندى / بس يا بت هروح الاوضه التانيه ابخر العريس دا عيال ايه دى
ندى تطلع بره
///////////////////
نور / ايوه النهرده كتب كتاب حبيبه و مش هتصدقوا مين العريس
////////////////
يس يدخل لابس بدله
يس / شكلى ايه
حبيبه / انت ازاى تدخل كدا
يس / و انتى يعني بشعرك هو فى ايه
حبيبه / لا بس بوظت المفاجاه
يس / مفاجاه ايه ما انا منقيه معاكى
حبيبه / يوووووووه انت ما بتريحش فى حاجه ابدا
على يدخل
على / انا قولت بلاها الجوازه دى بيتخانقوا اهو لسه على البر و بيتخانقوا
يس / خلاص خلاص خارج دا انا عدوك مش هتذلنى كدا
على / و انت فاكر هتاخد الغاليه بالساهل كدا
جرس الباب يضرب على يطلع بره
///////////////////
نور / ايوه يس باشا هيتجوز الدكتوره حبيبه بعد صراع طويل لاقناع على بس دا يجي ايه جنب معاناتنا فى جوازه نغم
بنت حامل تدخل و تحضن الكل
نور / هههههههههههههه كان مين يصدق انى اعيش لليوم ده
///////////////////
صوت زغاريط ندى تدخل و هى مدمعه
ندى / الماذون جه
نور / انتى هتعيطي من اولها
نغم / لا مفيش عياط انا هرموناتى قايمه عليا و على تكه و مكياجى لو باظ هروح فيكوا فى داهيه بقالى ساعه بصغر فى مناخيرى
نور / يا اختى مالها مناخيرك ما هى قمر اهى
نغم / كلنا عارفين طبعا ان البنت بتاخد من جمال امها
على يدخل
على / انتوا هتفضلوا هنا و الناس كلها بره شكلكوا ما لكوش مزاج فى الجوازه دى بقول نفركشها
يس يدخل
يس / انت لو ما كنتش ابويا كنت بيتك فى الحجز النهرده
على / شايفه جوزك
حبيبه / لسه ما بقاش جوزى
أية تدخل
أية / ما تخلصونا بقي الماذون حمض بره … يا لهوى على القمر
يس / مراتى
على / لسه قالتلك
نور / ما تخف بقي
على / تؤمر يا قمر
ندى / والله
على / ام العروسه ايه … الضحكه الحلوه فين … يلا يلا الماذون بره يلا
أية تزرغط و يس يانج حبيبه و يطلعوا بره زحمه جدا و الكل بيزرغط يس يقعد و يحط ايده فى ايد يس و الماذون يغطيها بالمنديل على يبص لندى مبتسمه و عنيها مليانه دموع نور تحضنها و أية نازله زغاريط
…………………
النهايه

لقراءة الرواية كاملة اضغط على : (رواية سلف ودين)