رواية سلف ودين الفصل الحادي والستون 61 بقلم لولو محمد
رواية سلف ودين الجزء الحادي والستون
رواية سلف ودين البارت الحادي والستون
رواية سلف ودين الحلقة الحادية والستون
الحلقه الثالثه و العشرون
ندى / اكيد طبعا تشرب حاجه ؟
عدنان / كاسه ماى ما فيني اتعبك
ندى / تعبك راحه ثوانى
ندى تروح اوضه ابوها
ندى / معلش يا بابا هتعبك بس مدير حسام بره و كنت عوزاك تقعد معاه
ندى تساعد مصطفى يقعد على الكرسي و تزقه بره و تقفل الباب
ندى / بابا الاستاذ مصطفى عم حسام
عدنان يقوم بسرعه يساعدها
عدنان / تعبتى حالك كان فيني انا ادخله لا تؤاخذنى يا غالى
مصطفى يبتسم
ندى / بابا مش بيتكلم لسه بس بيكتب على قده خطه اتحسن كتير عن زمان … ثوانى و جايه
عدنان / خدى راحتك
ندى تدخل الاوضه و تجيب الموبايل و تتصل
ندى / انت فين
حسام / فى الشركه هكون فين يعني
ندى / عدنان هنا
حسام / عدنان مين ؟ مستر عدنان
ندى / هو انا اعرف غيره جايب ورد و جاى
ندى تلف تلاقى عدنان فى ضهرها
ندى / فى حاجه ؟ كنت ببلغ حسام ان حضرتك هنا … جاى فى الطريق
عدنان / لا تؤاخذيني بس فيني ادخل الحمام
ندى / من هنا اتفضل
ندى تشاورله يروح الحمام ندى تكمل كلام فى التليفون
ندى / ثواني و تكون قدامى دا بيتحرك فى الشقه كانها زريبه
حسام / اعملى قهوه انا فى الطريق
ندى / اما نشوف
ندى تروح المطبخ عدنان يطلع من الحمام و يقف على الباب
عدنان / لا تتعبى حالك انا مانى غريب
ندى / دى مجرد قهوه حضرتك روح بس اقعد مع بابا و انا
عدنان / حاستك مضايقه من وجودى
ندى / ابدا هو بس
عدنان / بالمناسبه
عدنان يطلع علبه قطيفه من جيبه و يفتحها قدام ندى خاتم اللماظ
عدنان / هايدي هديه صغيره ما تليق بجمالك لو تسمحيلى
عدنان يحاول يمسك ايد ندى تشد ايدها و تبصله باستغراب
عدنان / شو مو عاجبك
ندى / هو حضرتك متعود تجيب لمراتات الموظفين اللى عندك هدايا غاليه كدا و بيقبلوها عادى
عدنان / ما فيكي تقارنى حالك بحدا
ندى / لو سمحت روح اقعد مع بابا لحد ما حسام يجي
عدنان / ما فيني اتاخر اكتر من هيك
مصطفى يدخل المطبخ بالكرسي
عدنان / بلغى حسام انى نطرته … مع السلامه
عدنان يمشي و يحط الخاتم على الترابيزه و هو ماشي و يقفل الباب وراه ندى تاخد مصطفى و يطلعوا من المطبخ
ندى / اهى بلاوي و بتتحدف
…………………..
فى المحل عند على
ممدوح / ان مش معترض انكوا تسافروا و تتفسحوا بس الاولى كان العيال يجوا عندنا
على / الحجه منال فى مقام جدتهم و لتانى مره بقول لحضرتك اننا ما كناش مسافرين فسحه دى كانت ظروف و ان شاء الله مش هتتكرر
ممدوح / انا والله ما معترض بس انت عارف المدام عندى بتقلق جدا على الاولاد
على / حقها طبعا
ممدوح / انا مش عاوزك تزعل منى او تفتكرنى بدخل فى حياتكوا
على / استغفر الله ابدا
ممدوح / بس حضرتك عارف زن الحريم
على / ربنا يهدى
ممدوح / لا مؤاخذه انا كان فى حوار كدا عاوز اكلمك فيه
على / خير
ممدوح / اصل خال الولاد
على / اخو المدام ؟
ممدوح / لا خال يس و نغم ما انا ما قولتلكش اصله نزل مصر
على / ثوانى بس هو العيال ليهم خال
ممدوح / ما انا ما قولتلكش لانه كان مسافر السعوديه من سنين احنا حتى عمرنا ما شوفناه و لا جت سيرته
على / ماله يعني
ممدوح/ اصله بتاع مشاكل و كان مغلبهم
على / ماله يعني
ممدوح / ما انا قولتلك نزل مصر
على / و بعدين يعني مش فاهم
ممدوح / هو التاجر لما يفلس لا مؤاخذه بيعمل ايه … بيدور فى دفاتره القديمه
على / انت عليك ليه فلوس يعني
ممدوح/ و لا عمرى خدت منه جنيه بقولك مهاجر بقاله سنين السنين
على / لا اله الا الله طب ما تفهمنى دفاتر ايه اللى بيدور فيها
ممدوح / ورث اخته لا مؤاخذه
على / ورث اخته ازاى و هى عندها يس ولد
ممدوح / اه بس يس و نغم قصر و لا مؤاخذه فجه و اتكلم معايا انه عاوز ياخدهم و طبعا رفضت و قولتله كنت فين من ساعه ما اختك ماتت
على / هو يعرف ان العيال عندى
ممدوح / لا لسه بس اكيد هيعرف يعنى
على / و انت رايك اعمل ايه
ممدوح/ الجدع ده ابن حرام و لو عرفلك سكه مش هتسلك معاه
على / ايوه يعني ديته ايه ميته ايه
ممدوح / ما انا لو اعرف ادلك امال انا جايلك ليه
على / تمام … سبلى اسمه و عنوانه لو تعرفه و انا هسال عنه و اشوف الدنيا
ممدوح / تمام و لازم تفهم انى فى ضهرك انا الجدع ده ما برتاحلوش دا موت ابوه بقهرته دا لو خد العيال هيسوحهم
على / لا باذن الله ليها حل
ممدوح/ انا عطلتك جامد ما تاخذنيش
على / لا ما تقولش كدا بالعكس مكانك تيجي فى اى وقت
ممدوح / ربنا يكرمك يا غالى ربنا يكرمك
…………………
فى شقه حسام
حسام قاعد على الموبايل و ندى رايحه جايه و حسام مركز فى الموبايل ندى تقف فجاه و تبصله
ندى / هو انت بجد عادى يعني اللى حصل ده بالنسبالك عادى الراجل كان بيتحرك فى الشقه كانها بيته ادخل اوضه النوم يدخل ورايا ادخل المطبخ يدخل ورايا اعمل ايه
حسام / لما يجي تانى ما تفتحيش
ندى تبصله باستغراب حسام يبصلها
حسام / مش هيجي
ندى / ماشي يا حسام ماشي طب و ده
ندى تشيل علبه الخاتم من على الترابيزه و ترزعه تانى
حسام / انتى عوزاه
ندى / انت هتشلنى ايه البرود ده انت مستنى يعمل ايه اكتر من كدا عشان تتحرك
حسام / هو انتى لازم تشوفيني و انا بتحرك ما ينفعش اخد حقى بهدوء
ندى / براحتك يا بابا انا داخله انام
حسام / انا لو هللت و اتصرفت التصرفات المصريه العاديه هنا هضيع حقي و اطلع انا الغلطان لان باختصار هنا مش مصر هيقولوا الراجل عداه العيب سافر من بيروت مخصوص عشان يطمن على بنتك
ندى / انت شايف كدا
حسام/ لو عندك ذره شك واحده انى هعدى اللى حصل ده و مش هرد عليه و اخليه يفكر مليون مره قبل ما يكررها تانى
ندى / انا داخله انام
حسام / ندى
ندى / نعم
حسام / اهدى و ثقى فيا
ندى / حاضر … ما انا كدا كدا ما قداميش اختيار
حسام يبتسم و يبص فى الموبايل ندى تدخل الاوضه و تقعد جنب حبيبه
ندى / ربنا يتوب علينا يا بنتى من الهم ده
…………………
فى شقه على
نور / يعني ممكن ياخدهم
على / شششش وطى صوتك اكيد لا طبعا
نور / امال معناه ايه الكلام ده
على / انا كلمت المحامى و كلمت كذا حد يسالى عن الجدع ده و من هنا لوقتها اكون جبت قراره بس انا عاوزك تتكلمى مع العيال و تساليهم عن خالهم اى نمايه هتفرق
نور / دول عمرهم ما جابوا سيرته
على / يا ستى اسالى قرريهم زى ما عمتهم بتقررهم و تعرف عننا كل صغيره و كبيره… لو مش هتعرفى تعمليها سلميهم لامك
نور تتصدم
على / او امى عادى مش هيغلبوا فيهم
نور / ماشي سبها لله
على / كلمتى أية النهرده
نور / ما انا كنت معاها فى النادى امبارح
على / نونو حبيبتي أية ليها ظروف خاصه و انتى عرفاها انا محتاج يكون ليها اصدقاء هنا
نور / انا و أية عمرنا ما هنكون اصدقاء نص الكلام بيبقى شتيمه فى حسام و اعتزار على اللى قالته
على / يعني بتهتم بزعلك اهو و بتحاول تراضيكي و بعدين اى كلام عن حسام اعزريها حتى لو امها كانت السبب فدا ما ينفيش ان حسام كان ليه دور فى العذاب اللى هى بسه بتعيشه أية لو عرفت انها بعدت عن صحبتها الوحيده و عن اسكندريه للسبب ده ممكن تموت
نور / طب و انا فى ايدي ايه اكتر من كدا دا انا والله ما بلاقي وقت لنفسي حتى
على / والله يا نونو انا مقدر والله ما عندى اهم منك و عارف انى جاى عليكي جامد بس انا مقداميش غيرك و دى زى اختى الصغيره مش هقدر استحمل اشوفها بتتاذى اكتر من كدا مش قادر لنسي ندالتى معاها لما لجاتلى كانت مستعده تبوس رجلى و انا
نور / ما كانش انت ما كنتش على طبيعتك
على / ما ليش عزر ما تحاوليش اللى عملته مع أية هو أكبر غلطه فى حياتى يمكن لو كنت ساعدتها يمكن لو
نور / ما تحملش نفسك فوق طاقتها انا بكره الصبح هكلمها و هنروح سوا النادى او هروحلها و هحاول اعرفها على جروب الماميز بتاع النادى و اهو تلاقى ناس تانين غيرى ما اكيد انا لوحدى مش هقدر اشغل كل وقتها
على / ربنا ما يحرمنى منك ابدا يا نور
نور تبتسم على يلعب فى شعرها تضحك
…………………
فى مكتب عدنان
هدايه / و دا يخوفك فى ايه
عدنان / مانه خوف بس تقدرى تقولى قلق
هدايه / و انت على اخر الزمن هتقلق من حسام
عدنان / نحن بنعرف حسام و عقل الحيات تبعيتوا سكوتوا مو مارق على عقلى
هدايه / ما يمكن فرح بالخاتم ما انت عارف انه كلب فلوس
تليفون عدنان يرن يبص فيه
عدنان / هايدي انجى بنتى … يسعدلى هالرنات اللى عم ترقص قلبه للبابا
هدايه تكتم الضحكه عدنان يبرقلها و يشاورلها تطلع بره
عدنان / اى كادو … خاتم اللماظ … حسام زغلول
عدنان يبص لهدايه
عدنان / ايي فهمت عليك فهمت عليك .. لا مانى متفاجئ كل الموضوع ان الكادو وصلت بكير فاتفاجئت بس هايدى القصه … اهم شى انه عاجبتك … قلبه للبابا … روحى اتغدى مع رفقاتك صحتين على قلبكن … مع السلامه مع السلامه
عدنان يقفل و يحط التليفون قدامه على المكتب
هدايه/ خير
عدنان / خبرتك الحكايه ما مرقت على هيك
هدايه / مش فاهمه
عدنان / حسام قابل انجى بنتى فى النادى و خبرها انى وصيته ينقى هديه حلوه و يعطيها اياها
هدايه / اداها الخاتم الالماظ اللى اديته لندى
عدنان / القصه ما بدها حكى بيخبرنى بعد عن مرته و الا راح يقرب من بنتى
هدايه / و انت ناوى تعمل ايه
عدنان / بالظبط متل ما عمل
هدايه / يعني هتحاول تانى
عدنان / انجى ما راح تعطيه وج هيدا مانوا رجال عزابى لتقرب منه
هدايه / و ندى كمان ما افتكرش طريقك معاها سهل الحل الوحيد انها تعرف حقيقه اللى حسام عمله
عدنان / هيدا الكارت ما فينا نحرقه فى اول اللعبه
هدايه / تحرقه ايه انت بمرواحك لندى حرقت حسام ذات نفسه وجوده وسطينا بقي خطر علينا
عدنان / ما بظن كيف ما قلتى حسام كلب مصارى رجال غيره ما كان فوت لحظه على اللى صار و جالى ركض يقوصنى بنص قلبي
هدايه / ما هو راح لبنتك هو يعني سكت
عدنان / رجعلى مصاريي و بنتى اولى من الغريب
هدايه / انا ما عدتش فاهمه اى حاجه خالص
عدنان / هيك اريح شو راح يفيدك الفهم
هدايه / على رايك ههههههههههههههه
…………………
فى شقه ندى
ندى / اتاخرت كدا ليه
حسام / كنت برجع الخاتم لمستر عدنان عشان تبطلى زن على امى
ندى / و بعدين
حسام / و لا قبلين زى ما قولتلك بالظبط ما كانش قصدى و دى قد بنتى و انا اسف لو حصل سوء تفاهم و بس
ندى / و انت صدقته
حسام / المهم انها ما تتكررش
ندى / معاك حق
حسام / انا ما اقدرش اسيب الشغل على الاقل مش دلوقت
ندى / بس الراجل ده
حسام / ما لكيش دعوه بيه و هو مش هيجى هنا تانى
ندى / و ان جه
حسام / ما تفتحيش عندك عين سحريه فى الباب ما تفتحيش
ندى / تمام يا حسام
حسام / هو مش هيجى تانى ما تخافيش
ندى / تمام خلاص … تحب اغرفلك
حسام / مش دلوقت نقنقت فى الطريق ممكن كمان شوية لما اجوع
ندى / تمام
حسام / اخبار الشغل ايه
ندى / كويس انك فكرتنى دى لسته الحاجات اللى انطلبت منى شوف هتقدر توفرها امتى و توصلها للناس امتى و ازاى
ندى تجرى تجيب ورقه و تديها لحسام يبتسم
حسام / بكره الصبح هظبطلك كل حاجه ما تشغليش بالك
ندى / طب اقول للناس ايه الشحن هيتكلف كام و هيوصل امتى
حسام / قوليلهم الحاجه هتوصل بعد بكره و الشحن تلاتين جنيه على الاوردر
ندى / ازاى يعني
حسام/ كل المنتجات دى موجوده فى الصيدليه فى مصر
ندى / عند نور
حسام / عند نور هبعتلهم يوصوها للعملا بتوعك ة يلموا الفلوس و يحطوها فى حسابى و اول ما توصل انا هديكي نسبتك
ندى / بس انا قولتلهم انها حاجات مستورده
حسام / ما هى كلها مستورده فعلا بس موجوده فى الصيدليه عند نور
ندى / امال بياخدوها منى ليه
حسام / لانك عامله خصم عن الصيدليه
ندى / امال انا بعد عمولتى انت هتكسب ايه
حسام/ لا ما تقلقيش مستحضرات التجميل بناخد عليها كوميشن كويس و كويس اوى كمان خصوصا المستورد
ندى / تمام
حسام / عاوز اخدك افتحلك حساب فى البنك
ندى / هنا ؟
حسام / تحبى تفتحى فى مصر ؟
ندى / ينفع ؟
حسام / كل حاجه تنفع شوفى عاوزه تعملى ايه و انا اظبطلك الدنيا
ندى / شكرا
حسام / حاف كدا
ندى / و انت ما بتعملش حاجه لوجه الله ابدا
حسام / لا ما بعملش بس بعمل لوجهك انتى
ندى / ما ينفعش تقول كدا حرام
حسام / مش فايق اجادل و ما تغيريش المواضيع انا مدلعك اهو انا بقي امتى هتدلع
ندى / لما يبقي بابا ينام
حسام / ايه ده هو عمى صاحي
ندى / اه صاحي بيقرا كتاب فى البلكونه
حسام / مش معاده يعني المفروض كان نام من بدرى
ندى / ما هو نام فعلا و لسه صاحي من شويه
حسام يبتسم
حسام / يعني سهرتنا صباحى بقي
ندى / حسام عيب
حسام / ماشي … عشان بصراحه انا كمان مرهق من الطريق بس بكره بابا يظبط معاد نومه عشان ما نضطرش نسيبه لوحده صاحى و ندخل ننام احنا
حسام يسيب ندى و يدخل اوضته و ندى واقفه تفرك
……………………
فى فيلا عدنان
انجى / ايي بعرف انه متزوج و عنده حبيبه كتير مهضومه و حبوبه
عدنان / هيك ما عطاكى الكادو و فل اخدتوا و عطيتوا بالحكى
انجى / ايى مو خبرتك اننا راح نتغدى سوا
عدنان / انتى و رفقاتك
انجى / و حسام اجى معنا و حلف انه عازمنا
عدنان / شو فيكي انتى تضهرى مع رجال متزوج ما فيني افهم
انجى / شو فيك يا بابا حسام شب كتير ظريف و ربايه على الاخير و خبرنى كتير اشيا عنك و عن مصر بتعرف شو حسام عزمنا نقضي الاجازه تبعيتنا بمصر كتير اشتاقت روح لمصر
عدنان / بوديكي مصر انتى و مين ما بدك بس حسام هيدا ما فيكي تكلميه
انجى / ليش
عدنان / هيك بدى ما فى سبب للحكى بيناتكن اصلا
انجى / بس ما فى مانع نكون رفقات على السوشيال ميديا
عدنان / بلا حكى بلا طعمه انجى شو خصك برجال متزوج ما فيها تضايق لمرته اذا عرفت انكوا صرتوا رفقات على السوشيال ميديا
انجى / شو عم تقول يا بابا ندى بنت كتير ظريفه و انا كتير حبيتها
عدنان / بالله راسي راح تنفجر امتين لحقتى تتعرفى على مرته للزلمه
انجى / اتصلت فيه لحسام على الموبايل و حكينا كتير عن لبنان و اتفقنا راح نتقابل بشي محل لما تجى على بيروت
عدنان / انا ما فيني احكى بها الموضوع اكتر من هيك انهى هالقصه باولها احسن ما فيكي تتعاملى مع هادول ناس
انجى / كيف ما فيني و كيف مانن مناح مو انت كنت عازمتن حدك عالضيعه فى الويك ايند ما روحت تطمن على حبيبه بته لحسام ما طلبت من ندى تختارلى هالخاتم لانه عجبك زوقها اكتر من زوق هدايه بالأصل ما كنت بحب زوقها لهيك بنت عاطله
عدنان / بالله شو
انجى / بابا … انا مانى بنت صغيره و ما فيك تخبرنى مين راح احكى و مين لا
عدنان / معك حق اعملى كيف ما بدك … بتعرفى شو كلميها لندى خليها تيجي هون تتعرف على الماما
انجى / بس ما فيني اعمل هيك الا اما اخبر الماما بالاول انت بتعرفها كتير بتعصب من هيك شغلات
عدنان / رتبيها كيف ما بدك هلا بستاذنك ما فيني استنى ولا لحظه بدى نام كتير تعبان
انجى / سلامتك يا قلب الانجى تصبح على خير
عدنان / و انتى الخير يا عيون البابا
عدنان يطلع على فوق و انجى مبسوطه
………………….
فى شقه ندى
ندى / انا مالى و مال بنته لا طبعا مش رايحه
حسام / الراجل عشان يثبتلك حسن نيته عازمنا المرادى عنده فى البيت نقضي اليوم مع اسرته مراته و بنته اللى تقريبا قدك فى السن و اولاده الصغيرين
ندى / انا يا حسام عاوزه ابقي فى حال لا ليا دعوه لا بعدنان و لا باسره عدنان الفاضله انا الراجل ده قفلنى منه لتلاتين سنه قدام
حسام / طب ممكن اعزمها انا هنا
ندى / هو انا بتكلم عبرى
حسام / ما هو انا مش فاهم اى سبب لعندك ده
ندى / اعمل اللى انت عاوزه بس قسما بالله الراجل ده لو حاول يقرب منى تانى
حسام / انتى اتجننتى يا بنتى هو هيقرب منك و اسكتله
ندى / و انت يعني عملت ايه المره اللى فاتت
حسام / لا والله عملت و عملت كتير كمان
ندى/ واضح بدليل
حسام / بدليل ان معادتش هدايه اللى فى الصوره معاكى دى بقت انجى بنته و مدام لينا مراته يعنى اكيد مش هيقل معاكى فى وجودى و وجودهم و مش هيقل معاكى اصلا لانك هتسيحيله عندهم
ندى / يعني انت عاوز ايه دلوقت
حسام / الويك ايند الجايه ننزل احنا التلاته بيروت
ندى / و بابا
حسام / هجبله ممرض يقعد معاه و بعدين احنا مش هنبات دى فسحه يوم كدا و هنرجع علاطول
ندى / مش مرتاحه
حسام / جربى هتخسرى ايه وقت ما تضايقي اعملى زى الفرح كلمونى عشان بابا هنمشي علاطول
ندى / هنمشي علاطول
حسام/ و لا ثانيه زياده وعد
ندى/ ماشي اما نشوف خليني وراك
حسام / تكسبي خليكي ورايا هتكسبي
ندى تبصله و تسكت
…………………….
فى عياده النسا
نور / يعني انا حامل!!
على / احمدك و اشكر فضلك يا رب
نور / انا حامل يا على
على / الحمد لله الف مبروك
الدكتوره/ طبعا مش محتاجه اوصيكوا الراحه ثم الراحه ثم الراحه
على / انا مش هخليها تحط ايدها فى قشايه
نور / انا مش هقوم من السرير اصلا
الدكتوره / هههههههههههههه مش للدرجادى بس مش هيخسر … المهم تلتزمى بالعلاج ده و تتغذى كويس و ان شاء الله اشوفك الشهر الجاى للمتابعه
على / باذن الله
نور / هو انا هقدر اسمع النبض امتى
الدكتوره / ههههههههههههه قريب ان شاء الله
نور / تمام شكرا اوى شكرا بجد
الدكتوره / على ايه بس انا ما عملتش حاجه ربنا يتملك على خير
على / امين
على و نور يطلعوا بره العياده
نور / انا مش مصدقه نفسي اخيرا بقيت حامل يعني عشت طول الفتره فاكره انى عمرى ما هكون ام و انا
على / حيلك حيلك اهدى كدا و بلاش تاخدى الامور على صدرك
نور / يعني ايه
على / يعني احنا لسه فى الاول يعني تهدى و ترتاحى و بلاش الحماس الزايد ده
نور / انت اصلك مش حاسس و لا متخيل انا فرحانه لدرجه انى ممكن ارقص فى الشارع دلوقت
على / ههههههههههههههه لا هتلسعى منى و لا ايه لا اهدى كدا و واعقلي مش عاوزين فضايح و بعدين الدكتوره تقول راحه تقولى رقص الا ما عملتيهالى
نور / اخص عليك
نور تركب العربيه و على يركب
نور / يعني انا عمرى ما رقصتلك
على / مش فاكر
نور / زى القطط
على / احنا نروح و انا هكلمهم فى المحل يبعتولنا اكله حلوه تاكلى و ترتاحى و هكلم ماما و طنط منال يجوا ياكلوا معانا ايه رايك و نخلى طنط تجيب عمر و أيه كمان
نور / بلاش يا على
على / بلاش ايه
نور / بلاش تقول على الحمل دلوقت خليه شويه لما يثبت
على / طب لما مامتك تسال عملتوا ايه هتقوليلها ايه
نور / هقولها الحقيقه بس ماما مش هتقول
على / غير لعمتك … ان امى تعرف انك حامل هيشيل من علينا ضغط كبير انتى فاهمه صح
نور / بس
على / و أية اصلا حامل يعني لا هتبصلك و لا هيفرق معاها اصلا و بعدين الحمل ما بيستخباش
نور تغطى بطنها بايديها
نور / انا خايفه
على / و انا كمان … طبيعى على فكره بس احنا مؤمنين سبيها على الله ما وصلناش للمرحله دى بشطارتنا يعني
نور / و نعم بالله معاك حق بس
على / بقولك ايه انا هروح اشترى حلويات و ساقع و هخربها النهرده معايا ؟؟
نور / قشطه معاك طبعا
على / على بركه الله
………………..
فى فيلا عدنان
حسام و ندى يدخلوا و حسام شايل حبيبه و ندى شايله علبه
انجى / اهلين بالغوالى
حسام / اسف جدا على التاخير بس الطريق
انجى / ما فيك تعتزر بعرفها هيك عجئه … انجى
ندى / ندى … اهلا اتفضلى دى حاجه صغيره عشانك
انجى / عذبتى حالك … ميرسي
حسام / حبيبه بنتنا
انجى / حبيبه قلبي شو هالحلا بتقبرنى هيك نظرات
حسام / انجى بتعشق حاجه اسمها عيال صغيره
عدنان يدخل و معاه واحده ست جميله جدا
عدنان / و مين ما فيه يعشق هيك ملاك
حسام / اهلا عدنان بيك … اهلا لينا هانم
لينا / اهلين فيك … عدنان خبرنى كتير اشيا عنك لدرجه انى ما اتخيلت ابدا تكون هالقد صغير
عدنان / هايدى ضريبه العبقريه … لينا مرتى … مدام ندى مرته لحسام
لينا / اديش عمرك … شو هايدى مؤامره لتحسسونى قديش كبرت و لا شو
ندى / هههههههههههه ازاى بس دا اللى يشوف حضرتك عمره ما يتخيل انك مامه الانسه انجى
انجى / بلاها اللقاب خلينا رفقات احسن
ندى / دا يشرف
عدنان / كنت متاكد انكوا راح تتفقوا بس اوعاكوا تتفقوا علينا دير بالك حسام
حسام / سبق السيف العزل يا مستر
لينا / اتفضلوا من هون … خليتهم يسولوكوا اشهى الاكلات اللبنانيه ما راح تلاقى اطيب منها
لينا تمشي والكل يمشي وراها
عدنان / بس ما فيكوا تفكروا انها هى اللى طابختن كاسه شاى ما فيها تسوى
لينا / عدنان
عدنان / بالله شو امتين اخر مره طعمتينا من ايدك
انجى / انا شخصيا مانى متزكره
حسام / على فكره اى حد يقدر يطبخ بس اللى يجيلوا مزاج
عدنان / بس مدام ندى مزاجها غير مو هيك
ندى / انا ما بعرفش اطبخ و خاربه بيته دليفرى
عدنان / و شو فيها اللى متلكن مكانهم مو بالمطبخ مكانهن بقلوب عشاقن
يدللوهن و يدلعون
لينا / لا تؤاخذوه هيك بيكون عدنان طول الوقت
حسام / بس دى الحقيقه يا مدام لينا
الكل يقعد و عدنان يعدل لندى الكرسي حسام يبصله
عدنان / هات عنك ليك تعرف تاخد راحتك فى الاكل
حسام / لا ما تشغلش بالك انا واخد عليهم خد بالك انت بس من مدام لينا اولى
لينا / لا تتعب حالك هيدا الحكى ولا انا بزمناتى كان يركض ورايا ركض هلا … مانو حتى شايفني
عدنان / مظلوم والله مظلوم من شان مين عم اشتغل ليل نهار انا مو منشان اوفرلك احلى عيشه و احققلك كل احلامك انتى و الاولاد
ندى / بس فى الاخر هتصحى تلاقى نفسك مستر بنك
حسام يمسك ايد ندى و يتك عليها بالراحه
لينا / كل الناس بتحتاج للمصارى منشان تعيش بس احيانا بتلاقى ناس بتعيش بس من شان تجمع المصارى
عدنان / يقوم الله يرزقهم بناس تانيه عايشه من شان بس تصرف هادول المصارى
انجى / بكفاياكوا مزح بيفكروكوا عم تتكلموا جد لا تؤاخذونا هيك بتكون لمتنا مزح و ضحك و ما فيها و لا كلمه جد
حسام / امال الاولاد الصغيرين فين
لينا / فى النادى مع رفقاتن هيك سهرات ما بتلبقلن
عدنان / هيك احسن نعرف نحكى على رواق
ندى / شكلها عملت هاتها اغيرلها
انجى / فينى ساعدك ؟
ندى و انجى يقوموا و ندى تاخد حبيبه و يمشوا
لينا / ميرسي كتير على الخاتم كتير عاجبنى زوقك
حسام/ و انا عملت ايه بس دا حق و رجع لاصحابه و لا ايه يا عدنان بيه
عدنان / حسام من اكفئ و امهر الناس اللى بتقابليهن بحياتك عن جد ما تلاقى متله
حسام / دا من زوقك طبعا
…………………….
فى شقه نور
ليلى / لا لو على الراحه انا هعملك الاكل و اللفهولك على التسخين
امانى / و يسخنوا ليه و ياكلوا بايت ليه دا انا اطلعلهم الاكل صابح بصابح دى حامل و محتاجه غذى مش تاكل الاكل بعد ما التلاجه و لا الفريزر خدوا خيره
ليلى / خدوا خيره !!! ليه ما بتفرزيش خالص لا فراخ و لا بانيه و لا خضار مانجه مثلا
امانى / لا الفراخ و اللحمه حاجه و الخضار حاجه تانيه
على / انا هبقي اطبخلها و لا اجيب جاهز كتر خيركوا
امانى / لا اسمع انا عارفه ان المحل عندك نضيف و كل حاجه بس دى حامل تاكل خضار طبيخ غذى مش بيتزا و كريب و شاورما
نور / يعنى هم شويه الاكل اللى هيتعبونى
امانى / و لا اكل و لا غيره و هبقي اشوفلك واحده تنضفلك
ليلى / البت اللى بتيجي تنضفلى حلوه اوى هخليها تجيلك مرتين فى الاسبوع و هاجى اقف على ايديها لحد ما تخلص بس ابقي شوفى تصريفه للعيال اليومين دول عشان نعرف ننجز
امانى / حقه دا العيال دول مولهم موال عيل بيجرى كدا يديكي ضربه كدا
على / يس و نغم مش اشقيه ما تقلقوش
ليلى / لا يا على برده بيحتاجوا خدمه
على / انا هخدمهم
ليلى / و انت هتعمل ايه و لا ايه شغلك و لا هتطبخ و لا تنضف
جرس الباب يضرب على يقوم
على / ربنا يقدرنى
على يفتح يلاقى شاب غريب الكل يسكت
على / اؤمر
الشاب / دى شقه الاستاذ على حقى
على / انا على اؤمر
الشاب / انا بلال الصاوى خال يس و نغم اللى حضرتك واخدهم عندك فى البيت
على / اه اهلا و سهلا اتفضل اتفضل
بلال يدخل و الكل متابعه
بلال / انا اسف لو كنت جيت فى وقت مش مناسب
على / لا ازاى بيتك اتفضل
على يغمز لنور على جوه تقوم
نور / تعالى يا ماما نكمل كلامنا جوه
على / اعملولنا شاى
نور و امانى و ليلى يدخلوا جوه
بلال / هو يس و نغم مش هنا ولا ايه
على / لا فى النادى مع عمهم اسف مع اخويا … اتفضل اتفضل
بلال / الحقيقه انا غلبت مع الاستاذ ممدوح لحد ما ادانى العنوان كان مسوحنى
على / حصل خير
بلال / حصل خير … هو الاولاد هيتاخروا
على يبص على الساعه
على / لا خلصوا و زمانهم فى الطريق ليلى تدخل شايله صينيه الشاى على يجرى ياخدها منها و يقدمها للراجل
على / اتفضل
بلال / تسلم ايدك … اكيد الأستاذ ممدوح قالك انى طالب حضانه ولاد اختى
على / الحقيقه اللى اعرفه برده ان حضرتك لا متجوز و لا حتى بتشتغل
بلال / انا محاسب فى السعوديه من اكتر من عشر سنين
على / يا ما شاء الله
بلال / بس منه لله بقي الكفيل كان راجل واطى بعيد عنك
على / خساره فيه الحسنات
بلال / على رايك سرقنى و استحل شقايا و تعبى قولت انا بقيلى ايه فى الغربه انا انزل اضم لحمى بدل ما هم بيتربوا فى بيوت الغرب
على / والله انا مش معترض بس حضرتك هتراعيهم ازاى برده و انت لا متجوز و لا بتشتغل حضرتك سبت السعوديه و نزلت مصر على الاقل خليهم عندى لحد ما اوضاعك تستقر
بلال / يبقي قطعنا نص الطريق
على / ممكن توضح معلش
بلال / اصل انا كنت فاكر انها هتبقي سكه محاكم و كدا بس حضرتك كدا ريحتنى انك مش معترض تدينى الاولاد
على / اديك انهى أولاد يس و نغم ليهم حياتهم برده بيروحوا تمرين و فى مدرسين بيجولهم البيت ليهم سيستم حياه حضرتك مش هتقدر عليه خصوصا انك لوحدك يعني حضرتك فى الشغل الصبح هتسيبهم فين
بلال / ما ليهم مدارسهم
على / هتطلع من الشغل تاخدهم من المدرسه و تروحوا سوا تقصد ؟ طب و فى اجازاتهم طب لو مواعيد شغل حضرتك اتغيرت طب مين هياكلهم هيهتم بيهم
بلال / انا كنت عشر سنين عاذب لوحدى فى الغربه يعني الحاجات دى بقيت شاطر فيها
على / و مصاريفهم
بلال / هم ولاد اختى و لا ولاد اختك انا يا سيدي كفيل بيهم كتر خيرك لحد كدا
جرس الباب يضرب على يقوم يفتح يلاقي عمر و أية و يس ونغم
عمر / معلش اتاخرنا الدنيا امم فوق بعض … انت عندك ضيوف
بلال / ازيك يا يس ايه يا حبيبي مش فاكرنى و لا ايه
……………………..
فى جنينه فيلا عدنان
ندى / لا ما هو حسام كمان كان عاوز كدا بس انا بابا و حبيبه صعب اسيبهم كل يوم و انزل الجامعه هنا
انجى / مو انتى فايتى للبابا تبعيتك هلا مع مرافق ليش ما فيكي تجيبى بيبي ستر لحبيبه و تروحى و تيجي كيف ما بدك لبنان من اجمل بلدان العالم و انتى فايتيها و ضاله بالبيت
ندى / الظروف بقي غصب عنى
هدايه تدخل انجى تتخنق
هدايه / مساء الخير زينه الصبايا البابا موجود
انجى / ايي جوه اتفضلى
هدايه / ازيك يا ندى منوره
ندى / المكان منور باهله
هدايه / كان نفسي اقف معاكوا بس معايا ورق مستعجل لازم عدنان بيه يمضيه حالا
انجى / فوتى لجوه اكيد اتفضلى
هدايه تبتسم و تدخل جوه
ندى / ما بطيقهاش البت دى
انجى / و مين فيه يتحملها اصلا هيك بنت عاطله كتير اترجيته للبابا انه يقلعها من الشغل بس بعمره ما يرضي تحسي انه فيه يقلعنى انا من هون و هدايه لا حدا يقرب منها و لا يجيب سيرتها حتى كتير بكرهها هالبنت
ندى / عارفه النوعيه دى
انجى / نوعيتها لهدايه و لا نوعيته للبابا
ندى تتنهد
ندى / الاتنين … هو احنا سبنا بيروت من شويه
انجى / بس البابا كتير بيحبه لحسام و خبرنا قديش هو شاطر و ذكى و لماح و انه مكسب كبير لأله و للشركه
ندى / ربنا يحفظه بس
انجى / هدايه كتير مسيطره على بابا و الشركه و الشغل حتى هون بالبيت بتدخل بكل صغيره و كبيره و حاشره منخاره اللى راح يجي يوم و اقطعلها اياه بس حتى الماما ما فيها تعمل شى يمكن لو حسام قدر يقرب من البابا
ندى / ما افتكرش حسام يقدر ياخد مكان هدايه
انجى / كتير ضاق صدرى بهيك كلمات
ندى / انا اسفه اكيد ما اقصدش بس
انجى / بعرف بعرف مانى جديده عالوضع و بعرف امنيح كيف هيك حيه بتبرم منيح حوالين البابا
ندى / ربنا يهدى الجميع
انجى / كتير ارتحتلك مو راح كذب كنت راسمه كتير امال ان حسام يساعدنى نتخلص من هدايه
ندى / انا ما اعرفش يمكن حسام فعلا يكون يقدر يساعدك انا عارفه قد ايه حسام ذكى و بيعرف يوصل للى هو عاوزه بس انا ما اعرفش فى الموضوع ده بالتحديد يقدر و لا لا
انجى / فيكي تتكلمى معه الكل بيعرف قديش خاطرك غالى حده و ما راح يرفضلك طلب و انا مستعده اعمل كيف ما بده كل شى راح يطلبه راح سويه بس هالحيه تخرج من حياته للبابا
ندى / طب افرضى خرجت و باباكى جاب غيرها اصل النوعيه دى من الرجاله مش هتفرق معاهم واحده بعينها … انا اسفه انا عديت حدودى بس انا مش هكدب عليكي … انا والدى و والدتى كانت بينهم نفس نوعيه الخلافات دى … ماما ممكن تغلط فى اى حد حتى لو بابا شخصيا بس لو غلطت فى واحده معينه بابا بيثور بشكل مبالغ فيه حتى على ماما نفسها
انجى / فهمت عليكي و ما اتغير ابدا
ندى / ماما اتوفت .. و هو ما استحملش و اتشل زى ما انتى عارفه
انجى / بس انا ما راح افقد الامل بضل حاول و احاول لاخر نفس فيني
ندى / و انا لو اقدر اساعدك اكيد مش هتاخر
انجى / كنت بعرف ان فيني اثق فيكي
………………….
فى شقه على
يس / بس انا عاوز افضل هنا مع بابا على
بلال / ايوه بس دا مش ابوك يا يس انا خالك يا حبيبي
نغم / انا ما اعرفكش
بلال / انا كنت مسافر يا حبيبتي انا كنت بكلم ماما كتير فى التليفون
نغم / انا مش عاوزه امشي من هنا انا بحب بابا على
بلال يبص لعلى
على / ادخلوا كلوا لقمه جوه يا اولاد
يس و نغم يجروا على جوه
على / حضرتك قولتلى انك محاسب
بلال / ايوه
على / حضرتك بتدور على شغل
بلال/ ايوه بس حضرتك عارف انه مش سهل فى مصر تلاقى شغل كويس بمرتب مناسب فعشان كدا كنت ناوى افتح مشروع شخصي
على / فكره ممتازه ايه الفكره اللى فى دماغك
بلال / كافيه او …
على / ما فيش اكتر من الكافيهات فى البلد
عمر / و اكيد عشان تبان محتاج تعمل حاجه مطرقعه
على / و دى هتحتاج فلوس كتير اوى
عمر / و وقت و مجهود و تفرغ
بلال / ما انا اكيد مش هعمله لوحدى انا فعلا بدور على شركا يدخلوا معايا فى المشروع
على / طب ايه رايك فى مشروع احسن و فى مجال تخصصك و مش هيكلفك جنيه واحد
بلال / ايدي على كتفك
على / احنا بنتعامل مع شركه محاسبات ناحله وبرنا انا عندى مطعمين و عمر عنده محلين موبايلات كل حساباتهم بتراجعها نفس الشركه ايه رايك انقل ملفاتهم ليك و واحده واحده مع شويه دعايه هتقدر تجيب موظفين تانين يشتغلوا تحت ايدك و تستقطب شركات تانيه تمسك حساباتهم
بلال / هو تخصصي فعلا بس دا محتاج شبكه علاقات كويسه عشان الناس تثق فيا و تسلمنى حساباتهم و انا زى ما حضرتك عارف كنت مسافر لفتره طويله و ما حدش يعرفنى هنا
على / بسيطه انا هوصى عليك معارفى الموردين اللى بيجيبولى الخامات
عمر / و انا كمان بس لازم الاول يشوفوا نتايج شغلك معانا فيثقوا فيك يعني مساله وقت مش اكتر مع شويه دعايا بقي و انت و شطارتك
بلال / بس الكافيه
عمر / الكافيه ما بيفتحش فى يوم و ليله لسه على ما تجمع الشركه و تلاقى المكان و تبدا فى الديكورات هتاخد شهور دا لو الفلوس حاضره
على / و اكيد الفلوس اللى هتلمها من شركه الحسابات هتفرق فى نسبتك فى الكافيه
بلال / كلام معقول والله و مقنع بس
على / بس ايه
بلال / هنعمل ايه فى يس و نغم
عمر / حضرتك جيت فجاه و شوفت قد ايه حياتهم مستقره و مع ناس بيحبوهم يبقي ليه بقي تلبخ نفسك بيهم و تبوظلهم حياتهم ما تركز فى حياتك و تقدر تيجي تطمن عليهم فى اى وقت
على / و على فكره عندى شقه حلوه و سعرها حنين تنفع مقر للشركه بتاعتك
بلال / ما انا كنت بفكر فى شقه اختى الله يرحمها
على / الشقه متاجره بعقد خمس سنين
بلال / عليك نور و لما سالت عرفت ان اللى بياخد الايجار ده الاستاذ ممدوح و مراته يعني حتى ولاد اختى ما بيستفادوش بيه
على / دا بينك و بينهم بقي انا شخصيا ما اقدرش ادخل فيه
عمر / فكر فى اللى قولنالك عليك و دورها فى دماغك و ربنا يقدم اللى فيه الخير
بلال / بس انا العيال وحشيني اوى
على / و ماله حضرتك تقدر تيجي تطمن عليهم فى اى وقت و ممكن نتقابل فى النادى بره و تشوفهم و هم بيمرنوا
عمر / على فكره مستواهم حلو جدا
بلال/ ما شاء الله لا نبقي نتفرج عليهم بقي
على / الشاى برد ثوانى اجبلك بداله و لا اقولك هجيلك ساقع علاطول
بلال/ انا تقلت عليكوا
على / يا راجل ما تقولش كدا احنا بقينا اهل ثوانى و جاى
على يشيل الصينيه و يدخل المطبخ نور توقفه
نور / هياخدهم ؟؟
امانى تدخل
امانى / خير و بركه جت من عند ربنا
نور / هياخدهم يا على ؟؟
على / ما تخافيش ما حدش هياخدهم مننا
نور / بجد يا على اقنعته
امانى / انتى عاوزه تنقطيني
نور / لو سمحتى بقي يا ماما مش وقتك … الولاد نفسيتهم وحشه اوى جوه
على / خشي كلميهم و طمنيهم هو جاى يطمن عليهم بس ما حدش هيقدر ياخدهم مننا
امانى / انتوا غاويين تعب
على يفتح التلاجه و يطلع كنزات و كاسات من الرف و يحطها على الصينيه و يطلع بره
امانى / الصبر من عندك يارب لحسن ما عدتش قادره استحمل
……………….
فى شقه حسام
حسام / يعنى قريتوا فتحه هدايه خلاص
ندى / و انا فى ايدي ايه اعمله اصلا
حسام / مش عارف بس انا معاكوا
ندى / انا مشكلتى مش فى هدايه انا مشكلتى اكبر منها بكتبر
حسام / هو انا قولتلك ان نور حامل
ندى / بتهزر العمليه نجحت … العمليه نجحت … احمدك و اشكر فضلك يارب احمدك و اشكر فضلك يا رب
ندى تقوم تجرى تجيب التليفون
حسام / كلمونى من مصر و بلغونى بالخبر
ندى / مش بترد
حسام يديها موبايله
حسام / تلاقيها مش فاتحه نت كلميها دولى من عندى
ندى تاخد منه الموبايل و هى مبتسمه
حسام / انا برده قولت ده هيغير مودك
ندى / مودى دا انا هاين عليا ازغرط
حسام / ههههههههههههه
ندى / قلبي
نور / حبيبي … قالك ؟
ندى / الف مبروك يا قلبي الف مليون مبروك انا فرحانه لدرجه ان رجليا مش لامسه الارض
نور / ربنا يخليكي ليا و ما يحرمنى منك ابدا
ندى / نونو خدى بالك من نفسك
نور / انتى بتقولى فيها دا الكل هنا … استنى أية عاوزه تسلم عليكي
ندى / هاتيها
أية / وحشنى موت حاولت اكلمك كتير النهرده
ندى / كنت بره لسه داخلين البيت من شويه
أية / المهم انك بخير
ندى / الحمد لله عاملين ايه والبيبي عامل ايه
أية / لسه طبيعي بس قلقانه حاسه كدا ان موجه الترجيع جايه
ندى / دى فتره مقرفه
أية / ما تخوفينيش بقي
ندى / لا انشفى انتى قدها
أية / خدى نور عوزاكى
نور / انتى متصله دولى اكلمك فيديو كول اوفر
ندى / لا خليكي مع ضيوفك كفايا اطمنت عليكوا
نور / حبيبتى ما اتحرمش سلام
ندى / سلام
ندى تقفل و تدى لحسام الموبايل
ندى / شكرا
حسام / تؤمرى و انا هعوز ايه اكتر من انى اشوفك فرحانه اوى كدا
حسام يحط ايده على خد ندى تبعد
ندى / يااااه دا الوقت اتاخر و انا تعبانه اوى … انا هدخل انام بقي حبه قبل ما حبيبه تصحى
حسام يبتسم و يهز راسه ندى تقوم تدخل جوه و هو متابعها
…………………..
فى شقه نور
يس / لو ولد هنسميه محمود
على / اشمعن محمود انت عارف ان محمود اسم بابا الله يرحمه
يس / و اسم صاحبى انا كمان
نور / طب و لو جت بنت
يس / ما كفايا بنات بقي مش كفايا نغم
نغم / لو بنت انا اللى هسميها
نور / و مش عاوزه تشتركى فى اسم الولد
نغم / ممكن نسميه ريان
نور / زميلك فى التمرين !!
يس / لو ولد هيبقي محمود و لو بنت يارا
على / بقولكوا ايه احنا نكتب ورقه و نعمل قرعه
نور / انا كان نفسي فى همس اوى زمان
على / الاسامى كتير اوى بس كدا كدا هيجي باسمه فمش هنختلف من دلوقت
نغم / انا معايا بنت فى الفصل اسمها بتول
على / لا مش هنخلص كدا انتوا تناموا دلوقت و نبقي نشوف موضوع الاسامى ده بعدين
يس / انا مش جايلى نوم لسه بدرى
نور / كل يوم بتقول كدا و اول ما بنطفى النور اول واحد بتنام انت
يس / النهرده لا
نور / تصبح على خير يا حبيبي
نور تحضنهم و تبوسهم و على يحضن و يبوس و يطلعوا بره نور تطفى النور و توارب الباب و هى لسه ماسكه الاوكره و تبص لعلى
على / ايه؟؟
نور / بحبك اوى
على / و انا كمان بحبك دلوقت خشي ارتاحى و انا هشطب المطبخ ما فيهوش كبايه نضيفه
نور / سيبه للصبح هبقي اعمله
على / انسي مامتك هتصحى تيجي تطب علينا و دى اول حاجه هتشيك عليها
نور / طب اجى اساعدك
على / يا بنتى ارتاحى يومين ايام الشقا اللى على حق لسه جايه
نور / الله يطمنك … فرحان
على / جدا فوق ما تتخيلى … حاجه كنت فاكر انى ضحيت بيها و فقدت فيها الامل و فجاه الامل يرجعلى حتى الفتره اللى فاتت ما كنتش معشم نفسي كنت بعتبر الفلوس دى كلها ضايعه و بقول اهو ما ابقاش بخلت عليها بحاجه و لا حرمتها من حاجه
نور / و طلعت ما ضاعتش طلع فعلا فى امل و طلع رزقى معاك انت حلمى اتحقق بيك انت
على / نور انا مش عاوز اكون كئيب بس انا بجد خايف عليكي
نور / من الحمل تقصد
على / من النصيب ما حدش عارف بكره مخبى ايه و الرزق هيجي امتى
نور / تقصد ايه
على / هو اه فى امل و الحمد لله بتحملى بس برده تسع شهور فتره طويله ممكن اى حاجه تحصل فيها
نور / ما تكملش ان شاء الله تكمل على خير ما تكسرش فرحتى
على / معاكى حق انا اسف و بعدين انا مش بقول كدا عشان … انا بس خايف عليكي انتى عندى اهم من مليون عيل
نور / و العيل ده اهم عندى من نفسي يا على عشان خاطرى
على يبوس راسها
على / روحى ارتاحى و انا ربعايه و جايلك
نور تبتسم و تهز راسها لا
نور / و انا مش هقدر ابعد عنك الربعايه دى رجلى على رجلك
على يبتسم و يهز راسه موافق
……………….
فى الشركه عند حسام
حسام بيتكلم فى التليفون
حسام / طب ما تبعتيلى بيانات الراجل ده يمكن اقدر اساعد فى حاجه
نور / بجد ممكن تساعد؟ هتعمل ايه يعني ؟
حسام / هقتله …هعمل ايه يعني يا نور هشوفله شغلانه هنا فيبعد عن مصر خالص و ينسي ولاد اخوه دول
نور / ما هم فعلا قعدوا يشوفوله شغلانات تبعهم عشان يتلهى عن الولاد بس
حسام / مصر غير لبنان مصر هيبقي فاضيلكوا رايح جاى يتسلى عليكوا و هيخلى العيال دول مسمار جحا
نور / انت بتقول فيها ما جوز عمتهم كل ما يلاقي نفسه جعان يجي المحل و يقعد مع على و على يفضل يضايف فيه لحد ما يمشي و بيقعد بقي يرغى فى اى كلام
حسام / ما على برده فاتح سكه لو سكه
نور / ما نقدرش انت عارف احنا متعلقين بيهم قد ايه
حسام / بس دلوقت الوضع اتغير و بصراحه انا شايف انهم
نور / ما ينفعش دا انا روحى فيهم و ربنا يقدرنى و ما افرقش بينهم ابدا فى المعامله
حسام / خلاص انا هشوفله شغلانه هنا فى الشركه مش هو محاسب قولتى
نور / محاسب ايوه كان شغال بقاله عشر سنين فى السعوديه
حسام / خلى على يبعتلى اسمع و رقمه و انا هعمل اللى اقدر عليه
نور / ربنا ما يحرمنى منك ابدا ربنا يخليك ليا
حسام / قلب اخوكى يا بت
نور / مش هعطلك بقي سلام
حسام / سلام
حسام يقفل و يتصل بعدنان
حسام / صباح الخير يا بوس
عدنان / يسعدلى صباحك يا غالى
حسام / كنت طلبت منى طريقه نظبط بيها الشغل
عدنان / هيك الحكى بيكون
حسام / بس الموضوع هيحتاج منك خدمه صغيره عشان تسهل عليا الدنيا
عدنان / شو ما بدك انت بس خبرنى شو بتريد و اعتبره نافذ
حسام / حبيبي يا بوس
……………………
على قهوه
عمر / انا ما اعرفوش عشان اديله حساباتى انا سايرتك امبارح عشان نكسب وقت بس انت كدا بتلف حبل حوالين رقبتك و بتسلمهوله و دا شكله راجل واطى و هيضيعنا
على / انا اكيد مش هعتمد عليه يعني و لا هرضالك الاذيه
عمر / طب رسيني ناوى على ايه
على / مش عارف انا كمان بكسب وقت هعمل ايه يعني
عمر / هو انت ناوى تكمل فى حكايه العيال دى لحد امتى
على يبص لعمر
عمر / هو مش ربنا كرمكوا خلاص
على / ما فكرتش لحظه انه ممكن يكون كرمنا عشان احنا كافلين العيال دى فى بيتنا
عمر / وجهه نظر طبعا بس اديك شايف كل يومين هيطلعلك حد بحجه العيال دول وعلى راي المثل يا مربى فى غير ولدك يا بانى فى غير ملكك
تليفون على يرن
على / جبنا فى سيره القط مش كنا افتكرنا مليون جنيه
عمر / و لا عشره جنيه كانت جت رد رد شوفه عاوز ايه
على يهز راسه و يرد
على / عم الناس ازيك
بلال / ازيك يا استاذ على يارب ما اكونش بكلمك فى وقت مش مناسب
على / ابدا ابدا اؤمر
بلال/ انا والله محرج منك انا عارف اننا لسه متكامين امبارح
على / بالله عليك ما توترنى و تخش فى الموضوع علاطول
بلال / اصل انا بصراحه بكلمك اعتزر انا مش هقدر اجى النهرده اشوف الشقه زى ما اتفقنا
على / خير فى حاجه و لا ايه
بلال / اصل فى شركه ادويه كبيره فى لبنان كلمتنى و عاوزيني اسافر اشتغل محاسب هناك
على يبص لعمر
على / يعني هتسافر
بلال/ بصراحه العرض مغرى اوى و دى فرصه بتيجي فى العمر مره واحده و ان كان على الاولاد انا كدا اطمنت انهم فى ايد امينه
على / على بركه الله مش هتحتاج اى حاجه
بلال / كتر خيرك ان شاء الله هبقي استاذنك اجى اطمن على الاولاد مره كمان قبل ما اسافر
على / انت تؤمر يا نهار ابيض
بلال / ربنا يباركلك هستاذن اقفل بقي عشان نازل اخلص شويه حاجات كدا
على / ربنا معاك لو احتجت اى حاجه كلمنى ما تتكسفش
بلال / ربنا يكرمك فى حفظ الله
على يقفل و عمر مش على بعضه
عمر / طمنى بيقولك ايه
على / مش جاى جاتله وظيفه فى شركه ادويه فى لبنان
عمر / هههههههههههه و الله و طلعنا منك بحاجه يا حسام الكلب
على / ليه و فلوس العمليه
عمر / انت مش قولت هتردهاله
على / جمعتله منها مبلغ بس لسه
عمر / ناقصك كام بكره حسابه يتقفل مش عاوزين منه جمايل
على / شايلك للتقيله قوم يلا نمشي ما لهاش لزمه العطله دى
عمر / قوم يلا
……………………
فى شقه ندى
ندى بتكلم نور فيديو كول
نور / لا كل الاوردرات بتاعتك اتسلمت من نص ساعه الله ينور الصراحه
ندى / بصراحه ما كنتش فاكره انى هقدر اسوق لبوسه حتى بالسرعه دى
نور / ههههههههههههههههه مسخره
ندى / بفكر ادخل فى جروبات لبنانيه و اسوق هنا كمان
نور / شوفى حسام الاول
ندى / اكيد كمان مش عاوزه اشتت نفسي خصوصا مع الدراسه و كدا
نور / ايه الاخبار صحيح
ندى / بصي هو اللى فهمته ان الورق خلصان بس لازم استنى الكام شهر دول عشان اقدر ابدء الدراسه مع انهم هنا بيقولولى اقدم هنا و خلاص و هيوصوا عليا و كدا
نور / طب و ماله ما تقدمى هى الكليه تبقي كليه و هى فى البيت دى اجمل ايام حياتك
ندى / الكلام ده فات اوانه خلاص انا عندى هنا مسؤليات
نور / جت يعني على الكام ساعه بتوع الكليه هاتى حد
ندى / بصي انا ممكن اجرب كمان سنتين و لا حاجه لما حبيبه تنزل الحضانه بس دلوقت عشان السنه دى كمان ما تروحش عليا خليني اقدم و اللحقها
نور / ربنا معاكى يا بنتى … عامله ايه مع حسام
ندى / هعمل ايه يعني
نور / رجعتوا طبيعي و لا لسه الحوار اللى حصل ماثر عليكوا
ندى / مفيش حاجه بترجع زى ما كانت لا انا انا و لا هو هينفع يبقي زى ما كان
نور / ليه
ندى تبتسم بحزن
ندى / انا تعبانه اوى … كارهه نفسي و … عارفه … بسال نفسي و اقول ما فى ستات كتير عايشين و راضين بظروف اقل من اللى انا فيها دى بكتير اشمعن انا اللى مش قادره ارضي … يمكن عشان الوضع اتفرض عليا يمكن عشان احساسي بالعجز مخليني متمرده على وضعى و كرهاه
نور / ما هو قالك هيطلقك و يسبلك حبيبه
ندى / قالها و هو مطمن انى … كسر جناحاتى و فتحلى القفص و قالى طيرى
نور / حرام عليكي بعد كل ده
ندى / ربنا يهنيكي يا نور ربنا ما يكتب عليكي اللى انا فيه
نور تبصلها بحزن
نور / طب قوليلى يقدر يعمل ايه عشان يضيع احساسك ده
ندى / و لا اى حاجه كتر خيره اويني انا و ابويا و مش ناقصنا حاجه
ندى تمسح دموعها
نور / انا بجد
ندى / هو شيطان مش اكتر انا ماليش غير حسام و كتر خيره انه لسه باقي عليا
نور / يبقي اهبل لو ضيعك من ايده
ندى تبتسم
نور / والله بيحبك و بيتمنالك الرضا ترضي
ندى / و انا راضيه
نور / ما تقومى تصلى يا ندى صلى كدا و ادعى
ندى / اقول ايه
نور / اى حاجه اللى يجي فى بالك انا الفتره اللى فاتت انا و على كنا بنصلى كتير اوى
ندى / انا عمرى ما صليت
نور / عارفه بس دا ما يمنعش انك لسه فيها صلى و اغسلي قلبك من الهم ده و انطرى الشيطان ده
ندى / تفتكرى
نور / يعني ما بتصليش و عاوزه حياتك سعيده ازاى يا ندى
ندى / اتغيرتى
نور / كلنا اتغيرنا كلنا كبرنا
ندى تبتسم
نور / ايه رايك احنا الاتنين نقفل و نقوم نصلى
ندى / قومى تعالى
نور تبتسم
نور / سلام يا حوبي
ندى / سلام يا احلى اخت فى الدنيا
ندى تقفل حسام يدخل
حسام/ نونو
ندى تطلع بره
حسام / وحشتيني
…………………
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية سلف ودين)
تعليق واحد