رواية سكرتي الفصل الخامس 5 بقلم إسراء عبدالموجود

رواية سكرتي الفصل الخامس 5 بقلم إسراء عبدالموجود

رواية سكرتي البارت الخامس

رواية سكرتي الجزء الخامس

رواية سكرتي الحلقة الخامسة

لم يكن عابد يوما من محبى المشاكل أو إثاره الشغب ولكن هذه المره كان ومختلفا وتفكيره فى تلك المدعوة ناهد يبدو أنها لم تكتف بما فعلت بل أتت أيضا تخطط لشيء ما ويبدو أنه لن ينتظر طويلا حتى يعلم ما هو فقد احضرت المخرج وشاديه معها تخبرهم بتصرفات ابنتها بطريقه غبيه تصرخ وتصيح عن تصرفات غير لائقه مع ابنة خالتها عارضة الأزياء المشهوره التي تنم عن غيرتها منها وفشلها فى أن تكون عارضة أزياء كحال قريبتها لتعود ذاك بالشغب رغم كل محاولات عابد للصمت وتمالك نفسه لكنها كانت بلا فائدة بالمرة
– أنا مش شايف سبب لكل العصبيه دي فى الأول وفي الآخر هي تبقى بنت خالتها هي زى أختها ايه المشكله لما يهزروا فى الكلام مع بعض عادي يعني ملهاش لازمة كل العصبية والزعيق ده والمفروض إنهم كبار مش شوية أطفال أى حاجة تحصل تجرى تحكيها وتقولها لوالدتها
ضاقت به شاديه وهى تراه يتدخل في حياتها وحياة ابنتها موافقا على تصرف الآخيرة ويدعمه أيضا
– أنا مش قولت لك قبل كده ما تدخلش بيني وبين ابنتي الحوار ده يخصنا حوار عائلي ملكش علاقه به ثانيا بقى همسه غلطت و هتعتذر من بنت خالتها قدام الكل عشان تتعلم ما تعملش غلطه زي دي ثاني يلا يا همسة اعتذرى منها
امسك عابد بيديها حتى لا تنفذ كلام شاديه في تحدي منه لها فهى الأم لكنها لا تحمى ولا تدافع عن ابنتها مطلقا وكأنها غريبة عنها وليس من دمها لأجل أخرى مهما كانت الصلة بينهما
– همسة ما عملتش حاجه أنا اللي عملت كل حاجه يبقى هى تعتذر بالنيابه عني ليه المفروض إن أنا اللي اعتذر مش هى ده غير إنها غلطت فيا وتطاولت عليا بأسلوب وقح لما تبقى هى تعتذر ابقى افكر ساعتها هعتذر منها ولا لا
تدخل المخرج فى الحوار دون طلب منهم قبل أن يتحول الموضوع لمشكلة كبيرة بموقع التصوير ويسبب الأضرار له
– تمام طالما مش هى اللى غلطت يبقى المفروض تعتذر زي ما حضرتك عارف هي مين نونه الموديل المشهوره بدل ما تقف قصدها بالشكل وتدخل نفسك في مشاكل أنت مش قدها
وتعمد عابد التصرف وكأن يسخر من طريقته متعمد التقلل منهم مزيحا ذاك الغرور جانبا وبعيدا عنهم
– أول مره اسمع باسم موديل مشهوره اسمها نونة فين دي وبعدين هي اللي قالت ادبها الأول لما تعتذر عن كل الكلام اللي قالته وتصرفها الوقح غير كده مفيش عندى اعتذار لحد وخصوصا الناس اللي ما بتعرفش تتعامل مع الناس اللي أهم منها والمحترمة عنها

تحملت شادية الكثير لكنها ضاقت درعا بهذا وقبل أن تتخذ تصرفا واحدا كانت ناهد هى من تتصدى لهمسة تنوى قتلها فهى السبب
– لا بقى كده كثير أنا مش هقف اتفرج على المهزلة دي أنتى السبب في كل ده أنا مش عارفه أنتى ايه اللي جابك في مكان زي ده ازاي أصلا الأمن سمحوا لوحدة زيك تدخل هنا أنتى اللي زيك المفروض ما حدش بيشوف وشهم أصلا ده أنا بنكسف اقول إنك بنت خالتي أصلا ده أنا نونة وخالتي شادية هانم يبقى لنا قريبة زيك أنتى
شعرت همسة بالحزن يطغى عليها من كلام ناهد الجارح عن كونها تخجل منها وهى لم تفعل ما يجعلها تخفض رأسها بسببها وكان رد والدتها أشد عليها
– مش هتتغير هتفضل طول عمرها مش نافعه تعمل حاجه خالص في حياتها دائما فاشله لا شكل لا هدف أنا اللي تعبت نفسى وجبتها لحد هنا عشان يمكن المخرج يقبل بها وتلاقي شغل بس الهانم برده حتى فى ده غبية مش عارفه تعملها ولا تعرف تعمل حاجه في حياتها دي ملهاش أي لازمه فى الدنيا زي ناس كثير سيبك منها وتعالى مش مستاهله نضيع وقتنا عشانها ممكن أنتى اللي تعملي الاعلان أكيد طبعا المخرج مش هيرفض لك طلب
ولكن كلام عابد كان بمثابة الصدمة لهمسة فقد كان وكأنه تحول لشخص آخر مختلف وكلماته التي جعلتها تنظر له مثلهم
– تصدقي عندك حق نونة فعلا مش هينفع الدور ده لحد غيرها أصل هى والمخرج الأثنين شبه بعض لايقين على بعض قوى ولحسن الحظ همسة مش شبهم خالص
بعد نصف ساعه كان عابد يدخل إلى مكتبه وهو يلقي بنفسه على الكرسي ذاك المكان ليس سوى غرفه صغيره تم تأجيرها حتى يفتح له مكتب هندسي مع رفيقه وتقريبا هما الوحيدان به لكنه يحاول أن ينجح ويصنع لنفسه اسما دخل عليه رفيقه أكمل
– عملت ايه بقى مع صالح بيه اداك الفلوس ولا لسه دى بقية الحساب بتاع المشروع اللى انتهى وشغلنا خلص معه
رفع رأسه لصديقه وهو يقول بسخريه
– لا ما اخدتش بقية الحساب صالح بيه عايزه نعمل اعلان عن الوحده السكنيه ومنتظر كمان الاعلان يعجبه وبعد كده نأخد بقية الحساب غير كده هو مش راضي يدينا بقية حسابنا
اضحت معالم عدم التصديق على وجهه وقد فقد صبره

– نعم يعني ايه مش عايز يدينا بقية حسابنا ده كنت وديته فى ستين داهيه في عقد بينا واضح ما ينفعش اللي بيعمله ده بعدين أنت تاخرت قوي كده ليه شكلك باين أنك متضايق
رد عليه عيب بازعاج بكلام غير واضح أو مفهوم بالنسبة له مجرد ألغاز
– أنا مش عارف هى زعلت ليه يعني ما قلتش حاجه تزعلها تفتكري أنا قولت كلمه وفهمتها غلط بس كنت كويس معها وبتتكلم عادي لما جيت مشيت ملقتش حد ورايا وكأنها اختفت اتبخرت فى الجو
أكمل بعدم فهم لمعظم الكلام لكنه يحاول فهم صديقه المقرب وشريكه بالعمل
– أنت بتدور على ايه ورقه يعنى في المشروع مثلا ولا ايه لو قلت يمكن الاقيه في المكتب ولا حاجه أو ندور عليها سوا واساعدك فيها
لكن عابد صرخ بوجهه
– نعم يا اخويا تدور على مين ما تحترم نفسك هو أنت عشان صاحبي ولا ايه لا خذ بالك الكلام ده ما فهوش هزار أنت ما تدخلش في الموضوع ده ثاني

يتبع….

لقراءة الفصل التالي : اضغط هنا

لقراءة الرواية كاملة اضغط على : (رواية سكرتي)